動漫資訊

聽歌:100億負能量戰士 二創《龍珠94》聲討腦細
by / on 01/11/2017 at 10:00 am

聽歌:100億負能量戰士 二創《龍珠94》聲討腦細

「撒亞人生於這個地方,稱呼叫悟空……」呢首由張崇基同張崇德兩兄弟主唱嘅《龍珠94》,大家無理由唔識啩?Fine,咁我哋跟住唱咯喎……「百萬人,朝朝要去扮工,鳩up要成功……」我無唱錯呀,因為呢首係二次創作嚟架,出自面書專頁「100億負能量戰士」,負能量戰士者,廣大為五斗米低聲下氣嘅打工仔是也。二創歌詞由妁小汀所改,唱嗰個叫犬崎祐也;係,我都唔識佢兩個,但對於二創歌詞卻非常有共鳴,而唱又唱得異常肉緊,簡直句句直達我心底。我都係打工仔,一樣咁憎老細,一樣咁討厭OT,期望大家可以跟住唱,唱完一齊「拍檯,快收工」。

Read more ›

零違和!太子地鐵站菲利塗鴉!原來係江記P圖!
by / on 01/11/2017 at 9:00 am

零違和!太子地鐵站菲利塗鴉!原來係江記P圖!

好老實,初頭見到呢張太子地鐵站坐椅塗鴉相,我即時心諗:「咁都得?」又幾零違和喎,面相固然似菲利啦,襯色尤其一絕呢下先好嘢,而又老實,直至我放大張相望真之前,我係有少少俾佢Fake到嘅。邊個佢?咪就係江記囉,原來呢張P圖係出自佢之手,乜得佢咁好創意,而又P圖咁天衣無縫,要讚!不過我諗連江記本尊都諗唔到有咁多回響,連傳媒都信而為真搵佢報料,搞到佢要即刻出Post澄清以正視聽,出圖話:「Sorry呀!呢張PS嚟架……我真係玩吓無諗過咁多人以為係真架,頭先仲有記者msg我……我好淆呀依家!」淆乜吖,為大家帶來歡樂,為沉悶嘅生活帶來笑聲,誠一大好事也,有乜好淆?畀啲掌聲江記唔該,啪啪啪啪啪。 相關資訊《古惑仔》送武神太子海報 有埋洪興+三聯權力排行榜好抵睇 (Sep 8, 2017) 【P圖大戰】喵星人「臉大樣細」好古怪 網民瘋狂改圖 (Jul 19, 2017)

Read more ›
【圖集】超強街頭藝術創作 8bit遊戲角色隨街見
by / on 01/11/2017 at 7:37 am

【圖集】超強街頭藝術創作 8bit遊戲角色隨街見

街頭藝術香港政府一向唔識欣賞,喺外國就隨處可見。住喺瑞典嘅藝術家Johan Karlgren(Pappas Pärlor)好鍾意遊戲同動漫,於是喺街道創作咗好多8 bit圖案,由坑渠到水塘到後花園,都會見到佢嘅傑作,全部都好高質,入嚟有得慢慢睇。 相關資訊【連環圖】日本家貓都練拳 超強貓貓拳Twitter熱傳 (Nov 15, 2017) 【新片速報】日本熱傳試iPhone X片 超強顏藝/水底開機 (Nov 6, 2017)

Read more ›
萬聖節全家cosplay Star Wars造型小朋友夠入戲
by / on 01/11/2017 at 7:28 am

萬聖節全家cosplay Star Wars造型小朋友夠入戲

一家人一齊喺萬聖節cosplay,係好開心嘅。外國演員Neil Patrick Harris同佢嘅丈夫David Burtka由2011年開始,每年cosplay都有驚喜造型,之前扮Joker都超正,今年就一家人扮Star Wars,好高質,連小朋友都好入戲!入嚟有回帶。 相關資訊本周Coser 日本「ゆう」超強FGO Cosplay (Nov 19, 2017) 神戶馬拉松禁登記選手Cosplay 超強跑手暗Cos冇人知? (Nov 18, 2017)

Read more ›
網圖分享:港漫人&港漫迷的萬聖節賀圖(二)
by / on 31/10/2017 at 10:50 pm

網圖分享:港漫人&港漫迷的萬聖節賀圖(二)

萬聖節快樂,聽講依家老蘭一街都係小丑,啲人唔係扮《it》小丑就係扮上年大熱嘅《自殺特攻》小丑女喎,大家又喺邊度Happy緊呀?有好畫就唔好俾佢停,繼續欣賞靚畫啦。 相關資訊【有片】日本網民大發現 電視萬聖節特集現真Saber (Nov 2, 2017) 大好人Eric Ng開火鍋店 港漫主筆親臨/賀圖撐場 (Nov 2, 2017)

Read more ›
Pariz Wong出月曆+年曆卡 大頭靜陪你減肥
by / on 31/10/2017 at 6:36 pm

Pariz Wong出月曆+年曆卡 大頭靜陪你減肥

不嬲有追開朋友仔Pariz Wong面書,知道佢推出2018年座檯月曆同年曆卡,梗係要Hardsell吓,價錢屬經濟實惠嗰隻,月曆每個$78,年曆卡每張$12,二合一套餐$85。點解要撐?一為支持本地創作,二來主角大頭靜畫得著實Cutie,三來句Slogan我非常Like──「減肥是重要的」。嗯嗯……2018年,我目標係減10磅,10磅啫,唔算好妄想吖呵? 相關資訊《存在的瞬間》畫展開幕 廖光祖出月曆+塵阿力出畫集 (Oct 7, 2017) 書展必搶《七十二行》實體書 (Jul 9, 2017)

Read more ›

網圖分享:港漫人&港漫迷的萬聖節賀圖
by / on 31/10/2017 at 10:00 am

網圖分享:港漫人&港漫迷的萬聖節賀圖

今日係萬聖節,大家今晚有乜節目呀?諗好以乜嘢造型出席化妝舞會未呀?落老蘭開Party之前,不如睇吓靚畫先喇。唔講咁多,Happy Halloween。 相關資訊網圖分享:男人的浪漫 Exam Sum一年一幅萬聖節魔女 (Nov 1, 2017) 【圖集】澀谷變裝集合 有女有Gantz有建築 (Nov 1, 2017)

Read more ›
梁偉家x胡家寶Jam畫 天師x老祖宗同一時空
by / on 31/10/2017 at 9:00 am

梁偉家x胡家寶Jam畫 天師x老祖宗同一時空

又係高質素Jam畫呀喂!早前梁偉家作天師畫一幅,左上角刻意留白,並喺面書拋低一句:「工作之餘不忘娛樂,寶兄(胡家寶)期待你的大作!」而喺擒日,作品終於出籠,畫嘅係天下無敵老祖宗,兩個角色同處一個時空,難得地好Match,港漫味道出晒嚟,又係時候Save as wallpaper。 相關資訊梁偉家《滅絕遊戲張道陵畫集》開賣 每本$170 (Oct 18, 2017) 好想要!梁偉家《滅絕遊戲張道陵畫集》送十大精品! (Oct 17, 2017)

Read more ›
Rex Koo《七孔流血》畫展 重現港產片經典血腥畫面
by / on 30/10/2017 at 9:15 pm

Rex Koo《七孔流血》畫展 重現港產片經典血腥畫面

真係大吉利是!好改唔改,畫展改個名叫《七孔流血》喎,不過感覺幾Cult吓,我又幾Like喎。呢個係Rex Koo個展,收錄咗佢「對港產片的死亡場景和血腥場面的記錄」,用色大膽好Eye-catching,構圖好熟口熟面。如果係港產片影迷,應該一眼就睇得出佢畫緊邊套戲、邊個明星同邊一幕。有得估戲名又有得睇畫,孖重娛樂喇喂,抵撐。 相關資訊Rex Koo《七孔流血》畫展延伸工作坊 DIY放映機 (Nov 14, 2017) 睇「無紙用」迷你畫展 免費攞仿電影懷舊卡仔 (Oct 13, 2017)

Read more ›
別矣《古惑仔》Tommy! 促請牛佬交代死因!
by / on 30/10/2017 at 8:45 pm

別矣《古惑仔》Tommy! 促請牛佬交代死因!

無記錯的話,應該前後不過四期貨仔,我們的暗黑之門殺手Tommy,喺今期第2074期《古惑仔》亦步紅魔女後塵陣亡,同樣係死無全屍,仲俾佐維用刀拮住個頭揈揈吓添,好慘呀,之後個死人頭仲要俾鬼子快刀當菠蘿咁削開三四截,好無陰功呀。拿,牛佬,我在此替廣大讀者跪求,話晒係有頭有臉嘅殺手,懇請畫番十頁八頁,交代番Tommy點樣俾佐維KO,否則,我們的Tommy Lin會唔開心架,嗚嗚~ 相關資訊瑞新《火武耀揚》豪華珍藏版 11月22日見街 (Nov 8, 2017) 《古惑仔》紅魔女陣亡! Tommy離死不遠? (Oct 24, 2017)

Read more ›
廖光祖2018月曆 最後20個每個$160
by / on 30/10/2017 at 4:15 pm

廖光祖2018月曆 最後20個每個$160

有無撐之前廖光祖聯乘塵阿力嘅《存在的瞬間》畫展?我有!當日仲好熱鬧添,除咗塵阿力本畫集《The Perk》,我仲買埋廖光祖嘅《2018月曆》,咁當然唔會攞嚟掛喇,珍藏吖嘛。如果你都欣賞廖光祖畫功,想買番個月曆撐一撐場,咁就唔該好好把握有最後機會,「至Goal Club」仲有Last 20個現貨,每個$160,搶喇喂。 相關資訊黎達達榮《十八樓燒肉》簽名現貨 至Goal Club有貨 (Oct 27, 2017) 買《2018澳門漫畫家巡禮月曆》=做善事救貓狗 (Oct 26, 2017)

Read more ›

黎達達榮《十八樓燒肉》新書發佈會 畫封面影相無問題
by / on 30/10/2017 at 3:34 pm

黎達達榮《十八樓燒肉》新書發佈會 畫封面影相無問題

之前咪報導過「至Goal Club」有少量《十八樓燒肉》現貨嘅,真係好少量架,唔知賣晒未呢?If當真買唔到都唔緊要,呢個禮拜尾唔好約人就得喇,事關黎達達榮會喺賽馬會創意藝術中心搞新書發佈會,到時見到佢本尊,影相簽名吹水無問題。記得喎,書封面有個證件位係專登留空嘅,大可以叫黎達達榮即場畫你個樣同寫你個名上去,變成獨一無二嘅珍藏,係咪正斗先? 相關資訊書屋訂購《漫畫Buddy 3》 送Folder+Postcard (Jul 11, 2017) 甘小文水晶畫板開訂 哨牙珍/肥婆四各$120 (Jul 9, 2017)

Read more ›
【有片】獨腳男超強「萬聖節」造型    今年扮跳跳虎好彈得
by / on 29/10/2017 at 12:52 pm

【有片】獨腳男超強「萬聖節」造型 今年扮跳跳虎好彈得

萬聖節又係全城cosplay嘅大日子,不過今次介紹嘅呢位有啲唔同,因為佢只得一隻腳。由9歲開始Josh Sundquist因為cancer而要截肢,但佢無怨天怨人,反而積極面對自己嘅缺陷。由2010年開始受老婆鼓勵,每年都會設計一個獨特嘅萬聖節cosplay造型,今年佢決定扮跳跳虎,一隻腳就係條尾嘞,睇片見佢好彈得,超活躍!另外之前佢都扮過薑餅人、路牌、紅鶴等等,入嚟有回帶。BTW,佢2006年仲代表美國隊參加過殘奧,好強! 相關資訊澀谷萬聖節過後 無私義工團5點半開工 (Nov 1, 2017) 日本山口組萬聖節派糖 夠膽攞夠膽食 (Nov 1, 2017)

Read more ›
【圖解】日本Twitter熱傳 落雨天揸遮正確方法
by / on 29/10/2017 at 12:26 pm

【圖解】日本Twitter熱傳 落雨天揸遮正確方法

落雨天最顯露出一個人嘅公德心同細心,擔住遮行簷篷真係人見人憎,除咗呢樣呢?日本最近有人喺Twitter出咗張圖,叫大家拎遮時小心插到後面小朋友隻眼,之後另一位網民再出圖標記出8種高危嘅揸遮方法,仲有正確揸遮指示,仲有動畫師「鉄拳」都畫咗一幅畫,入嚟有得慢慢睇。重點係把遮要同自己身體成水平線,細心啲其實唔難。 相關資訊下周推出 日本Lotteria超級牛扒漢堡 (Nov 19, 2017) 日日追Deadline 日本話題書名作家格言「護身符」 (Nov 19, 2017)

Read more ›
滅火器變藝術作品   印尼機場創作Twitter熱傳
by / on 28/10/2017 at 11:59 am

滅火器變藝術作品 印尼機場創作Twitter熱傳

滅火器周街都見到,不過喺印尼嘅哈達國際機場,有藝術家就將佢變成作品。由潛水員到氣泵,全部都可愛,作品仲熱傳到日本! 相關資訊日本媽媽刺繡「勇者雷登」機械人咕臣 超有愛Twitter熱傳 (Nov 19, 2017) 日本車站新字體 鴿仔進駐車站Twitter熱傳 (Nov 18, 2017)

Read more ›