偶像資訊

【新片速報】日本人氣孖女跳雙子舞 完全對稱似鏡像效果
by / on 28/12/2017 at 7:55 am

【新片速報】日本人氣孖女跳雙子舞 完全對稱似鏡像效果

日本呢對超人氣嘅雙胞胎「りかりこ」最出名係跳完全對稱嘅舞步,最近佢哋幫Y!mobile拍嘅新廣告入面跳「對稱雙子舞」,動作好可愛,唔知以為用咗鏡像效果,入嚟有得睇。 相關資訊【有片】呢啲就係專業!網民讚好靚 日本迪士尼「女王」演員超高傲回應 (Feb 25, 2018) 日本畫師新作 動漫主角剪影內藏名場面 (Feb 25, 2018)

Read more ›

太投入影相好危險 日本藝人食物傾斜大量貼圖
by / on 25/12/2017 at 2:33 pm

太投入影相好危險 日本藝人食物傾斜大量貼圖

日本藝人遠藤憲一大家都好熟悉啦,最近佢喺Twitter放咗咗相後被狂RT。原來佢犯咗好多人都會犯嘅錯誤,就係顧住影相無留意手上碟嘢傾斜咗流晒出嚟,滴汁仲要啱啱好吊喺碟邊,好有藝術感。之後網民回帶睇返之前都有好多人中過招,死因都係貪靚掛住影相,最過份應該係拉麵,成碗湯倒晒出嚟‥‥‥入嚟有回帶。 相關資訊日本「貓島」太多貓要絕育 今年成功申請基金 (Feb 24, 2018) 日本爸爸拎錯喼 開會發現入面係cosplay服 (Feb 24, 2018)

Read more ›
日本孖仔藝人挑戰iPhone X 面容辨識成功解鎖
by / on 23/12/2017 at 2:49 pm

日本孖仔藝人挑戰iPhone X 面容辨識成功解鎖

iPhone X嘅面部辨識系統越嚟越多人發現問題,之前有小朋友成功解鎖呀媽部機,最近日本著名嘅孖仔藝人ザ・たっち又成功解鎖嘞。號稱可以分辨到雙胞胎,不過睇段片就見到佢哋兩個成功用同一部iPhone X解鎖。咁話時話,佢兩個又真係好似一樣樣咁嘅。 相關資訊【圖集】日本「貓之日」人氣插畫師出圖 巨喵襲地球 (Feb 23, 2018) 日本「貓之日」Twitter洗版 大量可愛喵星人任睇 (Feb 22, 2018)

Read more ›
【新片速報】日本女藝人扮多啦A夢 超神似贏走1千萬円獎金
by / on 12/12/2017 at 7:31 am

【新片速報】日本女藝人扮多啦A夢 超神似贏走1千萬円獎金

cosplay見得多,不過cosplay多啦A夢真係比較少見。最近女藝人ゆりやんレトリィバァ喺日本節目「女藝人No.1決定戰」入面cosplay多啦A夢最終獲高票數完勝。佢唔只身形肥肥哋似多啦A夢,講嘢嘅語氣同埋純真嘅表情都表達到恰到好處,網民都讚佢神似。最終佢贏走咗1千萬円獎金,仲感動到喊,入嚟有片睇。 相關資訊日本便利店新款「便當」 單手拎住食超方便 (Feb 22, 2018) 日本貓零食變「投藥用」 超聰明設計呃喵星人 (Feb 21, 2018)

Read more ›
【新片速報】日本搞笑藝人又裸體 用「捲尺」抽枱布唔走光
by / on 11/12/2017 at 7:57 am

【新片速報】日本搞笑藝人又裸體 用「捲尺」抽枱布唔走光

又係呢個搵命搏嘅日本搞笑藝人「ウエスP」,佢嘅強項係赤裸嘅情況下扯走條枱布而唔走光,都算係一門手藝嘅。之前都出過唔少片,今次又有新作,協助佢嘅道具由之前嘅電風扇、吸塵機變成一把「捲尺」,撳一撳個自動收尺掣,嘩!睇到個人心都離一離,講真,佢無走光大家都覺得開心嘅。 相關資訊唔覺意cosplay咗《動物朋友》 日本Twitter熱傳「かばんちゃん」 (Feb 21, 2018) 日本貓睇冬奧 最愛冰壼玩埋一份 (Feb 20, 2018)

Read more ›
《海月姫》真人版劇照公開 超強偽娘「瀨戶康史」好可愛
by / on 07/12/2017 at 7:53 am

《海月姫》真人版劇照公開 超強偽娘「瀨戶康史」好可愛

日本漫畫《海月姫》將會改編拍真人版電視劇,其中由男藝人「瀨戶康史」飾演超時尚嘅偽娘角色蔵之介役最令人期待啦。最近官方發佈咗兩張新相,著住紅色長外套戴晒假長髮嘅瀨戶康史激似女人,而且仲幾靚幾可愛添!連甫士都好溫柔。有無令大家更期待?套劇下年1月啟播,記住留意吓。 相關資訊【有片】羽生結弦練習片Twitter熱傳 網民大讚好可愛 (Feb 24, 2018) 【相集】超可愛雙色喵星人 半灰半黑網上熱傳 (Feb 23, 2018)

Read more ›

網圖分享:Rodman Chan吹雞比拼3cm畫作 一呼百應抵畀Like
by / on 06/12/2017 at 8:24 pm

網圖分享:Rodman Chan吹雞比拼3cm畫作 一呼百應抵畀Like

真心,我係好好好好好開心認識到Rodman Chan兄呢個面書朋友嘅,佢嘅畫作已經係我精神食糧,每次睇到都會心微笑。人求乜啫,都係求開心一笑之嘛!我估,佢亦都係一個開心快樂人,唔係點會咁有本事將快樂感染畀人呢?喺面書一吹雞,玩3cm畫作投稿比拼,都已經係成個禮拜前嘅事,到依家依然參與者眾,人像、字體、四格漫畫乜都有齊,聽講近呢一兩日仲加高難度,發展到畫1cm添,厲害!Rodman Chan一呼百應,絕對係好事嚟嘅,以畫會友,成畫壇盛事也,開心睇畫開心笑,做人就係咁簡單。 相關資訊黃國興砌圖版3cm畫作 唔見咁胯下最重要一忽 (Dec 8, 2017) 奉Rodman Chan諭 請踴躍參加《天若有情之恐怖吳倩蓮大賽》 (Nov 3, 2017)

Read more ›
【圖集】《權力遊戲》fan遊遍歐洲 經典場景神還原
by / on 05/12/2017 at 7:37 am

【圖集】《權力遊戲》fan遊遍歐洲 經典場景神還原

好多電影迷都鍾意去返拍攝場景遊覽,不過好似呢位旅遊blogger Andrea David咁專就比較少見。佢係美劇《權力遊戲》嘅fans,呢套劇拍攝咗足足7季,地點無數咁多,佢去咗大量景點仲拎埋電影劇照比對,好勁。踏足嘅地方包括冰島、北愛爾蘭、西班牙、馬爾他、克羅埃西亞等等,最佩服係連雪地、森地佢都可以準確搵到拍攝位置,入嚟有得慢慢欣賞。除咗《權力遊戲》,其他電影例如蜘蛛俠、賤熊等等都有得睇,想睇記住follow埋佢IG嘞。 相關資訊日本芒亨獵人自製「貓飯」 超豐富神還原 (Feb 13, 2018) 睇漫畫學大道理 「朋友」主題ONE PIECE經典背影 (Jan 30, 2018)

Read more ›
普京2018俄羅斯年曆 狗狗做主題Twitter熱傳
by / on 03/12/2017 at 7:04 am

普京2018俄羅斯年曆 狗狗做主題Twitter熱傳

地上最強嘅男人都有溫柔嘅一面,之前2017年普京都有出過騷肌肉嘅年曆,嚟到2018年,今次用狗狗做主題,有日本網民去開俄羅斯見到,話搵唔到唔買嘅理由,之後返到日本當然要影低放上Twitter分享吓。12個月份分別有佢攬住唔同嘅狗狗相,有新有舊,好正!睇完我都想買一份用一份儲。 相關資訊羽生結弦出賽冬奧 Winnie The Pooh繼續成焦點 (Feb 17, 2018) 網圖分享:開心睇2018狗年賀圖 (Feb 16, 2018)

Read more ›
日本藝人iPhone X試男扮女裝 Face ID成功辨識
by / on 28/11/2017 at 7:38 am

日本藝人iPhone X試男扮女裝 Face ID成功辨識

呢位成日男扮女裝嘅日本男藝人「ブルボンヌ」最近又諗到新嘢試,就係iPhone X嘅Face ID嘞!變裝前男兒身嘅佢做咗面部辨識,之後變身女人,畫晒粗眼線貼晒假眼睫毛,仲揸埋脣膏化晒妝,呀媽都未必認到佢,不過iPhone X就成功認到嘞!有網民分析,話因為Face ID認嘅係眼同眼之間嘅距離、鼻嘅形狀、眼鼻口之間嘅位置等等,由於呢啲都無改動過,所以係可以成功認出嘅!諗深一層都好合理,如果唔係好多化妝化妝後嘅靚仔靚女,易容技巧勁過男扮女裝,應該長期解唔到鎖。 相關資訊【成功上樓】流浪狗狗慘變皮包骨 獲救後成功被領養 (Feb 22, 2018) 日本人形蘿蔔出頭天 大細攬枕陪你瞓 (Feb 20, 2018)

Read more ›
「Selfie係我哋發明嘅!」 Paris Hilton狂言引發網民出圖回應
by / on 28/11/2017 at 7:20 am

「Selfie係我哋發明嘅!」 Paris Hilton狂言引發網民出圖回應

羽毛球都係我發明架!仲記唔記得《全力扣殺》林敏驄最後嗰段爆肚獨白?今次睇Paris Hilton喺Twitter嘅post我諗返起呢句對白。事緣最近Paris Hilton放咗佢同Britney Spears喺11年前嘅自拍照,仲講咗句:「11年前嘅相,我同Britney發明咗自拍!」由於句嘢太膠,網民即時瘋狂留言post相反駁,遠嘅有瑪麗蓮夢露拎住寶麗萊即影即有自拍,近啲嘅仲有Mr. Bean,大量舊相回帶,不過就無Paris Hilton嘅回應,可能人哋純粹搞吓笑,係大家太認真?入嚟有得睇。 相關資訊【相集】「羽生結弦」練習相Twitter熱傳 大量相片fans要睇 (Feb 23, 2018) 【有片】喵星人最憎著襪 光速揈甩好潚灑Twitter熱傳 (Feb 20, 2018)

Read more ›

日本瘋狂fans自製「廣瀨鈴」假人   遊環球影城Twitter熱傳
by / on 25/11/2017 at 11:34 am

日本瘋狂fans自製「廣瀨鈴」假人 遊環球影城Twitter熱傳

廣瀨鈴又靚又可愛,仲越嚟越多瘋狂fans。呢位日本嘅學生哥就好鍾意広瀬すず,鍾意嘅程度係想帶埋佢出街周圍去玩。最近佢就達成心願,用紙皮自製咗個広瀬すず假人,然後同佢去睇聖誕樹、去遊樂場同環球影城玩,仲話下一站要一齊去埋迪士尼!睇返佢平時啲Twitter,就知佢真係超鐘意廣瀨鈴,難得女同學仔唔介意兼同佢玩埋一份。BTW,輯相搞笑得嚟仲好有痴漢feel,入嚟有得慢慢睇。 相關資訊【有片】日本貪玩雀仔 跳風扇扇葉超可愛Twitter熱傳 (Feb 20, 2018) 【太像真】日本男生收「工具箱朱古力」 搭飛機被截查 (Feb 20, 2018)

Read more ›
【圖集】Wonder Woman低成本cosplay 膠紙加瑜伽墊50小時完成
by / on 24/11/2017 at 7:29 am

【圖集】Wonder Woman低成本cosplay 膠紙加瑜伽墊50小時完成

泰國嘅Low Cost Cosplay大家見識過,今次呢個都係低成本,而且仲要cosplay Wonder Woman,難度好高。Rhylee Passfield本身係化妝師,喺IG好高人氣,今次佢嘅主要材料係好平嘅膠紙同埋瑜伽墊,之後再上色,不過還原度好高!完成品用咗$30美金,花咗50小時完成,入嚟有得慢慢睇。佢之前仲化過好多恐怖妝,睇完絕對會俾佢嚇親,入嚟有回帶。 相關資訊【相集】超可愛「大雄」cosplay 學校取景日本Twitter熱傳 (Feb 22, 2018) 【有片】香港C3 Cosplay 蜘蛛俠識大細啤 (Feb 11, 2018)

Read more ›
日本「DJ社長」惡搞雙馬尾囡囡 超醜造型Twitter熱傳
by / on 23/11/2017 at 7:08 am

日本「DJ社長」惡搞雙馬尾囡囡 超醜造型Twitter熱傳

呢位25歲嘅「DJ社長」喺日本越嚟越紅,鍾意玩音樂又鍾意惡搞嘅佢最近又有新嘢玩,就係模仿日本女仔嘅造型嘞!噚日係雙馬尾日「いいツインテールの日」,好多女仔都喺Twitter貼咗可愛嘅雙馬尾自拍照,而佢就模仿兼醜化人,不過效果真係好似,入嚟有得慢慢笑。 相關資訊【貓奴共鳴】日本貓扭蛋 喵星人瞓電腦超寫實 (Feb 20, 2018) 【有片】日本吉祥物唔易做 玩平衡球踢牆撞甩帽 (Feb 20, 2018)

Read more ›
回帶有片:新垣結衣跳30秒腹肌舞 睩大眼睛好可愛
by / on 23/11/2017 at 7:00 am

回帶有片:新垣結衣跳30秒腹肌舞 睩大眼睛好可愛

新垣結衣又表演跳舞喇,今次簡單啲,係為宣傳《乒乓情人夢》上節目跳30秒腹肌舞啫,雖然套衫唔多Match,仲著埋有踭鞋,但人可愛就做跳乜舞都可愛,呢句說話係真嘅,尤其當佢聽到主持人解釋每日做30秒,就可以消耗普通鍛鍊腹肌100次嘅熱量,睩大眼睛嘅表情最可愛。 相關資訊【有片】日本網報道中國版「結衣」 網民覺得似唔似? (Jan 7, 2018) 長澤まさみ18歲、新垣結衣16歲開始 2005年至2017年對比圖 (Dec 25, 2017)

Read more ›