動漫資訊

EVA官家啤牌 專醫賴皮唔洗牌
by / on 06/12/2012 at 1:00 pm

EVA官家啤牌 專醫賴皮唔洗牌

  聽晚打算約錢兄、尉遲兄打橋牌,不過呢兩條友有兩個好壞0既習慣,尉遲兄唔理輸贏都鍾意賽後檢討,不過呢樣係世紀絕症,做兄弟嘅只有忍!錢兄就鍾意賴皮/唔洗牌,不過今後我有方法治佢喇!就係靠EVA呢幅啤牌,有咗佢相信錢兄今後會洗心革面爭住洗! 顏色係紅黑紅紅黑,就係咁簡單!公仔轉為NERV圖案同出場機械,絕對唔係山寨嘢,係正廠Official!開價1,470日圓,為兄弟做深切治療,雖然幾貴,貴過我平時買開嘅金「刀」,但我覺得就算要借財仔都要買!12月下旬日本推出!     相關資訊【有片】睇咗當玩咗 《巨影都市》Evangelion決戰Gameplay合集 (Oct 24, 2017) 有片:美女魔術師估啤牌 估錯即除衫 (Aug 23, 2017)

Read more ›

Hello Kitty又嚟玩街霸 Sario出新Tee再扮春麗
by / on 06/12/2012 at 9:49 am

Hello Kitty又嚟玩街霸 Sario出新Tee再扮春麗

今次大Project,唔只Hello Kitty又扮春麗又扮印度佬,仲有Keroppi扮Blanka、布甸狗扮蘇聯佬、Melody扮Cammy,搞笑造型仲可以著上身,有男女裝Tee,每件$26美元。另外,亦有高63cm嘅Figure推出。同時,Kitty又同初音未來合作,戴個假髮就出吊飾,有興趣嘅就要留意下,或者上網訂喇。 相關資訊哥斯拉 X Sanrio出產品 賣萌扮Hello Kitty啜手指 (Sep 2, 2017) 終於有廣告賣 《街霸》軍佬賣日本J-gel影相做訪問 (Aug 3, 2017)

Read more ›
激情專題 中西AV玩轉ACG 封面大集合
by / on 05/12/2012 at 10:41 pm

激情專題 中西AV玩轉ACG 封面大集合

日本AV好多元化,我唔係鼓吹大家去睇,因為唔鼓吹大家都會睇,只係想集合少少歷年AV做個專題,初音走唔甩,仲有美少女戰士、涼宮春日、K-on、Macross F、女神異聞錄、FF……話時話,班女優真係Cos得好專業。咦?日本睇得多啦,仲有西方嘅作品喎!Metal Gear大蛇叔!?Halo士官長唔著衫?ASS Creed!?Mass Effect又少咗個「M」字,呢啲英文名真係笑死我!不過!GamoverHK唔係18禁,所以,入面得封面冇seed,童叟無欺,入嚟開吓眼界好喇。 相關資訊快過製作人 TMA《Nier》版謎片即將推出 女角係…… (Oct 19, 2017) PornHub網站新科技 認樣認人認埋動作 (Oct 18, 2017)

Read more ›
祥焜望住滔滔流水,一臉無奈。
by / on 05/12/2012 at 7:18 pm

奉有機網諭:還祥焜人情相機!

一向好鍾意祥焜,有型有格好Outstanding,淨係大熱天時都堅持著皮褸鐵鏈尖釘鞋,已經值得對佢令眼相看。佢畫公仔靚故事有內涵,估到,夾Band夠Rock夠勞嘈,都估到,係估唔到佢連結婚都可以上報紙咁盞鬼啫。 相關資訊【新片速報】影相靠天份+技術 真人實證「相機平貴」唔重要 (Jun 14, 2017) 【有片】攝影師自製超巨型相機cosplay 真係影得識閃光 (Nov 2, 2016)

Read more ›
直直bird極 極品級《街頭霸王 II》漫畫
by / on 05/12/2012 at 12:25 pm

直直bird極 極品級《街頭霸王 II》漫畫

1993年,你幾多歲?做緊咩?我十幾歲人,可能都係打緊《街霸 II》。我記得當時打機之餘,港漫畫家許景琛都有畫過《街頭霸王 II》漫畫,仲有一本唔知咩鬼,當中有豪鬼懲罰阿Ken一幕,我諗起都縮一縮!但係都唔夠呢本外國網站share出嚟嘅勁,美式風格,1993年推出,裏頭有當然動作場面,而且仲有春麗同阿隆嘅情慾場面,如果我當時睇到呢本嘢,心智可能會更唔正常咁發展…… 相關資訊蘇聯佬生日賀圖 阿隆春麗俾驚喜 (Jun 2, 2017) 【有片】失明機迷打贏《Street Fighter V》比賽 自細聽聲玩《街霸2》 (Apr 3, 2017)

Read more ›
深入解構《Love Plus》女朋友用咩耳筒?
by / on 05/12/2012 at 12:13 pm

深入解構《Love Plus》女朋友用咩耳筒?

對動漫、遊戲瘋狂嘅,當然唔只日本機迷。日本動漫、遊戲女主角鍾意載大大個耳筒嘛,最近2ch討論區就有人發現有外國ACG迷發掘咗一班動漫、遊戲女主角用咩型號耳筒,列出型號之餘仲有埋價錢同規格,好認真。當中,就有《Love Plus》三大女角用嘅耳筒型號,你會唔會想同佢哋情侶裝? 相關資訊有片:日本石頭藝術師拍耳筒廣告 砌石有錢途 (Dec 8, 2016) 好有型!發光耳筒線 跟beat轉色紅綠藍 (Feb 6, 2015)

Read more ›

日本插畫好大膽 政治人物變萌女!
by / on 04/12/2012 at 10:18 pm

日本插畫好大膽 政治人物變萌女!

厲害!日本真係一個好厲害嘅國家,啱啱有一日名為《にょたいか!!世界の独裁者列伝》嘅書出咗,書入面全部都係世界各地歷史中嘅政治人物,包括希特拉、金日成、毛澤東、卡達菲、候賽因等等,而參與嘅插畫家就有西E田、野上武志等等,係,啲美少女係好萌,但咁玩法,真係膽大過袋。

Read more ›
北京Iron Man 頭盔之後 砌齊全身
by / on 04/12/2012 at 9:00 pm

北京Iron Man 頭盔之後 砌齊全身

之前報導過,有個中國人整咗個好高水準嘅Iron Man頭盔,真係可以自動開蓋同著燈。呢位神人,叫王康,亦即係「康康康濕傅」。今年27歲嘅佢兩年前已經做過全套Iron Man Mark I(入面有片睇),而Mark III頭盔之後呢?原來佢已經著手整緊全套裝甲!外國有傳媒直擊佢位於北京嘅工作室,呢位讀完media design學位嘅神人,2010年港產片《槍王之王》去大陸宣傳都搵咗佢做道具槍…… 相關資訊【圖集】超迷你首飾Etsy有得買 小王子/Iron Man極細緻 (Mar 21, 2017) 【_ 出國際】大陸30米版Hulkbuster 蟻俠變大唔使怕 (Feb 24, 2017)

Read more ›
新片速報 重製《Pokemon Gold/Silver》變做第一身 免費下載玩
by / on 04/12/2012 at 10:36 am

新片速報 重製《Pokemon Gold/Silver》變做第一身 免費下載玩

西方國家嘅機迷,技術高之餘,時間真係好多,難怪退休最想移民澳洲加拿大,唔係,應該係話呢啲地方嘅生活,就好似退咗休咁。講番正經,外國有fans對寵物小精靈好有愛,對NDS隻《Pokémon Gold/Silver》更有愛,竟然將遊戲重製變成3D第一身視點版本,仲有得俾人下載慢慢玩!聖誕假咁長,玩啦! 相關資訊超可愛比卡超毛毛拖鞋 一踩識著燈冬天必備 (Nov 8, 2017) 比卡超出新杯 唔見樣見下半身 (Nov 3, 2017)

Read more ›
德甲(精靈)球迷 型爆綠茵場
by / on 04/12/2012 at 8:00 am

德甲(精靈)球迷 型爆綠茵場

啱啱星期六有場德甲大波,拜仁慕尼黑對多蒙特,完場1比1。不過有睇場波嘅可能最記得係下半場有個(精靈)球迷跑入場。呢位西人打扮非常咁回到未來,背住個比卡超背囊已經夠搶眼,仲有佢條超緊身褲都算喇,佢仲要攝件衫入條貼身牛仔褲入面!加埋佢個雙勝利手勢,令人有返番80年代嘅感覺。呢幾張相連ESPN都有報導,比卡超真係好威水。喂!唔使咁大力嘛,痛o架! 相關資訊日本畫師眼中的「火箭隊」 武藏/小次郎大解放 (Oct 26, 2017) 百變怪大量產品 《Pokémon》伸縮自在潛力高 (Oct 15, 2017)

Read more ›
新片速報 CNN專訪 井上雄彥即場畫
by / on 04/12/2012 at 7:00 am

新片速報 CNN專訪 井上雄彥即場畫

咩叫神級漫畫?係當你睇完《Slam Dunk》,你就會即時想落街打籃球!睇到《Real》講父子情一段,你會即劇想返屋企同老豆飲茶!《浪客行》你仲會逐格慢慢睇,嘆佢越趨化境嘅畫功!如果佢o依家講一句會畫《Slam Dunk》續集,我真係會興奮到請假10日狂打籃球。井上雄彥啱啱接受咗CNN專訪,5分鐘片段講自己畫漫畫嘅心情、創作嘅心德、做漫畫家嘅瘋狂之處,佢仲露兩手即席喺鏡頭前用毛筆畫宮本武藏、小次郎,係冇提過有冇可能再入樽啫……啱啱返工返學,做咩嘢吖!睇咗個訪問先啦,唔識日文都唔怕,有英文字幕呀! 相關資訊日本復刻《Slam Dunk》月曆 20年前產品10月賣街 (Oct 3, 2017) 【有片】現實中還原 《Slam Dunk》櫻木、宮城突襲山王 (May 23, 2017)

Read more ›

2012日本吉祥物選舉 659萬票選10強
by / on 03/12/2012 at 9:12 pm

2012日本吉祥物選舉 659萬票選10強

日本真係好興吉祥物,噚晚見到蜜瓜有啦,今次就輪到唔同縣嘅吉祥物。自從2010年開始,日本每年都會舉行吉祥物選舉,今年「吉祥物 Grand Prix 2012」就合共收到659萬嘅選票,從865個官方吉祥物中選出咗10強,都係以動物為主,好鬼cutie。仲有,入面仲有上年冠軍熊本縣嘅熊人先生表演一邊揮手一邊踩單車! 相關資訊下周推出 日本Lotteria超級牛扒漢堡 (Nov 19, 2017) 日日追Deadline 日本話題書名作家格言「護身符」 (Nov 19, 2017)

Read more ›
六粒差一粒 《龍珠Z 神與神》前賣券公佈
by / on 03/12/2012 at 5:38 pm

六粒差一粒 《龍珠Z 神與神》前賣券公佈

相隔15年,新一套劇場版《龍珠Z 神與神》日本將會喺下年3月30日上映。啱啱官方就公開前賣劵內容,12月15日開始發售,禮品就係龍珠型嘅原子筆,仲要分兩SET,每Set三粒,咦?咁仲有一粒,就係四星龍珠!佢個宣傳都有問,到底點樣儲得齊七粒,叫神龍出嚟呢?另外,之前亦都公佈咗尾田栄一郎同鳥山明合作嘅《ONE PIECE FILM Z》X《龍珠Z 神與神》插圖。 相關資訊【有片】4日過150萬Views 35分鐘真人版人造人 VS 悟飯/杜拉格斯 (Nov 18, 2017) 62歲大師 《龍珠》作者鳥山明近照曝光 (Nov 16, 2017)

Read more ›
新片速報 超像真立體畫 一星期1,300萬Views
by / on 03/12/2012 at 12:28 pm

新片速報 超像真立體畫 一星期1,300萬Views

  唔好相信眼前嘅事物!你睇吓幅相,個扭計骰同你講唔係真嘅你都唔信啦!仲有卷膠紙,假嘅話我吞咗佢!但事實,你睇過條片就知,的的確確係一張立體畫!片段中用人手轉動張紙,冇花冇假,到最後,仲有一隻Converse,仲有一隻貓!嘩!好恐怖!放咗喺Youtube一個星期就有過1,300萬個views,唔知破唔破到PSY紀錄呢? 相關資訊【新片速報】日本超強畫家 4個鐘畫立體三文治Twitter熱傳 (Sep 4, 2017) 【有片】超正3D立體畫 Deadpool坐枱邊/ 皮鞋真嘅一樣 (Jul 26, 2016)

Read more ›
新片速報 台場高達聖誕亮燈實況
by / on 03/12/2012 at 10:12 am

新片速報 台場高達聖誕亮燈實況

嘩,讀書嘅唔駛講嘢,今個月考完試放長假,唔打機都唔知做咩好!返工嘅都唔錯,又有冬至,又有聖誕假紅日,都係歡樂天地!有冇計劃去日本旅行,如果有,你一定要俾女友睇吓呢條片,去台場潮聖睇高達唔悶o架。呢條係日本網友拍攝台場1比1高達聖誕燈飾亮燈當日嘅情況,加晒快鏡咁,又燈飾又音樂又投射影片,去啦去啦!如果諗住留喺香港,更加要睇吓呢條片,輕輕感受吓,好過冇! 相關資訊【真正Newtype】好多顏色 Gundam RX-78-2出Keyboard (Nov 18, 2017) 聖誕台場高達玩溜冰 獨角獸高達正式變身聖誕樹? (Nov 17, 2017)

Read more ›