黃水斌最新面書專頁「英雄本色鋼筆手繪漫畫」，大家一定要Add。呢個絕對係2017港漫界好消息，話說水斌同電影公司攞正牌，將會繪畫鋼筆電影漫畫系列《英雄本色》，水斌剛剛喺面書登咗幾幅作品，堪稱有聲Post，啲線密到呢，構圖準到呢，面相靚到呢，一睇就知佢畫緊邊個場景，幕幕經典回憶返晒嚟。睇Post，我仲睇到感動位，水斌留言曰：「做了這個行頭二十多年！一份手藝由被人尊重，到近幾年行業式微而不受重用！這感覺好難受，希望大家给我一個機會，支持我繼續畫落去！這幾年真的要多謝我的家人，尤其是媽媽！沒有她支持，我方向盡失，多謝你！沒有你支持我也不會實行這些夢想。」有媽的孩子像個寶，水斌媽媽真好。支持你呀水斌，努力幹下去呀！

資料來源：面書專頁「英雄本色鋼筆手繪漫畫」

Comments

comments