主頁, 遊戲新聞 — 23/11/2016 at 10:15 pm

【有片】《人中之龍6》桐生一達/真島繼聰/沖田杏梨到場 三上悠亞越洋講廣東話

by

今日好正啦!先有傳說中嘅張繼聰版「真島吾郎」,交晒戲,眼神都似埋!之後有唔係好似但大家都好鍾意嘅達叔版「桐生一馬」,仲有最強Body沖田杏梨、台日混血模特兒SORA到港。至於嚟唔到活動嘅三上悠亞都拍咗片,越洋講廣東話!訪問遲少少,睇咗相同片先!

page3215245一眾嘉賓以遊戲角色造型現身_左起-SORA-張繼聰-沖田杏梨-達哥張繼聰神還原真島吾朗張繼聰與沖田杏梨拗手瓜 沖田杏梨勝出拗手瓜後擺出勝利姿態SORA以遊戲造型出席人中之龍6活動SORA在遊戲中的角色   Mikami 三上悠亞catsAnri Okita 沖田杏梨_Live Chat      Anri Okita 沖田杏梨
官方資訊

【香港‧2016年11月23日】為慶祝PS4®遊戲《人中之龍6 生命詩篇。》中文版即將推出,PlayStation®是日(11月23日)於中環Zentral 舉行「PS4®《人中之龍6》活動」,日本性感女優沖田杏梨及台日混血模特兒SORA於《人中之龍6》遊戲中分別飾演「Live Chat女郎」及公關俱樂部小姐一角,她們今日亦以遊戲內的造型,遠道由日本來港出席活動。最近被網民評為激似《人中之龍6》遊戲角色「真島吾朗」的藝人張繼聰以近乎「神還原」的造型現身,他表示﹕「因為自己原來有份『參與』演出遊戲角色,要趁新遊戲第6集推出之前,追返之前咁多集。」網絡紅人達哥則參照遊戲主角「桐生一馬」的造型出席活動,被問及自己造型與主角是否相似,達哥自信回覆﹕「簡直似到十足十。」另是次未能抽空出席活動的性感女優三上悠亞,則透過預先拍攝的短片驚喜現身。

活動上,一身性感打扮的沖田杏梨,分別與張繼聰及達哥進行拗手瓜大比拼,張繼聰首先以9秒9的速度落敗;達哥則較為「持久」,沖田杏梨最後用雙手兼踎低力壓對手勝出。之後,張繼聰及達哥組隊挑戰「人中之龍6大電視」,SORA使出渾身解數,以可愛的表情及肢體動作表達多個刁鑽題目如「鋼管舞」、「摔交」及「挑逗」,結果張繼聰以2比1勝出。沖田杏梨及SORA於台上被問及喜歡哪類型的男士,沖田杏梨指向現場其中一位媒體並表示﹕「覺得佢夜晚嘅時候會好強勁。」SORA 則甜笑表示﹕「我比較喜歡專一嘅男士。」

張繼聰今日以cosplay造型現身,受訪時表示﹕「好有親切感,因為我都算係第一代cosplay藝人,以前有去過動漫節cosplay,都算係一種生活情趣。」對於cosplay的角色及尺度,他表示﹕「視乎對象,如果cosplay俾自己睇就尺度當然好大,但喺屋企就cosplay 好老公同好爸爸。」此外,張繼聰每日都會與兒子打機半小時﹕「就算係我個仔,同佢打機踢足球都唔會讓佢,佢成日都輸比我,試過贏佢5比0,佢喊住入房瞓。」被問及老婆謝安琪近況,張繼聰表示﹕「太太狀況好好,肚入面嗰個好活躍。」被問及接工作與女優有親密接觸,老婆會否呷醋,張繼聰表示﹕「唔會,我都係非常尊重工作,同埋老婆會成日喺屋企check住我嘅工作同check 住facebook,所以接受訪問我都會非常小心。」

 

想即時睇到更多日本文化、ACG、網絡最新資訊,請即加入facebook!
https://www.facebook.com/GameoverHK

 

Comments

comments

Comments are closed.