出Game表

9月至10月出GAME時間表 [PS4 / XBox One / PS3 / Xbox / PC / Wii / 3DS / PS Vita]
by / on 07/09/2014 at 11:07 pm

9月至10月出GAME時間表 [PS4 / XBox One / PS3 / Xbox / PC / Wii / 3DS / PS Vita]

9月開學,書要照讀,機都要照打!而且9月到10月勁多正game,首先3DS有等咗好耐嘅《Monster Hunter 4G》,仲有新型3DS,應該吸倒好多未買機嘅走去出機。另外跨平台嘅射擊遊戲《Destiny》9月9日出,爆頭女王Kali試過demo都話勁正,不過我最期待係10月15日嘅驚嚇遊戲《The Evil Within》,《Biohazard》之父三上真司製作喎,中文版PS4/PS3限時獨佔,要買!足球友,一年一度有《FIFA15》上網開波,最後仲有9月20日推出嘅WiiU《BAYONETTA 2》同埋PS Vita / PS3嘅《閃之軌跡II》,後者中文版同日本同步9月25日出,爽!

Read more ›

7月至8月暑假出GAME時間表 [PS4 / XBox One / PS3 / Xbox / PC / Wii / 3DS / PS Vita]
by / on 29/06/2014 at 6:20 pm

7月至8月暑假出GAME時間表 [PS4 / XBox One / PS3 / Xbox / PC / Wii / 3DS / PS Vita]

  放暑假唔通做暑期作業咩?唔通溫書咩?梗係打機啦!我同你講,除非你教書,否則出咗嚟做嘢之後,你退休之前都唔好妄想有暑假,所以,玩盡佢!7月有3DS嗰隻《One Piece Unlimited World Red》出喺PS3/PS Vita度,有得協力玩,同學仔啱晒。如果係PS4機主,《The Last of Us》高清版要有啦。去到8月仲正,任記fans,WiiU要玩《薩爾達無雙》,PS Vita有《Lovelive!》,而且最緊要係有《Monster Hunter Frontier G》出,據講10月有港台中文版,雖然要俾月費……但係,曾經講過PS Vita有芒亨即出機嘅,要找數喇,嘻嘻。

Read more ›
5月至6月出GAME時間表 [PS4 / XBox One / PS3 / Xbox / PC / Wii / 3DS / PS Vita]
by / on 30/04/2014 at 8:58 pm

5月至6月出GAME時間表 [PS4 / XBox One / PS3 / Xbox / PC / Wii / 3DS / PS Vita]

5月雖然係考試季節,不過大量好Game等住出,機迷考生難免身痕。最大引誘嘅應該係Ubisoft隻《Watch Dogs》,延期之後終於要推出,5月英文版,6月中文版,睇你等唔等。另外亦有任天堂嘅招牌作《Mario Kart 8》。PS Vita紳士們仲大鑊,有《限界凸記》、《To Love》、《超女神信仰》等。 相關資訊【2017出GAME表】 5月至6月 [PS4 / XBox One / Switch / PC / 3DS / PS Vita] (May 3, 2017) 【2017出GAME表】 3月至4月 [PS4 / XBox One / Switch / PC / 3DS / PS Vita] (Mar 12, 2017)

Read more ›
2014年3月至4月出GAME時間表 [PS4 / XBox One / PS3 / Xbox / PC / Wii / 3DS / PS Vita]
by / on 02/03/2014 at 5:02 pm

2014年3月至4月出GAME時間表 [PS4 / XBox One / PS3 / Xbox / PC / Wii / 3DS / PS Vita]

呢兩個月有排忙,基本上每日放工放學飛奔返屋企打機,時間都未必夠用。首先3月19日推出嘅PS3/PS Vita《J-Stars Victory VS》陣容超強勁,有齊聖鬥士星矢、龍珠、北斗之拳,唔玩唔得;再嚟有畫面超靚,有得駁埋手機app玩嘅《Metal Gear Solid V: Ground Zeroes》,仲有無理由唔買4月10日推出嘅《第3次超級機械人大戰Z 時獄篇》。次世代主機XBOX ONE有《TITALFALL》;PS4有《inFAMOUS Second Son》,可惜前者香港仲未有行貨,想撐唯有買PC版。再嚟仲有初音迷等咗好耐嘅《初音ミク -Project DIVA- F 2nd》、3DS嘅幾位女朋友《New Love Plus+》、PS Vita嘅《SOUL SACRIFICE Delta》同埋《刀劍神域》、《Dark Souls II》、《戰國無雙4》‥‥‥寫到我手抽筋,仲有好多不能盡錄,入嚟慢慢揀。 相關資訊【係愛呀】日本網民愛的表現 廣告牌發現性感紅唇印 (Apr 8, 2017) 【2017出GAME表】 1月至2月 [PS4 / XBox One / PS3 / Xbox / PC / Wii U/ 3DS / PS Vita] (Jan 2, 2017)

Read more ›
2014年1月至2月出GAME時間表 [PS4 / XBox One / PS3 / Xbox / PC / Wii / 3DS / PS Vita]
by / on 29/12/2013 at 6:48 pm

2014年1月至2月出GAME時間表 [PS4 / XBox One / PS3 / Xbox / PC / Wii / 3DS / PS Vita]

1月份好忙,又元旦又農曆新年,所以今期出Game表一次過睇晒1月至2月份嘅所有game,等大家可以好好計劃新一年啲錢點駛!今個月高達迷必玩嘅梗係《機動戰士Gundam Extreme VS. Full Boost》,另外隻《龍珠Z Battle Of Z》同埋《戰國 BASARA 4》都好難唔買。至於買咗PS4嘅,1月份得隻《刺客教條4》中文版同埋橫向動作遊戲《飛竜Strider》,比啲耐性可以留返啲錢買2月22日出嘅《龍が如く 維新!》。最後仲有兩隻冷門少少嘅遊戲推介,分別係充滿《刺客教條》風味,由Square Enix發行嘅《Thief》同埋美少女機戰《Super Heroine Chronicle》,入嚟慢慢睇慢慢揀。

Read more ›
2013年12月出GAME時間表 [PS4 / XBox One / PS3 / Xbox / PC / Wii / 3DS / PS Vita]
by / on 30/11/2013 at 9:30 pm

2013年12月出GAME時間表 [PS4 / XBox One / PS3 / Xbox / PC / Wii / 3DS / PS Vita]

聖誕殺到又有長假期,有乜好得過匿喺屋企煲機?今個月香港PS4推出,要訂嘅應該一早訂咗,必玩應該係跟機嘅《KILLZONE》或者《真三國無雙7》,仲有隻可以同女朋友玩嘅《KNACK》;XBoxOne水貨都返咗,唔駛諗梗係玩《Dead Rising 3》。想睇定啲先買新主機嘅,仲有隻PS3嘅GT6同埋真《Gundam無雙》可以玩;再唔係3DS機主都有好多正嘢,《進擊之巨人》、《PAD》都出喇;最後仲有PSV機主,有《Gundam無雙》同《魔法少女小圓》陪住過節。點解唔提等咗好耐嘅《FFX HD》版呢?因為暫時只得日文版確定咗12月26日出,中文版冇講實,唔係唔同步嘛? 相關資訊新片速報 3DS《Hey! ピクミン》橫向動作 雙屏幕睇落好好玩 (Jun 8, 2017) PS4金銀機公佈 6月9日香港行貨到 (Jun 6, 2017)

Read more ›

2013年11月出GAME時間表 [PS4 / XBox One / PS3 / Xbox / PC / Wii / 3DS / PS Vita]
by / on 01/11/2013 at 7:56 pm

2013年11月出GAME時間表 [PS4 / XBox One / PS3 / Xbox / PC / Wii / 3DS / PS Vita]

  好咯,今個月大把好嘢,因為兩部主機都喺今個月出,雖然只限美國,但總會有水貨嘛,想早享受嘅都實有計。唔買新機住,都有《Lightning Returns》,結局喎!Wii U機主都可以掃吓部機啲塵喇,有隻Mario,睇過啲片,玩得過o架!

Read more ›
2013年10月出GAME時間表 [PS3 / Xbox / PC / Wii / 3DS / PS Vita]
by / on 29/09/2013 at 6:13 pm

2013年10月出GAME時間表 [PS3 / Xbox / PC / Wii / 3DS / PS Vita]

仲有兩個月,出game表就會多咗兩部主機 ─ PS4同埋Xbox One,陣容強勁呀!講返正題,《GTA V》之後,10月1日仲開通埋online。而且射擊迷好唔得閒,《Battlefield 4》喎,網上血戰喎,爽到爆炸!仲有隻《NBA 2K14》都係好多人期待之作,呢兩隻都有PS4同埋Xbox One版,不過梗係唔等,開機打住先啦!另外仲有兩隻口碑唔錯嘅《Beyond: Two Souls》同埋《Batman Arkham Origins》,差啲漏咗,3DS機主係時候放低隻芒亨,準備迎接《寵物小精靈 Pokémon X‧Y(ポケットモンスター XY)》嘅攻擊嘞! 相關資訊Xbox發佈會 全場最興奮 竟然係支援玩Xbox舊Game? (Jun 12, 2017) 流出圖片 PS4即將推出金色機 (May 30, 2017)

Read more ›
2013年9月出GAME時間表 [PS3 / Xbox / PC / Wii / 3DS / PS Vita]
by / on 31/08/2013 at 9:12 pm

2013年9月出GAME時間表 [PS3 / Xbox / PC / Wii / 3DS / PS Vita]

打波先嚟落雨,開學先嚟出勁game,I know that feel bro…9月開學,暑期作業未做過,返學預咗比人鬧,返屋企梗係要打機發洩吓!今個月無得傾,有3DS嘅,約齊人屠龍玩芒亨4!家用機嘅,全世界都煲《GTA V》,9月17日出,殺人放火金腰帶!想做運動健將有兩大足球遊戲《FIFA 14》同《WINNING 2014》,兩隻都係9月底出,玩邊隻好?都係跟大隊睇班friend頭啦!至於WiiU,都有隻《薩爾達傳說:風のタクト》咁大把,多謝晒喎。 相關資訊【有片】2DS LL實機比較 睇晒畫面體積 (May 12, 2017) 【有片】日本機迷自製 GameBoy版3DS (Dec 21, 2016)

Read more ›
2013年8月出GAME時間表 [PS3 / Xbox / PC / Wii / 3DS / PS Vita]
by / on 28/07/2013 at 8:30 pm

2013年8月出GAME時間表 [PS3 / Xbox / PC / Wii / 3DS / PS Vita]

8月終於可以放足一個月暑假抖暑,你哋就好啦!今個月有好多正Game,不眠不休狂煲真係人生樂事。個人推介《JoJo奇妙冒險 All Star Battle》,套裝跟figure賣日本都訂斷市,另外似乎唔多好玩但有好多囡囡陪嘅《KILLER IS DEAD》都好啱寂寞夜晚。另外隻《SPLINTER CELL BLACKLSIT》好多人都等咗好耐,尤其是PS3機主,因為係第一次出喺PS平台,不過中文版都接住嚟,等唔等?梗係唔等啦,下個月開學喇喎。最後手提機機主都有正嘢,PS Vita有得玩《魔裝機神》同埋《RO Ace》,至於3DS?梗係《熱血高校》啦!不過玩得呢隻嘅,相信都無暑假放,我都好想放暑假呀! 相關資訊【有片】德國網站流出 PS Vita後繼機似足Switch? (May 18, 2017) 新片速報 PS Vita《ダンジョントラベラーズ2-2》第2段PV (Mar 30, 2017)

Read more ›
2013年7月出GAME時間表 [PS3 / Xbox / PC / Wii U / 3DS / PS Vita]
by / on 29/06/2013 at 10:01 pm

2013年7月出GAME時間表 [PS3 / Xbox / PC / Wii U / 3DS / PS Vita]

嚟到7月,任天堂終於吐氣揚眉,除咗3DS有隻等咗好耐嘅《逆転裁判5》推出,連封晒塵嘅Wii U都有3隻新game出,都啱嘅,任天堂咁多一家大細客人,放暑假無嘢玩點算好?另外PS3/ PS Vita隻橫向動作RPG《Dragon’s Crown》都有好多人等緊,咦,Index (Atlus)啱啱宣佈破產,會唔會搞到隻game延遲推出o架?好彩仲有隻《地球防衞軍4》可以玩,都唔啱心水?可以買返套Metal Gear Solid合輯翻煲,玩晒MGS 5就應該差唔多出o架嘞。 相關資訊【有片】Ubisoft轉新Logo 網民瘋寸似Poopissoft (Jun 2, 2017) 日本大廈外牆勁似DS遊戲 網民:「完全一致!」 (May 16, 2017)

Read more ›

2013年6月出GAME時間表 [PS3 / Xbox / PC / Wii U / 3DS / PS Vita]
by / on 25/05/2013 at 11:04 pm

2013年6月出GAME時間表 [PS3 / Xbox / PC / Wii U / 3DS / PS Vita]

XBOX ONE同埋PS4都要等到年尾先有得玩,嚟緊半年梗係用盡啲屋企部機啦。今個月遊戲貴精不貴多,最爽係PS3機主,有兩隻獨佔大作玩,其中一隻係《Gundam Breaker》,日本下載試玩版人數已經達到50萬人,加上有4人協力,期待。另外編輯部試玩過嘅末日求生動作遊戲《The Last of Us》驚嚇氣氛一流,都係必玩。最後由ω-Force開發嘅MH類PSP/PS Vita遊戲《討鬼傳》真係唔差,未試過嘅下載免費試玩版再決定都唔遲。差啲唔記得仲有隻CAPCOM全新作品《Remember Me》喺6月4日推出,黑馬作品,Xbox同埋PC玩家都有得玩。 相關資訊【有片】烏克蘭核災廢墟拍攝 《The Last of Us》Joel Cosplayer (Jun 21, 2017) 【極有意義】道具像真超靚景 「Maul Cosplay」《The Last of Us》Joel Cosplay (Jun 11, 2017)

Read more ›
2013年5月出GAME時間表 [PS3 / Xbox / PC / Wii / 3DS / PS Vita]
by / on 01/05/2013 at 9:47 pm

2013年5月出GAME時間表 [PS3 / Xbox / PC / Wii / 3DS / PS Vita]

5月份假期唔多,好彩勁game都唔多,唔怕亂駛錢。PS3拉打無雙《幪面超人 Battleride War》當然要玩,平成英雄大集合,熱血!另外,高清化喺PS3/Xbox360/Wii U推出嘅《Biohazard:Revelations》Unveiled Edition,行貨都係$260,抵玩到極限!3DS都有一隻game,10年一集正傳,Atlus推出嘅續篇RPG《真‧女神轉生 4》終於推出,以上都唔啱玩?仲有《Metro: Last Light》同埋《Z/X絶界の聖戦》。 相關資訊【出GAME表】11月至12月 [PS4 / XBox One / PS3 / PC / Wii / 3DS / PS Vita] (Nov 12, 2016) 【出GAME表】9月至10月 [PS4 / XBox One / PS3 / Xbox / PC / Wii / 3DS / PS Vita] (Sep 4, 2016)

Read more ›
2013年4月出GAME時間表 [PS3 / Xbox / PC / Wii / 3DS / PS Vita]
by / on 16/04/2013 at 1:48 am

2013年4月出GAME時間表 [PS3 / Xbox / PC / Wii / 3DS / PS Vita]

網站維護,4月份出GAME表責數責足半個月,連一向出名遲交稿嘅我都覺得好內疚。好彩剩底嘅半個月仲有大量正game!Naruto火影忍者美版一早賣緊,日版即將見街,鍾意睇日文貪佢有親切感嘅要留意。另外集合Marvel角色嘅格鬥遊戲《INJUSTICE》今個月19號見街,不過預計早幾日會偷跑,美式玩法,招式夠多‥‥‥四月份你搵唔搵到心水?

Read more ›
2013年3月出GAME時間表 [PS3 / Xbox / PC / Wii / 3DS / PS Vita]
by / on 02/03/2013 at 12:30 am

2013年3月出GAME時間表 [PS3 / Xbox / PC / Wii / 3DS / PS Vita]

收入有限,3月正game無限,機迷點樣迎接呢個挑戰?點樣可以喺game海中存活過嚟?今個月大作浪接浪,利是錢終於有碇駛。最開心應該係PS3機主,有獨佔嘅《God of War:Ascension》、《ONE PIECE海賊無雙2》同埋《初音未來Project Diva-f》。另外,羅拉終於出場,《Tomb Raider》歐版噚日偷跑咗,想玩中文版就等多一個星期啦。手提機方面,3DS隻《超級機械人大戰UX》同埋PS Vita隻《Soul Sacrifice》都係等咗好耐嘅必玩大作,加上日版Vita大減價,跟手可以玩埋隻《ONE PIECE海賊無雙2》同埋《朧村正》,財散人安樂。 相關資訊【有片】Xbox最強主機Scorpio規格曝光 PS4 Pro都比唔上? (Apr 6, 2017) 【完成使命】超過10年周期 PS3停止出貨 (Mar 17, 2017)

Read more ›