演唱會

香港首次《Final Fantasy》交響音樂會 7月兩場開賣
by / on 08/03/2013 at 6:06 pm

香港首次《Final Fantasy》交響音樂會 7月兩場開賣

有冇《Final Fantasy》Fans?等緊《Lightning Returns》、PS4新作喺E3登場,同埋鬧緊仲未出《FF Versus XIII》嘅同時,可以買飛睇呢個《Distant Worlds : music from Final Fantasy》交響音樂會。玩過呢隻RPG都知佢嘅音樂幾咁蕩氣迴腸,音樂會喺7月27日同28日晚上7:30喺亞洲國際博覽館舉行,票價分$1,680/$1,280/$880/$680,嘩,都真係要好鍾意先頂得住…… 相關資訊新片速報 FF三揪三 《DISSIDIA FINAL FANTASY NT》下月PS4開戰 (Dec 6, 2017) 新片速報 《FF XV》落難王子 Noctis參戰《鐵拳7》 (Nov 13, 2017)

Read more ›

[新片]   初音 x Domino Pizza      免費新Apps / 速遞痛車  雙連發
by / on 08/03/2013 at 5:24 pm

[新片] 初音 x Domino Pizza 免費新Apps / 速遞痛車 雙連發

嗚呀!日本初音迷真係好幸福呀!日本Domino’s Pizza 最新宣佈同初音合作,所有Pizza速遞都會用初音痛車送遞,仲喺iPhone平台推出初音Apps。呢個apps認真好玩,除咗有初音幫你GPS定位揀外送位置,仲可以用AR技術,同初音一齊影靚相,初音仲可以跳上Pizza盒上面跳舞唱歌比你睇。近似之前PS Vita出嘅《初音未來Project Diva f》嘅AR玩法,但今次可以免費下載,加埋個靚到不得了嘅初音pizza盒,呢舖日本初音迷實變肥仔咯! 相關資訊日本LEGO迷自製聖誕樹 識閃燈效果超正 (Dec 14, 2017) 日本麵包店捕獲「謎之生物 」 超可愛造型Twitter熱傳 (Dec 14, 2017)

Read more ›
YouTube X MOOV 網上免費睇陳慧琳MOOV LIVE直播
by / on 02/03/2013 at 12:00 pm

YouTube X MOOV 網上免費睇陳慧琳MOOV LIVE直播

  大家留意! 3月4日網上有陳慧琳免費音樂會聽! 我唔係教大家做0的鬼鼠0野, 其實呢次係YouTube同MOOV合作,0係下星期一、晚上8點,同步直播《MOOV LIVE 2013陳慧琳》音樂會,呢次係MOOV LIVE自2007 年推出以0黎, 首度進行全球直播! 當日,香港以及全球粉絲/網友, 只要登上YouTube <MOOV.hk香港音樂庫> 頻道,就可以免費任睇!

Read more ›
終極葡萄!「雪初音」慶典  北海道今日開催
by / on 05/02/2013 at 7:02 am

終極葡萄!「雪初音」慶典 北海道今日開催

如果你係初音fans,又唔準備去北海道,我建議你千祈唔好睇落去。由今日開始,為期七日,名為「Snow Miku」雪初音慶典正式喺北海道展開。今年嘅雪初音,老實,可愛造型真係靚到不得了。北海道全線51間Family Mart仲會推出大量初音食品及精品。當然仲有雪初音痛電車、演唱會同埋展覽。另外,喺機場、郵局及會場,亦有電話繩、杯、明信片、筷紙、年曆等大大大大量精品等你入手。如果你咁好彩有朋友去開北海道,送多個喼比佢幫你掃貨啦!入嚟官網仲有好多嘢睇,我用咗一小時睇,葡萄咗一小時,好想搭飛機去北海道過新年呀呀呀呀! 相關資訊日本Family Mart開健身室 食完炸雞做吓gym (Dec 3, 2017) 北海道大雪「幸福柴犬仔」 主人抱住散步唔怕凍 (Nov 22, 2017)

Read more ›
新片速報  韓國仔翻唱MJ Thriller   一人包辦主音樂器
by / on 17/01/2013 at 10:09 am

新片速報 韓國仔翻唱MJ Thriller 一人包辦主音樂器

新片速報 韓國仔翻唱MJ Thriller 一人包辦主音樂器 呢個喺日本居住嘅韓國大學生Inhyeok Yeo好厲害,自己唱咗首Michael Jackson嘅Thriller放上YouTube,勁在一人分飾晒所有樂器,再將所有聲mix埋一條聲,主音、和音、結他、Bass、Cow-Bell等等一手包辦,而且聲底唔錯,屬唱得之人,正宗one-man band。補充一下,之前外國都有個24歲後生仔Mike Tompkins做過同樣嘅事,翻唱MJ嘅Pretty Young Thing,一樣係一人分飾幾十角,有成三百萬點擊,我淨係識用一個英文字形容:Awesome! 相關資訊【有片】超像真!大泉洋扮聲唱〈Man In The Mirror〉 (Dec 4, 2017) 有片:超強Solo 一支結他彈《Beat It》 (Jun 30, 2015)

Read more ›
有片 機械band團  4手甩頭樂與怒
by / on 05/01/2013 at 12:08 pm

有片 機械band團 4手甩頭樂與怒

~~如果命運能選擇~~ 呢幾晚天與地重播,樂與怒精神又重新燃起!網上睇倒段片,號稱史上最Heavy Metal嘅樂隊Compressorhead,全隊band清一色機械人,有打鼓、彈結他同低音結他手,個頭仲識跟節奏搖擺,最搞笑係鼓手Stickboy,個頭可以甩頸升高,仲有四隻手,點夠你玩?下面有佢哋最新夾band片,起身入嚟獵奇吓! 相關資訊廢金屬變超巨型機械人 作品賣港幣20萬連運費 (Dec 11, 2017) 日本媽媽刺繡「勇者雷登」機械人咕臣 超有愛Twitter熱傳 (Nov 19, 2017)

Read more ›

PSY變強姦犯?日本同人畫出禍
by / on 28/12/2012 at 8:20 am

PSY變強姦犯?日本同人畫出禍

人紅特別惹火,韓國大叔PSY繼比人翻舊帳踢爆曾參與反美運動後,最後有日本同人手多多將疑似PSY嘅角色加入漫畫入面。本來問題不大,但慘在PSY嘅角色係黑道人物,仲要虐打無辜,然後強姦高校少女‥‥‥網上流出後即時令南韓人民震怒。呢本名為《Samuge-sō no Kimchi na Kanojo 》嘅日本同人情色漫畫,原來準備12月31日推出,其中上載咗一章有PSY大叔嘅章節之後即刻聲名大噪,好多網站已經即時抽起。雖然同人漫畫不嬲無底線,不過今次玩到咁大,我都睇唔過眼,禁咗佢啦。 相關資訊漫畫Buddy聖誕優惠套裝 漫畫+聖誕卡+Postcard有齊 (Dec 11, 2017) 《Ultraman》漫畫連載6年 動畫化決定! (Dec 1, 2017)

Read more ›
新片速報 PSN獨家配信《初音未來 台灣演唱會》PV
by / on 25/12/2012 at 3:25 pm

新片速報 PSN獨家配信《初音未來 台灣演唱會》PV

噚日已經報導過呢段新聞,又報?因為啱啱官方又發佈咗新宣傳片,呢段宣傳片就睇到演唱會曲目同埋10月台灣現場實況。睇完段PV我就知道,點解係台灣唔係香港呢?因為香港台下面除咗熒光棒之外,太多相機錄影呀唉!日本PSN Video Store就喺前幾日推出咗最新Video,可以睇番110分鐘內容,HD畫質線上睇就800円,要下載嚟無限睇就要2,500円;平啲就有SD畫質,分別要600円同2,000円。 相關資訊初音出車!大發Move Canbus內外變痛 (Oct 31, 2017) 【有片】超正PC機箱!初音箱內跳舞原來係…… (Oct 17, 2017)

Read more ›
日本PSN 2,500円重溫《初音未來 台灣演唱會》
by / on 24/12/2012 at 3:30 pm

日本PSN 2,500円重溫《初音未來 台灣演唱會》

香港嘅初音迷,之前可能都現場睇過初音嘅演唱會。但係10月喺台灣舉行嗰個呢?應該冇睇過!日本PSN Video Store就喺前幾日推出咗最新Video,可以睇番110分鐘內容,HD畫質線上睇就800円,要下載嚟無限睇就要2,500円;平啲就有SD畫質,分別要600円同2,000円,想睇初音演唱會過聖誕,出去買定點數卡啦。 相關資訊【大量影片】日本網民狂讚可愛 節目受訪「俄羅斯初音」底已起 (Oct 11, 2017) 【有片】電視節目《YOUは何しに日本へ?》 網民讚俄羅斯初音忘記歌詞好可愛 (Oct 9, 2017)

Read more ›
12/16影碟排行磅 鷹眼做間碟 小學雞睇少女時代
by / on 16/12/2012 at 9:22 pm

12/16影碟排行磅 鷹眼做間碟 小學雞睇少女時代

今個星期影碟榜遲咗到,因為編輯苦茶病咗!由我頂上。好喇,咁數榜喇, 復仇者鷹眼做嘅<叛諜追擊4:機密逃殺>今個星期好多人追捧,始終呢啲動作間諜片難睇極有譜,穩。之後就係動畫《怪誕小學雞》,就快放聖誕假梗係培充吓童心,而且個中文戲名改得幾搞笑,睇過都知,又真係幾搞鬼。最後藍光排行榜出現咗隻《GIRLS GENERATION – GIRLS GENERATION COMPLETE VIDEO COLLECTION》,鍾意少女時代嘅,買隻返去長播,真係賞心樂事嚟o架!唔信你試吓! 相關資訊12/8 影碟排行榜 《低俗喜劇》送爆炸糖 (Dec 9, 2012)

Read more ›
新片速報 現場玩時之笛 《薩爾達傳說》交響樂會
by / on 30/11/2012 at 11:41 am

新片速報 現場玩時之笛 《薩爾達傳說》交響樂會

喺美國,近排流行舉行一啲冇咁悶嘅交響樂演奏會。點樣冇咁悶?就係以遊戲為主題,好似呢個咁,就以《薩爾達傳說》為題,名為「Zelda: Symphony of the Goddesses」。有外國傳媒去Madison Square Garden入場睇完拍埋片,《薩爾達》啲音樂用嚟交響樂演奏就梗係啱數啦,後面大熒幕仲會播番遊戲片段,搞到啲聽眾嗌晒吹晒口哨,好似睇演唱會咁。 相關資訊熱血煲機真機迷 水木大哥玩《薩爾達》 (Jul 10, 2017) 【有片】好嘢喎!中國製遊戲 直用《薩爾達BOTW》遊戲Gameplay做宣傳 (Jul 8, 2017)

Read more ›

LUNA SEA平安夜演唱會 UA iSQUARE有得直播!
by / on 28/11/2012 at 10:24 am

LUNA SEA平安夜演唱會 UA iSQUARE有得直播!

  舊年!LUNA SEA喺日本埼玉舉行震災演唱會《LUNA SEA For JAPAN A Promise to The Brave》,門票5分鐘內火速售罄!今年12月24號,LUNA SEA會喺仙台SUNPLAZA HALL舉行第二彈震災演唱會!UA院線鐵定喺UA iSQUARE做「現場直播」 相關資訊逃避現實!日本網民期望今日係8月32日! (Sep 1, 2014) 日本網絡紅貓 賣開眼瞓覺樣 (Jul 30, 2014)

Read more ›
《RAIN》3D+2D藍光碟 入伍前最後一唱
by / on 23/11/2012 at 5:41 pm

《RAIN》3D+2D藍光碟 入伍前最後一唱

  星期尾,又係搵碟睇時間!得利啱啱發佈會推《RAIN THE BEST SHOW LIVE CONCERT》3D+2D藍光碟套裝 (建議零售價HK$264),呢個係舊年2011/9月,Rain入伍前在首爾奧林匹克體操競技場舉辦的最後一場演唱會,當中有「躲避太陽的方法」、「Rainism」、「壞男人」等主打歌 相關資訊【有片】第一身鞭鞭有力 《惡魔城》fan made遊戲免費玩 (Nov 6, 2017) 【有片】冰島3D立體斑馬線 懸浮設計提醒司機減速 (Oct 26, 2017)

Read more ›
新片速報 麥當娜現場騎PSY 〈Gangnam Style〉 x 〈Give It To Me〉
by / on 15/11/2012 at 7:06 am

新片速報 麥當娜現場騎PSY 〈Gangnam Style〉 x 〈Give It To Me〉

本來,我真係覺得PSY隻《Gangnam Style》已經寫到爛,又本來,我睇完亞視班粉皮之後,我又真係想殺人!但係,呢個實在係太勁,麥當娜喎!娜姐喎!喺美國時間11月13日,佢嘅巡迴演唱會紐約站度,同PSY合唱,齊齊跳騎馬舞!開頭響起〈Gangnam Style〉音樂,佢都係jam吓首〈Give It To Me〉,點知唱唱吓,PSY真人現身,同佢齊齊跳,麥當娜趴地喺PSY誇下玩完之後,仲按底PSY俾佢騎,最後拑埋上PSY度,女王即係女王!呢!好細粒橙色嘅就係PSY,隔籬嗰粒就係麥當娜喇。 相關資訊有片:PSY新歌《Daddy》扮細路 《Napal Baji》繼續洗腦 (Dec 2, 2015) 新片速報:PSY新歌《Hangover》繼續洗腦 (Jun 11, 2014)

Read more ›
新片速報   初音新追加  「亞北、弱音、重音」突入
by / on 07/11/2012 at 12:05 pm

新片速報 初音新追加 「亞北、弱音、重音」突入

話咁快初音已經離開咗我哋一個月‥‥‥我講緊距離上次香港演唱會喳!不過我估你仲有繼續煲隻《初音未來 -Project Diva- f》嘅!今日開始PlayStation Store有新追加內容下載,入面有齊3個當紅角色「亞北ネル(Neru Akita)」、「弱音ハク(Haku Yowane)」同埋「重音テト(Teto Kasane)」,比你喺節拍遊戲、房間同埋編輯模式中使用,香港售價HK$68,而家睇住片先,收工/放學快啲趕返屋企開機打啦! 相關資訊PS4《初音ミク Project DIVA Future Tone DX》專用手掣 11月22日同步出 (Sep 13, 2017) 【有片】有愛又有錢 韓國初音迷花$30萬製主題車站賀壽 (Sep 1, 2017)

Read more ›