最新資訊

孖寶裝全套 Mario 3DS套推出
by / on 08/11/2012 at 12:42 pm

孖寶裝全套 Mario 3DS套推出

買咗3DS未買套咁危險?任天堂啱啱宣佈推出兩款孖寶兄弟瑪利奧機套。先係11月29日推出嘅專業套裝,大大個放得落部機、遊戲、AR卡咩都得,仲適合3DS LL/DSi LL/DS等機種,2,000円。另外就係呢兩個簡單靚仔可愛機套,12月20日推出,前後都好可愛,適合3DS LL同DSi LL,日本賣1,200円。

Read more ›

《DmC Devil May Cry》日版限量內容公開
by / on 08/11/2012 at 12:17 pm

《DmC Devil May Cry》日版限量內容公開

下年1月17日推出嘅Capcom耍帥動作遊戲《DmC Devil May Cry》,男主角後生但丁好似越睇越順眼。遊戲除咗有PS3/Xbox360版外,梗係唔少得限量版,日本官方就啱啱公佈咗「DmC Devil May Cry LIMITED EDITION」內容,當中包括普通初回版都有嘅「DmC Devil May Cry Premium Sound Track」,另外仲有資料設定集同雙槍頸鏈送,9,490円,唔貴。

Read more ›
隨書附送陳偉霆單曲CD一隻,收錄主題曲《紮職》主題曲《有借有還》。
by / on 08/11/2012 at 12:00 pm

陳偉霆《有借有還》聽able喎!

唔討厭,但不嬲都對陳偉霆無乜好感,或者因為唔抵得佢可以溝到咁多女啩,女神Angelababy受佢溝,我最Like嘅阿Sa又受佢溝,硬係覺得佢一味黐女博出位。

Read more ›
香港007之夜 飲Dry Martini睇絕版珍藏
by / on 08/11/2012 at 12:00 pm

香港007之夜 飲Dry Martini睇絕版珍藏

  Cosplay係咪只可以出Game Show,走喺老旺街頭,做人大志啲!我帶大家去酒店!估唔到酒店都會玩呢家嘢,所講係帝京酒店LION ROCK玩占士邦之夜(9/11),仲話有得食、有得玩,咁仲唔係抄奇特出奇蛋!?

Read more ›
D5200香港發佈 價錢映期仲要等
by / on 08/11/2012 at 9:33 am

D5200香港發佈 價錢映期仲要等

  外國網站吹到洪洪聲,香港Nikon終於發佈D5200!不過推出日期同價錢資料依然欠奉,可能想我哋幫佢報多劑啩,不過點都好,行2,410萬像素最新DX格式CMOS,仲要有D4嗰粒EXPEED 3影像處理引擎,高ISO係強項,仲插到咪拍到高清片,以佢低檔次冧把,應該唔會太貴,加埋佢555g超輕機身,絕對係IT記者隨身好機,就算係攝記,都會係後補機精選!

Read more ›
新片速報 人形比卡超街頭電擊戰
by / on 08/11/2012 at 8:02 am

新片速報 人形比卡超街頭電擊戰

呢啲咪街頭藝術囉!呢兩個外國人唔知睇得星戰多,定係玩《Infamous》玩得多,居然喺愛爾蘭嘅Belfast藝術節街頭表演電極對戰,睇落神乎其技,但又有啲搞笑,因為好似兩隻人形比卡超發脾氣開片咁呀。其實呢兩隻比卡超企緊嘅站台上使用咗喺Tesla Coils(無線傳輸電力)技術,呢,即係可以做到無線充電器嗰種技術呀,旺角街頭表演者不妨學吓喎!

Read more ›

啊啦啊啦!《JoJo奇妙冒險》緊身底褲 JoJo立現雄風
by / on 08/11/2012 at 7:08 am

啊啦啊啦!《JoJo奇妙冒險》緊身底褲 JoJo立現雄風

11月4日喺東京六本木舉行嘅「荒木飛呂彦原画展 ジョジョ展」就完咗喇,不過JoJo連載25周年嘅慶祝熱潮當然未過,o依家又有新產品推出,係底褲。又係底褲!繼之前EVA X Hello Kitty兩條底褲之後,JoJo都要出底褲,咁又係嘅,唔理你毒男宅男定型男,除咗周杰倫之外都要著底褲嘛,最多換得冇咁密啫……話時話,著住呢條緊身底褲,嚟番個「JoJo立」都真係風味特濃喎!

Read more ›
奧巴馬Twitter破紀錄  65萬人狂轉載
by / on 07/11/2012 at 11:28 pm

奧巴馬Twitter破紀錄 65萬人狂轉載

雖然我哋仲未有得選特首,但呼吸吓美國嘅民主空氣都特別醒神。今日大家嘅facebook都比奧巴馬瘋狂洗版,而佢喺twitter發佈自己當選嘅post,更加威到破咗twitter有史以嚟嘅紀錄,暫時已有65萬人轉載。呢個twitter簡而精,一句「Four more years」加一張同老婆擁抱嘅溫情相,恰到好處,真係要讚佢嘅背後團隊好醒目。題外話,奧巴馬呢個tweet專登揀喺佢上台發表感謝宣言前發佈,時間都係無懈可擊,不過我最佩服係佢喺結果發佈前,約咗以前公牛嘅名宿Scotie Pippen打籃球減減壓,咁人性化嘅奧巴馬,真係無得輸。

Read more ›
新片速報 任天堂Wii U發佈會 社長玩開箱
by / on 07/11/2012 at 10:33 pm

新片速報 任天堂Wii U發佈會 社長玩開箱

啱啱頭先香港時間7點嘅任天堂網上發佈會,講明係介紹Wii U,你以為又係嗰啲睇過嘅嘢?唔係喎,社長岩田聰講講吓突然戴對白手套,你以為佢想變魔術?原來隆重其事玩開箱,逐樣拆出嚟,之後就介紹Wii U嘅網絡功能!一開始就去到一個好多人嘅地方,你可以理解做冇任何背景嘅PS Home類似嘅嘢,叫「Mii WaraWara Plaza」,可以喺度傾計,亦都可以睇到其他人玩緊咩遊戲。之後就講今次Wii U慢一幾拍加入User Account制度,闊佬嘅係一部機可以登記12個使用者!條片長成粒鐘,睇完你就係Wii U專家喇。

Read more ›
新片速報《第二次超級機械人大戰OG》PV先行上映會足本實況
by / on 07/11/2012 at 9:45 pm

新片速報《第二次超級機械人大戰OG》PV先行上映會足本實況

嘩!呢條片長成個半鐘,係!90分鐘!可以足本睇晒官方喺10月27日搞嗰個PV先行上映會盛況,足本PV之外,仲有製作人喺台上面講解今次遊戲嘅系統同故事發展。呢隻PS3第一隻機戰作品會喺11月29日推出,仲有廿幾日等好辛苦?睇完你會更辛苦……

Read more ›
R2-D2袖口扣 神秘USB手指
by / on 07/11/2012 at 6:21 pm

R2-D2袖口扣 神秘USB手指

  雖然Star Wars已經淪陷, 拍新戲時可能要戴老鼠耳, 不過我哋骨子裏, 仍然流住絕地武士嘅血, 而且舊嘅產品, 我地更應該買得就買! 好似呢隻R2-D2 USB Flash Drive Cufflinks, 就真係非常靚仔, 以R2-D2造型, 搞咗一對袖口扣, 打開你會見到有個USB插頭, 每個有2GB容量,  合共就有4GB, 開價199.95美金, 真係星戰嘢、開價特別金!

Read more ›

殘酷現實 Hello Kitty朱古力包
by / on 07/11/2012 at 5:18 pm

殘酷現實 Hello Kitty朱古力包

嘻!繼初音肉包之後,Hello Kitty上個月都有出到肉包,唔記得?入面有相俾你回顧番,好搞笑?呢個新出嘅朱古力包仲搞笑!喺日本便利店Sunkus可以買到,150円一個。其實,佢有眼有喵鬚有蝴蝶結冇嘴,基本上Kitty有嘅佢都有,冇嘅佢都冇,但就一啲都唔似,入面係試食相,睇落唔難食,係難睇啫。

Read more ›
鬼佬山寨版GameOver毛氈
by / on 07/11/2012 at 5:15 pm

鬼佬山寨版GameOver毛氈

  人怕出名豬怕肥, 可能我哋個網, 真係開始出名喇! 竟然喺外國網站出現山寨版GameOver毛氈 — Pac-Man Fleece Blanket, 佢仲好膚淺地做成Pac-man賣相, 不過大家睇吓! 隻食鬼仲喺度食緊豆, 點解會GameOver先

Read more ›
新片速報《懞面超人 超クライマックスヒーローズ》PV
by / on 07/11/2012 at 4:48 pm

新片速報《懞面超人 超クライマックスヒーローズ》PV

11月29日喺Wii/PSP推出嘅《仮面ライダー 超クライマックスヒーローズ》,啱啱又有新PV推出。見佢出喺Wii/PSP呢啲上世代主機,就知佢係fans向啦,遊戲動作玩法,當然有拉打迷最愛嘅必殺技加特寫場面,而且有可以有大量隱藏元素可以儲,初回特典仲係日本街機《仮面ライダーバトル ガンバライド》嘅特別卡片!

Read more ›
iPhone 5擴展計劃 要戴老花鏡
by / on 07/11/2012 at 4:12 pm

iPhone 5擴展計劃 要戴老花鏡

  iPhone 5個芒真係堅細, 雖然已經加長咗, 更那管佢將來會長過絕地武士把劍, 都一樣唔多見使, 不過唔緊要, 有設計師已經諗到件嘢對付佢, 就係加個放大鏡

Read more ›