動畫

外國神人高質「南瓜雕刻」  Wonder Woman真嘅一樣
by / on 14/10/2017 at 11:49 am

外國神人高質「南瓜雕刻」 Wonder Woman真嘅一樣

萬聖節就嚟到,南瓜又係時候出動嘞。外國呢位藝術家Alex Wer出名雕刻南瓜,佢嘅作品由Wonder Woman、Spider Man以至遊戲角色Mario到迪士尼卡通角色都有,全部作品都好高質,佢仲會接單幫人整,不過咁遠嘅我哋應該唔會訂嘞,但係入嚟可以欣賞吓佢嘅作品。 相關資訊【公關災難】外國Dove廣告涉種族歧視 官方道歉網民鬧爆 (Oct 10, 2017) Wonder Woman變Wonder Baby 少少性感仲有特效 (Oct 4, 2017)

Read more ›

美國麥當勞「四川醬」缺貨引抗議 日本電視節目剖析
by / on 12/10/2017 at 7:52 am

美國麥當勞「四川醬」缺貨引抗議 日本電視節目剖析

點會有人估到有市民會為咗買唔到麥當勞嘅麥樂雞四川醬而抗議?仲引嚟警察出動?件事喺美國發生,連日本嘅電視節目都報導去剖析事件。呢隻四川醬之所以咁受歡迎,全因為外國動畫《Rick and Morty》入面,神經科學家Rick一生致力要得到Mulan Mcnuggets sauce,一班fans都同科學家一樣想搵呢個醬,最後美國麥當勞決定重新推出呢道醬「四川醬」,不過就限定10月7日一日。點知當日超多人排隊,有分店得70盒醬但有過千人排,最後大部份人買唔到,喺舖外大叫「We want sauce」嘅口號,仲有人寫埋版「Give us the sauce」抗議,最後出動警察,睇返班細路其實都係玩多過嬲,睇嚟好快麥當勞又會再「限時」推出呢道醬嘞。 相關資訊日本網民又出手 麵包超人崩壞版「東南西北」Twitter熱傳 (Oct 22, 2017) 【圖集】日本「貓貓拳」親子篇 武功自細鍛鍊 (Oct 22, 2017)

Read more ›
【有片】聽日開播 奧浩哉《犬屋敷》動畫預告 小日向文世聲演
by / on 11/10/2017 at 9:01 pm

【有片】聽日開播 奧浩哉《犬屋敷》動畫預告 小日向文世聲演

聽日10月12日就開播喇。2014年起連載,至今年7月完結嘅漫畫《いぬやしき》,係《GANTZ》奧浩哉嘅作品,所以我都有睇,故事講阿伯變咗機械人,係幾好睇嘅。而且有小日向文世聲演主角「犬屋敷壱郎」,村上虹郎就聲演「獅子神」,仲有本郷奏多、上坂すみれ、諸星すみれ等。另外,木梨憲武主演嘅真人版就2018年有得睇。 相關資訊「紫菜文字便當」動畫版 第一至六集餐餐有魚 (Sep 15, 2017) 【有片】製作決定 《Re:ゼロから始める異世界生活》動畫新作宣傳片 (Sep 10, 2017)

Read more ›
日網民討論《龍貓》續作「めいとこねこバス」 想睇要講彩數!
by / on 11/10/2017 at 12:16 pm

日網民討論《龍貓》續作「めいとこねこバス」 想睇要講彩數!

啱啱又有網民提起呢套《めいとこねこバス》,即係小梅同貓巴士,話係《龍貓》續作。其實可能好多人都知,維基都有講,呢套長14分鐘嘅動畫,係2002年喺「三鷹の森ジブリ美術館」入面播放嘅,早年裝修前都試過再放映,不過要睇到都要就啱時間,而且唔知幾時再有機會播,要睇真係講彩數,如果再冇機會睇,唯有睇圖當睇咗。如果你冇乜印象,再講多少少,故事係1988年《龍貓》嘅後續,「小梅(草壁メイ)」遇到同其他貓巴士失散嘅巴士仔,之後成為朋友……小梅嘅聲優都係動畫版嘅坂本千夏,至於龍貓就係由宮崎駿自己聲演。 相關資訊【有片】神剪接!《天空之城》「ムスカ」槍擊 《龍貓》「草壁メイ」接子彈 (Oct 6, 2017) 愛知縣「愛・地球博記念公園」變身《龍貓》世界 2020年完工 (Jun 1, 2017)

Read more ›
《Macross Δ》劇場版公開 「激情のワルキューレ」2月9日日本上映
by / on 09/10/2017 at 2:42 pm

《Macross Δ》劇場版公開 「激情のワルキューレ」2月9日日本上映

超時空要塞有新情報,今日(9日)舉行嘅「瞬間完全燃焼!『劇場版マクロスΔ』発表イベント!」活動中,官方宣佈《マクロスΔ》劇場版標題係「激情のワルキューレ」,2018年2月9日日本上映。不過據知係電視版嘅「再構築」,另外亦會有劇場用新曲,同埋「ワルキューレ」嘅3rd LIVE,2月24、25日喺「横浜アリーナ」舉行!   相關資訊香港LEGO高手製作 《Macross F》VF-25可變三型態 (Oct 21, 2017) 河森正治機械人新作來了 10月17日六本木發佈會直播 (Sep 27, 2017)

Read more ›
【新片速報】日本《我的英雄學院》超強擺設 渋谷Tokyu Hands展出
by / on 09/10/2017 at 7:41 am

【新片速報】日本《我的英雄學院》超強擺設 渋谷Tokyu Hands展出

有無睇漫畫《我的英雄學院》?呢個擺設好勁,表面睇係英雄角色All Might,不過行前兩步轉個角度就會變咗主角緑谷出久,好特別!有網民話喺渋谷嘅Tokyu Hands有得睇,去開日本又鍾意呢套漫畫嘅記性去睇睇嘞。話時話,查番資料,之前都有《名偵探柯南》嘅「柯南」變成《逆轉裁判》嘅「成步堂龍一」,都係咁玩法,喺上年嘅Anime Japan 2016出現過。 相關資訊【有片】日本超可愛兔仔 窄巷倒退片Twitter熱傳 (Oct 22, 2017) 【新片速報】銀杏葉變蝴蝶 日本網民自創秘技 (Oct 22, 2017)

Read more ›

【圖集】驚慄版《寵物小精靈》 邪惡角色睇完心都寒埋
by / on 09/10/2017 at 7:11 am

【圖集】驚慄版《寵物小精靈》 邪惡角色睇完心都寒埋

Pokemon係好多人嘅童年回憶,不過睇完呢輯相可能會變童年陰影。外國設計師David Szilagyi將大量Pokemon角色變做陰森恐怖嘅邪惡版,唔係話求其伸吓脷流兩滴血嗰種,而係由氣氛到細節位都恐怖到爆。佢之前做遊戲嘅concept artist,恐怖遊戲Silent Hill、F.E.A.R.等等都有啟發到佢,入嚟有多啲角色睇,超高質。 相關資訊【新片速報】日本超恐怖車站 似玩《BIOHAZARD》網上熱傳 (Oct 16, 2017) 百變怪大量產品 《Pokémon》伸縮自在潛力高 (Oct 15, 2017)

Read more ›
火車頭Thomas又嚇人     鑽入吸塵機膠管好陰森
by / on 09/10/2017 at 7:00 am

火車頭Thomas又嚇人 鑽入吸塵機膠管好陰森

火車頭Thomas個樣其實好恐怖,之前好多人都試過俾佢嚇親,最近喺日本Twitter熱傳有呢張。事緣呢位日本網民吸緊塵,唔知有心定無意,竟然吸咗隻Thomas入去,喺條黑管望入去嘅Thomas格外恐怖,快啲諗辦法趕返佢出嚟啦!入嚟有得睇其他Thomas恐怖相,無屈佢架堅恐怖。 相關資訊【相集】日本黑喵亂瞓嚇人 四腳朝天超可愛 (Jun 11, 2017) 【媽呀】Thomas火車頭邪惡奸笑 日本主婦俾玩具嚇親 (Mar 18, 2017)

Read more ›
【十年前今日】《機動戦士ガンダム00》10周年Boxset 全50話加劇場版
by / on 06/10/2017 at 4:24 pm

【十年前今日】《機動戦士ガンダム00》10周年Boxset 全50話加劇場版

2007年10月6日,就係《機動戦士ガンダム00》喺日本開播嘅日子!10周年,官方梗係唔會放過搵錢……我意思係慶祝嘅機會,嚟緊就會有呢套「10th Anniversary COMPLETE BOX」,初回限定生產會有10周年記念書仔,預定100頁,另外亦都有「復刻ストーリーカード」,即當年劇場版上映時送嘅卡,全12張復刻。咁當然係會有TV動畫全50話同埋劇場版嘅UHD-BD+BD,特定店舖仲會有「高河ゆん」畫嘅迷你複製簽名版4張一套,同埋唔少得係新畫嘅收納box。價錢方面,50,000円,2018年2月23日發售。 相關資訊日本原型師製作 「哈曼大人」終於有少女味 (Oct 21, 2017) 【今日GIF】謎之Stop Motion系列 激動戰士又玩激光劍 (Oct 17, 2017)

Read more ›
日本新宿哥斯拉主題店 限定T恤/相集10月30日開賣
by / on 29/09/2017 at 7:41 am

日本新宿哥斯拉主題店 限定T恤/相集10月30日開賣

哥斯拉套新動畫《GODZILLA 怪獸惑星》日本11月17日上映,最近官方就公佈會喺新宿開主題商店「Godzilla Store Tokyo」,10月30日開幕,除咗網上商店嘅貨品有得買之餘,仲有幾款店舖限定商品,包括杯、T恤、相集、模型等等,官方仲公佈會推出哥斯拉信用咭,一式四款,用佢嚟簽咭好霸氣。 相關資訊【有片】日本女性眼中 10種最怕搭車搭船隔籬位 (Oct 21, 2017) 【圖集】日本Twitter熱傳 今次輪到10種好男子 (Oct 21, 2017)

Read more ›
日本喵星人cosplay虎徹 《Tiger&Bunny》短腳版
by / on 29/09/2017 at 7:04 am

日本喵星人cosplay虎徹 《Tiger&Bunny》短腳版

喵星人都可以cosplay,最近有日本網民為隻喵整咗套靚衫,眼利嘅網民好快就發現係《Tiger&Bunny》嘅虎徹,不過係短腳版嘅。唔少網民仲好有興趣整返套俾自己隻喵,甚至兔仔都有人問,睇嚟量產化都有市場喎。 相關資訊【新片速報】日本網民玩《Metal Gear》 「!」出現喵星人反應超搞笑 (Oct 22, 2017) 【有片】快快樂樂練腹肌 兩年前台灣健身片紅到日本 (Oct 21, 2017)

Read more ›

【連環圖】日本喵星人好識瞓 坐「背背龍」發航海夢
by / on 27/09/2017 at 7:26 am

【連環圖】日本喵星人好識瞓 坐「背背龍」發航海夢

喵星人無嘢驚,因為成屋所有嘢都係屬於佢嘅。好似呢隻日本喵星人可能有睇開《寵物小精靈》,所以瞓晏覺都揀喺背背龍上面瞓,估計應該係發緊夢去航海嘞。而另一方面,企喺下面隻高竇貓個樣似乎好唔滿意。不過真嗰隻喵啋佢都傻,可能睇佢唔順眼,瞓醒之後仲同佢打起上嚟。

Read more ›
洛克人女朋友睡衣 連頭盔大炮賣5500円
by / on 26/09/2017 at 7:34 am

洛克人女朋友睡衣 連頭盔大炮賣5500円

日本品牌Sazac專出遊戲角色睡衣,最近洛克人30週年就有呢款連身睡衣,仲專登加咗頂連帽頭盔,睇落暖笠笠唔怕凍親頭頂。不過最正都係支可拆卸嘅炮,可以拆出嚟當枕頭瞓,全套賣5,500円,10月6日推出,無女朋友又生得細粒啲嘅男仔都可以買嚟冬天著保暖。 相關資訊女朋友回來了!《Love Plus》新作始動! (Aug 25, 2017) 【新片速報】水瀨仔攬實毛公仔女朋友 超萌影片Twitter熱傳 (Aug 25, 2017)

Read more ›
超強插畫家  2017年迪士尼公主全新造型
by / on 26/09/2017 at 7:04 am

超強插畫家 2017年迪士尼公主全新造型

外國插畫家Fernanda Suarez擅長畫女性,最近佢就將一系列迪士尼公主重新改造,將佢哋變成2017年嘅造型,出嚟嘅效果好出色,由白雪公主、美女與獸嘅belle,以至灰姑娘到花木蘭都有,之前佢仲畫過遊戲The Last of Us嘅Ellie同Game of Thrones嘅龍馬同Jon Snow,全部都好高質,入嚟有回帶。 相關資訊【最後今日】東京迪士尼「StarJets」遊戲 完結34年歷史任務 (Oct 10, 2017) 喵星人變迪士尼王子 大量「動物朋友」 鹿/松鼠爭相拜訪 (Oct 10, 2017)

Read more ›
【有片】《活擊 刀劍亂舞》電視動畫最終回 劇場版計劃始動
by / on 24/09/2017 at 1:05 am

【有片】《活擊 刀劍亂舞》電視動畫最終回 劇場版計劃始動

嚟到最後一話嘅最後,唔捨得嘅都可以期待吓,因為官方仲有新片宣佈劇場版計劃始動! 相關資訊【新片速報】《刀劍亂舞》後台溫馨一幕 工作人員幫狐之助梳毛 (Mar 27, 2017) 一拔即著!Bandai出《刀剣乱舞》發光刀 (Sep 26, 2016)

Read more ›