動畫

新片速報 KFC X《龍珠 Z 神與神》悟空食炸雞出龜波
by / on 02/03/2013 at 7:22 am

新片速報 KFC X《龍珠 Z 神與神》悟空食炸雞出龜波

隨住《龍珠 Z 神與神》呢套最新劇場版喺日本3月30日上映,之前報導過、同KFC肯德基伯伯嘅Crossover亦正式開始!食雞有水樽送,水樽頂仲有粒發光龍珠!啱啱日本就出咗廣告片,悟空跑住去食炸雞,食完仲無啦啦出龜波氣功……話時話,如果悟空去KFC,食幾多個桶先夠飽呢? 相關資訊新片速報 《龍珠FighterZ》破壞神參戰影片 (Jan 15, 2018) 【圖集】睇漫畫學大道理(3) 日本網民再出圖終於到悟空 (Dec 24, 2017)

Read more ›

新片速報《Angry Birds》動畫 雀從那裏來
by / on 27/02/2013 at 4:34 pm

新片速報《Angry Birds》動畫 雀從那裏來

到底《Angry Birds》班雀仔平常唔駛救人救蛋嘅時候會做咩呢?圍埋一齊傾計又會傾咩話題呢?食飯係咪食蟲呢?美國喺3月16同17日播放一系列動畫,入嚟有預告片睇,啲豬一啲都唔奸,同埋我想知啲憤怒鳥跌落地係咪一定會爆開?可唔可以做番隻有腳嘅雀仔? 相關資訊【好過屎包】中國麥記出綠堡 外國媒體話驚驚 (May 21, 2016) 【有片】仲記得佢?《The Angry Birds Movie》憤怒鳥動畫下年上映 (Sep 24, 2015)

Read more ›
新片速報 《龍珠Z 神與神》最新預告 細蚊伯爺公 打到上太空
by / on 27/02/2013 at 11:03 am

新片速報 《龍珠Z 神與神》最新預告 細蚊伯爺公 打到上太空

唉,《EVA新劇場版:Q》都未有日期,人哋日本4月都出碟啦,唉!仲有一套,係隔咗17年、3月30日喺日本就上映嘅全新一套龍珠Z劇場版《Dragon Ball Z 神與神》,我都勁想睇,但香港又係冇聲氣,睇嚟叠埋心水等出碟算把喇。而電影嘅最新預告就有得睇喇,悟空,真係好有型! 相關資訊【有片】遊戲變動畫 《龍珠 FighterZ》重現感動名場面 (Dec 18, 2017) 【新片速報】法國沙灘木屋變《龍珠》神龍 街頭藝術家超強創作 (Dec 17, 2017)

Read more ›
日本投選宮崎駿動畫 《龍貓》最受歡迎
by / on 25/02/2013 at 5:50 pm

日本投選宮崎駿動畫 《龍貓》最受歡迎

宮崎駿、吉卜力工作室,無論係咪動漫迷都識,經典動畫可以話陪住我哋成長,不過人越大就反而覺得佢啲舊作越有深度,新作反而……日本Shunkan News就搞咗個票選,有136,295人投票,選出最受歡迎吉卜力動畫,少女見到會尖叫、香港金魚街都興過一排嘅《龍貓》排第一,《天空之城》屈居第二……我最鍾意嘅《夢幻街少女》同《再見熒火蟲》竟然唔入頭9名?你哋又最鍾意最難忘佢邊套作品? 相關資訊【彈出彈入】宮崎駿監督長片主題確定 80年前《君たちはどう生きるか》改編 (Oct 29, 2017) 【你認得幾多?】「三鷹の森ジブリ美術館」新活動 吉卜力動畫「食物」展 (Jun 4, 2017)

Read more ›
新片速報《機動戦士ガンダムUC》Episode 6 TVCM 封面特典公開
by / on 25/02/2013 at 9:21 am

新片速報《機動戦士ガンダムUC》Episode 6 TVCM 封面特典公開

日本3月2日就上映,嚟到第6集「宇宙と地球と」,仲有一集就結局,真係好想快啲睇到!繼之前兩條Trailer(入嚟有得回帶)之後,今日又有最新TVCM,十幾秒唔係好長,但睇完之後搞到個心好痕!好痕呀!   相關資訊全DLC有齊 《SD Gundam G Gneration Genesis》登陸Switch (Jan 16, 2018) 玩晒65個站 JR東日本 x《機動戰士Gundam》吸印有獎品 (Jan 8, 2018)

Read more ›
J League開咧玩龍珠 新潟天鵝 X 《Dragon Ball Z 神與神》 悟空到場打氣!?
by / on 23/02/2013 at 3:53 pm

J League開咧玩龍珠 新潟天鵝 X 《Dragon Ball Z 神與神》 悟空到場打氣!?

咩都乘得一餐,我就係鍾意日本呢個風氣,即係你鍾意一套動漫,其實真係唔駛慌冇嘢好買。3月30日喺日本上映嘅《Dragon Ball Z 神與神》,係相隔17年再嚟嘅最新龍珠劇場版,咁耐冇見悟空梗係大件事,除咗之前報導過同KFC合作外,仲有同J1球隊「新潟天鵝」合作,球隊就整咗張扮龍珠嘅海報,3月30日對蒲和紅鑽,除咗球隊會用「CHA-LA HEAD-CHA-LA」嚟做主題曲外,仲話悟空會到場打氣添!睇完戲睇波,真係爽!可惜,我喺香港,仲買唔到飛睇曼聯對傑志…… 相關資訊製作決定!《龍珠》劇場版第20作 鳥山明寫劇本 (Dec 16, 2017) 現實筋斗雲?網民帶悟空去東京重開「金色のうんこ」 (Dec 16, 2017)

Read more ›

毛主席變Darkseid  獨裁者被惡搞
by / on 23/02/2013 at 1:55 pm

毛主席變Darkseid 獨裁者被惡搞

呢個巴西藝術家Butcher Billy之前介紹過,將瑪利奧變punk友、史泰龍變蝙蝠俠嗰位。今次新作品將歷史上著名獨裁者,變成漫畫大奸角。好似我哋熟悉嘅毛主席,就變成擁有死光眼,可以單手掐死超人嘅Darkseid,作者話因為佢同漫畫角色一樣,塊面好似石化咗咁,永遠得一個樣。至於拉登就變綠魔俠;希特拉就變成Marvel大奸角Galactus、卡達菲呢個利比亞獨裁領袖就係怪胎超人Bizarro。話時話,好在我用緊嘅係facebook,如果唔係分分鐘比人河蟹‥‥‥ 相關資訊《你的名字》宮水三葉被惡搞 亂飲飲品野獸先輩亂入 (Jan 4, 2018) 【圖集】睇漫畫學大道理(4) 日本網民再出圖今次有柯南 (Dec 31, 2017)

Read more ›
動漫角色真實玩   剪紙攝影二合一
by / on 23/02/2013 at 12:15 pm

動漫角色真實玩 剪紙攝影二合一

其實小朋友先會玩嘅剪紙,都可以好有創意。好似呢位外國網友MlleLowra,將動漫人物用剪紙方式放入現實世界,加上特定場景、動作,成為令人一睇就印象深刻嘅小作品,有啲角色我都講唔出名,不過齋睇佢哋又食嘢又沖涼都幾過癮,搞到我都想試吓整。 相關資訊【圖集】日本飛沙攝影新作 《動物朋友》決戰星戰白兵 (Jan 1, 2018) 超高質玩具攝影連環圖 Kylo Ren食壽司被跣淥親 (Dec 19, 2017)

Read more ›
新片速報 《Dragon Ball Z 神與神》電視低清預告片 紀念飲品發售
by / on 22/02/2013 at 10:34 am

新片速報 《Dragon Ball Z 神與神》電視低清預告片 紀念飲品發售

仲有幾日,隔咗17年、3月30日喺日本就上映嘅全新一套龍珠Z劇場版《Dragon Ball Z 神與神》。啱啱就有錄自日本電視節目嘅新片段,好低清,麻麻哋。想等高清片嘅都可以入嚟睇吓由2月25日開始發售嘅紀念飲品,全套12款,每罐110円,去開日本真係想買齊一套…… 相關資訊【好想去】大阪《龍珠》主題餐廳 食物超精緻大量精品 (Dec 10, 2017) 新片速報 《龍珠FighterZ》成年悟飯/布歐/悟天格斯激戰 (Dec 6, 2017)

Read more ›
新片速報 新海誠新作《言の葉の庭》浪漫預告
by / on 21/02/2013 at 12:03 pm

新片速報 新海誠新作《言の葉の庭》浪漫預告

好咯!迷上新海誠就係因為《秒速5厘米》嗰份都市嘅浪漫!所以之後《追逐繁星的孩子》我就認真麻麻。今次呢套新作《言の葉の庭》回歸現代愛情懷抱,講夢想做鞋匠嘅15歲高中生タカオ,喺兩天遇到27歲女主角ユキノ,喺雨天嘅偶遇,促成一段動人故事!5月31日日本上映,女主角聲優係花澤香菜!男主角入野自由。仲有睇《秒速》最重要嘅懷舊主題曲,今次呢方面一樣落足力,泰基博嘅〈Rain〉妥當晒!預告有得聽! 相關資訊日本Coser又還原 《言の葉の庭》女教師「雪野百香里」 (Oct 10, 2016) 超靚景回憶《言葉之庭》實景逐格睇 餐廳推出「言葉」蛋包飯 (Jun 10, 2013)

Read more ›
《Hunter x Hunter》動畫再臨 嵌合蟻篇 4月21日播放
by / on 21/02/2013 at 6:59 am

《Hunter x Hunter》動畫再臨 嵌合蟻篇 4月21日播放

富樫義博嘅《Hunter x Hunter》漫畫復刊期如傳說一般存在,但係動畫版就有新動向,繼之前劇場版之後,富樫最後連載嘅嵌合蟻篇嘅動畫將會喺4月21日喺日本播放!老老實實蟻王篇其實完得幾好幾有型,不過唔知會唔會拍埋之後嗰一小段會長選舉故事…… 相關資訊超正!全140種!《Hunter X Hunter》「貪婪大陸」篇出卡 (Dec 4, 2017) 【情報】《週刊少年Jump》50周年計劃 《Hunter X Hunter》連載再開 (Nov 29, 2017)

Read more ›

4月24日發售!《Evangleion新劇場版:Q》DVD/BD 初回特典配樂CD聽主題曲
by / on 19/02/2013 at 2:15 pm

4月24日發售!《Evangleion新劇場版:Q》DVD/BD 初回特典配樂CD聽主題曲

當我仲等緊唔知香港幾時上嘅時候,日本官方今日就宣佈《Evangleion新劇場版:Q》會喺4月24日推出DVD同藍光影碟!今次算快手,可惜嘅係得日文字幕,不過唔緊要,總會有辦法嘅。初回特典送CD,係電影配樂加埋宇多田光唱嗰首主題曲,另外各版本都會收錄埋上映時都有埋嘅《巨神兵東京に現わる 劇場版》。算啦,咁遲都唔上,我睇碟算。 相關資訊官方出2018年賀圖 《Evangelion新劇場版》今年有冇得睇? (Jan 6, 2018) 【有片】瘋狂!新宿VR設施《Evangelion》「魂の座」加強版玩「暴走」 (Dec 23, 2017)

Read more ›
童話喪屍版   反斗奇兵/愛麗斯/美人魚嚇死人
by / on 19/02/2013 at 11:40 am

童話喪屍版 反斗奇兵/愛麗斯/美人魚嚇死人

反斗奇兵變喪屍?原來係Toy Gory,唔係Disney出品,係Destroy。呢個藝術家Matt Busch一定好鍾意喪屍,唔止《反斗奇兵》,連《愛麗斯夢遊仙境》、《美人魚》都係喪屍,簡直係一手摧毀小朋友童年美夢嘅劊子手!不過佢連大人都唔放過,《魔戒三部曲》、《Sex and the city》都有份,《ET外星人》同埋《吸血新世紀》亦榜上有名,睇嚟佢應該係電影迷先啱,不過從佢改編嘅作品嚟睇,佢年紀都唔細。 相關資訊短篇電影《江湖夢裡人》首播 尹光唱腔一絕 (Dec 22, 2017) 鄺世傑出手 畫《一家大細》電影海報 (Dec 20, 2017)

Read more ›
慶祝第6集上映《MS Gundam Unicorn》最新精品發售
by / on 18/02/2013 at 11:47 am

慶祝第6集上映《MS Gundam Unicorn》最新精品發售

3月2日喺日本就上映Episode 6,仲有多一集就完結,鑊鑊高潮。咁有新1集就梗係有新產品,官網就公佈咗一系好嘢,當中除咗有3D海報之外,有Tee有筆有吊飾仲有衛衣,都係嗰句,去開日本,8幾算,唔買對唔住自己。真係要掃。 相關資訊【有片】台場獨角獸變型時間表發佈 每日9場夜晚有動畫最正 (Sep 24, 2017) 【有片】台場Unicorn Gundam開展前夜變型 官方宣佈春季有新UC Project (Sep 23, 2017)

Read more ›
忍者龜面罩  靚女Model戴上面
by / on 17/02/2013 at 10:48 am

忍者龜面罩 靚女Model戴上面

呢個忍者龜面罩,睇落好保暖,唔算忠於原著,但戴起幾靚,我指個model。model戴住嗰款係最聰明嘅忍者龜Donatello,另外仲有紅色嘅Raphael、橙色嘅Michelangelo同埋藍色嘅隊長Leonardo,唔明我講咩?咁你專心睇靚女算啦。網站Etsy有一式四款面罩買,開價美金$35,會唔會有人買齊四隻色用嚟襯衫呢?唔笠住對眼當冷帽戴都幾潮吖,嘻。 相關資訊廢金屬變超巨型機械人 作品賣港幣20萬連運費 (Dec 11, 2017) 超可愛立體「貓屁屁」電話殼 仲有馬騮/豬/班馬 (Apr 16, 2017)

Read more ›