Post Tagged with: "《九龍城寨──場景故事畫集:浪漫大逃亡》"

有片:聽歌+睇畫 《九龍城寨──場景故事畫集:浪漫大逃亡》主題曲
by / on 28/09/2017 at 4:15 pm

有片:聽歌+睇畫 《九龍城寨──場景故事畫集:浪漫大逃亡》主題曲

仲記唔記得書展期間余兒為谷書,《九龍城寨──場景故事畫集:浪漫大逃亡》附送人手錄製嘅同書名主題曲錄音帶一盒?家陣喺YouTube有得聽喇。Ziyan Tung主唱,配Pen So嘅畫,主題曲有故事,故事有如此解釋──「女主角藍男,憑歌寄愛向男主角火兒隔空唱出心聲。藍男重遊每一處她曾與火兒到過的土地,把目光所及的九龍城寨各式場景,逐一描摹:櫛比鱗次的奇特建築群、富有特色的店舖、故事中虛構的環境……觸景,見情。」唔係吹水,歌係唱得幾好聽嘅,歌詞亦OK,睇畫聽歌一次過,意境即時高晒,個腦有晒畫面呀喂,唔信自己聽吓。 相關資訊《九龍城寨》漫畫第二部典藏版封面曝光 (Jun 11, 2018) Pen So《本土回憶:過去的我》不日推出 推新專頁「Pen So Case」 (May 17, 2018)

Read more ›

買《九龍城寨──場景故事畫集:浪漫大逃亡》 送主題曲錄音帶
by / on 17/07/2017 at 9:45 pm

買《九龍城寨──場景故事畫集:浪漫大逃亡》 送主題曲錄音帶

成壇嘢當真好浪漫!有時真係要佩服余兒,買書送錄音帶都算係好橋,雖然我唔知道有幾多人屋企仲有Cassette機。講緊乜?講緊將喺書展推出嘅硬皮精裝《九龍城寨──場景故事畫集:浪漫大逃亡》,為谷書,余兒決定送頭100個讀者獨一無二卡式錄音帶,錄音帶收錄咗同書名主題曲,每本$160。聽清楚,每盒錄音帶都係全人手錄製,帶過帶,唔知余兒用咗幾多時間呢?錄完又有無手都震埋呢?Anyway,如此有心,係值得畀Like嘅,而我,亦好想聽吓首主題曲唱成點。 相關資訊余兒完全版《那年五月他和她遇上了》 書展見街 (Apr 17, 2018) 《綁靈》1月出版 謝森龍異封面x潘紹聰監製 (Jan 23, 2018)

Read more ›