PS4

有禮貌的孩子 PS官方Twitter祝賀Xbox One發售
by / on 23/11/2013 at 10:43 am

有禮貌的孩子 PS官方Twitter祝賀Xbox One發售

之前11月15日PS4推出,Xbox One喺官方Twitter同facebook祝賀新主機發售。有來有往,PlayStation方面都喺噚日(22日)分別喺官方Twitter祝賀Microsoft,而CEO吉田修平嘅Twitter亦都有恭喜恭喜。不過我都係鍾意睇佢哋寸嚟寸去多啲,我心腸係咪好壞? 相關資訊【2017出GAME表】 11月至12月 [PS4 / XBox One / Switch / PC / 3DS / PS Vita] (Nov 5, 2017) 【本地消息】星期五開賣 PS4 Pro白機行貨 (Oct 30, 2017)

Read more ›

日本2月發賣的真相?PS4正式開始由日本製造?
by / on 22/11/2013 at 10:11 am

日本2月發賣的真相?PS4正式開始由日本製造?

之前傳出好多傳聞,首先,第一批機係中國富士康製造嘅,有傳富士康搵實習嘅學生砌機,當然質素就會差啲,令到有少主機出現問題……咁噚晚網絡上就出現咗幾張相片,係日本製造Made in Japan嘅PS4包裝同埋主機!據講因為質素問題,部份主機已經回歸日本製造,咁到底嚟香港嗰批會唔會咁好彩?日本2月先開賣係咪因為咁?官方未有公佈,不過外國網站就推斷,12月開始發售嘅主機已經唔係第一批次,即係質素會有所改善,希望啦。【最新消息係呢批日本製主機係俾歐洲11月29日賣嘅,咁香港批機會唔會係日本製……】 相關資訊新片速報 好想玩呀!PS4《Monster Hunter: World》30秒電視廣告 (Oct 20, 2017) 【其實幾靚】小朋友齊打機 官方授權出細碼手掣 (Oct 19, 2017)

Read more ›
新片速報 《Dying Light》新世代喪屍光與影
by / on 21/11/2013 at 3:36 pm

新片速報 《Dying Light》新世代喪屍光與影

3月31日推出嘅呢隻《Dying Light》,有PS3/Xbox360/Xbox One/PC,齊齊都有得打喪屍。由WB Games發行、Techland用自家Chrome Engine 6開發,主打光與影,因為遊戲內主題係喪屍見光會攻擊力大減,喺夜晚就完全唔夠佢揪,可惜係第1身,我真係玩唔掂。 相關資訊新片速報 赤手空拳《Dying Light》唔用武器打爆機 (Feb 5, 2015) 新片速報《Dying Light》超強飛踢 再見喪屍飛出天際 (Feb 4, 2015)

Read more ›
新片速報《飛竜Strider》2月22日 限定版極速斬擊!
by / on 21/11/2013 at 2:51 pm

新片速報《飛竜Strider》2月22日 限定版極速斬擊!

終於有確實日期,就係湊熱鬧嘅2月22日,即係日本推出PS4之時。遊戲會有PS3/Xbox360/PC/PS4/Xbox One版本,PS4下載版2,000円、PS3實體版3,990円,仲有音樂CD、主題特典,另外亦有PS3「特A級Limited Edition」,有畫集、貼紙、CD等好物,賣12,000円。CD同主題仲會有埋初代同第2集嘅飛竜,呢隻嘢第1集我細個真係好鍾意玩,其實我有少少心郁。 相關資訊新片速報《飛竜Strider》開售預告片 (Feb 20, 2014) 新片速報 香港試玩會 率先試《飛竜》《Freedom Wars》《Thief》 (Feb 18, 2014)

Read more ›
睇Kali攞獎品 送《刺客教條 4》骷髏頭蠟燭5份
by / on 21/11/2013 at 1:58 pm

睇Kali攞獎品 送《刺客教條 4》骷髏頭蠟燭5份

又係Kali送獎品時間,今次要送嘅獎品,我都想要一份……係Ubisoft送出嘅《刺客教條 4》骷髏頭蠟燭一個(共5份)!留意今晚(21日)我哋GameoverHK喺facebook嘅post,留言問題之後Like同Share就參加到!另外Kali都再拍咗條中文版影片,今次再深入啲睇到遊戲後半段嘅玩法,亦都提供咗攻略貼士,參加攞獎品之餘都click入去支持吓啦!另外,上次送嘅File同Tee嘅得獎者係「Dicky Choi」多謝支持! 相關資訊Kali深夜直播 Level 23玩《刺客教條》 (Nov 4, 2017) 【E3】新片速報 刺客新作《Assassin’s Creed: Origins》玩埃及 (Jun 12, 2017)

Read more ›
新片速報 主機蜈蚣 用Xbox One玩PS4
by / on 21/11/2013 at 11:03 am

新片速報 主機蜈蚣 用Xbox One玩PS4

Xbox One背後有個HDMI輸入插口,原意係俾你插收費電視等裝置,咁你就可以好似發佈會咁用聲控叫佢轉台。不過外國傳媒DigitalFoundry就唔插收費電視,而係將PS4輸入Xbox One度,咁喺Xbox One個介面度就玩到PS4嘅遊戲喇,另外之前都有人試過插Wii U,一樣Work,主機蜈蚣成形! 相關資訊【有片】林寶堅尼真車駁Xbox One 最貴裝備玩《Forza Motorsport 7》 (Oct 24, 2017) PS4《巨影都市》再有新巨影 EVA零號/2號機參戰 (Sep 20, 2017)

Read more ›

龍捲風毁家園 PS4原好苦中作樂
by / on 20/11/2013 at 6:23 pm

龍捲風毁家園 PS4原好苦中作樂

呢兩日外國網站流傳呢張相片,而Redditor HepatitisC就話係一個屋企被龍捲風吹爛晒嘅男人,返到去見到自己啱啱買嗰部PS4冇事,好開心咁影咗一幅相。苦中作樂,不幸中之大幸,係個人冇事,部機有冇事,開咗你先知。 相關資訊新片速報 PS4版《Final Fantasy IX》今日下載玩 (Sep 19, 2017) 新片速報 PS4《THE [email protected] STELLA STAGE》公開 12月21日發售 (Sep 19, 2017)

Read more ›
新片速報 問你怕未!PS4「死亡紅線」大集合
by / on 19/11/2013 at 11:20 pm

新片速報 問你怕未!PS4「死亡紅線」大集合

睇完英國威廉王子都想要PS4,係咪想快啲到12月17日,可以拎部PS4返屋企玩呢?好啦,等我幫大家降吓溫,呢度係近日外國玩家舖上網嘅片,開機玩玩吓,突然!藍燈變紅燈,必必必……之後,冇畫面……之前都講過,死亡紅線,即係代表部主機太熱,據講話等佢回復正常溫度後可以開番喎……但睇條片,都冇話特別放佢入個箱焗住佢,咁即係……最後講番第1條片,個玩家好正,見到死亡紅線之後佢好嬲,決定玩番N64…… 相關資訊新片速報 12月7日有得玩 PS4《地球防衛軍5》仲有一番賞 (Sep 19, 2017) PS4《初音ミク Project DIVA Future Tone DX》專用手掣 11月22日同步出 (Sep 13, 2017)

Read more ›
男機迷的悲哀 威廉王子想買PS4驚老婆鬧 唯有Remote Play
by / on 19/11/2013 at 10:03 pm

男機迷的悲哀 威廉王子想買PS4驚老婆鬧 唯有Remote Play

英國威廉王子Prince William,即係劍橋公爵,佢之前出席一個宣揚電視、電影、遊戲職業嘅活動時話:「我都好想要一部,不過我唔肯定我太太點諗。」唉,老婆嘛,仲要啱啱生咗個佐治仔,呢啲唔係叫懦弱,係叫識得尊重太太啫……呵?不過喺一片悲哀之中,歐洲PS就好醒,即時喺facebook發post,叫威廉佢唔駛擔心,佢哋會送部PS4俾佢,而且唔會話俾Kate聽……仲有,最重要係叫佢可以用Remote Play玩,如果老婆要睇電視的話……抽得快狠準呀! 相關資訊PS4推出初音特典機 齋面板都有得賣 (Aug 31, 2017) 【2017出GAME表】 9月至10月 [PS4 / XBox One / Switch / PC / 3DS / PS Vita] (Aug 27, 2017)

Read more ›
新片速報 16人齊開箱 PS4幾多部Work?
by / on 18/11/2013 at 11:28 pm

新片速報 16人齊開箱 PS4幾多部Work?

呢條,可能係暫時最多人齊齊幫PS4開箱嘅影片。IGN嘅編輯們好多都買咗機,而佢哋就齊齊同時間開箱,16個人16部機……雖然唔知最後16部機入面有冇邊部有死亡紅線或者放唔平,但係最後嗰位開箱…..嗰部好似係…… 相關資訊PS4《Gran Turismo Sport》特別版主機 9月8日有得訂 (Aug 22, 2017) PS4更新5.0即將推出 Twitch stream推上1080p/60fps (Aug 10, 2017)

Read more ›
富士康搵學生實習裝機 PS4能開機已達標!?
by / on 18/11/2013 at 5:33 pm

富士康搵學生實習裝機 PS4能開機已達標!?

未經證實嘅新聞,就係內地網站由早於9月開始已經不斷有留言,係一班學生被學校要佢哋去富士康「實習」,其實就係組裝PS4,唔去就冇得畢業……而仲有學生喺網上留言話:「我們沒把它當成高端產品看,除了應付還是應付,這批產品能正常開機是我們最高的期望。」不過佢連PS4開賣日都搞錯咗……到近日,網上傳出有啲PS4主機故障有問題之時,又有聲稱自己係北方信息工程學院嘅學生回應,佢話唔好把PS4出問題賴到佢哋身上,因為「實習」咁耐以嚟,只係得中專、職院或者富士康長期員工嚟過支援……傳聞啫,冇嘢嘅冇嘢嘅…… 相關資訊《閃亂》新作下年PS4推出 Switch玩體感《シノビリフレ 閃乱カグラ》今年配信 (Aug 1, 2017) 新片速報 發售日公開 PS4《太鼓之達人》10月有得玩 (Jul 18, 2017)

Read more ›

新片速報 PS歷代主機同場 回味開機畫面
by / on 18/11/2013 at 4:58 pm

新片速報 PS歷代主機同場 回味開機畫面

PS、PS One、PS2、PS3、薄版PS3、薄薄版PS3、PS4等主機,係唔見部PSX,加埋就真係齊晒人喇。不過唔緊要,呢幾日新主機睇得太多,今次可以見番佢哋都好有親切感,最正係拍呢條片嘅人仲將開機畫面都錄埋嚟俾我哋回味。咁多部,最有回憶都係PS第一代,我仲記得條金色彈弓,對唔住呀呀呀呀…… 相關資訊【新片速報】唔准打PS4 日本超嗲白文雀要主人摸 (Jul 15, 2017) 新片速報 霸王丸回歸 《侍魂 零 SPECIAL》推出PS4/PS Vita版本 (Jul 14, 2017)

Read more ›
網友惡搞PS4 GIF 迎擊Xbox得啖笑
by / on 18/11/2013 at 8:00 am

網友惡搞PS4 GIF 迎擊Xbox得啖笑

嗱,利申先,雖然我一向玩PS,但其實我好中立,仲有啲想玩《Dead Rising 3》。上星期PS4喺美國開賣,吉田CEO有片出,做咗個好型嘅動作,之後,第一位排隊買到機嘅機迷喺頒機儀式時都做咗同樣動作,之後,喺因不明之下,有網站出咗個演員Antonio Banderas嘅GIF,再嚟大家都估到,網民們群起惡搞,整咗大量GIF,當中有啲相當高質素。 相關資訊PS4金銀機公佈 6月9日香港行貨到 (Jun 6, 2017) 流出圖片 PS4即將推出金色機 (May 30, 2017)

Read more ›
氣勢強勁 PS4一日內賣出100萬部!
by / on 17/11/2013 at 8:54 pm

氣勢強勁 PS4一日內賣出100萬部!

先唔好講部機放唔平、HDMI有問題呢啲嘢先,PS4今次真係賣得幾好,官方同CEO吉田修平都公佈咗首日賣出100萬部呢個數字,唔係出貨,係賣出!可以俾啲參考數字大家,PS3推出時要6個星期先出貨100萬部;Xbox360都要5日先賣出32萬6000部;Wii U呢,就一星期賣出40萬部;Wii就首日出貨40萬部。咁呢個數字,的確係幾勁,不過唯一希望係佢要改善吓主機嘅生產質素,咁就應該攞到個頭彩喇! 相關資訊【2017出GAME表】 5月至6月 [PS4 / XBox One / Switch / PC / 3DS / PS Vita] (May 3, 2017) 變相減價?美國PS4主機500GB價錢買1TB版 (Apr 19, 2017)

Read more ›
新片速報 Cosplay DualShock4 排隊買機
by / on 17/11/2013 at 11:52 am

新片速報 Cosplay DualShock4 排隊買機

又係「MEGWIN TV」,今次佢就趁PS4開賣,Cosplay DualShock4手掣出去玩吓囉。買新主機咁開心,基本上好多人都樂意同佢玩吓,而呢位黑人佢仲同呢個手掣Jam吓歌,果然展現出音樂無疆界呢個道理。之後,仲有女玩家出嚟玩吓佢粒Analog蘑菇掣…… 相關資訊【有片】外國傳媒訪問專家 曱甴最愛PS4設計 (Apr 18, 2017) 4月有得買PS4機蓋 《初音》兩款 《人中之龍》再版 (Mar 16, 2017)

Read more ›