其他

【有片】第一身《Street Fighter》中昇超頭暈
by / on 11/12/2013 at 11:04 am

【有片】第一身《Street Fighter》中昇超頭暈

如果第一身玩街霸會點?記得之前都有一段類似影片,不過絕對唔夠呢條高質素。如果係主觀鏡,唔好話出招,真係跳起都有少少頭暈,之後中咗阿Ken招昇龍拳成個人飛起更加係有升天感覺!不過講到最正,梗係自己出旋風腿啦!窒窒brid……嗚嘔…… 相關資訊【有片】街霸真係喺街打 電話玩AR版《Street Fighter》 (Mar 15, 2018) 《Street Fighter 5AE》出新衫 賀《Monster Hunter: World》上市 (Jan 25, 2018)

Read more ›

新片速報   航空公司驚喜聖誕禮物   大人開心到喊
by / on 11/12/2013 at 9:06 am

新片速報 航空公司驚喜聖誕禮物 大人開心到喊

加拿大航空公司WestJet今次真係好有心思,聖誕節,人人都想收到驚喜嘅聖誕禮物,今次佢哋一次過幫成班機嘅乘客夢想成真,仲整喊好多人,難怪條片放上網短短3日已經過2百萬點擊!首先喺入閘位安裝咗一部機器,叫大家同聖誕老人講出想要嘅禮物,當大家上晒機之後,工作人員火速搜羅所有禮物,再包裝好即時空運,當乘客瞓完覺到達目的地等住拎行李時,驚喜嘅事發生,一份份聖誕禮物喺行李輸送帶到運出!有60吋電視、平板電腦、玩具、相機,小朋友開心到跳起,大人都開心到喊,今次咁大手筆加上誠意,得到嘅宣傳效果,好過賣廣告多多聲。 相關資訊交換聖誕禮物收大泥水杯 有埋自己名唔會藐 (Dec 12, 2017) 加拿大總理經常著星戰襪 超有愛Twitter熱傳 (Sep 23, 2017)

Read more ›
無違和!《Evangelion新劇場版》 x 《Pacific Rim》預告合體
by / on 10/12/2013 at 11:28 pm

無違和!《Evangelion新劇場版》 x 《Pacific Rim》預告合體

放心先,唔係EVA最後一集預告,亦都唔係《Pacific Rim》第二集新片,而係啱啱睇到有網民將兩者嘅聲畫剪埋一齊成為「Evangelion Apocalipse Trailer [Pacific Rim]」,喺早兩個月放咗上網……之前《Pacific Rim》嘅導演都話向庵野秀明致敬啦,咁將新劇場版嘅畫面套入悍戰太平洋嘅預告旁白度……碇司令講黑人嗰段嘢時,真係夾到絕! 相關資訊真嗣唔錯喎?《Evangelion》賽車女郎攝影會 (Apr 20, 2018) 想睇日本配音版 《Pacific Rim: Uprising》聲優陣超強 (Apr 13, 2018)

Read more ›
新片速報 北京地鐵痴漢 瞓地摸女腳
by / on 10/12/2013 at 11:12 pm

新片速報 北京地鐵痴漢 瞓地摸女腳

我只能夠講句,藝高人膽大。呢條片噚日放上YouTube,有人拍到喺北京地鐵入面,有人瞓喺座椅下面,本身呢件事都奇o架喇,點知當有女乘客坐埋去嘅時候,佢仲伸手去摸……不過佢摸得恰到好處,女乘客覺得痕痕哋,但又估唔到有人會匿喺下面,只係縮縮吓……不過咁講,如果得閒拍片,不過提下個女仔再捉住條友啦! 相關資訊【有片】隨時嘟錯俾錯錢 中國租單車有假QR Code (Jan 17, 2018) 【圖集】核戰後的中國 日本網民熱傳重型面罩圖 (Dec 26, 2017)

Read more ›
新片速報 草地最強 超霸氣加速
by / on 10/12/2013 at 6:52 pm

新片速報 草地最強 超霸氣加速

我唔知點樣形容呢部嘢。如果發生喺雪地上,唔算係咩特別事,但今次係草地,佢一起步爆速狂飆嘅時候,後面剷起起大量沙土,嗰份霸氣,我覺得好似睇緊動畫入面先有嘅畫面。 相關資訊【有片】超實用機器 自動出蛋糕機 (Apr 13, 2018) 【有片】喵星人版冰壼 超搞笑影片Twitter熱傳 (Mar 19, 2018)

Read more ›
新片速報 真人版《GTA V》Trevor 搬屍整蠱人
by / on 10/12/2013 at 11:28 am

新片速報 真人版《GTA V》Trevor 搬屍整蠱人

《GTA V》嘅角色入面,Trevor性格好鮮明,做壞事完全冇突兀感,好襯佢。而呢位外國YouTuber Nathan Barnatt佢就走去Cosplay Trevor,而且仲有條人扮屍體跟身,搬嚟搬去睇途人咩反應。 相關資訊新片速報 摷番隻Game出嚟 《GTA Online》又Update (Jun 8, 2017) 【有片】藪貓就是Trevor 《GTA V》「けものフレンズ」MOD (Mar 12, 2017)

Read more ›

新片速報    戰鬥民族徒手玩火
by / on 09/12/2013 at 7:10 am

新片速報 戰鬥民族徒手玩火

戰鬥民族真係特別強悍,呢條短片見倒個俄國後生仔徒手玩火,將啲易燃物體(唔知係咪佢哋最鐘意嘅Vodka?)淋喺地面,一隻手掂落地下,另一隻手揸住條相信係接駁咗電源嘅電線,「伏」一聲即刻著火,睇見都痛,千祈唔好係屋企試,戰鬥民族嘅嘢我哋平常人做唔嚟。 相關資訊【新片速報】日本喵星人擊掌短片 超可愛Twitter熱傳 (Apr 10, 2018) 【有片】俄羅斯奇妙事件 Cosplay熊人去投票 太大隻入唔到閘 (Mar 31, 2018)

Read more ›
【有片】外地頭D 雪地貨車飄移入貨倉
by / on 08/12/2013 at 5:36 pm

【有片】外地頭D 雪地貨車飄移入貨倉

有時有啲嘢,有技術之餘,仲要夠膽做。呢位外國嘅貨車司機,喺呢條濕滑嘅道路上面,甩住尾咁甩入狹窄嘅貨倉入面!一入彎,拉一拉手掣,架車「BEL」-「BEL」咁,咁又點呀,型囉! 相關資訊日本車迷設計 超勁《頭文字D》風格模型車 (Mar 13, 2018) 【有片】日本路上遇見「高橋啓介」 長大後揸拖車? (Aug 14, 2017)

Read more ›
80年代節目「Super Mario Bros. Super Show」真人版Luigi去世
by / on 08/12/2013 at 2:20 pm

80年代節目「Super Mario Bros. Super Show」真人版Luigi去世

喺1989年,歐美嘅任天堂授權製作咗呢個「Super Mario Bros Super Show」節目,當中就有真人版Mario同Luigi大叔出場。講真,我真係唔知有件咁嘅事,不過睇番節目嘅主題曲同內容,嗰陣懷舊味道極濃郁,感覺好特別!而呢位演Luigi大叔嘅演員Danny Wells,真名Jack Westelman就剛喺11月28日逝世,雖然好多人包括我都唔係好識佢,不過睇完呢兩條片,我都覺得佢嘅演出係值得回味。 相關資訊【有片】Google Map又玩嘢 慶祝「Mario之日」大叔導航 (Mar 10, 2018) 新片速報 3DS推出《Mario & Luigi RPG 3DX》 下年先有得玩 (Mar 9, 2018)

Read more ›
有片眼濕濕 超感動影片 體育精神極致表現
by / on 08/12/2013 at 1:06 pm

有片眼濕濕 超感動影片 體育精神極致表現

雖然張cap圖低清,但呢條片絕對值得睇。10月31日放上YouTube,o依家已經有426萬views,「Be human! My respect for them」就係集合咗大量運動比賽嘅感人時刻,裏頭仲有朗拿甸奴、C.朗拿度等球員片段,如果你都係熱血過頭嘅,一定會睇到眼濕濕。仲有配樂「Ludovico Einaudi – “Divenire”」,都應記一功! 相關資訊【有片】打機做運動 玩VR鍛練肌肉 (Jan 26, 2017) 【型到咁】法國塞納河船上做gym 靠運動力運行船隻 (Dec 31, 2016)

Read more ›
新片速報   100個裸男裸女   拍stop motion短片
by / on 07/12/2013 at 11:18 am

新片速報 100個裸男裸女 拍stop motion短片

100個裸男裸女,唔係拍《豪情2》,而係幫英國一間賣健康產品嘅公司Withings拍宣傳片。100個演員組合成唔同嘅圖形拍stop motion短片,我以為只有北韓同中國先可以做出咁齊整嘅動作,估唔倒西人都好得。成條片有埋故事,講主角阿Sam (有褲著)的起心肝做運動努力改善自己健康狀況,最後搵返健康人生,故事係膠啲,不過條片幾好睇,我指啲動作。 相關資訊【有片】人力60fps!日本高手自製超順暢Stop Motion動畫 (Mar 15, 2018) 有片:日本宣傳片 骨牌效應玩足四分鐘 (Aug 31, 2017)

Read more ›

戰隊新作《烈車戰隊》 變身不停站
by / on 06/12/2013 at 5:50 pm

戰隊新作《烈車戰隊》 變身不停站

日本嘅戰隊涉獵好多唔同題材,歷年帶嚟最震撼嘅會係邊隊?今次最新作就輪到玩列車,名為《烈車戰隊トッキュウジャー》,照舊五隻色,但眼睛位置變咗一排列車窗口,而心口就一幅類似路線圖物體,反而列車組合機械人就比較易接受。計我話,變身嗰陣要加埋列車月台廣播先得喎! 相關資訊史上初雙戰隊 《怪盗戦隊ルパンレンジャーvs警察戦隊パトレンジャー》3對3 (Dec 10, 2017) 「東映」商標登錄 下年戰隊玩《動物戰隊》? (Sep 29, 2015)

Read more ›
【有片】生日大晒 日本金毛食狗糧軍艦壽司
by / on 06/12/2013 at 3:33 pm

【有片】生日大晒 日本金毛食狗糧軍艦壽司

如果有個好主人,做狗狗真係好幸福。好似呢隻日本嘅金毛Coco,佢生日真係威水,今年有蛋糕食,個蛋糕仲有佢個樣,可惜好快佢就一啖食咗自己個頭……上年就仲勁,佢主人親自手握壽司俾佢,而且佢仲落晒Order要食咩,不過狗狗唔係樣樣都食得,所以材料有限制,例如呢款,狗糧軍艦……好啦,今次我唔抽明將水喇。 相關資訊【有片】550萬個Views!謎之中毒性 「ポッチャマ」無表情扮「登美丘高校舞蹈部」 (Apr 24, 2018) 「工口」遊戲戰利品 友情的起點 電視節目訪問外國人點解嚟日本 (Apr 24, 2018)

Read more ›
新片速報 現實版《哈比人》精靈鑄劍劈膠龍
by / on 06/12/2013 at 3:03 pm

新片速報 現實版《哈比人》精靈鑄劍劈膠龍

巴金斯嗰把劍,即係《魔戒》入面佛羅多嗰把,由精靈鑄造,有半獸人接近就會發出藍光。今次「MAN AT ARMS」就係玩呢把短劍,見佢精心打造呢把神兵,手工精細度真係拍得住精靈,係肥咗少少啫……最後唔少得試劍啦,佢用嚟劈膠龍……同埋佢唔係唔識發光,係因為呢個世界冇半獸人,所以佢咪冇藍光囉。 相關資訊【有水有WiFi】有片 現代人自建山洞屋 似足哈比人間屋 (Jan 20, 2016) 超大製作 55,000粒LEGO 砌5呎高《哈比人》「Lonely Mountain」 (Apr 10, 2015)

Read more ›
新片速報 超大製作婚禮 Iron Man Batman現身
by / on 05/12/2013 at 6:01 pm

新片速報 超大製作婚禮 Iron Man Batman現身

香港人結婚又要紅館式舞台又要流星雨又要馬車又要The one and the only one,做show大龍鳳真係一世人一次要上台多謝鄉親父老。外國人原來玩得仲大!呢個婚禮有大量動作場面,冇特技真功夫,仲有Iron Man同蝙蝠俠到場,睇嚟個新郎都係戲子嚟,新娘小心啲。 相關資訊日本新年利是封 揭開Iron Man頭盔知幾錢 (Dec 31, 2017) 正喎!蝙蝠俠召喚LED燈 300蚊美元屋企變葛咸城 (Nov 11, 2017)

Read more ›