最新資訊

新片速報 iPhone新App《Minecraft》8 bit影像帶到現實
by / on 26/11/2012 at 1:16 pm

新片速報 iPhone新App《Minecraft》8 bit影像帶到現實

外國人對《Minecraft》嘅8 bit圖像真係有特別喜好,啱啱仲推出咗個名為《Minecraft Reality》嘅iOS app,就係可以將自設嘅8 bit影像帶到現實。條片度睇到8 bit嘅高達、跑車同飛機喺唔到地方現身,好吊詭。賣2蚊美元,玩吓又無妨。

Read more ›

《刃牙》作者板垣恵介親繪 PS最新廣告現身JR
by / on 26/11/2012 at 12:43 pm

《刃牙》作者板垣恵介親繪 PS最新廣告現身JR

前排PS推出兩條廣告片(入面有得睇),分別係自由摶擊及摔角手アントニオ猪木同已故摔角手橋本真也嘅廣告,man到震!香港新一代機迷未必識佢哋兩位,但就未睇過都聽過,咩叫《刃牙》,咩叫暴力美學!《刃牙》、《餓狼傳》漫畫家板垣恵介啱啱就畫咗兩幅摔角手嘅廣告,會喺日本JR站大賣!型到爆開呀!

Read more ›
40聲優壓陣《7th Dragon 2020 II》明年春登陸PSP
by / on 26/11/2012 at 12:06 pm

40聲優壓陣《7th Dragon 2020 II》明年春登陸PSP

好嘢喎,真係當PS Vita冇到喎!SEGA隻七龍新作《7th Dragon 2020 II(セブンスドラゴン2020-II)》會喺下年出喺PSP度,咁出得喺PSP,畫面都有限制,不過聲優陣容就好強勁,包括有花澤香菜、日笠陽子、堀江由衣、水樹奈奈、大塚明夫、神谷浩史等40名聲優!故事方面,係講西暦2021年東京再次被突如其來嘅生物侵襲。

Read more ›
新片速報  《Zone of the Enders》原聲大碟X遊戲隱藏片
by / on 26/11/2012 at 11:40 am

新片速報 《Zone of the Enders》原聲大碟X遊戲隱藏片

老實講,好多人買PS3/Xbox之前推出咗嗰隻《Zone of the Enders HD Edition》,都係為咗得倒佢附送嘅《METAL GEAR RISING REVENGEANCE》試玩版,為咗吸引更多專業玩家同埋樂迷,KONAMI繼續宣傳隻遊戲原聲大碟「Zone of the Enders Remix Edition」,仲啱啱發佈咗新影片CLIMAX,片段入面有ZOE遊戲隱藏片,仲有埋強勁配樂,原來,首歌都幾熱血幾好聽。

Read more ›
《真‧三國無雙7》吳國四大名將  新圖曝光
by / on 26/11/2012 at 11:09 am

《真‧三國無雙7》吳國四大名將 新圖曝光

實不相暪,幾十萬隻無雙真係令人睇倒暈陀陀,早幾日講完《真‧北斗無雙》,今日到正傳《真‧三國無雙7》嘅新消息,呢隻下年喺PS3推出嘅遊戲,啱啱公佈吳國新武將魯肅嘅角色設計圖同埋戰鬥畫面,呢個深得孫權器重嘅大配角,個樣奸奸哋有啲邪氣;另外仲有中性打扮嘅陸遜、呂蒙、孫堅等角色都有大量新圖,入嚟熟讀吓歷史啦。

Read more ›
有片即睇 鄭伊健遊戲大使訪問 末日前打多啲機!
by / on 25/11/2012 at 8:09 pm

有片即睇 鄭伊健遊戲大使訪問 末日前打多啲機!

今年12月21日喺灣仔會展舉行嘅「亞洲遊戲展」,搵咗公認係機迷嘅鄭伊健做大使,千呼萬喚,終於今日(25日) 喺活動現真身,之後仲坐定定接受訪問。八卦嘢唔多講,梗係講番打機啦!伊健話佢由細到大都咁鍾意打機,仲成日會online打FPS射擊game,而且仲會開埋咪同隊友chat,如果你有一晚打機遇到條友把聲好似伊健嘅,不妨大膽講句:「那麼瘋癲過,那麼珍惜過,那麼動地驚天愛戀過。」睇吓有冇人應你機。

Read more ›

Simpsons殺入經典電影 惡搞海報大集合
by / on 25/11/2012 at 5:28 pm

Simpsons殺入經典電影 惡搞海報大集合

周末悶悶地上網四圍睇,見到呢個專題喎!如果你好鍾意Simpsons同Homer同Marge一定睇得好開心!入面有大量Simpsons嘅惡搞經典電影海報,《變種食人䱽》好笑,《手足情未了》好好笑,仲有《史密夫決戰史密妻》、《未來戰士》、《危險人物》,仲有,最抵死係仲有Marge扮《本能》嘅沙朗史東,哈哈,頂你!

Read more ›
新片模式《Aliens: Colonial Marines》異形殺不盡
by / on 25/11/2012 at 3:00 pm

新片模式《Aliens: Colonial Marines》異形殺不盡

下年2月12日推出PS3/Xbox360/PC版,異形迷必玩嘅《Aliens: Colonial Marines》,由Gearbox開發,Sega發行。呢隻第一身射擊遊戲梗係要有線上連線玩啦,官方發佈咗「生存模式」影片,勁有緊張感!另外,之前都報導過,可以四打四網上對戰模式,四人做人類,四隻做異形,而且仲有得揀唔同種類嘅異形,吐啖口水就溶咗你!正!

Read more ›
新片速報 《Metro: Last Light》繼續真人片
by / on 25/11/2012 at 1:51 pm

新片速報 《Metro: Last Light》繼續真人片

2013年3月推出嘅PS3/Xbox360/PC第一身射擊遊戲《Metro: Last Light》,又有真人片推出,好有末世風情,故事係講核戰爆發嘅20年後嘅世界,由4A-Games開發,THQ推出。影片有英文字幕,呢種世界觀,應該可以玩得投入呀!

Read more ›
新片速報《God of War:Ascension》7分鐘幕後製作介紹
by / on 25/11/2012 at 1:41 pm

新片速報《God of War:Ascension》7分鐘幕後製作介紹

星期日喺屋企,悶悶哋梗係睇吓片好啦!睇完7分鐘哈比人預告,可以睇埋呢條又係7分鐘嘅片,片段由Sony Santa Monica提供,即係《God of War:Ascension》嘅開發商,講解兩年來開發新戰神嘅過程。遊戲下年3月12日喺PS3推出,順便一提,街度已經有得買《Total Recall》隻Blu ray,雖然套戲反應麻麻,但就送埋《God of War:Ascension》試玩版。

Read more ›
RG Z-Gundam熱賣 Star Wars盒蛋到貨未報價!
by / on 25/11/2012 at 1:00 pm

RG Z-Gundam熱賣 Star Wars盒蛋到貨未報價!

  今個星期唔使講嘢!RG隻Z-Gundam完全快放,補完貨再補貨,都係好快清!唔係講盒模型,係講緊贈品嘅地台同開件刀,聽講話貨源有啲緊,估計好快無得送,大家睇路啦!

Read more ›

新片速報《哈比人:不思議之旅》7分鐘預告片
by / on 25/11/2012 at 11:27 am

新片速報《哈比人:不思議之旅》7分鐘預告片

正呀!冇《Evangelion新劇場版:Q》睇(又講!),唯一一套可以慰藉到我心靈嘅就係呢套12月13日喺香港上映嘅《哈比人:不思議之旅(The Hobbit An Unexpected Journey)》!啱啱外國就有長達7分鐘嘅預告片,有好多新片段睇到之餘又唔算劇透,仲有兩座幾十層樓高嘅山喺度決鬥,一響起首熟悉嘅音樂,我就想去買定飛,我!要!第!一!日!就!入!場!睇!

Read more ›
11.25 BD/DVD新碟榜
by / on 25/11/2012 at 11:25 am

11.25 BD/DVD新碟榜

  今個星期熱賣榜冠軍係《轟天猛將2》,雖然上戲院時都有唔少負評,但係有史泰龍、阿諾、布斯韋利士、李連杰……連搏擊王尚格雲頓都要做大奸狗,老爺車X粒粒星,煲碟為乜先?鍾意文戲就睇《小太監》算啦!打到九彩、炸到飛起、轟爆你屋企部電視機……

Read more ›
日本負心男 結婚日毁《Love Plus》Save飛甩寧寧
by / on 25/11/2012 at 11:12 am

日本負心男 結婚日毁《Love Plus》Save飛甩寧寧

可惡!大家嚟認清呢個負心男!繼之前有痴心(漢)玩家同《Love Plus》裏頭嘅女主角搞結婚之後,啱啱就有個男朋友為咗同現實中嘅女朋友結婚,喺婚禮上面其中一個儀式就係用個木搥打爛《Lover Plus》呢隻遊戲連save!我相信,呢個係佢老婆嘅主意,而呢個老公竟然屈服!竟然一手毁掉曾經相愛嘅寧寧(姉ヶ崎寧々)!你會後悔o架!你可以打爛隻game,但你同寧寧嘅甜蜜回憶係Delete唔到o架!

Read more ›
新片速報《ZombiU》噴油留記號 益用家有著數
by / on 25/11/2012 at 10:54 am

新片速報《ZombiU》噴油留記號 益用家有著數

Wii U同Ubisoft隻《ZombiU》已經喺歐美出咗啦,不過香港個價仲未夠靚,相信好多玩家都仲抱緊個觀望態度喺手,等埋12月8日套日版先算。等嘅同時,順便就睇埋遊戲介紹啦,嚟到製作人介紹影片「In The Eye of ZombiU」第三集,今集講到可以喺遊戲唔同場景噴油玩Graffiti,噴上唔同記號等其他玩家睇到……到底系統係點?睇過你就知。另外,令人期待係下一集,因為會講連線對戰玩法呀!

Read more ›