動畫

【好想去】大阪《龍珠》主題餐廳 食物超精緻大量精品
by / on 10/12/2017 at 1:23 pm

【好想去】大阪《龍珠》主題餐廳 食物超精緻大量精品

嚟緊計劃去大阪嘅龍珠迷,呢間主題餐廳應該必去嘞。12月8日開幕,喺大阪梅田,食物方面幾有誠意,有筋斗雲班戟、神龍春卷、四星珠甜品/蛋包飯、大魔王封印沙律,全部都好正,唯一係個豬肉拉麵有啲殘忍,不過有佢最鍾意嘅底褲仔,好可愛。仲可以嗌埋貓仙人仙豆。另外有大量精品發售,由T恤、外套到電話套散紙包乜都有,而且開到夜晚11點,最緊要帶定張信用咭。 相關資訊新片速報 《龍珠FighterZ》破壞神參戰影片 (Jan 15, 2018) 日本網民食物現「奸笑BB樣」 心都寒埋Twitter熱傳 (Jan 12, 2018)

Read more ›

《海月姫》真人版劇照公開 超強偽娘「瀨戶康史」好可愛
by / on 07/12/2017 at 7:53 am

《海月姫》真人版劇照公開 超強偽娘「瀨戶康史」好可愛

日本漫畫《海月姫》將會改編拍真人版電視劇,其中由男藝人「瀨戶康史」飾演超時尚嘅偽娘角色蔵之介役最令人期待啦。最近官方發佈咗兩張新相,著住紅色長外套戴晒假長髮嘅瀨戶康史激似女人,而且仲幾靚幾可愛添!連甫士都好溫柔。有無令大家更期待?套劇下年1月啟播,記住留意吓。 相關資訊【有片】超可愛刺猬仔示範食藥 頹爆變超興奮Twitter熱傳 (Jan 16, 2018) 石頭變雀仔 日本網民超強手藝 (Jan 14, 2018)

Read more ›
【有片】日本DC動畫 《Batman Ninja》蝙蝠俠變武士
by / on 02/12/2017 at 4:26 pm

【有片】日本DC動畫 《Batman Ninja》蝙蝠俠變武士

以日本為背景,DC Comics宣佈會喺日本有呢套劇場版《Batman Ninja(ニンジャバットマン)》上映,班底勁嘅,有「神風動画」嘅水崎淳平監督、《天元突破グレンラガン》劇本中島かずき、《アフロサムライ》原作嘅岡崎能士設定角色。2018年上映! 相關資訊有片:神人自製Batman指尖陀螺 型到爆 (May 23, 2017) 【有片】1,833小時!34萬粒LEGO砌原大Batman車 (Jan 16, 2017)

Read more ›
超靚Pokémon透明精靈球    第二彈車厘龜超可愛
by / on 02/12/2017 at 7:34 am

超靚Pokémon透明精靈球 第二彈車厘龜超可愛

之前介紹過嘅超靚Pokémon透明精靈球最近宣佈推出第二彈嘞!睇圖見到車厘龜攤喺水面仲伸腳吐水,好可愛。透明精靈球入面有埋不同場景,超靚超精緻!今次每個精靈球入面仲有兩個角色,由日本RE-MENT推出,預計下年3月推出,一式六款,fans要留意。 相關資訊【蛋糕奇蹟】日本高手想整比卡超 成品變成《ポプテピピック》 (Dec 25, 2017) 【有片】《Pokémon》火箭隊集結 千人砌比卡超破世界紀錄 (Dec 24, 2017)

Read more ›
超可愛《刀劍亂舞》小夜漢堡 極像真仲有可麗餅
by / on 23/11/2017 at 7:08 am

超可愛《刀劍亂舞》小夜漢堡 極像真仲有可麗餅

呢個完成品會唔會太靚?最近有日本網民放咗兩件漢堡上Twitter,吸引好多人RT,主角就係《刀劍亂舞》嘅小夜左文字。唔單止可愛,睇落仲好好食。不過好可惜,其實全部都係用樹脂粘土製作,並唔係真嘅漢堡,唔食得。樓主之前仲整過小夜嘅樹脂粘土可麗餅同Cup Cake,入嚟有回帶。 相關資訊【撞樣】日本柴犬超似冬甩 一臉雪超可愛Twitter熱傳 (Jan 13, 2018) 【新片速報】日本超可愛倉鼠 四腳朝天進入昏睡狀態 (Jan 8, 2018)

Read more ›
日本媽媽刺繡「勇者雷登」機械人咕臣 超有愛Twitter熱傳
by / on 19/11/2017 at 12:37 pm

日本媽媽刺繡「勇者雷登」機械人咕臣 超有愛Twitter熱傳

媽咪嘅影響對小朋友真係好深遠,日本好出名嘅紙機械人製作師「安居智博」最近喺Twitter分享咗呢個咕臣嘅刺繡圖案,原來佢媽咪喺佢好細個嘅時候,就刺繡咗呢個機械人「勇者雷登」嘅咕臣,睇得出佢對囝囝滿滿嘅愛呀!而安居智博由小學開始已經製作紙機械人,有35年經驗,製作數目超過600個。勁在每個紙製品嘅關節都可以活動,被News Week雜誌選為「世界最尊敬嘅100名日本人」,而家佢嘅作品 「カミロボ」喺MoMA Store有得買,入嚟有得回帶睇。 相關資訊日本佛心「喵星人」 瞓大佛手心被供奉 (Jan 16, 2018) 【有片】為市民服務都有爭議?日本列車出意外 警車送考生去試場 (Jan 15, 2018)

Read more ›

新宿東口出現哥斯拉巨頭 識咆哮眼部發藍光
by / on 14/11/2017 at 8:16 am

新宿東口出現哥斯拉巨頭 識咆哮眼部發藍光

話咁快哥斯動畫《GODZILLA 怪獸惑星》仲有幾日就喺日本上畫,最近喺東京嘅JR新宿東口車站就多咗個特別擺設,超巨型嘅哥斯拉頭由今個月13號至19號會擺放喺度,識發出咆哮聲,雙眼仲會射藍光。哥斯拉迷去完記得去埋新宿東寶大樓影埋哥斯拉頭,跟住再去埋Hotel Gracery Shinjuku嘅哥斯拉主題酒店房住返晚,再睇埋套動畫,咁就超完滿嘞! 相關資訊超靚「銀山溫泉」雪景圖 日本Twitter熱傳 (Jan 15, 2018) 【新片速報】日本扮聲神人Twitter熱傳 男/女/電車都係佢 (Jan 15, 2018)

Read more ›
【有片】龍之子55周年動畫《Infini-T Force》 劇場版2月24日公開
by / on 13/11/2017 at 8:23 pm

【有片】龍之子55周年動畫《Infini-T Force》 劇場版2月24日公開

呢套龍之子英雄集結嘅動畫,有《科学忍者隊ガッチャマン》、《宇宙の騎士テッカマン》、《破裏拳ポリマー》、《新造人間キャシャーン》參戰,官方有新片宣佈劇場版會喺2018年2月24日公開! 相關資訊造型公開 四強聯手 龍之子55周年《Infini-T Force》動畫 (Jun 10, 2017) 【有片】龍之子55周年強陣動畫 四大強者10月聯手 (Mar 24, 2017)

Read more ›
【有片】新劇場版《鐵甲萬能俠/ INFINITY》新預告 女子組合係咩玩法?
by / on 10/11/2017 at 3:04 pm

【有片】新劇場版《鐵甲萬能俠/ INFINITY》新預告 女子組合係咩玩法?

好正喎!宮迫博之會參演,同朴ろ美一齊聲演「あしゅら男爵」一角,仲有おかずクラブ就演出新角色「マジンガールズ」,4人女子組合,呢條預告中都會睇到!呢套《劇場版 マジンガー Z / INFINITY》下年1月喺日本上映,都係嗰句,聽到水木一郎大哥重新演繹主題曲,已經熱血到鐵壁都爆開! 相關資訊【有片】日本大熱手機遊戲 飼養兇殘熊隨時襲擊主人 (Jan 15, 2018) 【新年名物】日本鶴岡八幡宮「紅警備隊」 制服超有型 (Jan 14, 2018)

Read more ›
漫畫角色「抜槍射擊速度」比較   野比大雄宇宙最強
by / on 10/11/2017 at 7:28 am

漫畫角色「抜槍射擊速度」比較 野比大雄宇宙最強

漫畫世界嘅嘢好多時都唔可以作準,例如年齡、身高之類。最近有人就研究漫畫角色拔槍射擊嘅速度嘞。超一流嘅職業槍手「次元大介」只需要0.3秒,《城市獵人》嘅孟波要0.2秒、擁有超一流狙擊能力嘅殺手「ゴルゴ13」係0.17秒,但係點解野比大雄係0.1秒呢?!之後仲有人話《龜有公園前派出所》嘅両津勘吉係0.009秒!網民都唔係幾接受到呢個事實,仲開始展開學術性嘅討論,咁其實快又唔等於準‥‥‥ 相關資訊【洋人的奇妙喜好】成人影片網公佈 2017年最多搜尋遊戲角色 (Jan 14, 2018) 【圖集】睇漫畫學大道理(4) 日本網民再出圖今次有柯南 (Dec 31, 2017)

Read more ›
超可愛比卡超毛毛拖鞋 一踩識著燈冬天必備
by / on 08/11/2017 at 7:00 am

超可愛比卡超毛毛拖鞋 一踩識著燈冬天必備

天氣開始凍,係時候買返對毛毛拖鞋喺屋企著。最近ThinkGeek就推出咗呢款比卡超拖鞋,造型可愛又大大隻,最正係行嘅時候會發光,臉紅紅超可愛,有開關功能,賣美金$29.99,用嚟做聖誕節禮物一流。除咗比卡超,佢哋之前仲出過卡比獸拖鞋,每踩一下就會發出鼻鼾聲,超可愛,入嚟有回帶! 相關資訊【圖集】冬天喵星人圍爐取暖 企得太埋好危險Twitter熱傳 (Jan 10, 2018) 日本網民分享熱賣「假黑絲」 冬天必著內有絨毛 (Jan 9, 2018)

Read more ›

【圖集】神級俄羅斯cosplayer  《龍珠》/大量角色扮乜似乜
by / on 07/11/2017 at 9:07 am

【圖集】神級俄羅斯cosplayer 《龍珠》/大量角色扮乜似乜

以cosplay嚟講,呢位來自俄羅斯嘅Justyna Sosnowska應該屬於神嘅級數。佢嘅強項係特技化妝,所以唔止可以扮《龍珠》嘅18號,連龜仙人、瘦布歐都得,堅勁!佢喺3年嚟cosplay過嘅角色數之不盡,包括《Game of Thrones》、加勒比海盜、MJ等等,全部都極真,好多仲好靚女。不過我最鍾意係佢扮死神嘅L同埋Harry Potter嘅石內卜,好正,入嚟有得慢慢睇。 相關資訊【新片速報】日本神級LEGO機械 識解扭計骰Twitter熱傳 (Jan 3, 2018) 【圖集】睇漫畫學大道理(3) 日本網民再出圖終於到悟空 (Dec 24, 2017)

Read more ›
動漫角色真實年齡分佈圖 與外貌不符Twitter熱傳
by / on 07/11/2017 at 7:31 am

動漫角色真實年齡分佈圖 與外貌不符Twitter熱傳

動漫或者遊戲角色,通常年齡同埋外貌都係唔相符嘅。之前都有唔少呢類型嘅報導,最近有日本網民分享嘅呢幾張圖,最近經常露點嘅瑪利奧大叔原來已經26歲;生得好可愛嘅One Piece索柏未成年,但已經17歲;至於個樣好後生,銀魂嘅山崎退原來已經32歲,但係點解勁成熟嘅錢形警部仲細過山崎,只得29歲嘅呢?好混亂呀! 相關資訊乃木坂46「齋藤飛鳥」截圖Twitter熱傳 粉絲聚會拒絕多項要求 (Jan 14, 2018) 日本貓奴放閃 超幸福貓腳印Twitter熱傳 (Jan 14, 2018)

Read more ›
【新片速報】日本熱傳試iPhone X片 超強顏藝/水底開機
by / on 06/11/2017 at 7:24 am

【新片速報】日本熱傳試iPhone X片 超強顏藝/水底開機

買咗iPhone X嘅,呢幾日除咗玩面部辨識開機之外,呢款Animoji應該都必玩嘞!日本呢兩日熱傳呢段狗狗表情片,啲驚訝表情同古惑表情超正。睇返段片,其實嚟自好出名嘅YouTuber「Fischer’s-フィッシャーズ-」,佢哋仲試咗喺水底用面容辨識系統開機,成唔成功?入嚟有片睇。 相關資訊【新片速報】日本馬仔超貪玩 自製飄雪效果雪地狂奔 (Jan 14, 2018) 性感M78星雲 日本畫師又出超人偶像圖 (Jan 13, 2018)

Read more ›
Britney Spears囝囝畫撒亞人 連《Re:Zero》都識
by / on 04/11/2017 at 12:51 pm

Britney Spears囝囝畫撒亞人 連《Re:Zero》都識

外國歌手Britney Spears兩個仔仔都係日本動漫迷,上年都有報過佢個仔仔cosplay扮《龍珠》嘅菲利,又搞過Pokemon主題嘅生日party,最新有呢款悟空變撒亞人同埋《Re:Zero》角色雷姆(レム)嘅畫作,日本網民都話估唔到佢哋連《Re:Zero》都識,而睇兩張作品嘅唔同風格,估計靚嗰幅係出自14歲嘅大仔Kori手筆,入嚟有得欣賞吓同埋回吓帶。 相關資訊「鱷魚先生」14歲囝囝最愛攝影 超靚動物相集回帶 (Dec 4, 2017) Britney Spears仔仔cosplay菲利 熱愛日本動漫文化 (Oct 14, 2016)

Read more ›