最新資訊

斬件重組 PS4主機預想圖
by / on 21/05/2013 at 12:34 pm

斬件重組 PS4主機預想圖

PS4出咗條E3預告片,已經係噚晚嘅事,當然唔係o依家先叫你睇,不過仲未睇嘅都可以入嚟回帶。片中出現咗主機唔同部份,咁外國就有機迷將佢重製整咗張預想圖,咁睇嚟像真度應該幾高,同到時實機現身時個樣可能差唔多!率先快睇,你覺得呢部主機靚唔靚?襯唔襯你屋企個影音櫃?

Read more ›

呢件垃圾作品,大家千祈咪買呀。
by / on 21/05/2013 at 12:34 pm

幫手推!咪幫襯壽星仔垃圾作品!

訪問過上官小強前輩,感覺佢為人正直善良、幽默風趣、肯提攜後輩,所以呢條News擺明為佢老人家抱不平,事緣有人未經佢同意私自製作疑似壽星仔Figure,仲掟上面書兜售,呢亭人渣,一定要聲討。

Read more ›
帶Hello Kitty返屋企,一啲都唔容易。
by / on 21/05/2013 at 12:00 pm

免費手機新Game:帶Hello Kitty返屋企

「Chocolate mania hello kitty edition 2」色彩鮮艷,畫面萌到爆燈,Kitty迷千其唔好錯過,呢個遊戲都有一定難度架,要過關,除咗要有腦,仲要有少少運氣輔助。

Read more ›
新片速報 《魔裝機神III Pride of Justice》第1彈CM
by / on 21/05/2013 at 11:59 am

新片速報 《魔裝機神III Pride of Justice》第1彈CM

呢隻PS3/PS Vita機戰OG系新作《魔裝機神III Pride of Justice》,之前已經出咗第1彈PV,不過低清,而今日就有高清1080片,氣勢都唔同晒,入嚟有得睇。另外官方亦都同日發佈咗第1段廣告片,遊戲8月22日推出,安藤正樹(マサキ・アンドー(緑川光))同風之魔裝機神真係好有型!

Read more ›
新片速報 《The Last of Us》製作特輯第3回(中文字幕版) + 今晚送禮預告
by / on 21/05/2013 at 11:47 am

新片速報 《The Last of Us》製作特輯第3回(中文字幕版) + 今晚送禮預告

今集叫「Death and Choices」,就係講要攻擊定鬼鬼鼠鼠避開佢哋。不過遊戲內有啲位係避無可避,所以就有大量武器等住你,而且唔同武器可以融合同升級,另外亦可以喺敵人身上搵到武器。另外預告一下,噚日香港《The Last of Us》試玩會送俾傳媒嘅精品電筒同充電器的確勁靚,適逢我哋GameoverHK一周年送大禮計劃準備始動,所以已經留咗幾份送比讀者,留意今晚出試玩會影片嘅報導就有機會得到,香港獨有!有錢都買唔到呀!

Read more ›
新片速報《Biohazard Revelations》Launch Trailer + 開機前劇情回顧
by / on 21/05/2013 at 11:29 am

新片速報《Biohazard Revelations》Launch Trailer + 開機前劇情回顧

呢隻高清版PS3/Xbox360/PC/Wii U高清化作品《Biohazard Revelations Unveiled Edition(Resident Evil Revelations)》,5月23日出,應該都快到貨喇,有冇偷跑就留意我哋報導啦。試玩過之後基本上我都會買嚟玩,而官方都推出咗發售預告片,提一提呢集遊戲故事係發生喺第4至5集之間,劇情係講阿Jill上郵輪搵Chris。

Read more ›

結局到臨!?《Resident Evil 7》E3宣傳海報流出!
by / on 21/05/2013 at 11:02 am

結局到臨!?《Resident Evil 7》E3宣傳海報流出!

講明流出,所以未知堅定流,不過有圖就即管睇吓先。噚晚網上流傳呢3張海報,好簡單寫到明《Resident Evil 7》即係《Biohazard 7》,其實出就預咗佢出,不過見到海報都想知佢今集仲可以玩咩。一句:「The War Ends Now.」係咪預告結局?網民都係覺得佢又出又出又未完,我就覺得好玩就冇問題,出到19幾集又何妨?其實講開又講,不如出鬼武者新一集啦。

Read more ›
迷你冬甩爐    90秒快泵30粒
by / on 21/05/2013 at 8:57 am

迷你冬甩爐 90秒快泵30粒

唔好笑我孤陋寡聞,多士爐見得多,冬甩爐都係第一次見。我有個朋友好鐘意食冬甩,之前apm間冬甩店執笠佢傷心咗好耐,所以我諗住叫佢買呢部Mini Donut Factory,90秒就可以製作出30個迷你冬甩,仲可以自己加朱古力、糖漿、果仁、糖碎做topping,不過咁搞法佢嘅減肥大計一定泡湯。

Read more ›
掟彎前打燈   單車專用燈
by / on 21/05/2013 at 8:34 am

掟彎前打燈 單車專用燈

利申唔係單車友,但一睇見呢個單車專用掟彎燈都想介紹比鐘意踩單車嘅朋友。同揸真車一樣,掟彎前打個signal,做個有責任感嘅道路使用者就係咁簡單。而且用法簡單,可以喺手把上裝上一粒掣,按一按就打倒燈,方便。最近成日失驚無神黃色暴雨,呢盏燈可以保證行車安全,確保附近嘅行人或者汽車都睇得見你,amazon有得賣,港幣$500有找。

Read more ›
終於買得起   《回到未來》DeLorean外置Hard Disk
by / on 21/05/2013 at 7:47 am

終於買得起 《回到未來》DeLorean外置Hard Disk

電影《回到未來》架穿越時空戰車DeLorean型足幾十年,想買架代步發夢都無咁早,不過細細哋買呢個1:18嘅500GB外置Hard Disk我可能夠錢。由外國Flash Rod公司製作,雖然貴咗少少,盛惠美金$250,但起碼叫做比得起,而且放喺電腦枱隔籬當模型擺都唔錯,仲唔容易比人發現,收埋咩都無人知啦!

Read more ›
型仔蝙蝠鬚   有無PS過?
by / on 21/05/2013 at 7:40 am

型仔蝙蝠鬚 有無PS過?

有無人可以話我知呢張相有無PS過?喺外國網Reddit見倒,雖然本人唔係特別鐘意蝙蝠俠,不過呢撮蝙蝠鬚真係好有型,而且難得在打理得好整齊,濃淡得宜,我相信真人應該好多鬚先可以剪到咁濃密嘅效果。補充一句,佢對眼都幾情深,加分,嘻。

Read more ›

新片速報 PS4「E3」預告影片 主機斬件現真身
by / on 21/05/2013 at 12:09 am

新片速報 PS4「E3」預告影片 主機斬件現真身

上次主機發佈會變咗手掣發佈會,一般機迷好失望,激進啲好似我咁直情想爆粗。嚟緊E3 Sony應該唔敢再玩嘢,因為喺Xbox新機發佈前夕,佢就失驚無神出咗條預告影像,而預告片中有一部Out focus嘅主機,之後就閃現主機唔同部份嘅近鏡……咦?睇部機好似四四方方咁,當中仲有好多散熱口,仲有個4字,仲有啲唔知咩掣……

Read more ›
新片速報 《Batman: Arkham Origins》5分鐘預告 靚過做戲
by / on 20/05/2013 at 10:01 pm

新片速報 《Batman: Arkham Origins》5分鐘預告 靚過做戲

  自從2009年《Batman: Arkham Asylum》同2011年《Batman: Arkham City》之後,口碑超強嘅Warner Bros. Interactive Entertainment蝙蝠俠系列作已經成為機迷矚目之作。最新就有呢集《Batman: Arkham Origins》喺10月25日推出,上星期嚟咗一條短嘅,今日就發佈一條長接近5分鐘嘅預告片,片中見到蝙蝠俠今集嘅敵人,動作場面真嘅一樣!遊戲會有PS3/Xbox360/PC/Wii U版之外,仲會有埋3DS同PS Vita版本。

Read more ›
人類總要犯錯系列 求PS大神改圖圖輯
by / on 20/05/2013 at 7:36 pm

人類總要犯錯系列 求PS大神改圖圖輯

其實呢類上網求PS高手改圖嘅案例,我諗大多涉及借刀,不過睇完啲人嘅要求再睇睇改咗出嚟嘅圖,真係喺公司都嘻一聲笑出嚟。以呢張相為例,上半部嗰位先生就希望有人幫佢改到滿身肌肉;而下半部的人就希望改得自己突出一點……其實,佢哋嘅願望都已經成真。

Read more ›
日本Lotteria拉麵漢堡 惡搞還原拉麵 加底再加大
by / on 20/05/2013 at 6:51 pm

日本Lotteria拉麵漢堡 惡搞還原拉麵 加底再加大

之前都報導過,日本Lotteria同「麵屋武藏」合作推出咗呢個拉麵漢堡,咁早兩日就正式推出喇。日本有傳媒就買咗個返去試,但佢唔係就咁食咁簡單,佢先嚟一個加大碼,即係大家都記得日本個9層漢堡啦,佢就加多幾個麵入去,變成Mega拉麵漢堡,仲食晒;之後佢又將另一個漢堡拆散,將麵同肉還原變番做個拉麵……

Read more ›