影音新聞

【新片速報】日本武士執垃圾表演 超有效率網民大讚
by / on 07/06/2018 at 7:45 am

【新片速報】日本武士執垃圾表演 超有效率網民大讚

日本人好有公民意識,大型活動後都會有義工自發性去執垃圾,不過今次有啲唔同,因為執嘅係兩個打扮成武士嘅男仔。有人拍咗段片放上網,佢哋出現喺池袋嘅60階通り,揮晒劍咁,舉手投足都好似表演,仲執咗好大袋垃圾。之後佢哋喺段片下面留言,其實佢哋係日本嘅表演團體「時代組婆沙羅(ゴミ拾い侍)」,嚟緊下星期二4點仲會再去池袋サンシャイン通り執多次垃圾,網民都讚佢哋有公德心,入嚟有片回帶。 相關資訊【有片慎入】日本貓玩醒曱甴 衝去貓奴一聲慘叫 (Jun 21, 2018) 【相集】日本黑喵有朋友 毛公仔狗狗擔住周圍走 (Jun 21, 2018)

Read more ›

有片:擔正咯喂!《大黃蜂》首個電影廣告釋出!
by / on 06/06/2018 at 9:11 pm

有片:擔正咯喂!《大黃蜂》首個電影廣告釋出!

《變形金剛》最受歡迎角色毫無懸念係柯柏文,數第二,應該係大黃蜂。大黃蜂今次擔正做主角喇,《大黃蜂》釋出首個電影廣告,打鬥畫面幾討好吓,黑暗中雙眼亮燈眼仔睩睩再變身機械人形體嗰幕幾型仔,Wow!「這是人類和機械間的神秘友誼。」呢句對白正呀喂。 相關資訊《Deadpool 2》外國超正電影宣傳 惡搞知名電影封面 (May 18, 2018) 短篇電影《江湖夢裡人》首播 尹光唱腔一絕 (Dec 22, 2017)

Read more ›
【絕配】《POP TEAM EPIC》預演「特金會」    激似特朗普/金正恩
by / on 06/06/2018 at 7:48 am

【絕配】《POP TEAM EPIC》預演「特金會」 激似特朗普/金正恩

下星期二就到美國總統特朗普同北韓領導人金正恩會面,今次喺新加坡嘅「特金會」好令人期待,日本Twitter就熱傳緊呢兩張圖預演吓。有早排爆人氣嘅《ポプテピピック(POP TEAM EPIC)》,「ポプ子」同「ピピ美」變咗兩位領導人,無論身高同外形都係絕配級數!BTW,唔知到時金正恩會唔會再著增高鞋墊呢?話晒特朗普身高超過6呎‥‥‥ 相關資訊女版Low Cost Cosplay玩謝金正恩 食物做主題影完食返晒 (May 18, 2018) 《POP TEAM EPIC》 x 日本中央競馬 官網有嘢玩可換衫 (Apr 26, 2018)

Read more ›
【新片速報】日本Twitter熱傳短片 喵仔與狗超可愛接觸
by / on 06/06/2018 at 7:28 am

【新片速報】日本Twitter熱傳短片 喵仔與狗超可愛接觸

貓仔同狗仔似乎天生註定可以做好朋友,因為兩個都咁熱情。呢段日本網民分享嘅片,見到喺舖入面嘅兩位主角,雖然中間隔住塊玻璃,不過就利用少少隙縫作出第一類接觸。一個不停伸手搞人,另一個就好熱情咁伸脷回敬,超可愛!入嚟有片睇。 相關資訊【圖集】摺紙的藝術 超可愛樹人BB/死侍 (Jun 21, 2018) 【有片】日本熱傳《黑洞》手機遊戲 玩法似《塊魂》 (Jun 21, 2018)

Read more ›
【新片速報】日本倉鼠仔坐轉盤        Hea睇風景超可愛Twitter熱傳
by / on 05/06/2018 at 7:30 am

【新片速報】日本倉鼠仔坐轉盤 Hea睇風景超可愛Twitter熱傳

倉鼠仔其實日常生活都好hea吓,日本有網民分享咗呢段片,隻倉鼠仔企咗喺個轉盤度,個樣超呆,然後挨住扶手轉轉吓睇風景,超可愛!之後有其他網民分享倉鼠仔嘅短片,都係一樣咁玩,似乎喺倉鼠界好流行。入嚟有多啲佢嘅相同片睇,好高質! 相關資訊【有片】哥倫比亞球迷侮辱日女球迷 小學雞教講「我是妓女」 (Jun 20, 2018) 【有片】日本球迷讚有氣度 哥倫比亞球迷恭賀日球迷再幫手執垃圾 (Jun 20, 2018)

Read more ›
【圖集】美國隊長笑點低    大量笑到彎腰圖回帶
by / on 05/06/2018 at 7:27 am

【圖集】美國隊長笑點低 大量笑到彎腰圖回帶

美國隊長,即係Chris Evans,唔少人都知佢嘅笑點低。最近有網民分享咗佢幾張相,張張都笑到彎晒腰眼都瞇埋,睇得出佢堅開心,有網民話好擔心佢終有一日會笑到扭斷頸,留意好多張佢都係同Iron Man一齊,唔通對方講嘅笑話好好笑? 相關資訊【新片速報】日本超可愛柴犬仔 矇眼笑影片Twitter熱傳 (Jun 20, 2018) 《復仇者聯盟》回到童年時 超正回帶相集 (May 19, 2018)

Read more ›

【新片速報】日本喵星人「黑色眼淚」   特別印記Twitter熱傳
by / on 04/06/2018 at 7:36 am

【新片速報】日本喵星人「黑色眼淚」 特別印記Twitter熱傳

呢隻喵星人最近喺日本Twitter好紅,因為佢個鼻仔旁邊有撻黑色印,形狀仲好似一粒眼淚咁,大家都狂RT佢段喵喵叫嘅片,超可愛!另外睇其他片見到呢隻喵都幾惡,屬於性格派,不過只限對人,對喵就超級溫柔喎,入嚟有多啲佢嘅相同片睇。 相關資訊日本秋葉原神奇特飲 凍結奇異果屹立不倒 (Jun 20, 2018) 三上悠亞著日本波衫 晒長腿撐日本隊 (Jun 19, 2018)

Read more ›
【新片速報】日本超嗲喵星人Twitter熱傳    瞓主人肚腩唔肯走
by / on 04/06/2018 at 7:21 am

【新片速報】日本超嗲喵星人Twitter熱傳 瞓主人肚腩唔肯走

你屋企隻喵星人會唔會挨住你瞓?呢位日本嘅貓奴更加幸福,因為佢隻喵星人超痴身。一開始瞓喺佢大脾,之後不斷向上移,瞓完肚腩再瞓心口,越瞓越前,可愛到暈!好明顯主人身上好好肉勁好瞓。段片喺Twitter已經超過2百萬瀏覽,大家都俾呢隻超可愛喵星人融化咗,入嚟有得睇。 相關資訊日本網上熱傳相片 未來世界其實係澳門景 (Jun 19, 2018) 日本女藝人P圖前後 超強對比Twitter熱傳 (Jun 19, 2018)

Read more ›
【新片速報】日本低智能洗手盤 一撳即彈起用唔到
by / on 03/06/2018 at 4:13 pm

【新片速報】日本低智能洗手盤 一撳即彈起用唔到

你同我都應該試過,有啲公共洗手間嘅洗手盤,設計好低B,撳個掣出水,但係好快又彈返起無水,之後又要成手泡再撳。日本網民分享咗呢段片,呢個水喉情況更嚴重,同時間競賽都搞佢唔掂,超無奈,唯有逐隻手洗啦。 相關資訊日本隊聽日出場 18歲大原優乃水著打氣 (Jun 18, 2018) 好想打機嘅時候請狂撳!日本推出小型手掣扭蛋 (Jun 18, 2018)

Read more ›
【連環圖】日本喵星人超溫馨場面   主動攬住一齊瞓
by / on 03/06/2018 at 3:54 pm

【連環圖】日本喵星人超溫馨場面 主動攬住一齊瞓

好溫馨呀!日本有貓奴分享咗呢幾張連環圖,有隻喵仔好似暈咗咁瞓到好冧,之後有另一隻喵出現嘞,二話不話就拱埋去攬住一齊瞓,超sweet!之後有網民分享咗另一段片,非常治癒,入嚟有得睇埋。 相關資訊【相集】大量喵星人take嘢實錄 吸食貓草沉淪毒海 (Jun 19, 2018) 日本漫畫網吧有隔音個室 網民:「係咪即係平價情侶酒店?」 (Jun 18, 2018)

Read more ›
【新片速報】日本喵星人玩「彈弓手」 彈出彈入肉球任摸
by / on 02/06/2018 at 3:22 pm

【新片速報】日本喵星人玩「彈弓手」 彈出彈入肉球任摸

有無發覺喵星人好鍾意瞓覺時伸隻手出嚟?唔知係咪為咗虛張聲勢,不過作為人類,見到就好難忍住唔去撳佢個肉球嘅。日本有網民分享咗呢段片,隻喵瞓咗喺佢大脾後面,但就堅持要伸隻手出嚟,主人打開隻腳佢就收返埋隻手墊住下巴,之後一合返埋佢又伸返隻手出嚟,超搞笑,入嚟有得睇片,仲有得回帶睇佢啲肥相。 相關資訊大阪地震 動漫迷災區震出「本子」 喜好慘被媽媽發現 (Jun 18, 2018) 【相集】日本喵星人超強「躍動感」 行動迅速充滿喜感 (Jun 18, 2018)

Read more ›

【真英雄】外國真人版蜘蛛俠     4年探訪近萬個病童
by / on 01/06/2018 at 7:57 am

【真英雄】外國真人版蜘蛛俠 4年探訪近萬個病童

每日營營役役返工嘅我哋,有無諗過生活嘅意義係咩?外國呢位「蜘蛛俠」Ricky Mena有啲唔同,佢嘅「工作」就係演飾蜘蛛俠,探訪各地嘅病童,將歡樂帶俾佢哋。由2014年到而家,已經探訪過接近1萬個病童。佢自己嘅故事都好感人,2014年嘅佢一無所有,無業要住喺朋友屋企,有一晚佢發夢夢見外婆,對方俾佢睇一段蜘蛛俠去病童醫院嘅片段,之後佢賣咗自己架舊車,用嚟買咗件$1400美金嘅蜘蛛俠服飾,之後仲成立咗一個叫Heart of Hero嘅非牟利組織,入嚟有多啲相同片睇,好感人,如果想出一份力支持佢,可以去佢嘅網站捐款。 相關資訊日本真實版《龍貓》 喵星人瞓巨型毛公仔Twitter熱傳 (May 23, 2018) 日本發現真實版「蜘蛛伯伯」 可愛笑臉似真人Twitter熱傳 (May 3, 2018)

Read more ›
【有片】日本女仔公開整容前後     對比超大Twitter熱傳
by / on 31/05/2018 at 7:08 am

【有片】日本女仔公開整容前後 對比超大Twitter熱傳

整容越嚟越普遍,喺日本仲越嚟越多人公開承認自己整容。繼之前有位cosplayer用700萬円整容後(入嚟有回帶),最近呢個叫早川嘅日本女仔都喺Twitter放咗自己整容前後嘅對比相,吸引勁多人留言。睇相好難相信係同一個人,佢話自己主要整咗對眼同加建咗個鼻,另外下顎都整過,令佢由國子臉變V煞臉,再加上佢用咗1年半減肥,由85公斤減到52,所以效果咁驚人!錢方面就整眼用咗50萬円,下顎用咗5萬円,同上次700萬円整容嗰個日本cosplayer比平好多,入嚟有多啲佢嘅相回帶。 相關資訊日本「二足步行貓」粘土重現 超期待實體化 (Jun 18, 2018) 大阪地震 家貓瘋狂逃難 匿得就匿 (Jun 18, 2018)

Read more ›
【有片】日本高科技AI防盜鏡頭     Bic Camera/藥房都用
by / on 31/05/2018 at 7:01 am

【有片】日本高科技AI防盜鏡頭 Bic Camera/藥房都用

日本嘅科技越嚟越精細,好似最近佢哋就研發咗有AI人工智能嘅防盜系統AI Guardman,會根據賊人常有嘅行為,例如入到店舖搵閉路電視盲點、企定定周圍望呀呢啲可疑行為,發現後就會用手機發出通知俾店員,等佢哋可以行前講聲:「先生,有咩可以幫到你?」之類,等賊仔知難而退。據知好多大型店舖例如Bic Camera、藥房Kirindo同埋運動店Xebio都用緊,有店舖話減低咗4成嘅偷竊率,好勁。另外呢個camera仲會不斷優化,聽落好高智能。而且價錢唔算貴,23萬円,即係港幣萬零蚊左右,之後每個月再收返4500円作為雲端儲存費就用得,入嚟有片睇。 相關資訊【相集】日本怨念喵星人 被困1小時表情超不滿 (Jun 17, 2018) 【新片速報】日本銀仔神人新片 枱布凌空飄浮靠力學 (Jun 17, 2018)

Read more ›
日本《Love Live!》大膽的愛 巨型Tote Bag揹上身
by / on 31/05/2018 at 7:01 am

日本《Love Live!》大膽的愛 巨型Tote Bag揹上身

《Love Live!》嘅fans有嘢買嘞,最近官方公佈出咗呢款Tote Bag同埋筆袋,用咗水手服嘅設計,第一年係黃色,第二年係紅色,第三年係藍色,第三年嗰個Tote Bag仲有條呔夾仔,好精緻。大袋Tote Bag呎吋35x42cm,賣5500円,嫌太搶眼有啲尷尬嘅,可以買袋仔,22x15cm,賣3500円,可以低調啲支持吓。而家網站有得訂,不過要等到10月先出貨。 相關資訊日本透明可樂新素材 網民狂key圖任玩 (Jun 17, 2018) 日本網民自創摺紙新玩法 雕空變骨架Twitter大熱 (Jun 17, 2018)

Read more ›