最新資訊

網圖分享:《聖鬥士星矢》化身世界盃足球員
by / on 14/06/2018 at 7:29 pm

網圖分享:《聖鬥士星矢》化身世界盃足球員

仲有幾粒鐘就2018世界盃開鑼喇,好興奮呀,插畫師Liruohai同我一樣咁興奮呀,仲興奮到出咗幅聖鬥士化身足球員嘅正圖。留意番佢個Deviant Art account,發覺佢本身好鍾意《聖鬥士星矢》,有大量相關作品,水準奇高,值得畀Like。

Read more ›

【有片】豆腐Mode確定回歸 《Biohazard 2》重製版試玩影片
by / on 14/06/2018 at 3:12 pm

【有片】豆腐Mode確定回歸 《Biohazard 2》重製版試玩影片

講咗先,試玩片唔係玩豆腐Mode,不過都係重製版嘅gameplay嚟。至於豆腐模式,就係《Biohazard 2(Resident Evil 2)》重製版製作人小林裕幸接受訪問時講嘅,佢話呢隻1998年初推出嘅經典遊戲,入面嘅豆腐模式同「Fourth Survivor」模式都會保留。前者係超難模式,主角係一嚿豆腐,武器只有一把刀。而Fourth Survivor就係玩家以HUNK進行遊戲,但要完成晒Claire同Leon兩條線同A ranking先玩到。

Read more ›
「小新」二代目聲優決定 38歲小林由美子
by / on 14/06/2018 at 3:01 pm

「小新」二代目聲優決定 38歲小林由美子

早前自1992年有《蠟筆小新》動畫開始就幫「野原新之助」配音嘅聲優矢島晶子辭演,咁7月6日播放嘅《蠟筆小新(クレヨンしんちゃん)》會由邊個聲演?官方正式公佈喇,喺6月18日就生日39歲嘅聲優小林由美子。

Read more ›
【有片】報天氣放送事故 松雪彩花左閃右避好可愛
by / on 14/06/2018 at 2:49 pm

【有片】報天氣放送事故 松雪彩花左閃右避好可愛

放送事故成日都有,天氣報告出問題亦都唔係第一次,不過呢位26歲松雪彩花就被網民狂話佢嘅反應好可愛……

Read more ›
日本神舍Twitter再熱傳 洗手池佈滿紫陽花超靚
by / on 14/06/2018 at 7:51 am

日本神舍Twitter再熱傳 洗手池佈滿紫陽花超靚

呢間位於日本愛知縣嘅神社「御裳神社」最近好紅,我哋月頭都介紹過,全因為網民發現佢入口位嘅洗手池「手水舍」放咗新鮮嘅紫陽花,顏色超靚,最近又有網民去咗影埋相,靚嘅程度令人想save底做wallpaper,有機會去嘅記住睇吓。

Read more ›
日本扭蛋「貓貓舔毛」系列    反肚照舔超治癒
by / on 14/06/2018 at 7:51 am

日本扭蛋「貓貓舔毛」系列 反肚照舔超治癒

覺唔覺得喵星人舔毛嘅一刻好治癒?EPOCH再推出呢個貓舔毛系列扭蛋,除咗有好優雅嘅一般舔毛姿勢外,仲有個反肚嘅得意版本,超可愛,今個月發售,喵迷記住留意返。

Read more ›

【圖集】街頭藝術大師新作 中央公園變人臉展覽
by / on 14/06/2018 at 7:25 am

【圖集】街頭藝術大師新作 中央公園變人臉展覽

外國街頭藝術家Philippe Echaroux嘅作品好勁,最出名係喺公園利用投射造出人面嘅投影,目的係話俾人知,每斬一棵樹就等於一條生命。最近佢呢個Amazonian Rainforest系列有新作,今次移師咗去紐約嘅中央公園,作品一樣超正,入嚟有得睇埋佢嘅舊作。

Read more ›
【有片】宇宙最幸福貓奴 超嗲喵星人又摸又舔
by / on 14/06/2018 at 7:01 am

【有片】宇宙最幸福貓奴 超嗲喵星人又摸又舔

人哋話女兒係爸爸嘅天生情人,睇呢段片,你會發現貓都係。段片喺Twitter已經過咗百萬瀏覽,睇見隻貓又挨又摸又舔個主人,嗲到想吞咗佢落肚咁,難怪主人最尾露出個咁滿足嘅笑容。不過留意返,面前隻雞脾對隻貓嚟講似乎更吸引。

Read more ›
2018年新港漫 一鋒x李重豪x鄺世傑《大災難師》
by / on 13/06/2018 at 9:32 pm

2018年新港漫 一鋒x李重豪x鄺世傑《大災難師》

想當年每日都有新一期港漫睇嘅美好日子,唉,俱往矣,2018年都去咗一半,連龍頭玉皇朝都好似放軟手腳咁,唉,實在太耐無新港漫出啦。好彩,過咗半年後嘅今日,終於收到消息話有新港漫出,名為《大災難師》。詳細資料未知,只係知7月27日出版,監制係鄺世傑,仲有李重豪參與,而主筆係香港新晉漫畫家一鋒。睇面書專頁登嘅廣告,我O咗嘴,直頭係電影海報級數,真心Mode,我好期待。

Read more ›
有片:adidas世界盃廣告 陳奕迅做MC碧咸話想落場踢
by / on 13/06/2018 at 8:49 pm

有片:adidas世界盃廣告 陳奕迅做MC碧咸話想落場踢

adidas 「Creativity is the answer」系列廣告有N咁多版本,好多球星何只無對白,直頭出場都唔夠一秒,一閃即逝。我哋香港人,就梗係撐番自己友,睇陳奕迅做MC嗰個版本喇,廣告中佢話:「創造,唔係跟風,推翻限制,打破規範,呢一刻由你創造。」都OK型嘅,不過幾型都唔及碧咸一句:「我都好想落場呀。」係囉,如果你話碧咸都可以落場踢2018世界盃,你話幾好呢?撐英格蘭!撐撐!撐!

Read more ›
【感人】311天災兒子離世 日本媽媽期期買《週刊少年Jump》儲齊350期
by / on 13/06/2018 at 8:25 pm

【感人】311天災兒子離世 日本媽媽期期買《週刊少年Jump》儲齊350期

7年又3個月前,2011年3月11日,49歲丹野祐子嘅兒子公太離開咗,住宮城縣名取市嘅佢當時係中學1年級,13歲。之後媽媽因為覺得兒子會好想睇,所以每期《週刊少年ジャンプ》都會買,買完之後就儲起佢。終於早前屋企再建完成,呢位媽媽亦都將350本漫畫雜誌放好,期間發現少咗3本仲去補購番。佢話當年阿仔好鍾意睇《One Piece》,應該會想繼續追,而之後一年開始連載嘅《ハイキュー!!(排球少年)》,因為阿仔生前係排球部,所以佢都覺得佢會鍾意……

Read more ›

【有片】Switch《大亂鬥》發佈Ridley參戰 外國玩家反應超激烈
by / on 13/06/2018 at 7:22 pm

【有片】Switch《大亂鬥》發佈Ridley參戰 外國玩家反應超激烈

啱啱喺「Nintendo Direct E3 2018」出咗新片,公開咗好多角色嘅《大乱闘スマッシュブラザーズ SPECIAL(Super Smash Bros Ultimate)》,外國玩家特別鍾意特別瘋狂,咁睇新片已經嗌晒喇,喺Nintendo NY現場又好激動喇,不過都唔及宣佈Ridley參戰一刻,好癲!

Read more ›
【有片】真人版《Bleach》分半鐘預告公開 7月上映
by / on 13/06/2018 at 7:17 pm

【有片】真人版《Bleach》分半鐘預告公開 7月上映

7月20日,係日本上映,呢套改編久保帯人漫畫《BLEACH》嘅電影,之前都睇過好短嘅片段,今次就長啲,又多啲角色睇到喇,除咗福士蒼汰、杉咲花、吉沢亮、真野恵里菜,仲有、小柳友、田辺誠一、早乙女太一、MIYAVI、長澤まさみ、江口洋介。

Read more ›
日本網民發現超可愛高中生 其實係齊藤なぎさ
by / on 13/06/2018 at 7:01 pm

日本網民發現超可愛高中生 其實係齊藤なぎさ

如果喺巴士遇到咁可愛嘅女高中生……真係好似中獎一樣。有日本網民就喺電視節目中見到一個好可愛嘅女高中生,咁當然唔係素人啦,其實係偶像組合「=LOVE」嘅齊藤なぎさ,今年14歲,仲有人提一提,話之前佢都有「奇跡の一枚」喎……

Read more ›
日本工廠超靚相 近未來感覺寫真展
by / on 13/06/2018 at 5:56 pm

日本工廠超靚相 近未來感覺寫真展

有冇諗起邊隻遊戲?我又諗起「魔晃爐」啦!其實個人覺得土瓜灣煤氣鼓夜景都好有型,不過對比起日本嘅大型工廠都爭得遠嘅。日本嚟緊就有呢個工場夜景寫真展「行ける工場夜景展2018」,東京會喺6月29日至7月22日舉行,名古屋就7月27日至8月19日,地點分別係TODAYS GALLERY STUDIO、TODAYS GALLERY STUDIO NAGOYA,入場費500円。

Read more ›