動漫資訊

紅蟹爆房! 台場酒店主題Gundam房 6月新增密林版
by / on 21/04/2013 at 11:17 am

紅蟹爆房! 台場酒店主題Gundam房 6月新增密林版

台場The Grand Pacific Le Daiba hotel自從上年年中開始,就多咗機動戰士高達Gundam主題嘅房間。而啱啱就宣佈會舉行一個「Room-G Jaburo(ジャブロー)Type」計劃,就係新增ジャブロー基地密林feel嘅主題房,大50平方米,牆紙同床舖等全部自護化,仲有大大隻紅色快3倍馬沙專用魔蟹!去日本旅行都可以重現自護公國同連邦軍嘅森林攻防戰呀!由5月10日開始接受預訂,6月1日至9月30日正式爆房! 相關資訊超方便!日本麻辣婆婆「單手食」版 唔駛整污糟隻手 (May 26, 2018) 【有片】日本痴漢出沒注意 偷拍影片Twitter熱傳 (May 26, 2018)

Read more ›

英雄變喪屍  Ironman無忽好肉
by / on 20/04/2013 at 7:11 pm

英雄變喪屍 Ironman無忽好肉

Ironman比喪屍咬當然會變喪屍,咁變身後嘅變形俠醫呢?外國網友Santlov舖咗一輯Marvel英雄變喪屍嘅圖集,玩齊Ironman、美國隊長、雷神同變形俠醫,連冷門嘅X-Men隊友Wolverine都有份。英雄們唔止爛面,連身上盔甲都爛到一忽忽。最慘係斷咗手嘅雷神,以後連大槌都拎唔起,癈咗武功。至於變形俠醫就分別唔大,原來佢天生一副喪屍樣。 相關資訊有片:撈到亂晒 變形俠醫vs一拳超人邊個贏? (Apr 30, 2018) Felix Ip聯乘余兒 D2 Place講喪屍 (Apr 11, 2018)

Read more ›
《九龍城寨2》送懷舊海報
by / on 20/04/2013 at 5:15 pm

《九龍城寨2》送懷舊海報

隨住雷公子俾AV施以酷刑,扭斷隻手質番入口,龍城幫同青天會一戰正式落幕,《九龍城寨2》新一輯故事亦正式展開,編劇余兒話為多謝讀者捧場,將會連續幾期會送海報咁話喎。 相關資訊「香港似顏繪」出《世界盃筆記簿》 每本$168送海報 (May 18, 2018) 《古惑仔》新專欄「百戰話當年」 當海報儲 (May 7, 2018)

Read more ›
獵奇影片    愛因斯坦原力對決黑武士
by / on 20/04/2013 at 2:30 pm

獵奇影片 愛因斯坦原力對決黑武士

原力同物理學有咩關係?我都唔知,不過呢條片我翻睇咗五次,愛因斯坦對戰黑武士,全程用stop motion拍攝,好順暢好精彩,見倒愛因斯坦用原力殺死黑武士,仲擺晒甫,好好睇。原來影片出自PatrickBoivin,即係之前拍李小龍大戰Ironman、瘋狂麥當勞叔叔、李小龍西人bb等嘅「大導」,入嚟有回帶。 相關資訊【有片】人力60fps!日本高手自製超順暢Stop Motion動畫 (Mar 15, 2018) 日本推出超精緻黑武士杯 江戶切子百年工藝限量800隻 (Dec 30, 2017)

Read more ›
超想要!英雄keyboard貼紙 i=Ironman
by / on 20/04/2013 at 12:51 pm

超想要!英雄keyboard貼紙 i=Ironman

好靚好想買!日日對住個Keyboard打字,我真係好想要新鮮感呀!呢套keyboard貼紙,有一堆Q版英雄例如Batman、Superman、小丑、蜘蛛俠等等,你搵唔搵倒Ironman?係咪好細心先? 售價唔貴,$12美金,Etsy網站有得買,不過佢話只適用於13吋、15吋MacBook同埋大部份MacBook Air,我唔係Mac友,點算? 相關資訊動物聯盟玩具圖 蜘蛛 + 貓 + 狗超動感 (Apr 25, 2018) 張君豪送賀年Postcard 蛋散變英雄 (Feb 7, 2018)

Read more ›
Star Wars激突貼身cosplay服  人狗情未了
by / on 20/04/2013 at 12:34 pm

Star Wars激突貼身cosplay服 人狗情未了

噚日介紹咗無辜銀河系嘅星戰寵物衫,今日終於有主人系列, Cosplay服包括有黑武士、Chewbacca同埋Boba Fett,開價港幣$500左右,勁在全部超貼身超激突,由頭頂包到落腳趾尾,同寵物系列一樣,都要腿長model身形先著得落,仲要走肚腩。 相關資訊日本Cospa出《ポプテピピック》制服 雙人Cosplay好適合 (May 26, 2018) 【圖集】時裝界災難 網上cosplay專門惡搞名牌衫 (May 26, 2018)

Read more ›

12月上映《魯邦三世 VS 名偵探柯南 The Movie》 會發現屍體吧?
by / on 20/04/2013 at 9:55 am

12月上映《魯邦三世 VS 名偵探柯南 The Movie》 會發現屍體吧?

4年間第二度合作嘅《魯邦三世》同《名偵探柯南》,繼之前嘅電視動畫後,今次就登上大銀幕。名為《鲁邦三世 VS 名偵探柯南 The Movie》,啱啱由官方公佈決定製作,上映日期會係今年12月! 相關資訊【只有日本】「柯南」才是最強 《Avengers: Infinity War》唔夠上映3周「柯南」鬥 (May 5, 2018) 你都可以被通輯 日本出《名偵探柯南》「犯人」黑色衛衣 (Apr 24, 2018)

Read more ›
痛茶! 耳機娘扮賣茶西施
by / on 19/04/2013 at 1:55 pm

痛茶! 耳機娘扮賣茶西施

痛車我平時都有砌吓, 不過啲水紙……真係冇改錯名, 今日細佬學多樣嘢, 佢叫痛茶, 係! 加張膠紙就令成件事潮晒, 真係相當玄妙; 主角係耳機娘NITRO SUPER SONIC, 不過由於今次佢做賣茶女, 所以係要着得保守啲嘅, 個Bar Bar只係若隱若現……, 我問我個日本FD, 有倒汗水時件衫會唔會透啲? 答案係──唔會! 哎! 應該令個樽多啲互動性嘛!

Read more ›
神都係人 動畫人物打機場面大集合
by / on 18/04/2013 at 10:44 pm

神都係人 動畫人物打機場面大集合

歷年嚟,動畫同遊戲都好似分唔開。唔係話動畫改編做遊戲又或者遊戲反改編做動畫,而係動畫入面都少不免有打機嘅片段。咁到底佢哋打咩機呢?新至PS Vita、3DS當然有,舊至紅白機超任都一樣唔少得。有外國網站嚟咗個大集合,入嚟一齊睇吓你認得幾多? 相關資訊【有片】打機用埋腳 新裝置靠隻腳幫手 (May 26, 2018) 【圖集】《復仇者聯盟3》角色動畫化 超似彼思動畫風格 (May 4, 2018)

Read more ›
強國模型女 專砌粉紅系高達
by / on 18/04/2013 at 7:51 pm

強國模型女 專砌粉紅系高達

我今日有啲唔開心, 我支善良的(噴)槍, 一直係編輯部笑柄! 今日有老死介紹個女仔我識, 不過係喺微博嘅, 佢叫靜語默默! 女仔人家砌膠逹、韋基利、坦克已經難搵, 而且仲要噴埋, 係! 真係噴, 唔會買咗支筆幾十年都唔用, 講吓講吓, 我都係時候幫佢上返層WD40。不過呢條女好重口味, 所有機動戰士到佢手, 都會變成粉紅系女孩, 而且仲會帶佢哋去外拍, 佢話最鍾意將高達當芭比公仔玩, 有興趣可以上微博關注吓佢, 相關資訊梁瑋豪自製模型情景 藍老虎頭+高達身+太空坦克臂 (May 24, 2018) 林祥焜x西九龍中心 出Goodgirl Toy Bus巴士模型 (May 14, 2018)

Read more ›
Wolverine求其版Cosplay
by / on 18/04/2013 at 6:30 pm

Wolverine求其版Cosplay

明白,Cosplay但求開心,自己過癮就得,根本唔使理其他人感受,不過話晒都叫角色扮演吖,唔該尊重吓遊戲好唔好,扮得咁求其,不如唔好扮啦。 相關資訊肌肉「小埋」保護你 Cosplay出擊:「痴漢請來我這邊!」 (May 22, 2018) 本周Coser 日本「ゆぃにゃん」 (May 20, 2018)

Read more ›

新圖發佈 3DS《初音ミクProject mirai 2》三頭身初音再臨
by / on 18/04/2013 at 4:21 pm

新圖發佈 3DS《初音ミクProject mirai 2》三頭身初音再臨

前兩日有雜誌圖話呢隻SEGA初音新作《初音ミクProject mirai 2》會喺3DS發售,啱啱《Fami通》就發佈咗清晰圖幾張。情報暫時都係咁多,秋季發售,收錄歌曲當中會包括:〈子猫のパヤパヤ(ワンカップP)〉、〈ドレミファロンド(40mP)〉同〈ゆめゆめ(DECO*27)〉。另外,官網話今日(18日)會開張,等多陣再入去睇。 相關資訊日本「初音之日」+「渣古之日」 大量賀圖賀片 (Mar 9, 2018) 初音出車!大發Move Canbus內外變痛 (Oct 31, 2017)

Read more ›
《滅絕遊戲》創刊號$15
by / on 18/04/2013 at 4:00 pm

梁偉家+戴慶賢《滅絕遊戲》創刊

梁偉家與戴慶賢聯合製作嘅《滅絕遊戲》擒日創刊,我第一時間買咗本睇睇,雖然唔至於驚為天人,但整體感覺唔錯,睇得出係撚盡十二成功力嘅誠意之作,作為港漫Fans,呢十五蚊唔慳得,我話嘅。 相關資訊梁偉家出手 幫牛B仔清湯腩餐廳Menu畫漫畫 (Mar 30, 2018) 梁偉家《滅絕遊戲》紀念明信片 每套$100抵撐 (Mar 26, 2018)

Read more ›
IRON MAN/比卡超杯麵有廣告睇  你估佢哋係乜味!?
by / on 18/04/2013 at 10:59 am

IRON MAN/比卡超杯麵有廣告睇 你估佢哋係乜味!?

我一向知日本人雜食! 鯨魚食、河豚都照食……但我估唔到IRON MAN都食得, 日本首映日, Tony真係諗過去唔去好! 今次攪事嘅係日本SANYO FOODS, 佢一向專出杯麵, 今次為咗賀IRON MAN3日本上畫, 所以會喺上畫日—4月26號, 推出IRON MAN3 SPECIAL PACLKAGE杯麵, 味道係辛辣, 原因話因為佢係紅色, 我都無嘢講!等唔切26號!? 又得, 呢間專食古怪味道杯麵店, 仲剛出了比卡超杯麵, 味道分別係札幌醬油味(紅色), 同札幌海鮮味(藍色), 上佢官網, 仲有CM睇, 連小智都話老婆至讚成, 而且所有寵物小精靈仲會壓成公仔餅, 俾你用嚟送麵食, 係! 我都覺得食落每啖我都覺得好殘忍, 不過咁得意嘅杯麵, 我真係唔介意做一次羔羊醫生!   相關資訊日本超強地毯畫 《Pokémon》小剛不斷進化 (Apr 28, 2018) 【有片】550萬個Views!謎之中毒性 「ポッチャマ」無表情扮「登美丘高校舞蹈部」 (Apr 24, 2018)

Read more ›
新片速報 Pokemon《神速のゲノセクト ミュウツー覺醒》第2彈預告 超夢進化!
by / on 18/04/2013 at 10:07 am

新片速報 Pokemon《神速のゲノセクト ミュウツー覺醒》第2彈預告 超夢進化!

噚晚先睇完一條外國網友自製嘅超夢進化片,今日官方就有呢套日本喺7月13日公映嘅《神速のゲノセクト ミュウツー覚醒》預告片第3彈,而且真係見到超夢進化現身!呢套Pokemon系列第16套劇場版作品,會同埋《ピカチュウとイーブイ☆フレンズ》齊齊上映。 相關資訊新片速報 《Pokémon Ultra Sun/Ultra Moon》幻之小精靈登場 (Apr 9, 2018) 日本Pokémon保護電話線玩具 8款一齊用超正 (Mar 17, 2018)

Read more ›