最新資訊

12月免費更新 《Biohazard 6》No Hope難度 鏡頭有得Zoom
by / on 25/10/2012 at 10:13 am

12月免費更新 《Biohazard 6》No Hope難度 鏡頭有得Zoom

都玩得七七八八啦,係時候玩第二集game喇。當你收埋呢隻《Biohazard 6/Resident Evil 6》嘅時候,千祈唔好收得咁埋,因為12月又有新嘢玩,而且仲係免費。Capcom之前被踢爆碟內有DLC,今次就好乖咁宣佈有免費更新,包括Ada Wong嘅Co-op模式,同埋比Professional更恐佈嘅No Hope最高難度。最後,好多玩家都話今次個鏡頭都係麻麻,今次更新之後就可以Zoom前Zoom後,等大家可以睇得遠啲,殺多啲喪屍。

Read more ›

今日到貨 PS Vita《街霸 X 鐵拳》$288 / Z.O.E.HD Edition $360
by / on 24/10/2012 at 6:18 pm

今日到貨 PS Vita《街霸 X 鐵拳》$288 / Z.O.E.HD Edition $360

想第一時間試玩《Metal Gear Rising Revengeance》?咁就唯有買今日到貨、都係出自小島秀夫手筆嗰隻《Zone of the Enders HD Edition》合集,PS3日版已經到貨,賣$360,行版就英文嘅,要遲一兩日先到,不過相熟舖頭老細就話應該做到2字頭!另一隻係《街霸 X 鐵拳》,終於可以摷番部PS Vita出嚟,行貨遊戲仲送特典CD同Figure(之前PS3製作人嗰隻),最吸引係個價錢,$288,平過建議售價$10蚊,玩Near隨街挑機同個AR功能都OK。

Read more ›
秋葉原電影宣傳 生化喪屍食薯條
by / on 24/10/2012 at 5:26 pm

秋葉原電影宣傳 生化喪屍食薯條

可能你已經從唔同嘅途徑睇咗呢套生化危機CG電影《Biohazard: Damnation》,但日本10月27日先喺戲院上映。日本電影嘅宣傳一向玩嘢,之前就有貞子遊街,今次就輪到生化危機入面最煩嗰隻T-103 Tyrants。一次過三隻草蜢咁款喺秋葉原街頭出現,食吓麥記搭吓JR雨中慢步咁,遊客咁,好有意境。

Read more ›
12/13上映 《哈比人:不思議之旅》香港預告片
by / on 24/10/2012 at 4:22 pm

12/13上映 《哈比人:不思議之旅》香港預告片

《魔戒》你睇咗幾多次?三集夾夾埋埋我睇咗超過10次。有啲戲係一定要第一日入場睇嘅,我就覺得呢套係其中一套,《哈比人:不思議之旅(The Hobbit An Unexpected Journey)》外國出咗電視預告,香港官方都發佈咗兩分幾鐘預告片,有甘道夫有咕嚕有字幕。

Read more ›
新片速報 《Halo 4》限定主機/遊戲 開箱片
by / on 24/10/2012 at 3:36 pm

新片速報 《Halo 4》限定主機/遊戲 開箱片

  開箱咋,冇開機呀,所以呢段片係冇遊戲畫面睇到嘅。咁睇到啲咩?外國網站Kotaku就已經收到遊戲主機同限量版遊戲,開箱,有兩隻碟、設定集。至於320GB遊戲主機,透明殼識著藍燈,真係好鬼cool!如果我o依家仲想買Xbox360,我一定買呢部……

Read more ›
新片速報 真人版《刺客教條》5分鐘殺人爬樹打筋斗
by / on 24/10/2012 at 2:58 pm

新片速報 真人版《刺客教條》5分鐘殺人爬樹打筋斗

Ubisoft同電影公司New Regency早兩日宣佈話《刺客教條》會開拍真人版電影,男主角由Michael Fassbender做,即係《變種特攻:異能第一戰》做後生磁力王嗰個。呢套嘢就唔知等到幾時先有得睇,不過好快就有外國製作單位Corridor Digital製作咗一條5分鐘真人片,動作場面好得,男主角食過夜粥,又爬樹又打筋斗,裝扮都跟到足,絕對值得一睇!

Read more ›

新片速報《Halo 4》官方實機片段
by / on 24/10/2012 at 1:06 pm

新片速報《Halo 4》官方實機片段

Xbox360隻《Halo 4》11月6日就出,官方繼大衛芬查監製嗰條「Scanned」之後,又發放咗一條gameplay嘅Launch Trailer,今次睇到實機演示嘅畫面,戰鬥場面睇真啲之外,亦有Cortana現身,到時我訂定Pizza等你呀!

Read more ›
2月推出 《Silent Hill》俏護士實體化
by / on 24/10/2012 at 11:45 am

2月推出 《Silent Hill》俏護士實體化

《Silent Hill: Revelations 3D》上映啦,睇過預告都知驚,我就一定唔會入場睇。之前報導過預告片嗰陣,有埋張海報,就係呢個Silent Hill名物俏護士,嗰陣仲有讀書讚佢身材幾好……咁就啱喇,因為嚟緊下年2月日本就會推出呢隻護士Figure,造型師係Gecco,賣9,800円,最抵死係個地台,係可以連埋好多隻,但係,其實到底有冇人想買嚟擺喺房?仲要幾隻?

Read more ›
新片速報《刺客教條3》PS3獨佔內容公開(中文字幕)
by / on 24/10/2012 at 11:28 am

新片速報《刺客教條3》PS3獨佔內容公開(中文字幕)

10月31日行貨推出,中文版就下個月22日推出,買唔買等唔等都好,今次真係買PS3版有著數。一來可以同PS Vita版連動,二來已經講明有獨佔內容,今次呢條片就係介紹當中嘅Benedict Arnold任務。Benedict Arnold係乜水?係一個打算投靠英國嘅美國將軍,阿George Washington就要Connor去West Point刺殺佢。現實中Arnold係成功變節成英軍,最後死於倫敦,玩家就要改變呢個歷史!另外同時亦有兩段中文字幕影片發佈,慢慢睇!

Read more ›
Sell靚芒 恐怖客Lift
by / on 24/10/2012 at 10:44 am

Sell靚芒 恐怖客Lift

  Sell靚芒廣告我都睇得多,不過大部份都係虛無飄渺,又話隻老虎、大笨象、貞子識走出0黎,就連瀑布0既水都流埋出0黎,我都係覺得佢吹!不過最近LG0係Youtube上0左條片,真係有0的計;佢將一部電梯0既地板換晒做薄邊框0既芒,然後等人入電梯之時,地板一塊塊脫落、再露出內裡電梯槽,我知唔關做芒有幾「出色」,不過用0黎Sell形象的確好好,而且真係幾搞鬼,如果香港都整返部……  

Read more ›
《Monster Hunter》立體畫 劈龍的藝術
by / on 24/10/2012 at 10:35 am

《Monster Hunter》立體畫 劈龍的藝術

我唔知你哋有冇愛芒亨愛到呢個地步。呢兩幅立體畫分別名為「月下の夜会」同「大いに凱歌を奏したり」,咁話明立體畫就梗係立體o架啦,條龍凸出嚟咁囉,你問欣賞價值去到邊我就真係唔敢講,不過2,100円又唔係貴。2012年12月發售,體積係W235 × H320 × D18mm。

Read more ›

隔30秒Snap一張相 公開人生
by / on 24/10/2012 at 10:00 am

隔30秒Snap一張相 公開人生

  人生真係0甘多美好時光,真係值得你時時刻刻影相留念?瑞典有設計公司開發0左一部Memoto,只要你掛佢0係心口,佢就會每隔30秒,自動幫你Snap一張500萬像素相片!只要一經駁上電腦,佢就會自動幫你上傳到一個叫Lifelogging 0既虛擬社區,同你0既朋友開心Share你所經歷0既身邊物事,據稱佢可以兩日唔使叉電而一直Run落去。

Read more ›
超像真!《異形》女角Ellen Ripley(恐佈)蠟像
by / on 24/10/2012 at 9:06 am

超像真!《異形》女角Ellen Ripley(恐佈)蠟像

其實用矽膠整成蠟像都唔係咩新鮮事,我睇《恐佈蠟像館》同埋去山頂杜莎夫人博物館都見唔少,不過呢個像真度真係好高,忍唔住想share比大家睇。呢個電影《異形》女主角Ellen Ripley蠟像由Steve Scotts親手打造,真人Sigourney Weaver見倒都嚇親。其實Steve Scotts之前都整過阿諾舒華生力啤嘅蠟像。有興趣可以喺facebook add佢做朋友,佢好勤力,成日都會更新蠟像進度。不過大前提係你唔怕夜晚開fb嚇親自己。

Read more ›
真人波動拳  內地神人出招 問你怕未?
by / on 24/10/2012 at 8:16 am

真人波動拳 內地神人出招 問你怕未?

細過睇《龍珠》你有無試過學出龜波氣功?大過啲打《街霸》有無匿埋學出波動拳、昇龍拳?「阿波極」、「我要極」,諗起都霸氣。不過點都唔及內地鄭州呢位神人咁厲害,佢可以徒手將10支蠟燭打熄,堪稱神人波動拳,浙江衞視仲搞笑地配上孖寶兄弟同埋黃飛鴻音樂。只可惜呢位奇人個樣一啲都唔似阿龍,反而有啲似鐵拳製作人原田勝弘,問你怕未?

Read more ›
點解忍者要著PE衫?《Dead or Alive 5》又嚟服裝DLC
by / on 24/10/2012 at 8:02 am

點解忍者要著PE衫?《Dead or Alive 5》又嚟服裝DLC

綾音明明係女忍者,唔係學生……唔好問我點解,總之Tecmo Koei隻PS3/Xbox360《Dead or Alive 5》又嚟搵你喇!我發覺,我好似同遊戲入面班女主角拍拖咁,隔一排就想買衫俾佢哋換。嚟緊10月30日又有第三彈DLC啦,今次有PE衫、校服同奇裝異服,當然好似上一彈咁可以一set買齊,等佢哋打交都打得開心啲……價錢未公報,不過我諗同上次差無幾。好喇,我盡咗男朋友買衫嘅義務,咁有咩權利呢?有,操控佢哋喺虛擬世界郁嚟郁去囉。另外,日本仲有限定點數卡抽獎,都幾靚o架。

Read more ›