動漫資訊

Ladybeard+才木玲佳Cos春麗 大髀好粗壯
by / on 08/06/2018 at 3:30 pm

Ladybeard+才木玲佳Cos春麗 大髀好粗壯

鬍鬚女Ladybeard個twitter有新相睇,今次孖埋健身美少女才木玲佳玩Cosplay。Cos春麗呀,兩對反晒光嘅大髀,好粗壯呀。 相關資訊春麗就是有肌肉 才木玲佳Cos最似對腳 (Apr 21, 2018) 智利Coser Cynthia 索到犯規 (Mar 15, 2018)

Read more ›

眨眼10年 「秋葉原無差別殺傷事件」獻花悼念
by / on 08/06/2018 at 7:21 am

眨眼10年 「秋葉原無差別殺傷事件」獻花悼念

眨眼間秋葉原嘅無差別殺傷事件已經發生咗10年,當年事件震驚全球,當日正值星期日,有兇徒喺「東京都千代田区外神田」秋葉原持刀殺人傷人,最後令7人死亡,10人受傷,更加令到每逢星期日12時至17時嘅「秋葉原歩行者天国」行人專區停開,直至2011年1月23日先再開番。啱啱Twitter專頁「フォト秋葉原」分享咗秋葉原嘅現場相片,好多群眾無忘記呢件事,有人獻花同埋飲品悼念,道路好平靜,希望呢啲事件真係唔好再發生,祝願秋葉原繼續平和安全。 相關資訊日本秋葉原神奇特飲 凍結奇異果屹立不倒 (Jun 20, 2018) 採訪太貼身欠尊重?秋葉原獻花處大量記者聚集 (Jun 8, 2018)

Read more ›
【圖集】Marvel超級英雄「變性」    Loki超靚女Iron Man整容失敗
by / on 08/06/2018 at 7:21 am

【圖集】Marvel超級英雄「變性」 Loki超靚女Iron Man整容失敗

FaceApp呢個換臉APP好多人都玩過,最近外國網站用咗一班Marvel男演員嚟試,全部變晒女人,出嚟嘅效果超正!例如Loki變女人後好靚,仲好似緋紅女巫Elizabeth Olsen、Iron Man變咗女人之後就好似整容過度,比較靚嘅有雷神同埋美國隊長,不過都係有啲似人妖‥‥‥入嚟有得慢慢睇。 相關資訊【圖集】超級英雄都會老 英雄遲暮聯想圖 (Jun 19, 2018) 超級英雄「替身」特集 《復仇者聯盟》全員出動 (May 19, 2018)

Read more ›
Like唔Like古祖港漫? 上官小威復刻漫畫四寶
by / on 07/06/2018 at 10:45 pm

Like唔Like古祖港漫? 上官小威復刻漫畫四寶

復刻復刻又復刻,有人話一味睇復刻作品於港漫係退步,我唔係咁睇,事關總有人真係無睇過,無睇過就可以當新書咁睇。對於無睇過古祖時期港漫嘅我,上官小威復刻漫畫四寶《降頭》、《蟋蜶仔》、《瘋狂漫畫》同《歡樂漫畫》係好事。漫畫四寶分甚麼專貴版、贈品版、123專間店獨家版同普通版,最貴都不過係$208,最平$108,又杯墊又海報又乜卡物卡,真係好難唔捧場。 相關資訊上官小威《金漫畫》第七至九期開訂 (Mar 12, 2018) 上官小威復刻元祖版《壽星仔》 限100套$98 (Mar 7, 2018)

Read more ›
馬雲《黃飛鴻大鬧丁家莊》重新出版 馬少飛畫新插圖
by / on 07/06/2018 at 10:15 pm

馬雲《黃飛鴻大鬧丁家莊》重新出版 馬少飛畫新插圖

嚟緊書展,馬雲將有新作……吖,唔係,應該係舊作先啱!青雲工作室決定重新出版馬雲舊作《黃飛鴻大鬧丁家莊》,咁當然唔會就咁搬字過紙喇。重新包裝係指定動作,請嚟馬少飛畫番廿幾幅新插圖,啲畫畫成點?有相你睇,有石堅、張晉、李連杰,都好高質架,鍾意睇文字書嘅你,唔知又有無興趣呢? 相關資訊李志清贈封面題字四揀一 馬雲呼籲投票幫幫眼 (Jun 15, 2018) 牛佬搞Gag有啖笑 金正恩+馬雲突入《古惑仔》 (Apr 24, 2018)

Read more ›
畀啲意見吖唔該! 《漫畫Buddy》第五期想睇乜?
by / on 07/06/2018 at 9:45 pm

畀啲意見吖唔該! 《漫畫Buddy》第五期想睇乜?

大家有無撐《漫畫Buddy》?到依家已經出版咗四期,嚟緊第五期有乜新搞作、方向如何、增刪邊Part內容、邀請乜嘢客席主筆供稿、想睇乜人物訪問等等等等,家陣你全部有Say,事關相關面書專頁公開詢問大家意見,大家可以暢所欲言。港漫不死,請支持本地創作,講明先,無禮物架,唔係有獎遊戲,請大家踴躍發言。 相關資訊《漫畫Buddy》第四期釋出封面 小甜健畫埋一份 (Jan 26, 2018) 《漫畫Buddy》第二期今日見街 送貼紙每本$72 (Jan 10, 2017)

Read more ›

【圖集】超正街頭藝術家 改裝街頭佈置創意無限
by / on 07/06/2018 at 7:44 am

【圖集】超正街頭藝術家 改裝街頭佈置創意無限

Tom Bob呢位街頭藝術家成日偷偷哋粉飾街道,作品好色彩繽紛,仲好有創意。佢嘅作品主要出現喺紐約,不過間中去旅行例如台灣、杜拜,佢都會留低少少大作,我最鍾意係Leia公主嗰張,超正!鍾意佢嘅作品可以follow埋佢IG。 相關資訊【圖集】摺紙的藝術 超可愛樹人BB/死侍 (Jun 21, 2018) 日本網民推介銀座餐廳 超正星空佈置Twitter熱傳 (Jun 16, 2018)

Read more ›
動漫基地《笑聲滿載──上官小強漫畫精選》展覽 向強哥致敬
by / on 06/06/2018 at 10:15 pm

動漫基地《笑聲滿載──上官小強漫畫精選》展覽 向強哥致敬

時間過得好快,上官小強不知不覺已經離開咗我哋年半,心感懷念。動漫基地喺嚟緊6月8日,會舉辦《笑聲滿載──上官小強漫畫精選》展覽,入場可以睇到《壽星仔四十周年紀念特刊》同強哥歷年作品。致敬展覽,作為飲港漫奶水大嘅我你他,好應該捧吓場,打吓卡。 相關資訊網圖分享:出圖撐《笑聲滿載──上官小強漫畫精選》展覽 (Jun 9, 2018) 真‧男人的浪漫 Yas Cheng自資出版《回憶那天-YAS全仕事集》送朋友 (Feb 15, 2018)

Read more ›
香港藝術中心搞Event   曹志豪+文地貓繪畫灣仔
by / on 06/06/2018 at 9:45 pm

香港藝術中心搞Event 曹志豪+文地貓繪畫灣仔

香港藝術中心有Event曰「畫.時代灣仔」,由保育工作者陳得帶遊灣仔修頓遊樂場同動漫基地,探討港漫前世今生云云。係,擺明係保育嘢,聽落好悶,但亮點係曹志豪同文地貓。一個係港漫大師,一個係著名插畫師,照新聞稿Copy and paste,參加者可以同兩人「隔空對話,用手中畫筆繪出灣仔的時代面貌。」咁樣樣,唔知大家有無興趣? 相關資訊Bo Law x 姜智傑Jam畫 灣仔塗鴉 (Mar 19, 2018) 文地貓 x Ginger Store出醉貓Tee 值得入手 (Mar 14, 2018)

Read more ›
【絕配】《POP TEAM EPIC》預演「特金會」    激似特朗普/金正恩
by / on 06/06/2018 at 7:48 am

【絕配】《POP TEAM EPIC》預演「特金會」 激似特朗普/金正恩

下星期二就到美國總統特朗普同北韓領導人金正恩會面,今次喺新加坡嘅「特金會」好令人期待,日本Twitter就熱傳緊呢兩張圖預演吓。有早排爆人氣嘅《ポプテピピック(POP TEAM EPIC)》,「ポプ子」同「ピピ美」變咗兩位領導人,無論身高同外形都係絕配級數!BTW,唔知到時金正恩會唔會再著增高鞋墊呢?話晒特朗普身高超過6呎‥‥‥ 相關資訊女版Low Cost Cosplay玩謝金正恩 食物做主題影完食返晒 (May 18, 2018) 《POP TEAM EPIC》 x 日本中央競馬 官網有嘢玩可換衫 (Apr 26, 2018)

Read more ›
馬學偉x葉偉青加開一班 教特撮手繪畫
by / on 05/06/2018 at 10:45 pm

馬學偉x葉偉青加開一班 教特撮手繪畫

因為踴躍,所以添食,馬學偉聯乘葉偉青嘅特撮畫風班,決定加推一班,Total八堂,每堂兩粒鐘,逢周六上堂。大家都睇過葉偉青嘅「香港重機」系列畫喇,係咪睇到嘩嘩聲先,想學番三兩下散手,拜師學藝喇喂。

Read more ›

上官小威復刻《蟋蟀仔》 黃國興加推「123店」版送贈品
by / on 05/06/2018 at 10:00 pm

上官小威復刻《蟋蟀仔》 黃國興加推「123店」版送贈品

唔講大話,我何只未睇過黃國興《蟋蟀仔》,就連有呢本漫畫都未知,但如今上官小威話將之復刻,我有興趣入手喎,一來,豬老闆好好人,點都要撐撐;二來,因為家陣港漫已經買少見少,於我《蟋蟀仔》直頭可以當新書咁睇,何樂而不睇?為谷一谷氣勢,黃國興決定推出「123店」版,佢係「123漫畫精品專門店」老闆,即係獨家喇,賣幾錢未知,但贈品有自由豬卡同復刻紀念海報各一,咁當然唔少得親筆簽名喇。 相關資訊邱福龍復刻元祖版《鐵將縱橫》 港漫迷開心到癲 (Apr 18, 2018) 黃國興砌圖版3cm畫作 唔見咁胯下最重要一忽 (Dec 8, 2017)

Read more ›
《戇男筆記‧港漫200人》玩味十足 封面「$200」價錢牌Fake晒
by / on 05/06/2018 at 9:32 pm

《戇男筆記‧港漫200人》玩味十足 封面「$200」價錢牌Fake晒

上個禮拜日去信和「至Goal Club」買《戇男筆記‧港漫200人》,發生咗一件低能事。話說同老闆新哥講拜拜後,我轉身企圖搣甩透明封袋上面嗰個「$200」價錢牌,卻搣唔甩,原來價錢牌係封面構圖一部份,咁樣被Fake,我自己都笑咗一笑。其實唔只咁,我覺得成本書設計都好Funny,封底嗰幾句乜乜物物「沒輯錄」同埋尾一句「本刊只收錄戇男2018全新作品《戇男筆記‧港漫200人》」,都玩味十足,睇到我唧一聲笑咗出嚟。揭書,睇內文,老實講唔算好好好好好精彩,但裡面介紹嘅人物好多都係我面書朋友仔,彼此素未謀面,平時只透過鍵盤交流互相畀吓Like,家陣有呢本書,我對佢哋有多啲了解,個感覺係幾過癮嘅。如無意外,呢八萬字,我係會睇晒嘅。 相關資訊超強!Edward Yu的暴走《黑膠人》泥塑曝光 (Jun 12, 2018) 《戇男筆記‧港漫200人》大賣 戇男至Goal Club搞簽名會 (Jun 1, 2018)

Read more ›
動漫基地換新裝 換邱福龍Q版海報返屋企
by / on 05/06/2018 at 8:03 pm

動漫基地換新裝 換邱福龍Q版海報返屋企

死喇,好驚派晒呀,呢個禮拜尾一定要去灣仔走一趟。事關動漫基地換新裝,中庭打卡位多咗張由邱福龍繪畫嘅巨型海報,裡面有15個Q版本地武俠漫畫角色,好鬼死正斗。影完相,只要答中問題,仲可以攞埋同大海報一模一樣嘅紀念海報返屋企。講明數量有限,送完即止,所以我好驚派晒呀喂。 相關資訊Marvel Studios十週年 33角色海報晒冷 (Jun 11, 2018) 「香港似顏繪」世界盃海報 免費下載 (Jun 4, 2018)

Read more ›
【圖集】美國隊長笑點低    大量笑到彎腰圖回帶
by / on 05/06/2018 at 7:27 am

【圖集】美國隊長笑點低 大量笑到彎腰圖回帶

美國隊長,即係Chris Evans,唔少人都知佢嘅笑點低。最近有網民分享咗佢幾張相,張張都笑到彎晒腰眼都瞇埋,睇得出佢堅開心,有網民話好擔心佢終有一日會笑到扭斷頸,留意好多張佢都係同Iron Man一齊,唔通對方講嘅笑話好好笑? 相關資訊【新片速報】日本超可愛柴犬仔 矇眼笑影片Twitter熱傳 (Jun 20, 2018) 《復仇者聯盟》回到童年時 超正回帶相集 (May 19, 2018)

Read more ›