動漫資訊

限量1,000架 1/18《Evangelion》NERV官用車發售
by / on 01/11/2012 at 11:03 pm

限量1,000架 1/18《Evangelion》NERV官用車發售

呢部「ヱヴァンゲリヲン新劇場版:破 Nerv Official Business Coupe【NERV官用車(作戦部1課管轄)】」,係第二集裏面,里美車明日香去試三號機嗰架車,亦即係綾波透過電話同明日香講多謝嗰吓。不過,[真係得個望字!係,賣18,900円之嘛,有愛嘅話真係唔算啲咩,但佢限量1,000部,莫講話買,見得到你都時運有番咁上下高。啱啱日本喺10月下旬出咗,香港唔知有冇,有唔應單聲我知……比例係1/18,全長22.3cm,仲包一個明日香同一個葛城美里,唉,入面有日本網站影嘅實物介紹圖,睇咗當買咗啦! 相關資訊New Balance x 《Evangelion》出鞋 9月9日開賣鞋袋超靚 (Sep 7, 2017) 新幹線福音戰士 「500 TYPE EVA」出玩具可變形 (Aug 31, 2017)

Read more ›

新片速報《Evangelion新劇場版:Q》新角色新機體曝光!!
by / on 01/11/2012 at 8:54 pm

新片速報《Evangelion新劇場版:Q》新角色新機體曝光!!

大鑊!估唔到咁大鑊!11月17日喺日本上映嘅《Evangelion新劇場版:Q》又有新預告片登場,以為都係嗰啲剪剪埋埋炒埋一碟配啲鋼琴聲,點知!有新角色登場!仲有新機體!睇啲配色似係真希波專用,不過個賣相就有啲大鑊,仲有,兩名新女角色登場,到底係咩人!呀呀呀呀呀呀呀呀……點o架香港幾時上呀?我要去日本呀呀呀呀呀呀!12月21日有咩事睇唔到佢,我真係唔眼閉o架! 相關資訊日本品牌推出《Street Fighter》內衣 春麗Cammy套裝開訂 (Aug 30, 2017) 「鎌倉ぼんぼり祭り」庵野秀明親筆畫 《Evangelion: 3.0+1.0》新2號機? (Aug 6, 2017)

Read more ›
愛藏心底裏 Evangelion X Hello Kitty男裝內褲
by / on 01/11/2012 at 3:35 pm

愛藏心底裏 Evangelion X Hello Kitty男裝內褲

一個雄糾糾嘅硬漢子,都總會有柔情一面,但我明,世俗嘅眼光未必接受到男人老狗鍾意Hello Kitty……咁我哋唯有將對佢嘅愛放喺褲入面啦。頂!Evangelion X Hello Kitty都唔係第一次,但竟然出底褲,仲要係男裝!Monogram Kitty蝴蝶結,中間攝咗幾隻綾波Kitty同綾波喵出嚟……賣2,940円一條,包裝又真係精美。同時,為慶祝《Evangelion新劇場版:Q》11月17日上映,同日亦會推出限量3000部特別色汽車導航機,初號機帶路,綾波麗把聲叫你轉左轉右,可惜,香港用唔到,如果唔係我日日返工條路都開住佢嘈怨巴閉。 相關資訊哥斯拉 X Sanrio出產品 賣萌扮Hello Kitty啜手指 (Sep 2, 2017) 又有動靜!《Evangelion新劇場版》結局 khara官方出新圖 (Aug 1, 2017)

Read more ›
新片速報 迪士尼官方片玩黑武士 侵略城堡騎馬仔
by / on 01/11/2012 at 12:49 pm

新片速報 迪士尼官方片玩黑武士 侵略城堡騎馬仔

噚日就報導咗迪士尼用咗$40億美元收購咗LucasFilm,咁黑武士呢班孤兒仔點呢?俾人玩囉!俾人蝦囉!迪士尼樂園官方啱啱發佈咗一條名為「Darth Vader: What Are You Going to Do Next?」嘅短片,就係黑武士喺兩個白兵護送之下去到樂園玩,冇嘴飲唔到嘢之餘,仲要玩騎馬仔同機動遊戲,之後,穿過睡公主城堡……點解!點解佢明明戴住頭盔,但我都好似睇到黑武士流露無奈嘅表情?唔通我感受到Dark side嘅呼喚,叫我入大嶼山……? 相關資訊雨中倒影圖 日本網民影迪士尼 VS 環球影城 (Sep 18, 2017) 小熊維尼卡啦OK咪 送畀女友無壞 (Sep 7, 2017)

Read more ›
無吹水,瑞新呢張海報係咪型到爆先?
by / on 01/11/2012 at 12:00 pm

邱瑞新漫畫版《紮職》海報曝光

呢期唔知點解咁多黑社會電影上演,繼王晶開拍《古惑仔之江湖新秩序》後,陳翊恆又開拍《紮職》,前者有老牌導演王晶加老牌漫畫《古惑仔》作後盾,牌面強勁;後者用新晉導演陳翊恆加自度新故事,Cast無疑削咗啲。 相關資訊瑞新玩咁大?一槍啪低道理哥? (May 10, 2017) 《火武耀揚》加價至$20 汗青究竟幾多歲Die? (Jan 26, 2017)

Read more ›
小姐邊位?明日香 PS Home變臉
by / on 01/11/2012 at 8:47 am

小姐邊位?明日香 PS Home變臉

有留意Gameover又鐘意《Evangelion》嘅,可能留意倒凡係有關EVA嘅消息,編輯錢無義都一定衝出嚟報導,但今次點解由Reika寫呢?唔,講返段新聞先,之前《Evangelion》宣佈同PlayStation Home合作,推出綾波麗、碇真嗣同埋明日香嘅服裝下載,前兩個角色己經有得賣,第三彈嘅明日香就啱啱今日開始下載,服裝賣500円、假髮250円,唔貴吖,但係當你睇倒明日香個樣‥‥‥肥腫難分,唔係見倒套衫真係唔知佢係邊位,如果你睇完都決定下載,咁你真係嫁得過,因為外表對你嚟講就如浮雲。好嘞,咁你明點解錢無義唔寫啦‥‥‥ 相關資訊【回帶】日本名古屋市長新cosplay造型 扮碇司令超認真 (Aug 3, 2017) 【有片】庵野秀明今次玩車 拍Honda新廣告 (Jul 31, 2017)

Read more ›

今日開幕!《我係小忌廉》主題Cafe
by / on 01/11/2012 at 8:31 am

今日開幕!《我係小忌廉》主題Cafe

之前已經報導過,位於九龍灣嘅日和号(Nippon Sushi Dining)Crossover《我係小忌廉》嘅概念餐廳即將開幕,喺今個周六仲會有記者會,更請嚟作者高田明美嚟香港剪綵!最新消息係原來餐廳會喺今日(1日)就已經開始營業,周六係隆重開幕儀式,當率先體驗呢個動畫集體回憶,今日放工就去啦!仲可以俾個驚喜女朋友添呀!至於開幕盛況,今個周末就緊貼GameoverHK啦! 相關資訊假手加Oculus Rift 日本《我係小忌廉》虛擬握手會 (Apr 14, 2014) 40歲Hello Kitty X 30歲小忌廉 中女老貓合體攻擊 (Feb 4, 2014)

Read more ›
LEGO聖誕村 16/11踩落時代廣場
by / on 30/10/2012 at 5:12 pm

LEGO聖誕村 16/11踩落時代廣場

  繼叮噹做海港城企街後,今次另一經典LEGO人仔都插旗時代廣場!今個聖誕,時代廣場與LEGO攜手舉辦LEGO 80週年慶典,於時代廣場露天廣場和二樓大堂為您帶來「LEGO聖誕村」。聖誕村由11組各式LEGO主題房屋、火車、電車、花園等組成,還有更多新奇主題讓你親自探索。 相關資訊自製LEGO求職公仔搵工 超正設計不計成本 (Sep 22, 2017) 《天使的微笑》展覽移師動漫基地續辦 買畫集做善事 (Sep 8, 2017)

Read more ›
MegaBox開小忌廉餐廳 高田明美將親來剪綵
by / on 30/10/2012 at 9:24 am

MegaBox開小忌廉餐廳 高田明美將親來剪綵

  星空裏萬物在轉,歷億萬年,星飛過願望實現,力量像一個神仙……相信一眾老動漫迷,都應該知我唱緊《我係小忌廉》!估唔到喺香港,都會有一日推出首間打正名號、以crossover主題為概念嘅餐廳──日和号(Nippon Sushi Dining)!而且開幕日,仲會請嚟原作者高田明美小剪綵同即場繪畫漫畫手稿,OMG!雖然我係IT記者,當日我一定假扮食版記者入現睇! 相關資訊日本出內衣 《我係小忌廉》無「小桃」有兩隻喵 (Jun 9, 2016) 偶像與貓《我係小忌廉》X《Hello Kitty》推出手機殼 (Jun 25, 2014)

Read more ›
秋葉原cafe 女僕變喪屍 食手指奄列飯
by / on 30/10/2012 at 9:00 am

秋葉原cafe 女僕變喪屍 食手指奄列飯

秋葉原可愛嘅女僕,人人都鍾意,我去親日本都鼓起勇氣打破語言隔膜上去俾佢哋嗌聲我主人o架!但係,如果佢哋變晒喪屍呢?對我嚟講,呢個係對真愛嘅大考驗,雖然女僕同喪屍片我都鍾意睇,但兩樣溝埋一齊就確係有啲唔妥……前幾日周末(26至28日),秋葉原Maid Cafe「シャッツキステ」就搞咗個「Maid of the Dead III」主題活動,裏頭啲女僕變晒喪屍,請你飲眼球果汁……就連Maid Cafe名物奄列飯都變成手指奄列飯……頂你!腸嚟嘅? 相關資訊【新片速報】日本喵星人勁似喪屍 攝入門隙片Twitter熱傳 (May 26, 2017) 有片:Parkour+喪屍圍攻 跳出生天 (May 17, 2017)

Read more ›
池袋人類嘆茶計劃 《Evangelion》 X animate cafe
by / on 29/10/2012 at 10:59 am

池袋人類嘆茶計劃 《Evangelion》 X animate cafe

由11月1日至11月30日,池袋間animate cafe就同《Evangelion》合作,變身成為EVA主題cafe。好嘢呀,除咗杯咖啡有個使徒樣之外,其他嘢飲嘢食完全睇唔出關Evangelion事,冇使徒食,更加冇綾波麗你吃!不過唔緊要,佢有大量限量商品,杯杯碟碟、杯墊等全線都係EVA,淨係呢幅適格者侍應圖都引死人。去開旅行,池袋站行7分鐘就到,唔食嘢都去飲杯啡啦!冇得去旅行,都可以飲,飲恨囉。 相關資訊官網更新!《Evangelion新劇場版》第4集「After that, and THE END.」「NOT, and ANTI.」 (Jul 29, 2017) 【R.I.P.】《Evangelion新劇場版》特技監督増尾昭一離世 終年57歲 (Jul 26, 2017)

Read more ›

本周Coser 新婚人妻Lily Kisaragi
by / on 28/10/2012 at 11:36 pm

本周Coser 新婚人妻Lily Kisaragi

唔,邊個話結咗婚就冇晒自己生活?日本Cosplayer Lily Kisaragi雖然只係24歲,但啱啱喺8月18日就已經嫁咗人,除咗恭喜之外,見佢仲係咁慷慨,我真係百感交集。住喺東京嘅佢之前仲去過英國留學,可能外國飲食太好加埋文化差異,佢冇一般日本同香港女仔咁,一味要瘦,少少肥有啲肉地一樣玩cosplay玩得好放,同埋都好好睇,入面有靚相之餘仲有佢嘅網頁同facebook,唔like都睇吓。 相關資訊本周Coser 日本「真喩」愛高達 (Sep 17, 2017) 【相集】Cosplay無分年齡 超sweet夫妻cos盡動漫/電影角色 (Sep 16, 2017)

Read more ›
井上雄彥親筆畫波鞋 Bid兩日升到64,000円
by / on 28/10/2012 at 5:50 pm

井上雄彥親筆畫波鞋 Bid兩日升到64,000円

仲有4日!如果你真係好愛井上雄彥,又或者好想做善事,咁你就要搵定人幫你上日本yahoo代bid呢對Nike波鞋!《Slam Dunk》、《浪客行》、《Real》等漫畫嘅作者井上雄彥係好多人(尤其打籃球)嘅偶像,冇佢我讀中學時都唔會晚晚落街練三分,成績應該會好啲……呢對「NIKE AIR ZOOM BRAVE IV IT」(原價15,750円)係為慶祝幫忙特別疾病兒童實現願望嘅企劃「Make A Wish of Japan」20周年紀念製作嘅,有親筆簽名仲有櫻木花道頭!慈善拍賣開始咗兩日,投到64,000円,而截「必」日期係11月2日下午5點36分!去到最尾嗰日,肯定會飆到天價,到時再報導。呀係,對鞋個size係28㎝,不過,買咗嗰個,斷估唔會要嚟著啩? 相關資訊【有片】現實中還原 《Slam Dunk》櫻木、宮城突襲山王 (May 23, 2017) 《Slam Dunk》 X molten出籃球 個盒超靚點捨得打? (Apr 14, 2017)

Read more ›
超合金魂GX 62 太空保衛者 曝光!
by / on 27/10/2012 at 4:27 pm

超合金魂GX 62 太空保衛者 曝光!

便給我敗吧!喺日本嘅Tamashii Nation 2012眾多展品裏頭,呢隻超合金魂都算係矚目之作,尤其係對老餅如我嚟講。原名《惑星ロボ ダンガードA》,係日本東映動画自1977年3月6日至1978年3月26日間喺富士電視台FNS播放嘅動畫。港譯名就係《太空保衛者》,雖然之前都出過群雄,但Bandai超合金魂個朵始終唔同,暫時未有定價、推出日期資料,不過除咗設計圖外,我仲搵咗主題曲同結尾曲片段回味share,入嚟重溫,之後好乖乖哋開始儲錢喇! 相關資訊超合金魂「百獸王」售價確定 32,400円高270mm (Jul 19, 2016) 精品報價: 80cm復刻版咸蛋超人 龍神丸VER.2可動性加強 (Jun 1, 2014)

Read more ›
拜個早年 Pokemon聖誕新年新產品
by / on 27/10/2012 at 7:03 am

拜個早年 Pokemon聖誕新年新產品

唔係講中國個農曆年,比卡超嚟自日本嘛,梗係講佢哋個新年啦。嘩!仲有兩個幾月喎!係喎!聖誕呢?一樣兩個月喎!係呀!不過日本人一向有計劃,預先推出一系列會喺10月27日同11月3日推出嘅產品,早啲嘅有聖誕比卡超系列,遲幾日就有賀年精品同賀卡,真係恭喜發財,恭喜比卡超發財。 相關資訊新片速報 比卡!《Pokémon Ultra Sun and Ultra Moon》等別版主機同步出 (Sep 14, 2017) 新片速報 3DS寵物小精靈新作《Pokémon Ultra Sun and Ultra Moon》 (Aug 19, 2017)

Read more ›