影音新聞

新片速報《Evangelion新劇場版:Q》電視預告片
by / on 21/11/2012 at 11:44 am

新片速報《Evangelion新劇場版:Q》電視預告片

又係我身痕嘅時間,《Evangelion新劇場版:Q》喺日本已經上咗5日,絕對領域好強,我到o依家都仲好辛苦。我唔明,點解日本方面要有唔同預告片引人入場睇,其實呢套動畫,唔駛任何宣傳,唔駛有預告,我哋都會睇o架啦!做咩搞到人咁辛苦? 相關資訊官方出2018年賀圖 《Evangelion新劇場版》今年有冇得睇? (Jan 6, 2018) 【有片】瘋狂!新宿VR設施《Evangelion》「魂の座」加強版玩「暴走」 (Dec 23, 2017)

Read more ›

Batman x Converse自訂鞋  貓女、Joker任揀
by / on 21/11/2012 at 11:43 am

Batman x Converse自訂鞋 貓女、Joker任揀

其實我已經好耐無著Converse,但如果係特別版又唔同講法。最近Converse同Batman合作,推出特別版Arkham City系列,比你自己設計對Converse波鞋。今次總共有6個角色比你揀,除咗最受歡迎嘅Batman、Catwoman、Joker,仲有冷門啲嘅Riddler、Robin同埋Penguin。貪心啲仲可以揀鞋嘅兩邊係唔同角色。另外,可以自選鞋舌位、內籠等等嘅顏色,價錢75蚊美金,大槪需要2-3星期訂購,用嚟做聖誕禮物可能勉強趕得切喎! 相關資訊【有片】日本DC動畫 《Batman Ninja》蝙蝠俠變武士 (Dec 2, 2017) 有片:手多多Money Art 十蚊美金紙幣上的Joker (Sep 21, 2017)

Read more ›
Sony最新VPL-HW50ES 出機送多隻燈膽
by / on 20/11/2012 at 6:09 pm

Sony最新VPL-HW50ES 出機送多隻燈膽

  聖誕節諗到買乜嘢禮物未?唔係買俾隔籬嗰個,當然係買俾自己啦!Sony啱啱新推全新高清3D家用投影機──VPL-HW50ES!係早前大熱賣嘅VPL-HW30ES升級版,34,300,再多送一個額外燈泡LMP-H202(價值$2,500),擺定喺度俾你第時換……都係同佢講,我想要聖誕禮物好啲喎! 相關資訊【有片】第一身鞭鞭有力 《惡魔城》fan made遊戲免費玩 (Nov 6, 2017) 【有片】Sony新一代機械狗公佈 19萬円識上網 (Nov 1, 2017)

Read more ›
兩款海報現身 農曆年睇周星馳《西遊‧降魔篇》
by / on 20/11/2012 at 4:44 pm

兩款海報現身 農曆年睇周星馳《西遊‧降魔篇》

周星馳,我成日見,每逢喺收費電視電影台見到有唐伯父呀、九品芝麻官呀、少林足球呀、凌凌漆呀,我都會翻睇或翻聽一次……終於,繼08年令我好失望嘅《長江七號》之後,佢套《西遊‧降魔篇》今日開發佈會,啱啱有兩張初版海報出,以佢嘅作品《西遊記》前傳故事為基礎,大陸農曆年上映,斷估香港都同期。到底周星馳會出幾多鏡呢?網上好多傳言,真係未明朗。 相關資訊《回魂夜》x《Mario》人偶 Leon捧食人花捉鬼 (Jan 10, 2018) 周星馳《功夫》角色變Q版公仔 一套八個 (Sep 13, 2017)

Read more ›
真人版《變態超人》開拍 「HK」為標題!
by / on 20/11/2012 at 3:23 pm

真人版《變態超人》開拍 「HK」為標題!

嘩!你哋有冇睇過《變態超人(変態仮面)》?即係一笠條女性底褲上個頭,就會有異於常人嘅能力,之後佢會爆晒啲衫,將自己條底褲兩邊扯上膞頭,而誇下嘅腐皮壽司,就係佢警惡鋤奸嘅最強絕招……呢套90年喺《少年Jump》連載、安土慶周原作嘅漫畫竟然會拍真人版!事源日本上緊嘅《Evangelion新劇場版:Q》放映前就有15分鐘預告,真人加CG變身!仲彈出「HK」兩隻字,不過應該唔關香港事,同埋未公佈主角陣容。 相關資訊變態就是正義 5,378円《變態超人》套裝 連面罩+底褲 (May 12, 2016) 【有片】全新預告 《變態超人》續集5月回歸變蜘蛛俠? (Mar 21, 2016)

Read more ›
新片速報 貞本義行角色設計 平治新車拍動畫宣傳
by / on 20/11/2012 at 12:29 pm

新片速報 貞本義行角色設計 平治新車拍動畫宣傳

喺日本,咩都同動畫有關,咩都可以靠動畫宣傳,就算名牌如平治Mercedes Benz拍廣告,都搵嚟《Evangelion》嘅貞本義行拍住Production I.G製作動畫宣傳片!呢條片為宣傳全新A-Class下年1月喺日本推出,見到班底都知唔會流,6分鐘動畫講未來東京因交通擠塞問題而將道路同建築改建,每日唔同時段都會變型轉位,而主角們就喺呢個未來東京市揸住架A-Class飛車…… 相關資訊全員適格者現身 《オルタンシア・サーガ -蒼の騎士団-》x《Evangelion》主角騎士造型 (Nov 15, 2017) 《Evangelion》 x 《Hortensia Saga》 真嗣騎士服登場 (Oct 29, 2017)

Read more ›

新片速報《One Piece Film Z》最新預告
by / on 19/11/2012 at 3:01 pm

新片速報《One Piece Film Z》最新預告

日本12月15日上映、尾田栄一郎原作、長峯達也監督嘅《One Piece Film Z(ワンピース フィルム ゼット)》台灣就下年1月上,香港不知何年何日有得睇。各位OP迷,你哋o依家明我嘅心情啦?明我冇得睇EVA嘅心情啦?唉,入面係最新預告片,睇完你個身會仲痕,不過為咗路飛,夥伴們,我哋一齊鼓起勇氣click入去啦! 相關資訊日本最難忘動畫場面 插畫師自製電影海報Twitter熱傳 (Feb 8, 2018) 睇漫畫學大道理 「朋友」主題ONE PIECE經典背影 (Jan 30, 2018)

Read more ›
香港12月6日上映《魔導少年劇場版:鳳凰巫女》中文預告
by / on 19/11/2012 at 2:43 pm

香港12月6日上映《魔導少年劇場版:鳳凰巫女》中文預告

呢排真係好多動畫上,不過經驗係上映日期唔會長,時間唔會多,嚟緊就係呢套之前日本動畫賞都上過嘅《魔導少年劇場版:鳳凰巫女》,12月6日喺德福MCL上映。由A-1 Pictures製作,原作真島浩全程監修,藤森雅也導演,入面有中文版預告,我想講,德福真係動漫迷嘅好去處呀!

Read more ›
香港12/20上映 《白兔糖女孩》松山研一再演漫畫角色
by / on 19/11/2012 at 8:46 am

香港12/20上映 《白兔糖女孩》松山研一再演漫畫角色

唔好問我點解咁遲,日本喺上年8月20日上映嘅《白兔糖女孩(うさぎドロップ)》台譯《白兔玩偶》,將會喺香港聖誕檔期上映。改編自宇仁田由美同名漫畫,故事講上班族河地大吉(松山研一演)回老家參加祖父葬禮,遇到一個6歲女孩之後一同生活嘅故事,賣輕鬆賣親情,由SABU執導。其他演員仲有可愛童星蘆田愛菜同埋近排同木村做日劇《Priceless》嘅香里奈。嘩足足遲咗年幾,不過算啦,反正未睇過,入嚟睇吓台灣版預告啱唔啱睇先啦。 相關資訊17/2一週碟報價:無乜碟! 改行DVD! (Feb 17, 2013)

Read more ›
有片 遙控《星戰》R2D2識落壆!港幣400蚊唔駛
by / on 19/11/2012 at 8:15 am

有片 遙控《星戰》R2D2識落壆!港幣400蚊唔駛

玩厭遙控老鼠曱甴?呢隻遙控R2-D2啱唔啱你口味?外形、身高(65cm)同原裝電影差唔多,唔止轉左轉右行前行後,仲識落壆o忝!唔信入去睇吓條Gif片。不過事先聲明,呢隻R2D2係吹氣質地,所以只賣$49.99美金。咁咪好囉,吹氣質地撞牆都無問題!400蚊港紙買嚟玩吓認真抵,下次喺公司嚇同事有第二樣嘢玩嘞。 相關資訊【有片】超可愛星戰Porgs飯團 製作過程影片跟住學 (Jan 20, 2018) BB-8+R2D2陪過情人節 送《Star Wars》公仔花束畀女友 (Jan 18, 2018)

Read more ›
Domo君多士爐 燶燶哋勁得意
by / on 19/11/2012 at 7:39 am

Domo君多士爐 燶燶哋勁得意

朝頭早唔想起身返工係人之常情,尤其係星期一早上!唔想好似喪屍咁餓住過肚返工,除非有呢個咁得意嘅Domo君多士爐陪我啦!Domo君嘅特點係個嘴合唔埋,由佢出產同食有關嘅產品真係襯到絕!呢個多士爐喺Amazon有得賣,價錢美金$39.99,唔單止外形係Domo君,烘出嚟嘅多士都係Domo君個樣,仲要四四方方,真係得意到唔捨得食落肚!不過睇落要烘得幾燶吓先有咁嘅效果,唔知會唔會增加致癌風險呢? 相關資訊【終極FF】iPhone一百樣可能 變多士爐/碎紙機/啤酒杯 (Jan 27, 2016) 【神奇發明】新片 麵包刀溝埋多士爐 一切即出煙 (Jun 6, 2015)

Read more ›

新片速報 AKB48「謎之新成員」味覚糖新廣告
by / on 18/11/2012 at 8:36 pm

新片速報 AKB48「謎之新成員」味覚糖新廣告

AKB48嘅UHA味覚糖「ぷっちょ」TVCM又有新作,呢兩個「謎之新成員」篇廣告噚日喺日本全國播放,背景歌曲係〈永遠プレッシャー〉,最後都係食完糖變公仔。不過謎之成員就幾特別,分別係喺猜拳選拔中落選嘅小嶋陽菜同埋70年代著名偶像組合PINK LADY嘅成員未唯,雖然……不過,新舊偶像夢之共演都幾勁!入面仲有製作花絮睇! 相關資訊【有片】AKB48成人式 歷來最多40人 (Jan 8, 2018) 【有片】自動開封投票 日本fans自製「AKB48総選挙」投票裝置 (Jun 1, 2017)

Read more ›
官網有片有GAME玩《3D無敵破壞王》經典遊戲壞人聯盟
by / on 18/11/2012 at 5:26 pm

官網有片有GAME玩《3D無敵破壞王》經典遊戲壞人聯盟

如果你係70、80後,一定玩過一隻叫《Fix-it Felix》嘅8-Bit遊戲,名可能唔記得,但一睇倒畫面,見到大舊衰Ralph成日搞破壞打爛晒楝酒店啲窗,懶勤力嘅Felix(玩家)博晒命修補啲爛窗,真係好懷念!嚟緊有套迪士尼動畫《3D無敵破壞王》12月20日上畫,就係用呢個壞蛋Ralph做主角,講佢厭倦咗做壞人,於是闖入唔同遊戲入面攞英雄徽章,仲搵咗黃秋生同G.E.M配音。不過最搶眼係搵嚟好多遊戲嘅經典壞人客串,包括《街霸》嘅蘇聯佬、司令、食鬼入面隻幽靈、瑪利奥隻大魔王Bowser、超音鼠嘅蛋頭博士等等,星光熠熠呀!最驚喜係我居然喺官網入面搵倒《Fix-it Felix》嘅免費試玩版,消磨咗我成個下晝,信我,個網好多嘢玩,堅推介你入嚟睇! 相關資訊新片速報《3D無敵破壞王》$1跟機 投入懷舊打機情懷 (Dec 14, 2012)

Read more ›
《一騎當千》真人舞台劇 一樣玩爆衫
by / on 18/11/2012 at 1:10 pm

《一騎當千》真人舞台劇 一樣玩爆衫

動漫作品改編成為舞台劇,近年喺日本都好興,繼之前《戰國Basara》、《Macross》同《女神異聞錄》之後,今次就有塩崎雄二原作嘅《一騎當千》,演員陣容有中村靜香、沢井美優等等。有睇過動漫畫嘅都知,裏頭啲孫策伯符、呂蒙子明、呂布奉先個個係有勁爆身材嘅靚女,打交乳搖之餘仲次次都要打到爆晒衫,剩番三兩塊布遮住重點……而據報導講,呢套真人舞台劇,會忠於原著,一樣會喺舞台上面玩爆衫! 相關資訊【有片】角色造型曝光 《Gantz》真人舞台劇版有「和泉紫音」 (Jan 17, 2018) 《火鳳燎原》舞台劇《亂世英雄》 動漫節開始訂飛 (Jul 29, 2017)

Read more ›
日本獵奇系列 貓貓AV出場
by / on 17/11/2012 at 9:45 pm

日本獵奇系列 貓貓AV出場

高登高質素post中,有關AV同貓嘅post都好多,但就未試過撈埋一齊……各位男讀者,見到呢個封面嘅配色排位,加埋啲漢字同字體(禁斷、媚態、魅惑之夫人、注目Body,哈哈頂你!),係咪好有親切感呢?冇錯喇,係AV啲封面!嘩!唔係咁變態吓嘛?放心,唔係咁變態,呢幾套貓AV嘅AV唔係Adult Video咁解,而係Animal Video!而出嗰間公司叫Soft On Nyanko,連個名都扮埋AV公司SOD(Soft On Demand)!內容係貓貓可愛嘅影片,當然有裸露場面,因為喵多數都唔著衫嘅。仲有,唔好問我Seed呢,我都求緊,入面仲有大量AV封面,好可愛呀! 相關資訊日本貓零食變「投藥用」 超聰明設計呃喵星人 (Feb 21, 2018) 日本貓睇冬奧 最愛冰壼玩埋一份 (Feb 20, 2018)

Read more ›