最新資訊

做零食潮人 木製森永大嘴鳥木盒
by / on 03/12/2012 at 3:38 pm

做零食潮人 木製森永大嘴鳥木盒

我唔係,但我明,作為潮人,應該全身上下都要型,除咗基本衫褲鞋,電話殼要名牌,卡片套要潮牌,鎖匙扣、散紙包……仲有咩?日本人真係好嘢,呢間Sweet D Life係廣島專做木製產品嘅品牌,最新推出就係呢個木製嘅—森永大嘴鳥木盒!咩料?即係喺零食部你買到一盒有隻雀喺度嘅森永朱古力波,你可以將佢放入呢個55mm×100mm×25mm、重30g、賣3,990円嘅盒度,得慳啪一粒,型。

Read more ›

圍堵陣,呢關係好難過。
by / on 03/12/2012 at 2:00 pm

免費手機新Game:神風敢死雞

「Chicken Invaders 4 Christmas Edition」好好玩,同樣係打飛機遊戲,但畫面變化多,好富挑戰性,又係o個句,硬係過唔到關唔捨得收手o個隻。

Read more ›
3/7日發售《Soul Sacrifice》同梱主機公開 打孖買有特價
by / on 03/12/2012 at 12:58 pm

3/7日發售《Soul Sacrifice》同梱主機公開 打孖買有特價

日本《Fami通》消息,由曾製作《鬼武者》、《Lost Planet》嘅稻船敬二comcept企劃,Marvelous AQL開發嘅PS Vita動作遊戲《Soul Sacrifice》,可以四人連線合作,好多玩家都話似《Monster Hunter》魔法版,之前定咗春季推出,啱啱就有確實日期,就係3月7日!另外同日亦發佈咗遊戲嘅同梱版主機,賣29,980円,紅色主機背後有圖案,幾靚仔之餘,仲有超豪華皮套等配件,未買機絕對值得考慮!仲有樣特別嘢,就係隻game主打4人合作,所以將會推出打孖買game「共闘」套裝,兩隻一set賣7,980円(原價5,980円一隻),限量發售,香港唔知有冇咁著數?

Read more ›
新片速報 超像真立體畫 一星期1,300萬Views
by / on 03/12/2012 at 12:28 pm

新片速報 超像真立體畫 一星期1,300萬Views

  唔好相信眼前嘅事物!你睇吓幅相,個扭計骰同你講唔係真嘅你都唔信啦!仲有卷膠紙,假嘅話我吞咗佢!但事實,你睇過條片就知,的的確確係一張立體畫!片段中用人手轉動張紙,冇花冇假,到最後,仲有一隻Converse,仲有一隻貓!嘩!好恐怖!放咗喺Youtube一個星期就有過1,300萬個views,唔知破唔破到PSY紀錄呢?

Read more ›
新片速報 踩車變騎馬 神奇馬蹄發聲器
by / on 03/12/2012 at 12:11 pm

新片速報 踩車變騎馬 神奇馬蹄發聲器

你踩單車嗰陣,會唔會幻想自己騎住隻駿馬,喺一望無際嘅原野上面馳騁?o依家有辦法,至少聲音方面有辦法。呢個名為「Trotify」嘅新發明,用簡單裝置加兩個椰子殼,就可以一邊踩車一邊發出咯咯聲馬蹄聲……由o依家開始,仲有17日集資,已賣出427個,夠1000個就會投產,賣$19.99歐元。入面有片教埋你砌,聞西,快訂!

Read more ›
小心雲層,敵機分分鐘o係雲層出現,殺你一個措手不及。
by / on 03/12/2012 at 12:00 pm

免費手機新Game:古惑的飛機

下載免費手機Game咁耐,都未見過水蛇春咁長o既遊戲名,「1940 Veterans Aircraft Fighters of World War II Retro HD」係隻傳統縱向捲軸式打飛機Game,唔難玩,但好古惑,一唔小心就俾人炸到飛天。

Read more ›

免費手機Game 曳仔敲門即閃
by / on 03/12/2012 at 11:32 am

免費手機Game 曳仔敲門即閃

喺香港可能冇咁興,不過曳仔都可能玩過,就係敲人哋度門之後就閃走,等人哋開門又見唔到人,煩死佢。可能日本呢個情況都幾嚴重,嚴重到要出隻《Knock And Run》遊戲,等啲曳仔過吓手癮,戒甩喺現實中搞搞震。係,呢隻遊戲就係咁無聊,要你去人哋門口敲門之後閃走,你仲可以睇到開門啲人有幾嬲,免費嘅。

Read more ›
德國又禁《Dead Island:Riptide》製作人:「《GOW3》又得?」
by / on 03/12/2012 at 11:17 am

德國又禁《Dead Island:Riptide》製作人:「《GOW3》又得?」

原來,德國對暴力遊戲嘅監管都幾嚴,繼第一集之後,《Dead Island:Riptide》再一次被德國當局禁止售賣。點解呢?喪屍咋喎?原來只要遊戲中出現對人型物體使用過份向腥暴力,就入唔到德國!但係,最搞笑係《Dead Island:Riptide》呢隻遊戲仲有部份係喺德國製作嘅,難怪製作人Sebastian Reichert話:「自己整咗隻咁成功嘅遊戲,但喺自己國家竟然冇得賣,啲friend都未玩過,感覺真係好迷離!」

Read more ›
用PS2手掣玩Wii U 轉換器出機日登場
by / on 03/12/2012 at 10:53 am

用PS2手掣玩Wii U 轉換器出機日登場

即係咁,Wii U係可以玩番Wii嘅舊遊戲,但新嗰個Pro controller就唔支援舊遊戲嘅,咁點算?用Wii個Classic Controller囉,係,但就冇PS2 DualShock嘅雙Analog咁就手。所以,日本方面就已經有周邊產品廠商推出嘅轉換器,可以連接PS2手掣落Wii U度玩遊戲,仲有連射功能添。同日版機同日12月8日推出,1,980円。咦?點解成件事好Lo tech咁嘅?

Read more ›
《人中之龍 5》桐生一馬劇情曝光 新人物登場
by / on 03/12/2012 at 10:36 am

《人中之龍 5》桐生一馬劇情曝光 新人物登場

又係佢,冇計啦,Fami通攞完滿分,更加令人期待!12月6日正式推出,呢兩日隨時偷跑嘅PS3《人中之龍 5(龍が如く5 夢、叶えし者)》又有新圖新情報。今次就講咗桐生一馬初段嘅故事,由另一個幫會山笠組大佬失踪開始,而各黑道中人就懷疑事件同桐生一馬有關。另外亦有新角色山笠組嘅八幡(CV:浜田賢二)初登場,加上伊達真(CV:山路和弘)、サイの花屋(CV:藤原喜明)同ママ(CV:園崎未恵)等知情者現身,仲有,唔少得福岡永洲街場景,極度真實!打機好似去咗日本一樣!

Read more ›
新片速報 台場高達聖誕亮燈實況
by / on 03/12/2012 at 10:12 am

新片速報 台場高達聖誕亮燈實況

嘩,讀書嘅唔駛講嘢,今個月考完試放長假,唔打機都唔知做咩好!返工嘅都唔錯,又有冬至,又有聖誕假紅日,都係歡樂天地!有冇計劃去日本旅行,如果有,你一定要俾女友睇吓呢條片,去台場潮聖睇高達唔悶o架。呢條係日本網友拍攝台場1比1高達聖誕燈飾亮燈當日嘅情況,加晒快鏡咁,又燈飾又音樂又投射影片,去啦去啦!如果諗住留喺香港,更加要睇吓呢條片,輕輕感受吓,好過冇!

Read more ›

《人中之龍 5》日本Fami通第20隻俾滿分遊戲
by / on 02/12/2012 at 6:03 pm

《人中之龍 5》日本Fami通第20隻俾滿分遊戲

12月6日就推出嘅PS3《人中之龍 5》,試玩過未?係幾好玩,但係咪真係咁好玩?日本雜誌《Fami通》就俾咗呢隻遊戲40分滿分!40分滿分有幾勁?雖然近年《Fami通》嘅滿分公信力已經有少少被受質疑,但歷來都係只得19隻遊戲攞到滿分,《人中之龍 5》就係第20隻!咁近年仲有咩滿分呢?《FF XIII-2》、《薩爾達傳說 天空之劍》、《新光神話》、《上古卷軸 5》等等,自己諗,而且,我諗唔識日文,唔知要扣幾多分呢?另外參考吓,《電擊PS》都俾人龍5 95/95/100/90分。

Read more ›
PS3新手掣曝光 玩埋Move左右分體
by / on 02/12/2012 at 5:46 pm

PS3新手掣曝光 玩埋Move左右分體

PS4就仲未有聲氣,不過10年再10年嘅Playstation就啱啱為呢個手掣申請咗專利,仲有幾張圖流咗出嚟。咩料呢?玩分體,即係好地地一個六軸手掣可以中間分開,一隻手攞一邊之餘,仲可以加埋Move個發光波波喺度,即可以當埋Move咁用……我諗唔到有咩好玩,咁同我拎兩支Move玩又有咩分別?

Read more ›
新片速報 西人大太監 超人閹超狗
by / on 02/12/2012 at 5:40 pm

新片速報 西人大太監 超人閹超狗

唔知係咪美國都睇到《大太監》,Robot Chicken啱啱拍咗段玩具片,名為「Horn Dog」,係喇,主題就係同香港電視成日賣廣告叫啲主人幫寵物絕育一樣,講閹狗。不過佢要閹嗰隻唔係一般嘅狗,係超狗。咁作為超狗,一般獸醫都搞佢唔掂,咁到底超人最後點樣做呢?大家記得睇到尾,結果真係非常之咁悲壯!

Read more ›
《魂斗羅》重製版下月推出 登陸iOS/Android平台
by / on 02/12/2012 at 2:54 pm

《魂斗羅》重製版下月推出 登陸iOS/Android平台

我真係好懷念簡簡單單嘅橫向動作遊戲,更加懷念上上下下左右左右BA。Konami宣佈下個月將會推出1987製作嘅《魂斗羅》!我知道,好多人都已經喺手機玩緊喇嘛,不過話晒官方,睇圖畫面都應該精細咗啲,而且仲傳聞會推出Wii U下載版添。  

Read more ›