最新資訊

火機鉛筆刨 整蠱人一流
by / on 26/12/2012 at 1:47 pm

火機鉛筆刨 整蠱人一流

想知一個人有無食煙,睇佢褲袋有無袋住個打火機就知,除非佢咁無聊,買咗以下呢款火機鉛筆刨。有橙、藍、透明三隻色,只係賣美金$5.5,設計者堅係無聊。不過用嚟整蠱人一流,唔食煙嘅,朋友生日周圍搵火機點蠟燭時可以拎出嚟,搭飛機過關又可以拎出嚟,諗起都開心呀!

Read more ›

又係手機遊戲 《AKB48之野望》下年登場
by / on 26/12/2012 at 1:24 pm

又係手機遊戲 《AKB48之野望》下年登場

唉,《AKB1/149 戀愛總選舉》玩成點?日本Koei Tecmo又宣佈推出「GREE」手機社群遊戲,呢隻野望系列《AKB48之野望》會喺2013年推出,SLG玩法,日本事前登錄受付已經開始,香港嘅AKB48迷,又係得個睇字……其實計我話,Koei Tecmo不如考慮吓推出《AKB48無雙》啦,我實買!

Read more ›
全透明喇叭 潮人必備
by / on 26/12/2012 at 1:24 pm

全透明喇叭 潮人必備

點解要買個全透明嘅喇叭?型囉!除咗型,其實都有實際用途,就係佢可以同你屋企任何傢俬、牆紙、擺設都襯到絕。例如你屋企嘅花碌碌牆紙,或者你牆上面張超巨型高達poster。呢款透明喇叭由瑞典公司People People設計,有6.5吋subwoofer同3吋driver,仲可以用藍牙或者Wi-Fi無線接駁,駁手機Kkbox聽歌無難度。

Read more ›
任天堂鎖不完 Wii U Gamepad照鎖區
by / on 26/12/2012 at 1:12 pm

任天堂鎖不完 Wii U Gamepad照鎖區

任天堂新主機繼續鎖,美版玩唔到日版遊戲,日版機又冇得睇英文,搞到玩家都唔知買邊個版好。咁配件呢?有外國傳媒就啱啱測試過,原來連Gamepad都有分區,即係日版Gamepad唔可以用喺美版機度……問題就嚟喇,因為美版機暫時未有獨立Gamepad買,所以歐美玩家暫時就未可以用到兩個Gamepad玩遊戲(雖然暫時未有遊戲支援),即係,就算你有齊日美版兩部機,都要忍清楚兩部Gamepad,點解要咁做呢?

Read more ›
新片速報 紙皮版《Iron Man 3》惡搞預告片
by / on 26/12/2012 at 1:06 pm

新片速報 紙皮版《Iron Man 3》惡搞預告片

睇完之前條Trailer(入嚟有回帶),更加期待今年5月上映嘅《Iron Man 3》。呢班外國玩嘢王,之前都已經玩過簡陋版復仇者聯盟,今次就輪到《Iron Man 3》嘅最新預告片,最搞笑係臨尾Iron Man個標誌,心口盞燈要手動開關……

Read more ›
無線鏡頭識轉彎 連接電話捐窿捐罅
by / on 26/12/2012 at 12:24 pm

無線鏡頭識轉彎 連接電話捐窿捐罅

  有冇試過跌咗嘢喺伸唔到手入去又唔夠光嘅地方?有冇試過想睇吓假天花上面有咩又唔想擔梯?或者唔想爬低就又跌咗嘢入櫃底?都冇?未試過?唔緊要,當玩具玩都幾過癮!呢個可以識轉彎嘅鏡頭,可以伸入平時睇唔到捐唔入嘅地方,識著燈之餘,仲可以即時用Wi-Fi連接超過一部智能手機或Tablet,不過唔平,2萬9800円。

Read more ›

每日記1秒 iPhone影像日記「1 Second Everyday App」
by / on 26/12/2012 at 11:56 am

每日記1秒 iPhone影像日記「1 Second Everyday App」

唔好話前幾個月,我問你上星期四你做過咩你都未必記得。雖然人生實在好多嘢係應該記低回味,但寫日記太煩悶,影相又唔夠生動,下下拍片又唔夠容量,咁,呢個「1 Second Everyday App」就幫到你。每日可以拍低1秒影片,放喺應用程式個月曆度,每1年都係365秒,即係6分鐘多少少,你就可以回顧年度重點。入面有片示範,真係唔錯。

Read more ›
新片打孖 PS Vita《Phantasy Star Online 2》OP公開
by / on 26/12/2012 at 11:28 am

新片打孖 PS Vita《Phantasy Star Online 2》OP公開

可以同電腦版互動,將會喺下年2月28日推出嘅PS Vita連線遊戲《Phantasy Star Online 2》,今日就發佈咗兩段遊戲片。第一條係遊戲OP,做得好靚,唔玩都可以䏲吓;第二條就介紹遊戲系統,今次Sony嘅多樂貓同黑樂貓都會參戰,好可愛呀!

Read more ›
新片速報《Tales of Hearts R》第2彈宣傳片 連攜激鬥
by / on 25/12/2012 at 6:53 pm

新片速報《Tales of Hearts R》第2彈宣傳片 連攜激鬥

首先提提你,如果你部PS Vita用日本PSN戶口,咁今日就可以下載《Tales of Hearts R》嘅免費體驗版喇!呢隻由Namco Bandai喺3月7日推出嘅人氣RPG系列最新作,官方亦喺今日發佈咗第2彈宣傳片,今次見到大量戰鬥場面,仲有連攜攻擊嘅片段,喺PS Vita縮番細睇應該都幾華麗。

Read more ›
獵奇新片 B掣識跳 驚青喵學Mario大叔
by / on 25/12/2012 at 6:12 pm

獵奇新片 B掣識跳 驚青喵學Mario大叔

呢段嚟自俄羅斯嘅短片叫「Cat Scared of Mario Jump」,簡單嚟講,你玩孖寶Mario時,只要按一下跳掣,雙貓就識得跟住瑪利奧大叔跳跳跳。係咩原理呢?原理就係隻貓好驚青,特別驚Mario跳起嗰吓聲效,次次聽到仲快過Mario大叔彈起。雖然嚇隻喵唔係咁好,但真係好搞笑,亦都證明咗,貓嘅反應係快過Mario嘅。

Read more ›
新片三連發 《Monster Hunter 4》日本藝人實機試玩
by / on 25/12/2012 at 5:07 pm

新片三連發 《Monster Hunter 4》日本藝人實機試玩

Capcom出喺3DS隻《Monster Hunter 4》延期到夏季推出,機迷真係心都o翕埋,咁點好呢?睇住片先囉!官方仲要一連出3段實機試玩片嚟引你哋添!佢哋搵嚟出名係芒亨狂迷嘅日本搞笑藝人次長課長‧井上聰同製作人辻本良三齊齊試玩,阿井上先生有得跳又叫一餐,擒上龍背又嗌一餐,睇到我都好緊張!

Read more ›

新片速報 美軍機械人 參考日本網上萌物Homoo?
by / on 25/12/2012 at 5:01 pm

新片速報 美軍機械人 參考日本網上萌物Homoo?

呢隻真係美國Robotic Firm Boston Dynamic同美國國防部]高級研究計畫局(DARPA)開發嘅LS3 (Legged Squad Support System)。佢識行識走識跟住人識爬山識執行任務,本來好高科技好有型。但係,日本網民就話佢好似日本網上由顏文字『┌(┌^o^)┐ホモォ』生出嚟嘅萌物Homoo……

Read more ›
新片速報 全「尾」大戰《Naruto疾風傳:Ultimate Ninja Storm 3》第4彈PV
by / on 25/12/2012 at 4:37 pm

新片速報 全「尾」大戰《Naruto疾風傳:Ultimate Ninja Storm 3》第4彈PV

Namco Bandai推出、CyberConnect2開發嘅PS3/Xbox360動作遊戲《Naruto疾風傳:Ultimate Ninja Storm 3(NARUTO-ナルト- 疾風伝 ナルティメットストーム3)》,2013年3月推出,繼宣佈人柱力全員參戰之後,今次呢條PV就即時有晒咁多條尾現身,全線超必型到爆!今次遊戲故事會包括第四次忍界大戰,仲有忍刀七人眾出場。

Read more ›
新片速報 日本岩手 暖笠笠炬燵列車復活
by / on 25/12/2012 at 3:49 pm

新片速報 日本岩手 暖笠笠炬燵列車復活

嘩!呢兩日真係好鬼凍!雖然唔及日本凍,但我都好想要張「炬燵」(Kotatsu)取吓暖!炬燵?咩嚟?即係你睇動畫同日劇成日見到日本人會幫張枱冚被,枱下面有個暖爐,就係炬燵喇。行駛岩手沿岸嘅三陸鉄道,由2005年開始每逢冬天都有炬燵列車行駛,車卡內全部都係咁設計,再沿途睇埋出面雪景真係好鬼溫暖!不過上年因為地震關係而取消咗……今年復活喇!由即日至3月31日,每逢周末同假日(1/1 – 1/6每日)都會有一班炬燵列車!2,100円來回雙程兩粒鐘,仲有豐富嘅便當賣,觀光爽呀!

Read more ›
浮誇無極限  龍蝦iPhone殼
by / on 25/12/2012 at 3:48 pm

浮誇無極限 龍蝦iPhone殼

邊個話iPhone殼一定要又薄又輕?墨爾本設計師Noddy Boffin向Dali大師當年嘅龍蝦電話致敬,設計咗呢款龍蝦iPhone殼,特色係會阻住你個影相位、令你尷尬、放唔倒入褲袋手袋、唔啱手型、唔食得落肚,功能多不勝數,所以佢仲未正式量產。不過其實我好欣賞佢嘅浮誇,你貪快貪新鮮第一日就貴價買部iPhone5返嚟用,無非都係想人望多兩眼唧!係咪?

Read more ›