偶像資訊

【神級】南韓畫家超真實人像畫 皺紋毛孔細緻呈現
by / on 25/04/2017 at 4:05 pm

【神級】南韓畫家超真實人像畫 皺紋毛孔細緻呈現

有無似成咁呀?呢位南韓神級畫家Joongwon Jeong嘅人像畫超像真,唔識嘅要識吓。佢嘅作品真到根本就係一張相咁,仲要係高解度嘅相,細緻到一條皺紋、一個眼袋以至一粒毛孔都清楚呈現,好強!佢嘅人像畫類型好廣泛,由藝人Ian McKellen、Robert John Downey Jr.,到心理學家佛洛伊德、希臘詩人荷馬,以至政治人物金正日、金正恩、前南韓憲法法院院長樸漢徹都有份。就讀弘大視覺設計嘅佢仲俾人話個樣有啲似李昇基,可能因為咁佢都經常畫自畫像,入嚟可以評吓分。 相關資訊【相集】神級汽車攝影師自製場景 大風雪靠灑糖霜 (Apr 4, 2017) 【圖集】日本神級動漫刺繡師 繡漫畫圖仲有對白 (Mar 9, 2017)

Read more ›

【有片】日本麻甩肥喵最鍾意反肚瞓     動作狂放Twitter熱傳
by / on 21/04/2017 at 7:05 am

【有片】日本麻甩肥喵最鍾意反肚瞓 動作狂放Twitter熱傳

根據經驗,似乎越肥嘅喵星人越鍾意反肚瞓覺。呢隻日本黑白肥喵本身個肚全白色已經特別顯肥,加上佢本身真係肥,但係又瞓到咁狂放,難怪樓主呀爸話隻喵好似海豹,入嚟有大量呢隻肥喵嘅生活照,有相有片,個樣果然好懶,仲極麻甩。 相關資訊【有片】日本公司任喵行 吸引愛喵人才見工 (Apr 25, 2017) 【有片】肌迷有福了!日本「茨城温泉」宣傳片温泉x筋肉x4K (Apr 25, 2017)

Read more ›
日本小學生選美活動 網民:「右二質素最高!」
by / on 18/04/2017 at 7:37 am

日本小學生選美活動 網民:「右二質素最高!」

日本人好鍾意搞選美活動,中學生、大學生都有,分地區選又有,估唔到連「小學生」都有選美!最近呢個女子小學生選舉喺2ch好多人討論,4個勝出者質素都唔錯,其中企右二嗰位5號參加者最多網民讚靚。但係都有人話中間嗰兩位似乎生得高大啲,有啲似中學生。跟手仲有網民放咗其他唔似小學生嘅小學生便服造型照出嚟,入嚟有得睇,結論係日本小學生的確幾早熟。 相關資訊【有片】日本婆婆電車內爆氣 叫聲激似《龍珠Z》悟空 (Apr 25, 2017) 【相集】日本喵星人夏天換新床 超開心Twitter熱傳 (Apr 25, 2017)

Read more ›
世上最快樂刺猬仔 曾被遺棄獲好心人收養
by / on 16/04/2017 at 11:40 am

世上最快樂刺猬仔 曾被遺棄獲好心人收養

呢隻叫Waldo嘅刺蝟超可愛,佢張笑到好開心嘅相喺網上好多人分享。不過佢唔係一開始就咁順利,之前被遺棄嘅佢,好彩最後得到新主人Niki Brown收養,但佢一開始好怕人,經常匿埋,仲會間中咬人。經過長時間相處,到3歲嘅時候,Waldo終於被主人嘅熱情融化。而家主人嗌佢個名佢會走出嚟跟住晒,影相又識笑笑口賣萌,每逢星期五晚主人仲會帶佢走酒吧玩,而佢都好social成日呃到零食食。不過得意還得意,大家想養刺猬仔之前要再三諗清楚,要記住照顧寵物係一生一世嘅責任。 相關資訊日本超悲傷狗狗Twitter熱傳 誤會被遺棄露可憐表情 (Jan 30, 2017) 【新片速報】日本喵星人為上樓博到盡 撞腳爬大脾求收養 (Jan 18, 2017)

Read more ›
【新片速報】日本柴犬邪魔之夜 主人舖床超艱難
by / on 15/04/2017 at 11:21 am

【新片速報】日本柴犬邪魔之夜 主人舖床超艱難

一般日本人舖床3分鐘可以完成,不過呢個養咗隻柴犬嘅主人,舖床就要雙倍時間。佢最近放咗段片上Twitter,由舖床褥開始柴犬已經好興奮,之後不停跳嚟跳去,主人試圖用隻拖鞋引開佢,不過佢好快又跳返埋位繼續搞事,睇片都覺得主人好攰。不過隻柴犬個樣咁可愛,點捨得話佢吖。 相關資訊日本超巨大腐皮包烏冬 奈良車站附近有得食 (Apr 25, 2017) 勁到癲!日本模型高手二次元塗裝新作「ガンダム・バルバトスルプスレクス」 (Apr 24, 2017)

Read more ›
【相集】日本櫻花樹下舞蹈家 紅色三角褲Twitter熱傳
by / on 11/04/2017 at 7:19 am

【相集】日本櫻花樹下舞蹈家 紅色三角褲Twitter熱傳

  呢幾日舖天蓋地都係櫻花相,不過都唔及呢輯搶眼。呢位著住紅色三角褲嘅日本男士好奔放,喺櫻花樹下做出多個美妙嘅肢體動作,其實佢係著名舞蹈家五十嵐結也,身形雖然肥肥哋,但係心口執毛好搶眼,仲有另外一輯佢喺草原奔跑,個景都好靚。BTW,攝影師係飯野高拓,影得人同景都出類拔萃,高手。 相關資訊原來貓頭鷹對腳好長 日本網民狂出圖 (Apr 24, 2017) 【新片速報】日本貓奴想彈琴 3隻喵星人聯手攻擊 (Apr 24, 2017)

Read more ›

【有片】日本綜藝節目考英文 「以訛傳訛」橫山裕好驚青
by / on 09/04/2017 at 11:18 am

【有片】日本綜藝節目考英文 「以訛傳訛」橫山裕好驚青

日本人英文出名麻麻哋,呢個電視節目就玩呢樣嘢,今次搵咗日本歌手「橫山裕」做嘉賓,佢先同個鬼佬對話,然後要死記住嗰句英文,再轉述俾另一個外國人聽。日本網民話好笑到肚痛,好彩佢最後順利完成,發音仲幾準。不過會唔會其實全部都係演技嚟架? 相關資訊日本網民發現孖蕉 打開蕉皮暗藏兩條蕉 (Apr 24, 2017) 日本超實用「封印」膠紙 封iPhone封老闆 (Apr 24, 2017)

Read more ›
【新片速報】日本喵星人Maru狂轉髮型 金毛孖辮好可愛
by / on 06/04/2017 at 7:57 am

【新片速報】日本喵星人Maru狂轉髮型 金毛孖辮好可愛

仲記唔記得呢隻喺日本好受歡迎嘅喵星人Maru?最近佢又有新片,今次主人幫佢轉唔同髮型,黑頭髮Bob頭、金毛短髮、孖辮妹,連綠色鬈毛都出埋,每次佢個樣都好無奈,不過難得佢又唔會走開喎,果然係一個專業嘅演員! 相關資訊【新片速報】日本喵星人刁鑽飲水法 其實飲唔倒Twitter熱傳 (Apr 24, 2017) 【新片】超好睇!俄羅斯溜冰美少女 變身月野兔交足戲 (Apr 23, 2017)

Read more ›
【天價】影相放上網收7萬蚊 外國旅遊達人天堂式生活
by / on 05/04/2017 at 7:11 am

【天價】影相放上網收7萬蚊 外國旅遊達人天堂式生活

每Post一張相有港幣7萬蚊,每日工作1小時,呢啲究竟係乜嘢生活?外國呢對俊男美女Jack Morris同Lauren Bullen擁有好多人夢寐以求嘅生活,佢哋上年喺Fiji認識,兩個都係網絡紅人,男嘅IG而家有200萬個followers,女嘅有120萬,好多品牌以至旅遊局都會搵佢哋影吓相share吓喺個人平台。佢哋話每日會喺日出時用一小時影相,每出一個post最多可以有9千蚊美金,即係超過7萬蚊港幣,低過美金3千蚊嘅job佢哋都唔會接。入嚟有佢哋嘅IG可以follow。不過建議唔好喺返工時間睇,睇完好可能會心情低落。 相關資訊日本Cosplay闖入動物園影相 角色太似動物職員勸阻 (Apr 22, 2017) 【靚成咁】最靚迪士尼公主 重畫作品IG超人氣 (Apr 19, 2017)

Read more ›
【相集】日本貓船長即將生日 網民提議搞放題慶祝
by / on 04/04/2017 at 11:00 am

【相集】日本貓船長即將生日 網民提議搞放題慶祝

仲記唔記得呢隻日本貓船長?雖然之前倒瀉過船長嘅午餐烏冬,但就因為咁而紅咗,仲拎埋最佳船員獎。唔講唔知,4月12日就係佢嘅生日嘞,船長問大家送乜嘢生日禮物俾佢好,有人提議送烏冬、高級貓罐、猛男喵,仲有人提議搞返個放題,話晒喺船上生活,可以考慮即捕即食喎!入嚟有大量佢嘅生活照同影片,行船嘅生活好悠閒,好羨慕佢! 相關資訊【有片】拆彈專家出動 日本秋葉原站發現不明物 (Apr 23, 2017) 【有片】運氣話嚟就嚟 魚仔出水 日本Wakeboard友被啄要害 (Apr 23, 2017)

Read more ›
【多圖】超可愛鬆毛喵IG大人氣 肥仔愛爬樹
by / on 02/04/2017 at 11:22 am

【多圖】超可愛鬆毛喵IG大人氣 肥仔愛爬樹

呢隻超可愛嘅喵星人Bone Bone各位貓奴要識,佢來自泰國,而家喺當地好高人氣。佢嘅特點係啲毛好霸氣,尤其是下巴,多到好似圍咗頸圈咁,加上佢身形圓潤,佢仲經常揹住個好似龜殼嘅黃色背囊出巡,超搞笑。而家佢每次出街都會俾好多女仔圍住,個個爭住同佢自拍,另外佢仲好鍾意爬樹,入嚟有多啲相睇。 相關資訊日本可愛兔仔除塵掃 匿入杯內當擺設 (Apr 22, 2017) 日本京都超可愛芭菲 喵星人雪糕球Twitter熱傳 (Apr 19, 2017)

Read more ›

【有片】日本即食丸子新煮法 夾麵包變飛碟超美味
by / on 29/03/2017 at 7:18 am

【有片】日本即食丸子新煮法 夾麵包變飛碟超美味

櫻井翔最近有個CM宣傳新食品「おにぎり丸」,呢粒肉丸可以放入飯團度當食材,30分鐘自然解凍,都幾方便。不過有網民就發現新食法,佢買咗咖哩豬肉丸,用兩塊麵包夾實佢再烘一烘,飛碟造法,呎吋啱啱好,咬開嘅時候啲肉汁咇晒出嚟超美味,睇完好想試! 相關資訊【有片】日本熊本城紙模型 籌款重建香港都買到 (Apr 23, 2017) 【寂寞】日本爸爸沉迷打機致離婚 升呢為網上重遇女兒 (Apr 22, 2017)

Read more ›
【多圖】Mr.Bean超高質改圖 狼人/佛地魔萬能key
by / on 28/03/2017 at 7:41 am

【多圖】Mr.Bean超高質改圖 狼人/佛地魔萬能key

今次啲改圖好高質,唔share對唔住自己。英國演員Rowan Atkinson(Mr.Bean)大人細路都識,佢嘅臉部表情出神入化,有網民發起改圖活動,將佢key成唔同角色,Harry Potter、狼人、Loki、佛地魔、Joker、亞凡達、Iron Man以至《魔戒》嘅咕嚕,全部零違和,Key嘅人勁,佢本身個樣咁萬能key都好難得,入嚟有得睇晒佢。 相關資訊日本大師級「夜櫻」靚相 超高質Twitter熱傳 (Apr 16, 2017) 【相集】超高質喵星人趣怪表情 怪招搶鏡專門搞事 (Apr 8, 2017)

Read more ›
網圖分享:Cuson一日一畫 日本明星逐個畫
by / on 22/03/2017 at 11:06 pm

網圖分享:Cuson一日一畫 日本明星逐個畫

誰敢豪情壯語話一日一畫?講真有時間都必有心機,有心機都未必有耐力,Cuson就好嘢嘞,應付完港女老婆CaCa,居然仲有時間一日畫一幅畫,仲要有主題添,專畫日本明星。畫風有少少Q版,又帶少少似顏繪風格,同佢畫嘅《我的港女老婆》完全係兩隻畫風,不過同樣高質,要畀Like。 相關資訊網圖分享:永遠懷念哥哥 (Apr 3, 2017) Cuson發現Cuson斷頸!網民估蝗蟲所為! (Mar 29, 2017)

Read more ›
【新片速報】《斉木楠雄のΨ難》真人電影新片海報公開 橋本環奈好清純
by / on 15/03/2017 at 7:45 am

【新片速報】《斉木楠雄のΨ難》真人電影新片海報公開 橋本環奈好清純

由2012年開始喺《週刊少年Jump》連載嘅超人氣漫畫《斉木楠雄のΨ難》(齊木楠雄的災難) 將會拍真人版電影,官方啱啱出咗新片同海報,主角超能力者由「山﨑賢人」飾演,另外仲有飾演照橋心美嘅「橋本環奈」!橋本環奈今次著校服好清純,同《銀魂》挖鼻嘅「神樂」好唔同,大家鍾意邊個造型多啲?BTW,兩套電影都係由福田雄一做監督,睇嚟佢都好鍾意橋本環奈。電影預計今年10月21日上畫,遲過《銀魂》少少。其他演員仲有新井浩文、吉沢亮、笠原秀幸、賀来賢人、ムロツヨシ、佐藤二朗,入嚟有大量新造型相睇。 相關資訊《73漫畫》加推書店精裝本 送海報限量73本 (Apr 23, 2017) 超正真人錯覺相 見唔見到隱藏動物? (Apr 19, 2017)

Read more ›