影音新聞

新片速報《神勇飛鷹俠(Gatchman)》8/24上映
by / on 11/04/2013 at 10:57 am

新片速報《神勇飛鷹俠(Gatchman)》8/24上映

      真人版《神勇飛鷹俠》,即係《科學忍者隊》又即係台譯《科學小飛俠》,終於定咗8月24日喺日本上映,而且仲有最新預告片推出!呢套好多龍之子(タツノコプロ)fans都期待嘅真人版,改篇自70年代動畫,由佐藤東彌導演,劇本搵嚟之前改篇過《Gantz殺戮都市》嘅渡邊雄介(呢次仆街喇!!),以未來東京為舞台,主角就係「大鷲の健」松坂桃李、「コンドルのジョー」綾野剛、「白鳥のジュン」剛力彩芽、「燕の甚平」濱田龍臣同「みみずくの竜」鈴木亮平。咦鈴木亮平,咪《變態超人》?睇完佢笠條底褲上頭再睇佢笠個頭盔,會唔會…… 相關資訊【今日GIF】科學家/偉人變格鬥家 霍金、達爾文、愛因斯坦成就變超必 (Mar 5, 2016) 新片速報 螞蟻奇觀越睇越痕 (Dec 25, 2013)

Read more ›

國際偶像 初音歌劇《The End》殺入東京衝去巴黎
by / on 11/04/2013 at 10:16 am

國際偶像 初音歌劇《The End》殺入東京衝去巴黎

上年年尾喺日本山口市Yamaguchi Center for Arts and Media舉行過嘅初音首次歌劇,有音樂家涉谷慶一郎同岡田利規、影像設計師YKBX製作,爆晒場。咁喺嚟緊嘅5月23同24日,呢個Vocaloid opera就會移師去東京Bunkamura Orchard Hall舉行,票價由3,000円至7,500円。不過最勁都係11月13日同15日,初音會去到法國巴黎Théâtre du Châtelet舉行歌劇表演!呢個歌劇院喺1862年建成,係咪勁先? 相關資訊初音出車!大發Move Canbus內外變痛 (Oct 31, 2017) 【有片】超正PC機箱!初音箱內跳舞原來係…… (Oct 17, 2017)

Read more ›
英雄淪落    變型俠醫/白雪公主變煙民
by / on 11/04/2013 at 8:21 am

英雄淪落 變型俠醫/白雪公主變煙民

Ironman出第三隻,插畫家Gregoire Guillemin嘅「英雄的秘密生活」都贈慶推出下集比大家免費觀賞。今次DC同埋Marvel嘅英雄都有份出場,絕無大細超。精彩場面包括變形俠醫捲煙、白雪公主食煙,學壞晒!其他秘密生活仲有神奇女俠食蕉、超人舉中指,最正常算係蜘蛛俠,疑似打緊PS3。不過點解無Iroman嘅? 相關資訊情色版 超級英雄的秘密生活 Batman食蕉重口味 (Apr 27, 2014) 動漫人物私生活曝光 米奇煲煙 / 瑪利奧剃鬚 (Sep 11, 2013)

Read more ›
新片速報 九把刀第2部電影《功夫》前導影片
by / on 11/04/2013 at 12:30 am

新片速報 九把刀第2部電影《功夫》前導影片

有睇九把刀作品嘅,要熱血嘅,有《第八銅人》,要現代啲又熱血嘅,有呢本《功夫》。《那些年,我們一起追的女孩》票房狂收,九把刀話如果那些年係佢嘅夢想,咁第2部電影一定係大家嘅夢想,所以揀咗《功夫》嚟拍,而呢條前導影片,就見到男主角淵仔同阿義喺招牌上練輕功嘅經典場面,不過兩個都戴咗面具,因為男主角人選未公佈嘛!仲有,呢條3分幾鐘影片話用咗400幾萬台幣拍攝,都有啲特技睇吓,2015年上映,期待!更期待淵仔、阿義同黃駿師父用內力打邊爐一幕!不過個結局可唔可以改改佢……收口!再講劇透! 相關資訊短篇電影《江湖夢裡人》首播 尹光唱腔一絕 (Dec 22, 2017) 鄺世傑出手 畫《一家大細》電影海報 (Dec 20, 2017)

Read more ›
宮崎駿《魔女宅急便》開拍真人版 恐佈大師清水崇監督!?
by / on 10/04/2013 at 11:05 pm

宮崎駿《魔女宅急便》開拍真人版 恐佈大師清水崇監督!?

啱啱先翻睇完1989年宮崎駿監督嘅《魔女宅急便》藍光碟,驚嘆高清畫質之餘,輕鬆嘅劇情真係令人超回味,難怪宮崎駿大師會話佢個囝囝啲新作唔多掂,實在爭得遠。嗰頭翻睇完,呢頭就聽到呢單傳聞,就係《魔女宅急便》會開拍真人版!不過都未驚嚇,最驚係話搵嚟曾經編導《咒怨》、製作《富江》等恐怖片嘅清水崇做監督,嘩!唔會整套魔女恐怖片出嚟啩?同埋,琪琪搵邊個演好呀?唔通下面呢個西人?雖然場景十足,但個人老咗啲啩?仲金毛。 相關資訊【有片】《你的名字。》拍荷里活真人電影 新海誠咁講:「好似自己個仔離家長大。」 (Nov 11, 2017) 【一不離二】《電影少女》都拍真人版 野村周平演男主角 (Nov 1, 2017)

Read more ›
獵奇影片   自製Iroman發光電子手 肌肉感應DIY
by / on 10/04/2013 at 10:17 pm

獵奇影片 自製Iroman發光電子手 肌肉感應DIY

仲有兩星期先有得睇《Iroman 3》,呢排特別多相關新聞。外國網Advancer Technologies啱啱就教用家自製識著燈嘅Ironman手,唔好睇呢張圖個model咁流就跳過,其實呢個手套可以透過肌肉控制,例如握拳時會進行叉電,一鬆開拳頭,手套中間嘅位置就識自動發光,戴住佢可以幻想自己係Robert Downey Jr.。手套感應夠快,快速握拳都識跟住閃燈,好好玩。網上有教學片,整完帶去戲院玩啦! 相關資訊Ironman改裝新作 今次變身「大空魔竜」 (Dec 7, 2017) 如果Tim Burton畫超級英雄 超強插畫暗黑魅力 (Sep 22, 2016)

Read more ›

《Hunter x Hunter》動畫 蟻王篇聲優陣容公佈
by / on 10/04/2013 at 9:58 pm

《Hunter x Hunter》動畫 蟻王篇聲優陣容公佈

唉。有追開《Hunter x Hunter》嘅富樫迷都知我唉咩,前排已經達成停刊一週年呢個里程碑……算,開心啲,鍾意睇動畫嘅Hunter迷,嚟緊4月21日日本動畫版就會進入蟻篇,而一連三個星期嘅雜誌情報今次就公佈咗聲優陣容,有内山昂輝(蟻王)、藤村歩(貓蟻ネフェルピトー),仲有羽多野渉同立木文彦等參演,陣容都幾勁。不過,我覺得越睇就越勾起我嘅傷心回憶。 相關資訊【圖集】睇漫畫學大道理(6) 睇《Hunter x Hunter》學識「變態」 (Jan 16, 2018) 【Book!】又有新嘢!《Hunter X Hunter》「貪婪大陸」電話套 (Dec 15, 2017)

Read more ›
新片速報 District 9編導最新作《Elysium》 預告2154極樂世界
by / on 10/04/2013 at 3:44 pm

新片速報 District 9編導最新作《Elysium》 預告2154極樂世界

搞嘢之作《District 9》導演Neill Blomkamp,繼《Halo》之後,編導咗呢套《Elysium》,8月9日美國上映,演員有Matt Damon、Jodie Foster等。故事就講2154年地球已經飽受污染,而Elysium則係一個冇疾病冇污染冇戰爭嘅極樂世界,好多有錢人已經入咗去住,而主角就梗係唔係有錢人啦,於是……咦?唔嚟香港拍嘅?香港唔係有錢人都冇屋住咁濟喎!

Read more ›
新片兩連發《Iron Man 3》主角現真身 剖析角色魅力
by / on 10/04/2013 at 12:52 pm

新片兩連發《Iron Man 3》主角現真身 剖析角色魅力

25日,星期四,我o依家已經準備好隨時買定飛第一日放工飛去睇。套戲今日又有新片,放心,今次冇劇透,但就有主要角色出嚟講講佢哋演呢個角色嘅心聲,忠奸男女全部現身,其實萬大人幾靚仔吖……另外仲有一條就係新預告片,當中有一兩個鏡頭係新嘅,慢慢搵。 相關資訊日本新年利是封 揭開Iron Man頭盔知幾錢 (Dec 31, 2017) 【圖集】超迷你首飾Etsy有得買 小王子/Iron Man極細緻 (Mar 21, 2017)

Read more ›
《Pacific Rim》沿岸打怪獸 守護維多利亞港 自由行香港代表登場
by / on 28/03/2013 at 4:04 pm

《Pacific Rim》沿岸打怪獸 守護維多利亞港 自由行香港代表登場

如果真係有大怪獸喺海底來襲,人類到時無論咩國家咩城市都應該要團結對抗。唔同國家派出唔同代表,中國就有呢隻「暴風赤紅(Crimson Typhoon)」自由行嚟守護維多利亞港!《Pacific Rim(悍戰太平洋)》呢套機械人打怪獸大片會喺7月18日在港上映,電影公司繼日本、俄羅斯之後,就有呢隻「機甲獵人Jaeger」登場!紅色,雖然冇角……但會唔會快三倍? 相關資訊【有片】正式預告公開 《Pacific Rim: Uprising》群戰超巨型怪獸 (Oct 7, 2017) 【有片】《悍戰太平洋》續集預告預告 新圖見指揮官個仔 (Oct 6, 2017)

Read more ›
狂賀!《Evangelion新劇場版:Q》4月24日香港上映!
by / on 28/03/2013 at 2:56 pm

狂賀!《Evangelion新劇場版:Q》4月24日香港上映!

係,4月24日日本就出DVD同BD,但冇中文字幕嘛!係,我係發脾氣講過佢咁遲先上,就算有我都唔睇……我係冇骨氣,但喺綾波麗同明日香面前,我諗應該以和為貴,唔係講骨氣嘅時候!終於!香港終於有上映日期!所以,我決定4月24日(星期三)請假,我要睇早場!第!一!場!我哋冇得揀o架,暴走啦! 相關資訊官方出2018年賀圖 《Evangelion新劇場版》今年有冇得睇? (Jan 6, 2018) 【有片】瘋狂!新宿VR設施《Evangelion》「魂の座」加強版玩「暴走」 (Dec 23, 2017)

Read more ›

新片速報 Marvel英雄變波仔
by / on 28/03/2013 at 11:17 am

新片速報 Marvel英雄變波仔

Marvel英雄,其實唔使出樣一樣可以好勁。呢條宣傳片有大量英雄登場,但唔駛要人扮亦都唔使見樣,只係一睇個風格就可以認到!你見到有幾多個英雄「現身」? 相關資訊新片速報 「芒亨」參戰!《Marvel VS. Capcom: Infinite》雙劍大劍總攻擊 (Sep 21, 2017) 今年後半年發售 《Marvel VS Capcom: Infinite》日本官網開張 (Apr 17, 2017)

Read more ›
小丸子同學長大了!真人版《永沢君》4月1日播映
by / on 28/03/2013 at 11:12 am

小丸子同學長大了!真人版《永沢君》4月1日播映

小丸子又有心事,曾幾何時嘅真人版都唔係差,仲捧紅咗童星伊藤綺夏。嚟緊又有真人版,不過今次就係由同學仔永沢君擔正,嘩!咁大個嘅啲演員?係呀,係講佢哋中學時代嘅故事,演員除咗主角劇団ひとり外,仲有ウエンツ瑛士、森三中・大島美幸、はんにゃ・金田哲、皆藤愛子等,TBS喺4月1日愚人節播出,乜咁大整蠱? 相關資訊網圖分享:將真人變做二次元靚女 (Nov 22, 2017) 【有片】4日過150萬Views 35分鐘真人版人造人 VS 悟飯/杜拉格斯 (Nov 18, 2017)

Read more ›
解剖米奇比卡超   爆內臟現排骨
by / on 28/03/2013 at 8:10 am

解剖米奇比卡超 爆內臟現排骨

如果有小朋友喺旁邊,千祈唔好比佢睇你個芒,因為米奇老鼠解剖到得返棚骨,比卡超呢?嘩,爆肚現內臟,好殘忍呀!呢輯相由意大利插畫師Alessandro Conti製作,好似睇緊BIO堂嘅人體解剖圖咁,不過眼利嘅你,有無發現米奇同高飛狗嘅分別?點解米奇比人閹咗嘅? 相關資訊【蛋糕奇蹟】日本高手想整比卡超 成品變成《ポプテピピック》 (Dec 25, 2017) 超可愛比卡超尾巴攬枕 全長110厘米好有安全感 (Dec 14, 2017)

Read more ›
劇情如有雷同? 《Walking Dead》/《Toy Story》驚人相似
by / on 28/03/2013 at 7:49 am

劇情如有雷同? 《Walking Dead》/《Toy Story》驚人相似

《Toy Story》同《Walking Dead》睇落完全無關係,不過外國有網友jimmylegs50發現原來兩者無論角色以至劇情都驚人地相似,例如主角都係警長,一樣有個身形龐大但性情狡滑嘅best friend,仲要鬧翻後返嚟報仇。咁究竟Walking Dead係咪抄襲?我唔知呀,不過睇晒50張劇照對比,真係好好笑,尤其薯仔頭甩耳仔嗰張。呢位網友仲好有心咁幫《Walking Dead》編埋未完的結局,我唔劇透嘞,有興趣自己入嚟笑吓。 相關資訊【圖集】胡迪踩完蕉皮又玩火 玩具攝影師挑戰實時拍攝 (Mar 5, 2017) 【有圖有片】《The Walking Dead》阿Glenn結婚 陰屍賓客到場 (Dec 5, 2016)

Read more ›