最新資訊

PS VR玩《貓咪收集》 親身進入貓群中
by / on 18/04/2018 at 8:48 pm

PS VR玩《貓咪收集》 親身進入貓群中

如果你好想養貓,但屋企唔方便養,咁呢隻遊戲就啱晒你喇。嚟緊PS4就會推出呢隻要用PS VR玩嘅《ねこあつめVR》,即係你可以置身間貓屋入面,四圍都係貓,全部都係貓!5月31日配信,1,944円。

Read more ›

福龍出席Toys Collector Market玩具收藏家販售展 談玩具經
by / on 18/04/2018 at 8:36 pm

福龍出席Toys Collector Market玩具收藏家販售展 談玩具經

正呀喂,又有機會見偶像喇,邱福龍剛Sure咗會出席「Toys Collector Market玩具收藏家販售展」,同現場朋友吹水,估計簽名拍照走唔甩。吹水內容係喺《山海逆戰》「福龍周記」都略講過一二嘅收藏玩具經歷,亦會大談熱血機械人動畫,唔知到時會唔會透露少少關於大作《大拳》嘅動向呢?Fans們,係時候朝聖喇。

Read more ›
Ric Tse《樂高迷你劇場x香港美食》 Lego人仔訓餅乾擔架床
by / on 18/04/2018 at 7:45 pm

Ric Tse《樂高迷你劇場x香港美食》 Lego人仔訓餅乾擔架床

是日推介「Legography」,即係利用Lego擺場景影靚相,Ric Tse本畫集《樂高迷你劇場x香港美食》就係圍繞呢個主題嘞。佢喺面書登咗幾張相,全部都好正,絕對係睇到人嘩嘩聲之作。當雞尾包變潛艇、蛋花大菜糕變溜冰場、餅乾變擔架床、鹽焗鵪鶉蛋變異形蛋、香腸變木筏等香港美食,配搭唔同表情同肢體動作嘅Lego Minifigure,效果竟出奇地有趣。呢本畫集,我想擁有。

Read more ›
海仔《萬能鉸剪》限量版 送親筆畫$50
by / on 18/04/2018 at 7:03 pm

海仔《萬能鉸剪》限量版 送親筆畫$50

報告,《漫畫Buddy》主筆之一嘅海仔,有本個人作品《萬能鉸剪》,有簡介云:「創作《萬能鉸剪》主要是寫給成年人看的童真漫畫,希望睇過《萬能鉸剪》的成年人能有共鳴,甚至推介給自己的小朋友!」有無共鳴,睇完就知,普通版$22,限量版送親筆油彩畫板一塊,售$50。本地創作有誠意在,支持吓啦喂。

Read more ›
貓巴士/無臉人咬住你條線 吉卜力月尾出3款線套
by / on 18/04/2018 at 5:36 pm

貓巴士/無臉人咬住你條線 吉卜力月尾出3款線套

呢款充電線套都出過好多款,即係套咗落去之後,充電時就好似咬住你部電話咁,可愛之餘,仲話有保護效用。嚟緊輪到吉卜力出喇,有《涯上的波兒》、《千與千尋》同《龍貓》全3種各680円,今個月尾日本「どんぐり共和国」有售,唔知香港嗰間有冇呢?

Read more ›
【有片】日本女模演唱會台下自拍 Bruno Mars鬧爆丟毛巾
by / on 18/04/2018 at 4:27 pm

【有片】日本女模演唱會台下自拍 Bruno Mars鬧爆丟毛巾

美國歌手Bruno Mars啱啱喺日本埼玉縣Super Arena舉行演唱會,好多日本藝人都有去捧場,不過當中就有呢位女Model野崎萌香出咗事喇,企喺最前排VIP區睇Show嘅佢,人哋唱緊歌佢就擰轉背自拍,俾Bruno Mars睇到叫佢收埋電話,仲丟佢毛巾。不過佢仲未知衰,仲擺條片上網,咁網民梗係鬧爆,話係日本之恥。咁搞咗一輪,o依家佢刪咗條片喇,不過網民當然有backup。

Read more ›

邱福龍復刻元祖版《鐵將縱橫》 港漫迷開心到癲
by / on 18/04/2018 at 2:51 pm

邱福龍復刻元祖版《鐵將縱橫》 港漫迷開心到癲

好消息,邱福龍決定復刻《鐵將縱橫》,留意番,係三十年舊著嗰套元祖版,佢喺面書留言話只出自己編寫部份,清兒接手嗰Part無份:「原汁原味另加新封面,舊封面也會出,一本書有新舊封面」云云,仲登埋兩幅新創作草圖封面畀大家睇睇添。留言一出,港漫迷齊聲讚好,Stanley Yim咁話:「咪就係經典足廿幾三十年囉!龍哥!」、Wing Fung Wong又咁話:「新舊鐵縱橫對比,見證龍哥三十多年後的畫功精進不少。」、Ka Ka Chan咁話:「睇返舊,都應該幾過癮。」係,真係好過癮,呢單News,令我好興奮。

Read more ›
【相集】日本早熟小妹妹 識擺甫超強破壞力
by / on 18/04/2018 at 7:21 am

【相集】日本早熟小妹妹 識擺甫超強破壞力

而家啲小朋友好早熟,好似日本網民最近分享佢姪女嘅一輯相,相中嘅小朋友化晒妝著晒公主裝,最勁係識得擺出不同嘅甫士,網民都話佢係天才,輯相超多人RT,不過會唔會略嫌早熟?

Read more ›
【撞樣】睇落好似樣 奶油麵包VS屁屁Twitter熱傳
by / on 18/04/2018 at 7:21 am

【撞樣】睇落好似樣 奶油麵包VS屁屁Twitter熱傳

又發生撞樣事件嘞,左邊係奶油麵包,右邊係屁屁,睇落好易搞錯喎,不過右邊個屁屁究竟屬於乜嘢動物嘅呢?倉鼠?有無人可以睇屁屁認得出係咩動物?BTW單睇屁屁都覺得佢好可愛。

Read more ›
日本拒絕上門銷售怪招 貼亂碼貼紙好有效
by / on 18/04/2018 at 7:21 am

日本拒絕上門銷售怪招 貼亂碼貼紙好有效

日本人成日遇到上門銷售,唔識又唔想拒絕人嘅日本人有咩方法?有日本網民就發現喺門鐘位放張好似亂晒碼嘅貼紙好有用,可能啲人會驚咗而選擇唔撳呢個門鐘,唔知係咪覺得似詛咒呢?

Read more ›
日本「拒否犬」升級版 兩隻聯盟唔肯返屋企
by / on 18/04/2018 at 7:09 am

日本「拒否犬」升級版 兩隻聯盟唔肯返屋企

拒否犬,即係去完街唔肯返屋企嘅曳狗啦,日本有好多,今次仲要打孖嚟,兩隻拒否犬一齊反抗!張相喺Twitter好多人RT,睇見都鄧個主人無奈呀,好明顯壞習慣係會傳染架。入嚟有多啲其他拒否犬回帶,大部份都係柴仔喎。

Read more ›

YOU DELAYED 任天堂Switch《Dark Souls: Remastered》延期
by / on 17/04/2018 at 11:21 pm

YOU DELAYED 任天堂Switch《Dark Souls: Remastered》延期

如果你考慮緊買PS4/Xbox One版定係可以拎出街玩嘅Switch版,咁又多一樣嘢要諗喇。因為原定同PS4/Xbox One版同時喺5月25日發售嘅Switch版,啱啱宣佈要延期至今年夏季,即是隻Amiibo都同時延期喇。

Read more ›
偷嚟做咩?日本大阪公園櫻花樹被剧走
by / on 17/04/2018 at 11:02 pm

偷嚟做咩?日本大阪公園櫻花樹被剧走

賞櫻花係要啲櫻花喺樹上面先最靚,又或者佢自然飄落時都靚,俾你拎番屋企,好快就謝啦,為咩呢?日本大阪嘅加納北公園上月尾就出現怪事,有市民都留意到有啲樹被切口剧斷,當時好多人都以為係政府或相關部門因為棵樹有病或者其他原因而要剧斷佢……但事實並唔係咁,而係公園入面25棵樹都中招,當中有18個支節、3個樹幹被剧走。個切口好齊,所以估計賊人應該係用電剧嚟刟,而且要運走啲樹都唔容易,所以唔排除佢哋真係扮作工人做嘢……

Read more ›
【身份象徵】日本UT出麥記Tee 著住買巨無霸平100円
by / on 17/04/2018 at 10:23 pm

【身份象徵】日本UT出麥記Tee 著住買巨無霸平100円

威喎,著住呢件Tee入麥當勞叫個巨無霸餐,唔駛講嘢,即時平100円!不過講緊嘅係日本麥記,因為日本麥當勞為咗慶祝巨無霸50周年,將會同Uniqlo合作,喺4月23日推出呢幾款Tee,而喺4月23日至6月5日,只要著住其中一件Tee去日本任何一間麥當勞叫巨無霸餐,即平100円,期間無限次用到!計番條數,啲Tee每件賣1,500円,食到15次就回本賺件Tee啦!

Read more ›
【有片】門小雷手繪電影系列  古天樂《尋秦記》+《殺破狼‧貪狼》
by / on 17/04/2018 at 8:52 pm

【有片】門小雷手繪電影系列 古天樂《尋秦記》+《殺破狼‧貪狼》

都唔記得嚟到第幾彈喇,總之就彈彈都咁正喇,門小雷聯乘FoolClub嘅手繪經典電影系列畫,今次畫新鮮出爐嘅金像獎最佳男主角古天樂。畫作裡面仲有兩個影帝添,左面係《尋秦記》,右面係《殺破狼.貪狼》,神髓出晒嚟。

Read more ›