最新資訊

機迷專用餐廳酒吧   芒亨聚會飲First Person Shooter
by / on 11/05/2013 at 3:59 pm

機迷專用餐廳酒吧 芒亨聚會飲First Person Shooter

香港地,去麥記打舖芒亨都要比人歧視仲要同自由人迫。外國就有生意頭腦得多,位於溫哥華嘅EXP餐廳&酒吧,專為機迷而設,佈置用上大量遊戲元素,仲會定期搞唔同主題嘅遊戲活動,例如兩日後就有個芒亨聚會,比新手老手集合埋一齊打機飲嘢交流消費,爽。餐牌上面仲有好多令機迷會心微笑嘅食品,例如Assassin’s芝士薯條、Big Boss漢堡拼盤,仲有First Person Shooter飲品,去嘅唔淨止宅男,仲有唔少靚女。香港有無可能有咁嘅餐廳?

Read more ›

10日下載10萬次 「龜波相機」手機影相App 隨時出魔貫光殺砲
by / on 11/05/2013 at 3:51 pm

10日下載10萬次 「龜波相機」手機影相App 隨時出魔貫光殺砲

日本興起影出波爆氣相,再嚟就係黑武士原力相,咁呢個影相App「かめカメラ (Kame Camera)」就係加effects嘅絕配喇!放心,今次免費之餘仲有齊iOS版同Android版本。有得出波爆氣,就連魔童招魔貫光殺砲都有,自從上月25日推出後10日就創出10萬個下萬人次紀錄,啱啱更新咗仲有連拍功能,可以連環出波呀!香港Store都下載到,入嚟睇吓日本人作品先啦!

Read more ›
新圖發佈《Watch Dogs》玩網絡 Hack入網絡玩報仇
by / on 11/05/2013 at 3:24 pm

新圖發佈《Watch Dogs》玩網絡 Hack入網絡玩報仇

Ubisoft用自行研發嘅全新Disrupt引擎開發,除咗PS3/Xbox360/PC版外,仲會推出新世代主機版嘅《Watch Dogs》。開放式世界遊戲,男主角可以Hack入芝加哥市中任何電腦控制嘅設施,同火力強勁嘅敵人鬥智鬥力,加上畫面夠靚,中文版仲會喺12月推出,絕對係年尾大作。啱啱官方又有新圖俾你睇,主角Aiden Pearce一部手提電話不離手,駕住電單車都要用,咦同我哋一樣喎。

Read more ›
AK47結他   唔敢拎出街彈喎
by / on 11/05/2013 at 3:04 pm

AK47結他 唔敢拎出街彈喎

揸槍唔一定係警察或者恐佈份子,鍾意玩音樂嘅搖滾友都可以揸槍,名為Jimmy DiResta嘅設計師,幫老友結他手Wyclef Jean整咗把AK47結他,重型武器變成用得嘅真結他,真係好heavy metal,拎出街會唔會比人拉?

Read more ›
貓奴恩物 「Cat Whack a Mole」人手操控貓版扑傻瓜
by / on 11/05/2013 at 2:52 pm

貓奴恩物 「Cat Whack a Mole」人手操控貓版扑傻瓜

除咗人嘅遊戲之外,貓仔都要玩嘛!貓貓有時有啲冷漠,要搵啲玩具引佢先啋吓你。呢個貓玩具就俾到主人同喵互動喇,扑傻瓜玩過啦,人手操控縮細版就啱晒貓玩,見到嗰隻細細隻老鼠伸個頭出嚟又縮番入去,肯定佢會用「肉球」狂按,諗起個畫面都搞笑!Think geek出品,賣9.99美元。  

Read more ›
有片  搞笑日本占卜app   銀紙古人開口測
by / on 11/05/2013 at 2:19 pm

有片 搞笑日本占卜app 銀紙古人開口測

賭仔最講究運氣,日本又有創意app,今次用銀紙占卜,好玩在於紙幣上嘅古人會開口幫你占卜,嚇死人咩?安裝app後,將手機鏡頭對準紙幣,古人就會開口占卜,唔止把嘴識郁,連眼都識眨,像真到有啲恐佈。翻生講嘢嘅包括我最常用嘅一千円代表野口英世醫生、五千円作家樋口一葉同埋好少用嘅一萬円代表福澤諭吉。無日本account都可以睇吓條片開吓眼界。

Read more ›

新片速報《熱血硬派 くにおくんSP 乱闘協奏曲》4人連打 官方影片公開
by / on 11/05/2013 at 12:48 pm

新片速報《熱血硬派 くにおくんSP 乱闘協奏曲》4人連打 官方影片公開

又係講機齡問題,如果你有玩紅白機,熱血系列點都有玩過,當中嘅《熱血硬派》堪稱日本古惑仔遊戲!今年8月8日,3DS將會推出全新作《熱血硬派くにおくんSP 乱闘協奏曲》,由原作者岸本氏監修,全有新宿、池袋、涉谷等舞台,仲會有謎之武裝集團關東獅子連合登場。不過講到最正賣點,除咗玩舊懷風格外,就係加入4人連機功能,售價4,649円、DL版就4,500円。夏天真係帶嚟好多回憶呀!

Read more ›
單車友注意 初音單車套裝 痛住出車
by / on 11/05/2013 at 12:32 pm

單車友注意 初音單車套裝 痛住出車

痛單車喺日本有好多,咁香港越嚟越多單車友,當中嘅動漫迷應該都好有興趣整部痛單車。簡單啲由淺入深,呢套GSR Gear推出嘅初音單車衫就可以表露你與別不同嘅一面,除咗衫,仲有褲、手套、單車用嘅避震護蓋、護手蓋套裝,齋衫8月發售,4,410円,「GOODSMILE ONLINE SHOP」有得訂。

Read more ›
新片兩連發《Soul Sacrifice》又有免費新怪
by / on 11/05/2013 at 12:16 pm

新片兩連發《Soul Sacrifice》又有免費新怪

稻船敬二隻PS Vita《Soul Sacrifice》,你哋仲有冇共鬥緊?官方除咗話會喺夏天推出中文版之外,仲不斷推出新怪DLC,而且係免費,都算有良心。呢兩隻新魔物叫「トロル」同「バジリスク」,5月16日配信。至於大家煲機時都有個疑問,就係中文版繼唔繼承到日版遊戲Save呢?官方未有公佈,不過你同我講承繼唔到,我就唔多信喇,所以放心煲啦!

Read more ›
新片速報 《Killer is Dead》可愛3人組再出場 特典公開多條女
by / on 11/05/2013 at 12:09 pm

新片速報 《Killer is Dead》可愛3人組再出場 特典公開多條女

角川Games X Grasshopper喺8月會推出PS3/Xbox360版動作《Killer is Dead》遊戲,今集再以索女做賣點,主角仲有透視眼鏡可以睇到女角們嘅內在美……上兩個星期,官方推出咗真人介紹影片,搵嚟水谷望愛扮護士服女角Scarlett,Jessica Nigri就超Deep V到落肚臍扮Vivienne Squall,仲有「渚」扮嘅Mika Takekawa,真係睇女都夠開心。而呢個KID TV就嚟到新一集,可愛3人組(佢哋係咁叫自己)又出場,今次仲有須田剛一到場講吓防禦、回避、超必及合作技、攻擊系統成長等資料,仲有特典公佈,就係多一個靚女角色「東歐之美女」。

Read more ›
新片速報 《The Last of Us》電視廣告火速睇
by / on 11/05/2013 at 11:32 am

新片速報 《The Last of Us》電視廣告火速睇

Naughty Dog製作嘅PS3《The Last of Us》6月12日正式推出,之前隨《God of War》送嘅試玩版就要到月尾先有得玩,唯有繼續睇片止渴啦。呢條係電視廣告片,新場景新畫面就冇乜,旁白就係好似唔係好開心嘅Ellie妹妹。

Read more ›

官方影片 AKB48柏木由紀 白色液體放入口
by / on 11/05/2013 at 11:19 am

官方影片 AKB48柏木由紀 白色液體放入口

星期六,睇完呢條片我精神咗好多喇。如果你純過水,會覺得呢條片好無聊,呢位AKB48嘅柏木由紀(Yuki Kashiwagi)做咩喺雪櫃攞嚿山藥出嚟磨成泥狀,之後慢慢逐啖食,拍條片post出嚟呢?飲食節目?紳士們,可能睇呢條片會有男一番體會,柏木慢慢將稠稠嘅白色液體放入口,仲lun住一絲一絲嘅山藥,之後Close up佢軟潤水嫩嘅嘴唇……日本網友睇到嘅反應有:「呢條係官方片?唔係啩……」「呢個方法好討厭呀!LOL」「我會Save起佢。」「柏木佢未見過山藥?唔知呢啲似咩?」「噢!很可憐呀!」

Read more ›
超型房燈 搣開牆紙 隔籬屋發光
by / on 11/05/2013 at 10:57 am

超型房燈 搣開牆紙 隔籬屋發光

呢啲咪設計囉!呢盞由日本YOY設計嘅房燈,係一盞裝喺牆角嘅燈,留意佢喺牆與牆之間拖咗條好幼嘅電線,而佢就因為用咗OLED發光,所以可以做到紙咁薄,營造係搣開牆紙見到隔籬屋發光嘅效果。可惜嘅係呢盞叫PEEL嘅燈到o依家都仲未量產,有錢都買唔到,咦唔係喎!淘寶會唔會有呀?

Read more ›
日本母親節呈獻 小朋友畫作7-11玩貼堂
by / on 10/05/2013 at 8:30 pm

日本母親節呈獻 小朋友畫作7-11玩貼堂

唔好話我唔提你,你有得咁開心打機睇動漫買玩具,都係因為你阿媽生你出嚟養到你咁大仲俾零用錢你駛先有今日。唔係你識初音?有得睇《進擊之巨人》?有得拎住部3DS、PS Vita晚晚打PS3?咁星期日就母親節喇,打少日機陪阿媽飲茶食飯啦衰仔。或者,你可以試吓好似日本啲大/小朋友咁,畫幅畫,便利店、超市仲有位俾你貼出嚟露兩手。你睇,有啲畫得幾靚,有啲真係畫得好醜!同埋小朋友真係好純真,佢覺得媽咪喺佢心目中好大隻好威猛,有啲就覺得媽咪好似綾波麗咁……冷漠?

Read more ›
創意網站 貓貓砌字任你玩
by / on 10/05/2013 at 7:30 pm

創意網站 貓貓砌字任你玩

係咪貓奴?我唔係,但見到啲貓又懶又識嘆都覺得好可愛。咁如果你女朋友見到喵會高8度嘩好得意呀,咁你就一定要識呢個網站,砌幾隻字send俾佢,叫佢今晚唔瞓佢都肯呀!呢個網站可以幫你用啲貓貓砌成唔同嘅英文字(中文唔得,我試過。),只要簡單輸入字母,click個掣就得喇,仲可以揀大中細添!母親節啱駛喎!

Read more ›