偶像資訊

【圖集】超可愛寵物狐狸仔     IG粉絲過2百萬出新書
by / on 01/04/2018 at 2:25 pm

【圖集】超可愛寵物狐狸仔 IG粉絲過2百萬出新書

呢隻超可愛嘅狐狸仔我哋之前都介紹過,佢係馴服咗嘅狐狸,同屋企隻狗狗仲相處得好好。無見兩年,呢隻狐狸仔而家IG已經有2百萬fans,變咗狐狸界KOL,佢嘅主人啱啱推出咗以狐狸仔做主題嘅新書《Juniper: The Happiest Fox》,鍾意呢位狐狸仔嘅記住買返本支持吓。入嚟有多啲佢嘅近照睇,超可愛呀! 相關資訊【有片】超可愛雀仔短片 一齊轉超搞笑Twitter熱傳 (May 19, 2018) 【相集】喵星人大得好快 日本熱傳對比照超可愛 (May 18, 2018)

Read more ›

【相集】神級畫家畫《星戰》Rey      超靚似幅相
by / on 31/03/2018 at 1:28 pm

【相集】神級畫家畫《星戰》Rey 超靚似幅相

用神級嚟形容呢位藝術家Heather Rooney都唔過份,以下嘅作品都係佢用顏色筆一筆一筆畫出嚟嘅,真實度爆燈,靚到好似相片一樣。只得25歲嘅佢畫真人或者動物都好高質,本身仲幾靚女,入嚟有多啲佢嘅作品睇。 相關資訊【相集】日本攝影師超治癒相集 祖母與柴犬置身花海 (May 21, 2018) 《復仇者聯盟》回到童年時 超正回帶相集 (May 19, 2018)

Read more ›
【有片】C朗雕像有新版本   製作者當年被嘲大受打擊
by / on 31/03/2018 at 1:24 pm

【有片】C朗雕像有新版本 製作者當年被嘲大受打擊

仲記唔記得呢個C朗銅像?上年C朗家鄉Madeira政府將當地機場易名為「基斯坦奴朗拿度機場」,當日現場呢個C朗頭部雕像迅速成為網民焦點,有人話似小學生作品,有人話似手機遊戲入面無攞版權嘅「C朗」。呢件事令製作銅像嘅Emanuel Santos好困擾,其實嗰次係佢首次做雕像,臨危受命,做得唔好其實情有可原,最近佢受命可以再製作一次,而且已經完成製作嘞,佢喺訪問入面講返自己要重新振作再造一個雕像嘅心路歷程,外國網民都叫大家唔好咁mean,支持吓佢。個人認為新呢個造得唔錯,不過我其實鍾意舊嗰個多啲。入嚟有訪問片可以慢慢睇。

Read more ›
【新片速報】日本女主持超誇張       開水樽反應網民無限loop
by / on 27/03/2018 at 7:49 am

【新片速報】日本女主持超誇張 開水樽反應網民無限loop

講到誇張,香港嘅女主持人都要行埋一邊,日本人出名誇,呢位日本女主持更加成為網民嘅熱烈討論對象。話說佢哋試緊一個炭酸產品,加入水內就可以令支水產生氣泡,當示範者扭開個樽蓋嘅時候,女主持嘅表現誇張到呢!有日本網民整咗GIF俾大家無限loop,之後仲有個剪接版,加個宇宙大爆炸嘅畫面,好正,入嚟有得睇。 相關資訊【雕咗幾耐?】日本木工高手 自製紅勇士/魔蟹/強人可動模型 (May 24, 2018) 日本電視節目教影「錯覺相」 地下噴水扮飄起 (May 24, 2018)

Read more ›
【有片】韓國直播遊戲Super Bunny Man 爆笑死法網上熱傳
by / on 23/03/2018 at 7:44 am

【有片】韓國直播遊戲Super Bunny Man 爆笑死法網上熱傳

平時睇遊戲直播好少會睇到韓國咁偏門,不過今次喺Twitter見有日本網民分享仲加埋日本字幕,估唔到段片咁好笑喎。玩嘅遊戲係Super Bunny Man,直播主主力試唔同嘅「死法」,例如同同伴亂跳鬥累死對方,踢對方落懸崖,好好笑,段YouTube片係精華片段,而家已經去到170萬點擊,入嚟有得慢慢笑,睇完都想下載隻遊戲玩吓。 相關資訊有片:韓國電視版《街頭霸王》 印度佬變和尚/蘇聯佬變肥仔 (May 21, 2018) 「熊貓之穴」又出爆笑扭蛋 動物變鞋抽下巴第4彈 (Apr 25, 2018)

Read more ›
【新片速報】日本超強裸露男新作 玩命鐘擺片6百萬點擊
by / on 22/03/2018 at 7:06 am

【新片速報】日本超強裸露男新作 玩命鐘擺片6百萬點擊

雖然知道大家未必鐘意睇男人,不過無辦法,呢段片實在太強,而家喺Twitter已經超過6百萬瀏覽,唔分享唔得。又係呢個成日乘機展露自己身體嘅男人akira100%,今次佢挑戰極限,玩陀錶式嘅左右擺動,本來有個鐵碟遮住重要部位,之後越玩越投入,碟都拎走埋,不過放心,咩都睇唔到嘅,不過佢嘅摟打動作同埋表情真係超過份。 相關資訊日本今日「Kiss之日」 Twitter大量圖/片應節 (May 23, 2018) 日本喵星人影寫真 懷舊甫士超有少女味 (May 23, 2018)

Read more ›

【相集】外國大隻cosplayer轉風格 cos美少女戰士fans離棄
by / on 21/03/2018 at 7:07 am

【相集】外國大隻cosplayer轉風格 cos美少女戰士fans離棄

  法國呢位cosplayer Leo Bane大大隻,一睇就知玩開健身。佢cos過嘅角色都係啲大隻仔角色,例如God of War嘅戰神、LOL嘅Udyr、戰狼300、街霸等等,不過最近佢好大膽,竟然轉風格cosplay美少女戰士,仲因為咁而流失咗大量fans。睇返佢輯相,唔只撐爆咗美少女戰士件衫,啲表情仲超摟打,但係我鍾意。入嚟有多啲相睇。 相關資訊【畢業留念】外國學生畢業創舉 撞爛校長大廈門口 (May 19, 2018) 【圖集】《復仇者聯盟3》角色動畫化 超似彼思動畫風格 (May 4, 2018)

Read more ›
【新片速報】日本自虐吉祥物新片 怒打吹氣棒帽都飛甩
by / on 19/03/2018 at 9:03 am

【新片速報】日本自虐吉祥物新片 怒打吹氣棒帽都飛甩

又係呢隻高知縣嘅吉祥物,出名暴力鐘意玩自虐,仲俾好多家長鬧教壞細路,不過越鬧佢就越紅,越紅就越出得多片。啱啱呢段片佢就瘋狂打支吹氣不倒棒,打到帽都飛甩埋,好激動,咁可愛嘅樣同佢咁暴力嘅行為,真係好大反差。段片短短一日已經超過2百萬瀏覽,而且越嚟越多人欣賞佢,雖然都仲有人繼續留言鬧。入嚟有片睇。 相關資訊【新片速報】日本超溫馴白文鳥 任摸唔嬲似棉花糖 (May 23, 2018) 日本真實版《龍貓》 喵星人瞓巨型毛公仔Twitter熱傳 (May 23, 2018)

Read more ›
【有片】大阪ストフェス高質cosplayer合集 安倍晉三學揸槍
by / on 19/03/2018 at 7:32 am

【有片】大阪ストフェス高質cosplayer合集 安倍晉三學揸槍

啱啱喺大阪舉行第14回日本橋ストフェス (Street Festa),每年都吸引超多cosplayer進駐,喺Twitter已經有大量造型睇,最多人RT有《POP TEAM EPIC》呢對學生妹,有搞笑版亦有靚女版,超正,另外仲有DARLING in the FRANXX嘅ゼロツー、Resident Evil、藪貓、Iron Man等等,連安倍晉三都有,仲揸槍添!全部都勁高質,入嚟有得慢慢睇。 相關資訊日本大阪cafe三代貓 喵星人與貓頭鷹和睦共處 (May 22, 2018) 【超靚】北海道櫻花全開 星形設計「五稜郭」賞櫻勝地 (Apr 28, 2018)

Read more ›
【撞樣】日本網民熱傳    Rihanna條裙超似「厚燒玉子」
by / on 13/03/2018 at 8:19 am

【撞樣】日本網民熱傳 Rihanna條裙超似「厚燒玉子」

好多嘢都真係一線之差,好似最近日本網民就發現歌手Rihanna行紅地毯時嘅嗰條黃色裙,居然同日本嘅厚燒玉子好相似!唔講唔覺,一講就回不去了。而家每次望住條裙都覺得好肚餓‥‥‥之後有網民改圖,變咗做Pizza、奄列、粟米湯,其實仲可以做埋煎蠔餅、蛋角。 相關資訊日本知名設計師新作 腳趾尾都要戴頭盔 (May 22, 2018) 日本名模「平子理莎」47歲 外貌與真實年齡不符 (May 22, 2018)

Read more ›
【有片】「稻村亞美」殺入棒球場迅間被淹沒 4000名中學生超興奮
by / on 13/03/2018 at 7:50 am

【有片】「稻村亞美」殺入棒球場迅間被淹沒 4000名中學生超興奮

22歲嘅寫真偶像「稻村亞美」突然出現喺棒球場,會有乜嘢效果?最近佢去咗「中學生野球大會」做開球嘉賓,現場有超過4千個中學生,睇片見到佢喺球場中間出現,開完球之然後,圍觀嘅人群開始一湧而上包圍佢,好快佢就被淹沒,效果好震憾!講返稻村亞美,佢自從當年喺汽車廣告入面扮演打棒球嘅OL而爆紅,之後就經常出席開球禮,拍寫真亦經常拎住球棒,被稱為「神揮棒」美少女,難怪出現喺棒球場效果咁震憾,不過好多網民都話咁樣好危險,各球員當日亦要喺大會勸導之下先至肯返返原位。不過「稻村亞美」就喺IG話感受到學生們嘅熱情,話無諗過會有咁嘅情況出現,希望無人因為咁而受傷。 相關資訊日本宮崎「立飲」有長腿 網民讚老闆聰明 (Feb 19, 2018) 【相集】日本狗狗遇大雪超興奮 超靚相集Twitter熱傳 (Jan 23, 2018)

Read more ›

羽生結弦最愛《數碼暴龍》片頭曲 團隊畫賀圖答謝
by / on 05/03/2018 at 7:23 am

羽生結弦最愛《數碼暴龍》片頭曲 團隊畫賀圖答謝

大家都知日本金牌花式溜冰選手「羽生結弦」係動漫迷,鍾意Winnie The Pooh、東京喰種,又會玩Monster Hunter,估唔到仲有數碼暴龍。最近佢上電台做訪問時,主持人問佢有無邊首歌令佢比賽前感到平靜,佢話係已故歌手和田光司嘅Butter-Fly,仲話好鍾意數碼暴龍嘅片頭歌曲。數碼暴龍團隊知道咗之後即刻畫咗幅賀圖恭喜羽生結弦得獎。入嚟有得重溫返首片頭曲。 相關資訊見工唔成有禮收 日本公司寄件答謝求職者 (May 1, 2018) 影衰咗也好看 羽生結弦日本Twitter低手圖集 (Apr 23, 2018)

Read more ›
羽生結弦「偷拍相」    日本粉絲有戀愛感覺
by / on 01/03/2018 at 7:51 am

羽生結弦「偷拍相」 日本粉絲有戀愛感覺

直到今日,Twitter依然有大量羽生結弦嘅新聞,最新有呢個「帰国報告会」嘅相,之所以會熱傳,因為加咗個人嘅少少幻想。呢位fans喺人群之中偷影羽生,佢話感覺到羽生結弦望住自己,仲對住自己笑。配埋旁邊嘅黑影,真係幾易令人FF嘅,樓主仲放埋片俾大家一齊欣賞,大家都可以代入自己就係主角,係咪覺得好sweet?有網民仲話俾到佢戀愛嘅感覺! 相關資訊【日本投選】最想重製的80年代動畫 第1位《山T女福星》 (May 21, 2018) 貓奴要去 日本超正旅館有貓入房陪玩 (May 21, 2018)

Read more ›
有片:Piko太郎 x 桃色幸運草Z《Vegetable》 我聽咗啲乜?
by / on 27/02/2018 at 9:09 pm

有片:Piko太郎 x 桃色幸運草Z《Vegetable》 我聽咗啲乜?

蘋果菠蘿加支筆,一首《PPAP》唱紅Piko太郎,最新添食作《Vegetable》歌如其名,唔玩水果玩蔬菜。將番茄薯仔香芹加南瓜無限Loop無限唱,Piko太郎同一套衫,同一副眼鏡,同一個表情,同一種唔知乜舞步嘅舞步,不過就聯乘咗組合桃色幸運草Z一齊拍MV,五顏六色有女睇叫養眼好多咁喇。至於歌曲本身咯喎,嗯……歌詞多咗變化旋律亦複雜咗,但效果反而唔及《PPAP》咁洗腦囉,我都係嗰句──我究竟聽咗啲乜? 相關資訊有片:I have a oppai!天木純搖乳版《PPAP》! (Dec 9, 2016)

Read more ›
【新片速報】羽生結弦現身講《東京喰種》 聲優花江夏樹突入
by / on 26/02/2018 at 7:50 am

【新片速報】羽生結弦現身講《東京喰種》 聲優花江夏樹突入

每日Twitter都有羽生結弦嘅新片新相,呢兩日熱傳嘅係呢段電視節目片,之前都透露過自己鐘意《東京喰種》呢套動畫,今次再講多啲,仲有問答題,仲有金木研聲優「花江夏樹」出場,好冧,入嚟有片睇,仲有彩蛋。 相關資訊【今日GIF】美人聲優佳村はるか 彈跳無限睇 (May 9, 2018) 【相集】羽生結弦出席公開活動 相集靚到似寫真 (Apr 23, 2018)

Read more ›