最新資訊

原宿實況5女登場 《Evangelion》賽車女郎 新一代綾波最得
by / on 23/03/2013 at 9:00 pm

原宿實況5女登場 《Evangelion》賽車女郎 新一代綾波最得

前兩日報導咗新一個賽季,《Evangelion》嘅車隊會有新一批賽車女郎,水谷望愛嗰一代已經畢咗業。雖然我有啲傷感,不過今日睇到前兩日新一批賽車女郎去到原宿「EVANGELION STORE TOKYO-01」首次出席攝影會嘅活動實況,都令人興奮番唔少。佐々木華奈、和泉テルミ、森園れん、福滝りり、北山奈都美全部到場,今次睇相靚過上次好多,起碼有腳有絕對領域!

Read more ›

獵奇日本 Twitter大熱 北極熊現身東京!
by / on 23/03/2013 at 7:33 pm

獵奇日本 Twitter大熱 北極熊現身東京!

啱啱星期四,有好多人喺東京嘅市ヶ谷附近發現呢隻北極熊,佢做咩呢?冇乜特別,北極熊食魚o架嘛,所以佢喺度釣魚囉。再之後佢就去咗涉谷,就係因為佢現一現身,所以Twitter出現唔少佢嘅相片。呢個都好正常吖,俾我喺街見到,我咪又係第一時間攞部手機出嚟……不過,呢隻熊人嘅目的係咩就唔知喇,可能因為純粹天氣凍,裏面條友想著多件衫啩。

Read more ›
獵奇影片 生活智慧系列 何需千里尋良方 可樂樽啜蛋黃
by / on 23/03/2013 at 6:39 pm

獵奇影片 生活智慧系列 何需千里尋良方 可樂樽啜蛋黃

食飯時間。就係咁簡單囉!其實之前日本都出過類似原理嘅吸蛋器,好簡單唔使好似啲大咁兩邊蛋殼倒嚟倒去,用個樽嘅樽口就可以咁樣吸晒啲蛋黃出嚟,之後佢仲一次過整熟50個蛋王俾你睇,會係點?名乎其實係蛋糕咁囉,要用刀叉食o架!唔該晒,我都係鍾意食蛋黃唔鍾意食蛋白嘅……

Read more ›
獵奇神曲    俄羅斯/街霸/MJ / David Bowie混音特集
by / on 23/03/2013 at 6:27 pm

獵奇神曲 俄羅斯/街霸/MJ / David Bowie混音特集

星期六無嘢做,上YouTube搵嘢睇,居然見倒呢首正歌!由Ithaca Audio製作嘅Game Theory,將19首遊戲經典音樂例如俄羅斯方塊、太空侵略者、街霸、孖寶等等,同David Bowie、Michael Jackson嘅歌混合埋一齊,呢頭聽倒「Beat It!」,嗰頭又有超音鼠食金幣嘅聲畫彈出,充滿驚喜。最正係成首歌居然用特製嘅NES超任手掣混音,勁!

Read more ›
彈球只會向一個方向碌,直至撞到牆為止。
by / on 23/03/2013 at 5:24 pm

免費手機新Game:最緊要彈得準

純考反應嘅遊戲好多,但難玩到好似「Big Win Fast Ball-The Marble Mega Jump Adventure」咁既反應又考準繩度,就真係好少見,少啲眼水都玩唔掂。

Read more ›
23/3 一週碟報價:無敵破壞餘小量砌圖  港版獨角獸epi6行50GB碟
by / on 23/03/2013 at 4:59 pm

23/3 一週碟報價:無敵破壞餘小量砌圖 港版獨角獸epi6行50GB碟

    今個星期開心返, 因為有《無敵破壞王》返到, 雖然我對主角人物冇乜感覺, 明顯係Hard Core美式導向, 大家當佢新人咪得囉! 再講! 係黃秋生做配音喎! 地踎搖滾王喎! 仲要係麥嘜個校長喎, 係! 我係佢Fans, 而女角小孩都有G.E.M扮, 個把高八度尖聲, 移吔! ,碟係$248唔係貴, 係兩碟版,一隻係2D、一隻係3D, 兩邊都有7.1聲道, 有廣東話版都英文, 店長講, 今個星期最靚聲畫, 都算係佢囉! 雖然上星期話, 預訂先有300pcs砌圖, 不過行嗰邊特登嚟多貨, 所以頭水買家都有機會到手, 不過當然係數量有限啦!

Read more ›

太多顏色,睇到頭暈。
by / on 23/03/2013 at 4:56 pm

免費手機新Game:令人頭暈的心心

唔知點解,明明都係嗰類方塊遊戲,硬係覺得「Diamond Heart Breaker」難玩啲咁嘅,紅黃藍綠紫五色心心睇到人眼都花埋,唔係吹水,玩玩吓我真係有啲頭暈。

Read more ›
新片速報《Splinter Cell Blacklist》8分鐘遊戲片
by / on 23/03/2013 at 4:04 pm

新片速報《Splinter Cell Blacklist》8分鐘遊戲片

想玩潛入遊戲,小島秀夫仲喺度玩緊假製作人傳聞,《Metal Gear》新一集應該有排都未到,次世代隨時走唔甩。咁近啲,就有呢隻8月20日推出嘅Ubisoft間碟遊戲《Splinter Cell Blacklist》,啱啱官方發佈咗阿Fisher嘅潛入遊戲片段,長8分鐘,畫面幾正,止到吓咳。

Read more ›
中日學生惡搞教科書  偉人變宅男
by / on 23/03/2013 at 4:02 pm

中日學生惡搞教科書 偉人變宅男

你同我都一定試過,上堂好無聊拎起本教科書畫公仔寫無聊嘢,日本同中國嘅學生都有呢個嚐好,網上見倒一大堆惡搞教科書嘅得意圖。佢哋最鐘意向歷史人物落手,好哋哋一幅大頭相,走去幫人哋加手加腳加動作,孫中山都變瑪利奧大叔;再唔係就加個芒喺人哋前面,笑人係宅男。認真,堅好笑,入嚟有大量改圖睇,攪到我都好想拎本教科書出嚟玩吓。

Read more ›
最硬淨瑪利奧大叔   砌罐頭做善事
by / on 23/03/2013 at 2:34 pm

最硬淨瑪利奧大叔 砌罐頭做善事

嘩,瑪利奧大叔呀!仲有佢個招牌勝利動作添,望吓後面,有最鍾意掟嘢嘅雲叔,同埋最狗嘅水管食人花,而且全部都係用罐頭砌成,勁3D。案發現場喺加拿大Calgary某商場,呢個地方每年都會舉行名為「Canstruction」嘅砌罐頭比賽,今年主題係「科技產品」,除咗瑪利奧,仲有Angry Birds、打字機等,最有意義係砌完兼展覽完嘅罐頭,全部會捐晒去當地嘅食物銀行,幫助有需要人士,值得支持!

Read more ›
有片  最煩鬧鐘  影相解鎖迫醒你
by / on 23/03/2013 at 2:01 pm

有片 最煩鬧鐘 影相解鎖迫醒你

鬧鐘嚟講,呢個「Sleep if you can」鬧鐘app真係達十級煩膠指數,煩過羅家英同阿媽。玩法好簡單,影定一張相,越遠越好,例如廁所嘅洗面盤啦,鬧鐘一響,你就要起身去返個洗手盤影返張一模一樣嘅相先可以解鎖停止鬧鐘再轟,真係好絕。不過我已經諗到破解方法,就係影我自己個樣,咁咪唔駛落床都得囉!不過晨早起身咁醜樣,佢會唔會唔認得我呢?

Read more ›

獵奇日本 石化名物 呆滯比卡超 鹹蛋哥斯拉
by / on 23/03/2013 at 1:24 pm

獵奇日本 石化名物 呆滯比卡超 鹹蛋哥斯拉

齋睇圖,你以為又係強國嘅作品?錯喇,係日本眾多嘅「石材屋さん」產品。日本人會幫襯呢啲舖頭整啲石像放喺庭園啦、門口做裝飾,咁作為動漫強國,佢哋又點會唔整動漫人物嘅石像呢?不過可能做呢種工藝嘅師傅們唔係好熟呢啲角色,所以大家見到比卡超變咗樣之外呆呆滯滯,其他人物都唔係咁似,唯獨是鹹蛋超人同哥斯拉幾有型,咁,大家知道師傅們係咩年齡層啦。

Read more ›
獵奇新片    大陸喪爸狂fing B
by / on 23/03/2013 at 1:18 pm

獵奇新片 大陸喪爸狂fing B

呢段片真係要睇!睇完唔該「unlike」埋。外國網報導,大陸有個瘋狂爸爸,居然將個仔當搖搖咁舞,fing完左再fing右,跟手打個後空翻,再將bb放喺手掌上面玩‥‥‥片段仲配埋功夫音樂,懶風趣。大佬,你有無聽過乜嘢叫「搖晃症」?bb仲要下身赤裸,既失禮又好易凍親。翻查資料,原來bb由8個月大開始接受「訓練」,片段入面嘅佢已經15個月大,目標係入「少林寺」。痴線!不過都唔及呢個外國網友串,佢留言話:「Awesome! Father of the year.」,又揚威海外嘞。

Read more ›
新片速報 PAX East《Biohazard:Revelations》7分鐘試玩片
by / on 23/03/2013 at 12:24 pm

新片速報 PAX East《Biohazard:Revelations》7分鐘試玩片

5月23日(美版21日)推出嘅高清版PS3/Xbox360/Wii U《Biohazard:Revelations》,外國遊戲網站喺PAX East就拍咗段7分幾鐘阿Jill同8分鐘Rachel實機試玩片,睇畫面應該係PS3版本,實機演示睇到阿Jill高清之後嘅戰鬥場面同CG,質素都好高。加上呢隻遊戲之前出嗰陣都好評如潮,相信生化迷都要玩吓喇。另外,Wii U版本都公佈咗特別嘅玩法,就係Gamepad除咗可以獨立嚟玩之外,仲可以顯示武器同地圖選單,亦支援網上留言功能。

Read more ›
Kyary Pamyu Pamyu新曲MV 被指勁似Rockman
by / on 23/03/2013 at 11:49 am

Kyary Pamyu Pamyu新曲MV 被指勁似Rockman

呢首Kyary Pamyu Pamyu嘅最新MV〈Ninjya Re Bang Bang〉都出咗個幾星期,極有洗腦潛力,聽日次可以唱10次。MV中佢扮女忍者跳晒舞咁,右手仲識得變成激光炮,就係咁,有外國傳媒就覺得佢有少少抄《Rockman》喇,仲有相有真相添。不過個人覺得呢啲動作同設定都唔係咩特別嘢,都唔算抄襲,得啖笑囉。不過未聽過嘅,可以入嚟洗吓腦。

Read more ›