最新資訊

獵奇發明   狗仔抺地四腳拖
by / on 02/01/2013 at 3:37 pm

獵奇發明 狗仔抺地四腳拖

天下間最殘忍嘅事莫過於此,不嬲狗仔都唔鍾意著鞋,但係主人要帶你出街怕你整污糟,唯有硬食啦。點知而家喺屋企都要著鞋,點解?因為可以幫手抹地囉!呢款叫Pet Sweep嘅設計,老實講我覺得好有創意亦好實用,賣美金$8真係好抵,但係隻狗仔真係好可憐。下次賴尿?自己抹返囉!

Read more ›

Samsung Evolution Kit 舊電視升級Google TV!?
by / on 02/01/2013 at 3:22 pm

Samsung Evolution Kit 舊電視升級Google TV!?

買新機、過幾個月變舊款!呢種感覺……真係好難受,尤其係對個荷包,真係會赤赤痛!Samsung早已預先公佈,0黎緊CES會0係電視方面有大動作,你0岩0岩買機?唔使傷心住,因為佢打算推出一個叫 Evolution Kit,可以將2012舊電視機,升級上2013 0既新功能……其實手機可唔可以都係咁呢?我都係剛買GS III,如果你0係CES度Show部GS IV或Note III出0黎,我真係會好難受!

Read more ›
黑武士膠頭  狂擰減壓
by / on 02/01/2013 at 3:10 pm

黑武士膠頭 狂擰減壓

呢排咁多假期,今日返工真係好辛苦,好大壓力呀!嚟緊有排都無假放,壓力無地方宣洩,黑武士幫倒你!呢個黑武士頭嘅壓力波,用軟膠做成,3”x3”x2.5”,總之就係一隻手掌嘅size,網站Neatoshop有得賣,開價港幣$110左右,擰完佢,may the peace be with you。

Read more ›
鉛芯筆變模型 用前先砌1粒鐘
by / on 02/01/2013 at 2:58 pm

鉛芯筆變模型 用前先砌1粒鐘

我相信好多人細個嗰陣都同我一樣,上堂悶悶哋,就會將自己筆袋入面啲筆拆開晒佢,再砌嚟砌去。如果當時有呢支模型筆,我諗啲時間會易消磨啲啲。呢支嚟自日本嘅模型鉛芯筆叫「Varacil」,係由As If Toy推出,賣945円。首先,你要好似砌模型咁從模型格剪出parts,之後再砌成一支筆。每支筆合共有22件,官方話要砌完需要40-50分鐘,不過我懷疑唔對住說明書,拆完之後未必砌得番……

Read more ›
新片四連環《Bayonetta》魔女/神勇飛鷹俠參戰《Street Fighter》!?
by / on 02/01/2013 at 12:57 pm

新片四連環《Bayonetta》魔女/神勇飛鷹俠參戰《Street Fighter》!?

嘩!《Bayonetta》嘅魔女殺入《街霸 X 鐵拳》!仲有《忍》嘅男主角!加埋人造人卡辛、神勇飛鷹俠(科學忍者隊)嘅阿健同Dr.Doom參戰《街霸 IV》!不過要留意嘅係,呢幾條片都係PC版,望一望頂頭個頭像,哦,原來只係PC高手整嘅mod,不過整得好正!

Read more ›
新片速報 《古惑仔 江湖新秩序》正式預告片 十三妹現身 唔見細細粒
by / on 02/01/2013 at 11:31 am

新片速報 《古惑仔 江湖新秩序》正式預告片 十三妹現身 唔見細細粒

下星期四(10日)上映,有分2B級版同3級版本嘅新一代古惑仔《古惑仔 江湖新秩序》啱啱有新預告。喺電影雙周刊facebook睇到,初頭睇又係羅仲謙o靚仔南拜大佬B做大佬嗰段,以為又係之前嗰條,點知都加咗唔少新嘢,包括何韻詩演嘅十三妹sister Thirteen登場,仲有今集女主角胡然飾演馬交大亨嘅女兒超婷,係,係冇細細粒嘅。

Read more ›

Xbox聖物 開發團隊限定套裝 eBay賣5,000美元
by / on 02/01/2013 at 11:17 am

Xbox聖物 開發團隊限定套裝 eBay賣5,000美元

  遊戲主機越嚟越多特別版限定版,不過總唔及得呢套珍貴。係上代Xbox主機,不過唔係普通版,而係當時開發Xbox嘅團隊先有、傳說中嘅透明綠色版主機!唔只,仲有又係開發團隊限定嘅主機原型、配件、記念品等等,據知係由從任天堂到微軟嘅Howard Phillips賣出,eBay仲有10幾個鐘俾你買,$5,000美元!

Read more ›
新片速報 12分鐘回顧機迷的1年
by / on 02/01/2013 at 10:24 am

新片速報 12分鐘回顧機迷的1年

知大家唔鍾意睇字,回顧2012有咩好game推出就梗係睇片開心啲。外國網站Gamespot就拍咗一段12分鐘嘅影片,由機迷第一身出發,2012年1月1日起身整個奄列之後就開機喇……雖然係西人口味,不過由主機大game至手機遊戲都有涉獵,都叫齊料,當然,日系遊戲如機戰就冇份啦。

Read more ›
雜誌消息 稻船敬二新作 《三國 X 海王》畫面曝光
by / on 02/01/2013 at 10:07 am

雜誌消息 稻船敬二新作 《三國 X 海王》畫面曝光

呢隻同3月喺PS Vita推出嘅《Soul Sacrifice》完全唔同風格,而且出喺3DS……其實呢隻動作遊戲《海王King of Pirates》喺2011年已經宣佈開發嘅作品係由MAQL推出嘅,以三國志加海盜為題材,最新雜誌圖就見到寫住大海原嘅英雄大亂鬥,睇埋造型,最強方程式就係三國 X 海賊王?預定今年內發售,仲已經有特典公佈埋,係一對有海賊記號嘅手套……睇嚟差唔多推出,不過感覺窄窄哋……  

Read more ›
新片速報 真人型棍Mario《Mario Warfare》第2集推出
by / on 01/01/2013 at 8:19 pm

新片速報 真人型棍Mario《Mario Warfare》第2集推出

beatdownboogie製作嘅真人版Mario影片《Mario Warfare》,有槍戰有動作場面,製作認真型型哋!一早有預告片,喺今個月頭推出11分鐘完全版,大家都估估吓佢係咪終於捨得出第2集。果然,喺除夕夜,佢哋終於出片!第2集講本來入伍通渠嘅佢哋終於出動去救公主,Mario勁揪得,唔劇透,自己入嚟睇!不過個磨菇軍佬臨死叫Mario:「Forget the toilet……」我真係笑咗出嚟!不過今集結尾連預告都冇,睇嚟……都係去Kickstart募捐啦?

Read more ›
女僕入侵麥當勞!台灣分店期間限定 主人請點餐!
by / on 01/01/2013 at 6:00 pm

女僕入侵麥當勞!台灣分店期間限定 主人請點餐!

香港麥記嘅活動,搞嚟搞去又大富翁又盛,我最叻中過個麥芝蛋,有朋友中過杯細橙汁,咩名車咩簽賬額,有咁好彩都冇咁多位生暗瘡。都係台灣搞嘅活動有意義!呢間係台灣鼎山家樂福麥當勞餐廳,佢哋喺12月31日搞咗個可愛女僕點餐活動,而且每個女僕都揸住自己個名影咗張相,仲會同你跨年倒數!引你去叫個8號餐……雖然質素就唔係話好突出,但我覺得有誠意,香港麥記,請認真考慮,不過啲男店員點?啲嬸嬸又點算?

Read more ›

Wordworm手錶  睇時間學英文
by / on 01/01/2013 at 5:34 pm

Wordworm手錶 睇時間學英文

細過有無玩過「Wordworm」呢個遊戲?即係打橫打直都有好多行英文字,你要喺入面圈返啲字詞出嚟嗰款古老遊戲呢。呢款叫QLOCKTWO W嘅手錶,令我即時諗起呢款益智遊戲。每5分鐘就會透過文字顯示出時間,如果真係好想知幾多分鐘,可以睇埋最底嗰4點,最大嘅缺點係太陽光底下可能睇得唔夠清楚,不過你買嚟都唔係諗住睇時間O架啦,你有手機O架嘛!

Read more ›
Star Wars浴袍系列 屋企Cosplay尤達R2-D2
by / on 01/01/2013 at 4:11 pm

Star Wars浴袍系列 屋企Cosplay尤達R2-D2

呢幾日凍到不似人形,晚上浸浴是常識吧!而浴袍就可以由浸完浴直至上床匿入被竇前都陪住你,極其重要!為大眾謀福利,我上網一口氣搵咗一系列Star Wars浴袍,由R2-D2、Bounty Hunter、Jedi、尤達大師、白兵、Chewbacca以至黑武士都有齊,仲有小朋友size!價錢成人size大約港幣600左右,小朋友就300蚊唔駛。比個貼士大家,我都有啲心動嘅啡毛暖笠笠Chewbacca已經極速斷貨,有興趣入手嘅星戰迷要快手!

Read more ›
獵奇改圖 上網求幫手 網友玩到停唔到手
by / on 01/01/2013 at 3:32 pm

獵奇改圖 上網求幫手 網友玩到停唔到手

其實,呢個情況都出現過喺高登好多次,無論借刀定真心,網友都啋你都on9,拎你幅圖玩到停唔到手。呢位外國嘅先生就有同樣嘅遭遇,佢好天真咁希望搵網友幫手幫佢改圖,將嗰粒太陽key去佢兩隻手指中間,咁就好似捉住咗個太陽咁啦。網友們即時好踴躍,花盡心機幫佢改圖,絕對比正正經經改靚佢花更多功夫……呢個,果然係人食人嘅世界!

Read more ›
Samsung TecTiles 勁玩NFC隨街貼
by / on 01/01/2013 at 3:14 pm

Samsung TecTiles 勁玩NFC隨街貼

其實我好懷疑,究竟有幾多人玩開NFC呢?有嘅唔該舉舉手!不過Samsung好似樂此不疲,佢出咗一件叫 TecTiles嘅配件,簡單理解,佢都係一件內置NFC功能嘅貼紙,功能同Sony張NFC狗牌可以話一樣,裡面只有1KB內存,不過效用幾大,例如你貼喺車度,只要之前做好Setup功作,將手機放上去就可以開啟汽車免提,又或者放床頭變靜音、放電腦同電腦連線,不過Demo裡面有樣我幾鍾意,就係放在展場,可以直接指令手機Download「指定軟件」,我覺得變貼紙之後變數同使用方法更多變……不過以香港人貪心習性,我驚貼半個鐘已經唔Q見咗!

Read more ›