影音新聞

【有片】動畫版《惡魔城》首條預告 7月7日有得睇
by / on 25/05/2017 at 5:17 pm

【有片】動畫版《惡魔城》首條預告 7月7日有得睇

之前2月都公開咗,就係經典遊戲《悪魔城ドラキュラ》,即係《Castlevania》,會由Netflix製作動畫。啱啱有片睇喇,英文版長啲,而且有任天堂灰機入帶畫面,7月7日有得睇,香港區都應該有啦。 相關資訊【有片】日本晴空塔變惡魔城 東京超濃霧乜都睇唔到 (Mar 14, 2017) 確定轉到Switch?《惡魔城》製作人新作《Bloodstained》新動向 (Mar 6, 2017)

Read more ›

古典名畫二次創作 變龍貓變薩爾達零違和
by / on 25/05/2017 at 7:49 am

古典名畫二次創作 變龍貓變薩爾達零違和

古典名畫又深奧又難明,外國藝術家Lothlenan就諗到將佢哋二次創作,入面嘅主角變成大家熟悉嘅動畫或者遊戲角色,放上網後勁受歡迎。其中最正係將莫奈名畫「Woman with a Parasol」入面嘅角色變咗做龍貓,質素超高而且零違和。另外一張就將Edmund Leighton嘅「The Accolade」變成薩爾達嘅林克同埋公主,有睇開動漫或者打開機嘅睇落特別有共鳴。入嚟仲有其他幾款作品,有外國動漫,亦有Sailor Moon,認唔認得? 相關資訊出發冒險!有劍有盾 日本狗狗集齊林克裝備 (May 26, 2017) 【有片】超強勁Switch影片 高空跳傘同步玩《薩爾達傳說》 (May 25, 2017)

Read more ›
本周電影觀後感: 《圓美圈套》科技太快電影太遲主角太浪費
by / on 24/05/2017 at 11:35 pm

本周電影觀後感: 《圓美圈套》科技太快電影太遲主角太浪費

《圓美圈套》( The Circle)由Tom Hanks湯漢斯、Emma Waston愛瑪屈臣主演,難免會讓人有期待,結果當然是失望,這是一套令人很驚訝,何以會如此差勁的作品。 (內含劇透內含劇透內含劇透內含劇透內含劇透內含劇透內含劇透內含劇透內含劇透內含劇透)

Read more ›
【有片】香港7月6日上映 《Spider-Man: Homecoming》中文版新預告
by / on 24/05/2017 at 6:16 pm

【有片】香港7月6日上映 《Spider-Man: Homecoming》中文版新預告

個中文名叫《蜘蛛俠 強勢回歸》,後面嗰四隻字真係熟口熟面到極,點解唔叫返緊屋企呀?啱啱中文版有新預告片,香港會喺7月6日上映,又搶先美國。 相關資訊【有片】新蜘蛛俠Tom Holland 挑戰後空翻用腳射籃 (Apr 17, 2017) 【有片】兩分半鐘中文字幕新預告 《蜘蛛俠:強勢回歸》7月上映 (Mar 28, 2017)

Read more ›
【堅期待】印度Bollywood翻拍《Rambo》 第一滴血變第一隻舞
by / on 23/05/2017 at 8:18 pm

【堅期待】印度Bollywood翻拍《Rambo》 第一滴血變第一隻舞

我一直都唔明,當年《第一滴血》續集點解唔係叫《第二滴血》。講番今次,我真係想睇,喂,《Rambo》喎,如果喺戰場入面加入幾個歌舞場面,我諗真係震撼過佢一箭射爆架直昇機。喺早前嘅Cannes Film Festival中已經有消息,就係呢套下年上映嘅Bollywood版《Rambo》會由Siddharth Anand導演,而主角就係27歲嘅印度演員Tiger Shroff,睇個名都知勁!而元祖電影嘅主角Sylvester Stallone都有喺ig出po,叫Tiger仔加油!希望到時可以跳多兩隻舞俾大家睇……最尾嗰句我加嘅。 相關資訊【新片速報】日本網民發現印度手信 拉兩拉變出幾何圖案 (Apr 13, 2017) 【多圖】超強剪紙藝術家Twitter大人氣 剪出幾何圖案 (Sep 7, 2016)

Read more ›
SONY繼續捧 蜘蛛仔Tom Holland演《Uncharted》電影
by / on 23/05/2017 at 6:09 pm

SONY繼續捧 蜘蛛仔Tom Holland演《Uncharted》電影

Naughty Dog隻《Uncharted》話拍電影話咗好耐,其實呢個題材啱啦,奪寶奇兵加蘿拉嘛。啱啱外國網站又有新消息,就係由Shawn Levy執導嘅呢套電影,會搵嚟蜘蛛俠Tom Holland演Nathan Drake!吓鬚都冇條點演?所以佢只係演後生版。 相關資訊新片速報 《Uncharted: The Lost Legacy》8月22日推出 (Apr 12, 2017) 新DLC玩女角《Uncharted: The Last Legacy》 (Dec 4, 2016)

Read more ›

【有片】日本超騎呢「減壓睡眠法」   模仿子宮內BB睡姿
by / on 23/05/2017 at 7:02 am

【有片】日本超騎呢「減壓睡眠法」 模仿子宮內BB睡姿

最近呢幾張圖喺Twitter好多人分享,事緣TBS喺節目《新・情報7days》入面介紹呢種「減壓睡眠法」,成年人可以重溫BB喺媽咪子宮入面嘅睡姿,據講可以有助減壓同矯正骨盤。不過網民就覺得好古怪,有人話留名等睇有人焗死,有人話喺遊戲《Resident Evil 7》入面見過。BTW,想試嘅話東京嘅「水天官整骨院」有呢個服務,每節50分鐘,3人同行每人2980円,不過要搵人同你一齊去都唔易。單人嘅話,一節25分鐘,開價7980円。 相關資訊下月開車 《Pokémon》列車大變新 (May 30, 2017) 【邪惡】日本KFC再推出「炸雞Pizza」 韓式烤肉加芝士 (May 30, 2017)

Read more ›
喪屍打不完 《生化危機》電影6部曲Reboot
by / on 22/05/2017 at 10:50 pm

喪屍打不完 《生化危機》電影6部曲Reboot

當《The Walking Dead》都喪極唔完嘅時候,啱啱完咗6集嘅電影《Resident Evil》Reboot又有幾奇吖?況且佢仍然都係最收得嘅遊戲改篇電影系列。Constantin Film嘅chairman Martin Moszkowicz喺Cannes Film Festival度講已經有reboot計劃,不過暫時就冇任何資料公佈,只係預計Paul W.S. Anderson同女主角Milla Jovovich都會out。機迷梗係希望可以係阿Chris同Leon做番主角,跟番遊戲劇情,咦咁仲可以拍外傳添。 相關資訊【香港6月上】《生化危機》CG動畫新作 香港戲院有得睇! (May 8, 2017) 【10大】日本女仔心目中「最浪漫邂逅」 勁似電影橋段 (Apr 5, 2017)

Read more ›
【小休】日本河邊驚見黑武士/白兵 悠閒傾計Twitter熱傳
by / on 22/05/2017 at 7:49 am

【小休】日本河邊驚見黑武士/白兵 悠閒傾計Twitter熱傳

Cosplayer揹住成身裝備,老實講都幾攰,所以佢哋間中抖一抖都好合理嘅,不過喺旁人睇落就好得意嘞。最近有日本網民經過河邊,竟然見到兩個熟口熟面嘅身影 ─ 白兵同黑武士!佢哋坐咗喺草地休息,仲伸晒腳好悠閒,一啲敵意都無。張相放喺Twitter兩日唔夠已經超過6萬個轉發,好誇張。 相關資訊日本超巨型史萊姆攬枕 軟綿綿超好攬 (May 30, 2017) 日本動物園「藪貓」食飽潛力圖 Twitter熱傳網民狂貼圖 (May 30, 2017)

Read more ›
【有片】日本巨型鐵道模型塌下   曳仔一手推跌超震憾
by / on 22/05/2017 at 7:05 am

【有片】日本巨型鐵道模型塌下 曳仔一手推跌超震憾

小朋友嘅嘢大人真係唔好亂玩。呢段片好震憾,有個成年人走咗入去個大型鐵道模型入面,之後個曳仔伸手一推,場面好震憾!個O靚仔都嚇到呆咗。其實呢個鐵道模型位於日本嘅龜山溫泉旅館,喺今年3月底搭成,玩咗一排最近決定要撤走,為咗帶多啲歡樂俾大家,所以就有呢個咁精彩嘅儀式嘞!首歌仲好悲壯,入YouTube有詳細影片睇! 相關資訊【有片】自製喵星人專用「巨型冰球」 又舔又摸超可愛 (May 30, 2017) 【有片】端午節超治癒 日本柴犬按摩片 (May 30, 2017)

Read more ›
日本企鵝爺爺愛上《動物朋友》 動物園抽水出苦戀特飲
by / on 21/05/2017 at 4:55 pm

日本企鵝爺爺愛上《動物朋友》 動物園抽水出苦戀特飲

仲記唔記得呢隻陷入二次元苦戀嘅日本企鵝爺爺?佢同《動物朋友》紙牌女嗰段愛情故事令佢茶飯不思繼而被隔離,好彩最近佢情況好轉出咗獄。至於東武動物公園方面,見件事反應咁好,都用盡企鵝爺爺做宣傳,除咗精品部用咗爺爺做特寫之外,仲出咗杯葡萄雪糕特飲,期間限定賣400円。好多網民都話要去試吓。可憐嘅企鵝爺爺,唔止得唔到愛情,仲被瘋狂抽水,慘慘豬。 相關資訊【識嘆】日本網民發現 前東京都知事Twitter圖瀏覽器bookmark鹹網 (May 29, 2017) 遊日女生留意番 日本電車痴漢出沒高危位 (May 29, 2017)

Read more ›

太空也入樽《BUZZER BEATER》 7月推出Blu-ray BOX
by / on 19/05/2017 at 9:33 pm

太空也入樽《BUZZER BEATER》 7月推出Blu-ray BOX

講漫畫,當年完咗《Slam Dunk》之後,入樽迷個心都未定,仍然對櫻木流川三井依依不捨,我諗好多人都係呢個心情嚟睇《BUZZER BEATER》。但諗番轉頭,其實呢套都相當好睇。咁論動畫呢,個人覺得呢套嘅製作直情好過《Slam Dunk》!井上雄彦原作・監修嘅動畫版將會推出Blu-ray BOX,7月19日發售,有2005年放送嘅第1期同2007年放送嘅第2期合共26話,兩隻BD,本編598分鐘,另外特典仲有一本36頁書仔。27,000円。

Read more ›
【無敵嘅聖衣】今次大鑊!《聖闘士星矢》出荷李活真人版電影
by / on 19/05/2017 at 8:44 am

【無敵嘅聖衣】今次大鑊!《聖闘士星矢》出荷李活真人版電影

今次輪到車田正美原作嘅《聖闘士星矢》喇!荷李活拍日本動漫真人版電影,其實真係好大鑊,今次仲要係東映同埋幫東映關連作品作中國配給嘅真好電影A Really Good Film Company Limited一同製作,導演就係波蘭導演、曾經喺2002年憑短片「Katedra」得過短片獎嘅Tomasz Bagiński,仲有東映嘅池澤良幸、森下孝三參與當監製……聽落成件事都唔係太夠膽睇,唯一希望套聖衣唔好太似,最好似美式英雄或戰隊咁嘅設定,咁我就當時運高,睇唔到。幅圖係陳年SMAP版舞台劇,我諗一定好過新呢套。 相關資訊打卡時間到!時代廣場一比一黃金聖衣現身! (Aug 9, 2016) 網圖分享:當Sailor Moon變身聖鬥士 (Dec 20, 2015)

Read more ›
【有片】同熊本熊Jam歌不是夢 小樂器撳吓口仔識唱歌
by / on 19/05/2017 at 7:04 am

【有片】同熊本熊Jam歌不是夢 小樂器撳吓口仔識唱歌

日本明和電機出嘅呢款小樂器「オタマトーン」(Otamatone)一直好受歡迎,今個月佢哋仲會推出熊本熊版本。照舊都係撳吓個口就會出聲,不過換咗熊本熊嘅得意樣,即刻令人好想玩!入嚟有示範片睇,呢件小樂器開價3240円,作為熊本熊嘅fans,有咩開心得過可以同佢喺屋企jam歌? 相關資訊【台場最新現況】Unicorn Gundam未現身 連邦工程人員開工 (May 29, 2017) 【新片速報】瘋狂日本動畫家新作 開OT開到炸爆公司 (May 29, 2017)

Read more ›
動畫免費睇!PS VR出《BIOHAZARD VENDETTA:Z Infected Experience》
by / on 18/05/2017 at 6:10 pm

動畫免費睇!PS VR出《BIOHAZARD VENDETTA:Z Infected Experience》

嚟緊日本5月27日(香港6月)就有呢套生化危機CG動畫電影《BIOHAZARD VENDETTA》上映,估唔到佢宣傳到去PS VR,俾用家率先感受吓電影入面嘅世界觀。呢段「BIOHAZARD VENDETTA:Z Infected Experience(バイオハザード ヴェンデッタ Z Infected Experience)」VR影片會喺5月24日喺日本PS Store免費配信,未有日本戶口嘅,開番個先喇。 相關資訊新片速報 PS4/Xbox One《Biohazard Revelations Unveiled Edition》8月31日發售 (May 16, 2017) 【有片】東京喪屍跑 《Biohazard》授權逃跑2km (May 14, 2017)

Read more ›