其他

新片速報     恰眼瞓必睇    電影最刺激場面大集合
by / on 01/08/2013 at 7:26 am

新片速報 恰眼瞓必睇 電影最刺激場面大集合

星期四返工由早到晚都係咁眼瞓,睇完呢條片應該好精神。由Vadzim Khudabets製作嘅ETERNA,影片將大量英雄電影最刺激嘅場面濃縮成6分鐘,由《超人》到《變形俠醫》到《雷神》到《戰狼300》到《變形金剛》到《蝙蝠俠》再到《美國隊長》,數都數唔完,重點係不停閃狂爆破刺激到暈,睇完合埋眼仲有死光出現,不過真係精神咗少少,尤其是一邊睇一邊影出自邊套電影,好忙。 相關資訊性感M78星雲 日本畫師又出超人偶像圖 (Jan 13, 2018) 短篇電影《江湖夢裡人》首播 尹光唱腔一絕 (Dec 22, 2017)

Read more ›

塗鴉師絕地反擊   清潔工人被畫報復
by / on 01/08/2013 at 7:14 am

塗鴉師絕地反擊 清潔工人被畫報復

乜嘢叫做幽默感?喺外國,街頭塗鴉Graffitti好普遍,由於經常出沒,所以有專門團隊負責清潔,呢班清潔工人好勤力,好多時塗鴉師畫完嘅公仔,幾個鐘就比人剷走。今次事發地點喺倫敦Essex Road,犯案者DS畫完Hello Kitty同埋Miffy無幾耐又比人剷,佢就即刻影低張相,等清潔工人走咗之後,索性將人哋個樣畫埋上牆,之後仲舖上twitter示威,老實,效果比起佢原本隻kitty靚得多,被畫者唯有第二日再出動剷返走自己囉。 相關資訊攻殼!?倫敦攝影師鏡頭下的香港夜景 (Aug 21, 2017) 日本大廈外牆勁似DS遊戲 網民:「完全一致!」 (May 16, 2017)

Read more ›
新片速報 膠樽自動縮細 最啱嚇人
by / on 30/07/2013 at 2:44 pm

新片速報 膠樽自動縮細 最啱嚇人

有日本人啱啱拍咗條片,話唔駛掂個膠樽都可以壓扁佢……其實呢個小把戲一啲都唔複雜,首先就將熱水倒入膠樽入面,約1/3滿,之後等一陣就倒走啲水,再扭番實個蓋,咁個樽就會慢慢壓扁,發出啪啪聲……原理就小學都有教,膠樽入面嘅熱空氣冷卻之後縮細外面嘅氣壓咪壓扁個樽囉。但用呢個方法整人,夜晚放喺加班同事隔嚟之後走咗去,都應該work喎!

Read more ›
新片速報《Mario Warfare》第3集拍前訓練 Parkour做Donkey Kong
by / on 30/07/2013 at 12:18 pm

新片速報《Mario Warfare》第3集拍前訓練 Parkour做Donkey Kong

beatdownboogie製作嘅真人戰場版Mario影片《Mario Warfare》,早排出咗第3集,當中就有Donkey Kong出場,睇過條片嘅都知隻猩猩身手有幾敏捷。啱啱佢哋就發佈咗條受訓嘅短片,原來喺拍第3集之前,佢哋係搵咗Parkour導師Stephen Carr教佢哋做呢啲動作,超認真製作,抵佢哋咁多fans! 相關資訊新片速報《Mario Warfare》第6集 任記英雄返擊戰 生吞比卡超 (Dec 21, 2013) 新片速報 暴力真人Mario《MARIO WARFARE》第5集! (Dec 12, 2013)

Read more ›
有片   狗仔做老臨推骨牌    YouTube破二百萬點擊
by / on 30/07/2013 at 9:30 am

有片 狗仔做老臨推骨牌 YouTube破二百萬點擊

外國人好鍾意設計骨牌再拍埋片放上網,不過今次推骨牌嘅主角係一班狗仔臨記,影片由一隻曳狗咬波開始,越玩越大陣仗,最後搞到好難收科。可能機關實在太完美,班狗仔又太得意,影片唔夠一個月已經有二百萬點擊,最開心應該係贊助拍片嘅狗糧品牌Beneful,全程都見倒佢嘅食物,今次廣告費認真抵比。 相關資訊日本柴犬變黑人問號 估錯接受唔倒影片Twitter熱傳 (Feb 18, 2018) 【大集合】「羽生結弦」Twitter洗版 大量影片/靚相/改圖/回帶 (Feb 18, 2018)

Read more ›
新片速報  FedEx女職員瘋狂掟貨  YouTube熱播
by / on 30/07/2013 at 7:24 am

新片速報 FedEx女職員瘋狂掟貨 YouTube熱播

FedEx喎,使命必達喎,送血清去喪屍區嘅FedEx喎。雖然無天真到以為速遞員會將件貨當寶物咁慎重處理,不過網上見倒FedEx女職員對待貨物嘅手法,好似表演雜技咁,將貨物拋高迴旋幾個圈掟入貨櫃車,仲玩到笑騎騎,真係當堂嚇一跳。影片放上YouTube不足一星期已經有過百萬點擊,相信個女職員好大可能會為此而無咗份工,使命必達,唔係淨係到「達」就得o架喎!         相關資訊有片:番梘開窿放銀紙?日本網民教旅遊藏錢秘技! (Jan 10, 2018) 【有片】日本喵星人沉迷上YouTube 後腳伸直好識嘆 (Nov 14, 2017)

Read more ›

新片速報 希特拉唔妥《神魔之塔》
by / on 29/07/2013 at 9:40 pm

新片速報 希特拉唔妥《神魔之塔》

本人唔代表本網站立場,唔想爭論誰是誰非,支持嘅支持,覺得係抄襲嘅就杯葛,公道自在人心,無謂發嬲罵戰,不過我就一定唔會玩,陳妍希都冇面俾。唔想鬧,咁不如笑吓啦,喺P&D本地非官方fb專頁睇到呢條「希特勒都頂唔順神魔之塔」YouTube片,用上萬能Key嘅希特拉影片製作而成,無論你支持邊一方,都應該可以得啖笑。 相關資訊【獨裁喵】希特拉喵星人網上爆紅 招牌小鬍鬚極神似 (Jan 29, 2016) 新片速報:派Like大晒?希特拉都頂唔順香港大媽! (Nov 4, 2015)

Read more ›
新片速報 日本fans自製《Pacific Rim》「東宝」懷舊版哥斯拉預告
by / on 29/07/2013 at 12:39 pm

新片速報 日本fans自製《Pacific Rim》「東宝」懷舊版哥斯拉預告

好多人睇完《Pacific Rim》都話冇劇情,其實機械人打怪獸咪就係劇情囉,仲想點?講兩部機械人有段情?男女主角最後發現原來係兄妹關係?外星怪獸其實本性善良只係唔小心踩爆地球?唯一嫌唔夠嘅,可能係設定唔夠日本風啦。有日本fans就自製咗一條預告片,扮日本「東宝」風格,大量日文字,勁有哥斯拉感覺,成套嘢即時勁有特撮感覺,正! 相關資訊【有片】正式預告公開 《Pacific Rim: Uprising》群戰超巨型怪獸 (Oct 7, 2017) 【有片】《悍戰太平洋》續集預告預告 新圖見指揮官個仔 (Oct 6, 2017)

Read more ›
新片速報 感人 當兵後回家 貓狗大分別
by / on 28/07/2013 at 5:26 pm

新片速報 感人 當兵後回家 貓狗大分別

之前網上有段片,係輯錄咗唔狗主當完兵之後返到屋企,同狗狗久別重逢一刻嘅感人時刻,啲狗瘋狂咁錫主人,又撲又跑又跳……可能見到呢啲片段,於是呢位西人又學人拍段片,佢當兵半年後返到屋企:「我返嚟喇!」不過佢隻寵物唔係狗狗,而係喵,結果…… 相關資訊日本曳貓偷飲麵豉湯 診所驗血好彩無事 (Feb 16, 2018) 日本超溫馨貓與狗 貓貓錫晒病狗朋友 (Feb 8, 2018)

Read more ›
新片速報  日本福岡海豚仔   水中傳氣泡超厲害
by / on 28/07/2013 at 2:14 pm

新片速報 日本福岡海豚仔 水中傳氣泡超厲害

星期日又到睇動物時間,今次仲有埋片o忝!主角係日本福岡水族館嘅海豚仔,表現項目居然係喺水中傳送氣泡,好勁!首先一號仔吸啖氣,之後喺水中吹一個氣泡出嚟,二號仔居然識接住,跟水再傳比三號仔,過程一氣呵成好精彩,人都應該做唔倒。咁傳送成功當然有魚仔食啦,佢哋心情靚靚,我睇完心情都靚晒,好想去沙灘呀! 相關資訊日本神級寶石畫作 木顏色畫出超強立體感 (Feb 18, 2018) 日本玩具攝影師新作 星際勇者救藪貓連環圖 (Feb 17, 2018)

Read more ›
新片速報 兵長又惡搞 日巨人迷2,206張圖自製掃除版OP
by / on 28/07/2013 at 2:06 pm

新片速報 兵長又惡搞 日巨人迷2,206張圖自製掃除版OP

《進擊之巨人》兵長一早已經成為被惡搞嘅熱門對象,自從大掃除一段出咗之後,佢個戴圍巾造型更加得到巨人迷愛戴。呢位日本巨人迷就用咗兩個月時間,合共2,206幅圖,製作咗呢個專為兵長而設嘅OP,兩個月喎,梗係仲係我最愛嗰首OP〈紅蓮の弓矢〉啦。 相關資訊有前途!日本1歲唔夠人仔 睇《進擊之巨人》深情一吻 (Sep 6, 2017) 【有片】「AWE me」精製真實版片劍 唔斬巨人斬西瓜 (Aug 29, 2017)

Read more ›

新片速報   網絡熱爆   平民變英雄   單手擋火車
by / on 26/07/2013 at 7:05 am

新片速報 網絡熱爆 平民變英雄 單手擋火車

專拍真人版遊戲短片嘅外國YouTuber 單位AndrewMFilms,大部份影片都有過百萬views,真人孖寶兄弟我一得閒就翻睇,而家已經有8百萬次點擊。最近佢哋又有新作,今次嘅「Superhero Depression」講一個普通人無啦啦變咗超人,得到好似變形俠醫咁勁嘅神力,搞到生活上出現大量問題,臨尾仲單手擋停架火車救人,有特技有笑位,值得一睇。入嚟仲有得回帶睇返之前嘅孖寶經典片。 相關資訊張君豪送賀年Postcard 蛋散變英雄 (Feb 7, 2018) 【有片】假面製造本地英雄 香港「守武者-夢翔」 (Jan 4, 2018)

Read more ›
新片速報 全球首部Google Glass拍攝AV 搞住Online
by / on 24/07/2013 at 8:00 pm

新片速報 全球首部Google Glass拍攝AV 搞住Online

講明先,雖然放得喺YouTube,呢條預告片都唔會話大膽得去邊,但係都有啲少甜嘅畫面,如果你o依家搭緊港鐵或者巴士,又或者喺廳隔籬有人喺度,就建議返房先睇。Google Glass呢件科學結晶用途好多,其中呢樣,我覺得幾好笑,就係有公司用佢嚟拍咗套AV,男主角係James Deen,女主角就係Andy San Dimas,喺女角隔開男角褲頭鈕嘅時候,眼鏡會顯男角嘅經驗值同評分,而且激戰同時都可以緊貼網上資訊…… 相關資訊強國出手 「百度眼」明挑Google Glass機 (Sep 6, 2014) 平價買Google Glass 唔係眼鏡係玻璃杯 (May 19, 2014)

Read more ›
【有片】讀者分享 F5專用 日宅自製超強磨打手
by / on 24/07/2013 at 5:41 pm

【有片】讀者分享 F5專用 日宅自製超強磨打手

多謝讀者Tszfung yung今日分享俾我哋,雖然唔係新,但我實在未睇過,睇完覺得爆笑度幾高,要share。3字頭細細個開始打機嘅,高橋名人一定識啦?後生啲都聽過邊個係神之手加藤鷹啩?唔駛用劍嘅,用一個磨打改裝少少,你都可以將你嘅食指變成最強兇器,連打速度極高,Tszfung建議用嚟按F5,但部電腦應該跟唔切。 相關資訊日本爛賭新人「結婚蛋糕」 巨型牌局坐低即開枱 (Feb 17, 2018) 【新片速報】日本喵星人陪玩芒亨 等Load Game可以摸喵 (Feb 17, 2018)

Read more ›
【有片】魔術師腰斬遊街 嚇爆路人
by / on 24/07/2013 at 3:53 pm

【有片】魔術師腰斬遊街 嚇爆路人

呢位魔術師叫Andy Gross,佢深明變魔術應該與眾同樂,於是佢就拍咗段街頭表演嘅影片。佢將自己斬開(!?)一半,之後用上半身攬住下半身出街嚇人,雖然呢個魔術唔係話啲咩高難度嘢,但啲人見到嘅反應都係嚇到爆,有人嚇到仆落地下,有人衝去攞車響胎飛車走,有冇咁誇?處境題,你會點做? 相關資訊【有片】今日LED 日本囡囡表演魔術 條裙都著燈 (Jul 9, 2017) 【有片】斷指魔術升級版 神人表演Twitter熱傳 (May 12, 2017)

Read more ›