主頁, 動漫資訊, 潮玩新聞 — 10/01/2017 at 9:05 pm

2017年港漫界震撼彈 《天下》復刊網民一人一句

by

Image-1

堅料呀,呢鋪仲唔係2017年港漫界震憾彈?唔係懶,係驚表達錯,所以我原文Copy and paste馬榮成個Post:「天下畫集2017年,再次復刊!首先請來插畫大師阮大勇老師,與及《山海逆戰》的作者邱福龍,更有《西遊》的作者鄭健和率先打頭陣,是絕對令人期待的漫畫作品!」復刊係事實,但又阮大勇又福龍又鄭健和,究竟係乜玩法?此Post一出,港漫迷一人一句,大把嘢講……

對旒《天下》復刊,港漫迷反應好兩極,支持一方──Tommy Lin簡單兩隻字:「期待!」、Chan Kwok Yan咁話:「令人期待的消息。希望可以做到《天下畫集》最初創刊時的原意——連載多元化的作品,百花齊放。 《天下畫集》從來不應該只等於《風雲》!」、Wu Barry話:「出外傳都好,將風雲小說漫畫化。」Danny Chan:「期待天下畫集再次發熱發光,成為香港的少年Jump!希望會連載再見無名漫畫!」反對一方──Kaiser Leung:「Great,係短篇?定長篇?個人意見,個故仔唔掂,畫到幾靚到冇用。除非又食老本,又風雲,不過真係唔好再搞佢地啦,好唔好。由細睇天下睇到大,期期買,除咗第一同二輯,之後期期屌。唔想再為咗你”馬榮成”作品,又一次傻下去。如果冇故事,我會等你既畫集,因為”馬榮成”d畫係最好的。」Fung Tse:「若再續寫『風雲人瑞編』,很多人會很失望。期待當年偶像勿忘初衷。」唔知大家又點睇?我呢,就偏向支持嘅,一來始終「馬榮成」三個字係金漆招牌,二來依家個市咁疲,多一本公仔書睇,絕對係好事。

資料來源:https://www.facebook.com/597133267018083/photos/a.597140890350654.1073741826.597133267018083/1336058269792242/?type=3&theater

2

1

Comments

comments

Comments are closed.