主頁, 潮玩新聞, 玩具資訊 — 14/06/2015 at 5:31 pm

福利報價: 三連星渣克到貨四驅車金屬工具紫黑粉紅斷貨

今個星期都係HG當道, 黑色三連星版, 有砌過紅渣都知好有誠意, 所以絕對值得買! Reconguista in G都有新嘢返, 哎! 我唔知點形容, 呢個系列喺我心目中, 完全OUT出咗高達之系譜, 喜歡的可以繼續, 同麻煩閣下幫小弟進行再教育; 另外喺收銀櫃對出, 我發現咗一隻砌起非常正嘅坦克, 相信唔太多人留意, 值得望吓。

今個星期必搶係四驅車金屬工具, 精美到冇朋友, 不過$1,750嘅價錢, 亦都係肉赤指數非常高, 最多人愛嘅粉紅、紫同黑都已經俾人買起咗, 個人鍾意係金色同綠色, 如果想買嘅, 希望閣下好彩; 另外特別貨仲有新加坡特別版RG高達同紅渣, 貨量少; Toy Story亦好多公仔返咗, 薯蛋頭兩公婆、三眼仔精品, 真心好正, 價錢唔太貴, 四處亦幾罕見。