電影

香港12月6日上映《魔導少年劇場版:鳳凰巫女》中文預告
by / on 19/11/2012 at 2:43 pm

香港12月6日上映《魔導少年劇場版:鳳凰巫女》中文預告

呢排真係好多動畫上,不過經驗係上映日期唔會長,時間唔會多,嚟緊就係呢套之前日本動畫賞都上過嘅《魔導少年劇場版:鳳凰巫女》,12月6日喺德福MCL上映。由A-1 Pictures製作,原作真島浩全程監修,藤森雅也導演,入面有中文版預告,我想講,德福真係動漫迷嘅好去處呀!

Read more ›

香港12/20上映 《白兔糖女孩》松山研一再演漫畫角色
by / on 19/11/2012 at 8:46 am

香港12/20上映 《白兔糖女孩》松山研一再演漫畫角色

唔好問我點解咁遲,日本喺上年8月20日上映嘅《白兔糖女孩(うさぎドロップ)》台譯《白兔玩偶》,將會喺香港聖誕檔期上映。改編自宇仁田由美同名漫畫,故事講上班族河地大吉(松山研一演)回老家參加祖父葬禮,遇到一個6歲女孩之後一同生活嘅故事,賣輕鬆賣親情,由SABU執導。其他演員仲有可愛童星蘆田愛菜同埋近排同木村做日劇《Priceless》嘅香里奈。嘩足足遲咗年幾,不過算啦,反正未睇過,入嚟睇吓台灣版預告啱唔啱睇先啦。 相關資訊17/2一週碟報價:無乜碟! 改行DVD! (Feb 17, 2013)

Read more ›
有片 遙控《星戰》R2D2識落壆!港幣400蚊唔駛
by / on 19/11/2012 at 8:15 am

有片 遙控《星戰》R2D2識落壆!港幣400蚊唔駛

玩厭遙控老鼠曱甴?呢隻遙控R2-D2啱唔啱你口味?外形、身高(65cm)同原裝電影差唔多,唔止轉左轉右行前行後,仲識落壆o忝!唔信入去睇吓條Gif片。不過事先聲明,呢隻R2D2係吹氣質地,所以只賣$49.99美金。咁咪好囉,吹氣質地撞牆都無問題!400蚊港紙買嚟玩吓認真抵,下次喺公司嚇同事有第二樣嘢玩嘞。 相關資訊《Star Wars》光劍變芥末醬 黑武士出手唧醬 (May 22, 2018) 【有片】超可愛星戰Porgs飯團 製作過程影片跟住學 (Jan 20, 2018)

Read more ›
官網有片有GAME玩《3D無敵破壞王》經典遊戲壞人聯盟
by / on 18/11/2012 at 5:26 pm

官網有片有GAME玩《3D無敵破壞王》經典遊戲壞人聯盟

如果你係70、80後,一定玩過一隻叫《Fix-it Felix》嘅8-Bit遊戲,名可能唔記得,但一睇倒畫面,見到大舊衰Ralph成日搞破壞打爛晒楝酒店啲窗,懶勤力嘅Felix(玩家)博晒命修補啲爛窗,真係好懷念!嚟緊有套迪士尼動畫《3D無敵破壞王》12月20日上畫,就係用呢個壞蛋Ralph做主角,講佢厭倦咗做壞人,於是闖入唔同遊戲入面攞英雄徽章,仲搵咗黃秋生同G.E.M配音。不過最搶眼係搵嚟好多遊戲嘅經典壞人客串,包括《街霸》嘅蘇聯佬、司令、食鬼入面隻幽靈、瑪利奥隻大魔王Bowser、超音鼠嘅蛋頭博士等等,星光熠熠呀!最驚喜係我居然喺官網入面搵倒《Fix-it Felix》嘅免費試玩版,消磨咗我成個下晝,信我,個網好多嘢玩,堅推介你入嚟睇! 相關資訊新片速報《3D無敵破壞王》$1跟機 投入懷舊打機情懷 (Dec 14, 2012)

Read more ›
日本獵奇系列 貓貓AV出場
by / on 17/11/2012 at 9:45 pm

日本獵奇系列 貓貓AV出場

高登高質素post中,有關AV同貓嘅post都好多,但就未試過撈埋一齊……各位男讀者,見到呢個封面嘅配色排位,加埋啲漢字同字體(禁斷、媚態、魅惑之夫人、注目Body,哈哈頂你!),係咪好有親切感呢?冇錯喇,係AV啲封面!嘩!唔係咁變態吓嘛?放心,唔係咁變態,呢幾套貓AV嘅AV唔係Adult Video咁解,而係Animal Video!而出嗰間公司叫Soft On Nyanko,連個名都扮埋AV公司SOD(Soft On Demand)!內容係貓貓可愛嘅影片,當然有裸露場面,因為喵多數都唔著衫嘅。仲有,唔好問我Seed呢,我都求緊,入面仲有大量AV封面,好可愛呀! 相關資訊貓奴要去 日本超正旅館有貓入房陪玩 (May 21, 2018) 【有片】日本表情貓 超慢鏡玩繩好興奮 (Apr 27, 2018)

Read more ›
《Splinter Cell》真人版電影   《蝙蝠俠》Tom Hardy扮Sam Fisher
by / on 17/11/2012 at 8:48 pm

《Splinter Cell》真人版電影 《蝙蝠俠》Tom Hardy扮Sam Fisher

Ubisoft睇嚟好大野心進軍電影界,之前公佈《刺客教條》開拍真人版,最新消息係另一隻旗艦級大作《Tom Clancy’s Splinter Cell》亦會拍成電影,遊戲主角Sam Fisher會由做過《蝙蝠俠—夜神起義》、《潛行凶間》同埋《鋼鐵鬥士》嘅Tom Hardy扮演!咁啱三套戲我都睇過,演技堅唔錯,所以雖然覺得佢麻麻哋似主角Sam Fisher,都真心想睇佢演出。至於編劇就會由《跨國銀行》嘅Eric Singer撰寫。電影暫時仲未落實製片夥伴,上映日期更加係遙遙無期。可能Ubisoft都驚你悶,所以發出咗《Splinter Cell Blacklist》開機片中文字幕版比大家止止渴。遊戲暫定下年春天PS3/Xbox360/PC平台推出。

Read more ›

新宿現場實況《Evangelion新劇場版:Q》零時上映 13號機現身!?
by / on 17/11/2012 at 1:57 pm

新宿現場實況《Evangelion新劇場版:Q》零時上映 13號機現身!?

今日(17日)喺日本上映,噚晚零時12點喺新宿就有「世界最速上映」嘅第一場《Evangelion新劇場版:Q》,排晒長龍,日本《Fami通》去咗影現場實況,戲院勁多佈置,天花仲有隻第8使徒,好多人喺地下扮初號機舉高雙手頂住佢……仲有cosplayer,仲有好多嘢賣,仲有場刊入面EVA 13唬機現身…….我唔係唔想理同事嘅意見,佢哋話我出得太多《Evangelion新劇場版:Q》嘅報導,而係我控制唔到自己呀!我一見到有關今日喺日本上映嘅EVA新聞,對手就不自覺咁save啲圖,再不停打字…… 相關資訊8月發售 日本出《Evangelion》初號機/ペンペン睡衣 (May 24, 2018) 【開始未?】khara請人 幫手製作《Evangelion新劇場版》結局 (May 23, 2018)

Read more ›
新片速報《虎膽龍威:擇日開戰》港版預告 2月7日殺入俄羅斯
by / on 17/11/2012 at 1:32 pm

新片速報《虎膽龍威:擇日開戰》港版預告 2月7日殺入俄羅斯

布斯韋利士(Bruce Willis),唔係最大隻,但我覺得佢最man!Man過晒啲轟天猛將!之前4集《Die Hard》有殺無賠型到爆,嚟到今集仲未有老態,嘟起個講轟機關槍!導演係John Moore,劇本係Roderick Thorp、Skip Woods,演員仲有Jai Courtney同Amaury Nolasco。今集講到John McClane父子兵上陣,殺入俄羅斯打恐怖份子,香港下年2月27日上映,不過我覺得中文譯名麻麻,英文叫《A Good Day To Die Hard》,型好多! 相關資訊02/6一週碟報價: 屍人保姆Hardcore嚇鬼 下周出虎膽龍威:擇日開戰 (Jun 2, 2013) 賀《A Good Day to Die Hard》上映 酒井法子復出 布斯朱古力像現身 (Feb 13, 2013)

Read more ›
新片速報 宇多田光《Evangelion新劇場版:Q》主題曲MV
by / on 17/11/2012 at 9:45 am

新片速報 宇多田光《Evangelion新劇場版:Q》主題曲MV

唔好意思,又係《Evangelion新劇場版:Q》,俾我講埋呢段啦!日本今日上映,宇多田光再次主唱新主題曲,歌名叫〈桜流し〉。呢段MV冇動畫冇綾波冇明日香冇宇多田光,歌詞講母愛,所以臨尾有一段影住個BB,剪臍帶……至於首歌,我個人都係鍾意〈Beautiful World〉多啲,不過,睇番套動畫可能會改觀…… 相關資訊使徒再來襲 大阪環球影城「EVA XR Ride」過山車限定復活 (May 17, 2018) 【有片】再見EVA列車 今日最終運行日 1,200人車站集結 (May 13, 2018)

Read more ›
新片突發! 《Evangelion新劇場版:Q》6分鐘影片曝光!
by / on 16/11/2012 at 11:22 pm

新片突發! 《Evangelion新劇場版:Q》6分鐘影片曝光!

聽日日本上映,冇得睇真係好辛苦,信我,睇完呢段最新影片,你會出現流鼻水打喊露等症狀……6分鐘可以話9成時間都精彩,明日香駕駛2號機喺太空玩空戰!嗚!我唔掂喇!摷番套破頂住先! 相關資訊【眼鏡】《Evangelion》車隊適格者 「真希波」賽車女郎田中めい (May 12, 2018) 《Evangelion》新幹線列車展出 原來班長「洞木ヒカリ」有姊妹 (May 12, 2018)

Read more ›
《Evangelion展 X 札幌》 痛「的」通街行
by / on 16/11/2012 at 8:54 pm

《Evangelion展 X 札幌》 痛「的」通街行

其實,呢排去開日本,基本上邊個地區都會見到《Evangelion新劇場片:Q》,包括北海道嘅札幌。因為有上映日開始至下年2月,札幌會搞個《Evangelion展 X 札幌》活動,除咗有展覽睇有嘢買,仲有別注版食品,喺會場用手機裝個app仲可以用AR功能同主角合照!有咩好嘢入嚟網站再睇,因為我最想講係痛「的」—痛的士呀!如果你幾個月去北海道旅行,記得留意吓喺街見唔到到綾波「的」、真希波「的」同明日香「的」,俾我見到,仲唔上? 相關資訊新片速報 11月漫畫版《新世紀Evangelion》最終卷 限定特典公開 (May 1, 2014) 理想與現實 日本Lotteria Q段漢堡 傾斜的9層芝堡 (Apr 25, 2013)

Read more ›

香港12月上映《一代宗師》新港版海報曝光
by / on 14/11/2012 at 5:37 pm

香港12月上映《一代宗師》新港版海報曝光

等咗8年,朝偉版葉問下個月終於有得睇!係咪真功夫係咪大師傅唔緊要,睇戲嘛!最緊要型!王家衛呢套《一代宗師》繼之前嘅最新預告片(入嚟有得睇)後,又有張型爆新海報,型過朝偉大頭多多聲! 相關資訊28/4一週碟報價:一代宗師出新混音版 勾魂3點終聲畫超驚嚇 (Apr 28, 2013) 27/4一週碟榜:下週出《一代宗師》《海嘯奇蹟》《孤星淚》 (Apr 21, 2013)

Read more ›
坐初號電車過山車 EVA:Q × FUJI:Q計画再始動!
by / on 14/11/2012 at 4:03 pm

坐初號電車過山車 EVA:Q × FUJI:Q計画再始動!

今個星期六,我會勤啲上網,睇吓有冇人講劇情,係,我以前都好憎人劇透,但今次唔同,《Evangelion新劇場版:Q》喎!我決定犧牲。好喇,個個都乘EVA,一向有乘開嘅富士急亦加碼,將富士急線電車變身成為初號機,再加多個主題過山車!而之前嘅綾波麗主題酒店房、餐廳食品就繼續喺度,入嚟溫故知新啦。 相關資訊渚薰請慢用 《Evangelion》賽車女郎「真嗣」柳本絵美攝影會圖集 (Apr 28, 2018) 真嗣唔錯喎?《Evangelion》賽車女郎攝影會 (Apr 20, 2018)

Read more ›
周六日本上映《Evangelion新劇場版:Q》影院產品曝光
by / on 14/11/2012 at 12:01 pm

周六日本上映《Evangelion新劇場版:Q》影院產品曝光

話咁快,今個星期六就係11月17日,對日本EVA迷嚟講係大日子,對香港EVA迷嚟講,係超葡萄嘅日子。如果,你睇埋呢個產品列表,個心會更唔舒服……去日本睇過戲嘅都知,戲院度都會有產品專櫃,可以買到場刊、精品、CD等好嘢,而EVA嘅戲院販賣列表,除咗有爆谷汽水連初號機飲管套餐外,產品更加係超級豐富,就咁快睇一次,都起碼十樣八樣有興趣……好彩!我有朋友呢期去開日本,嘩哈哈哈哈!羡慕我吧! 相關資訊又出Tee 記念下月EVA列車運行終了 (Apr 25, 2018) 《Evangelion》鷺巣詩郎浴室現神秘石紋 庵野監督確認:「真的是EVA。」 (Apr 12, 2018)

Read more ›
香港11月30日上映 《009 RE:CYBORG》經典再造
by / on 13/11/2012 at 4:15 pm

香港11月30日上映 《009 RE:CYBORG》經典再造

呢套快呀!原作石ノ森章太郎、腳本及監督神山健治,全新製作人造人009動畫劇場版《009 RE:CYBORG》,將會喺10月27日喺日本上映,香港11月30日就上喇!由泛亞發行,喺嘉禾荃新天地、旺角有得睇。再造人001至009個個潮晒型晒,仲同大量單位合作搞Crossover,呢度有日本版預告片,頂住先! 相關資訊009x智源書局 舉辦《Chemical Action》畫展 (Oct 24, 2017) 009 8月19日現身apm 開《龍城雲集》分享會 (Aug 18, 2017)

Read more ›