Post Tagged with: "《天下》"

馬榮成生日作畫 霸氣戰狂重現
by / on 18/01/2017 at 10:45 pm

馬榮成生日作畫 霸氣戰狂重現

係,真係有少少唔爭氣,對於上個禮拜馬榮成吹水話《天下》復刊一事,其實我仲有啲耿耿於懷,心底裡仲有啲嬲嬲豬,但當見到佢張狂戰親筆畫,我又忍唔住Save落嚟做Wallpaper。噓,無計,構圖仲係咁靚,筆風仲係咁瀟灑,喺估計無助理幫拖嘅情況下都畫到如此水準,證明馬榮成無放低支筆,寶刀未老也。呢次因為賀自己牛一,所以馬榮成「重新素描一幅舊作,以作紀念」,即係純粹自High,但自High完可唔可以認真諗諗計,做番啲有益港漫嘅實際事呢?真心Mode,希望佢重出江湖,搞番旺個市。 相關資訊山田孝之34歲生日 提早慶祝食史萊姆 (Oct 16, 2017) 展出聶風火麒麟雕像 驗明真身落訂唔遲 (Oct 10, 2017)

Read more ›

餘嬲未了留言狂插 網民作畫諷刺《天下》「伏刊」
by / on 12/01/2017 at 2:28 pm

餘嬲未了留言狂插 網民作畫諷刺《天下》「伏刊」

復刊原來係「伏刊」,擒日各大中小討論區同面書港漫專頁無不洗版,馬榮成辣興網民至今二十四小時,各大中小怒火不但未熄,反而有越燒越旺之勢,甚至有網民作畫諷刺,睇到我成地花生殼。Gary Kwok簡單明快,畫作只有一陣風同一舊雲,並留言曰:「我都畫番張『插』圖先,獨一無二作品。」確實插得好應棍;史史劇場更加作四格漫畫,名為「是令人期待的漫畫」,亦極諷刺之能事;桑比手畫直頭係靚添,睇得出就算係諷刺作品都好畀心機畫,並留言曰:「佢唔撚畫我畫~~!!黑道風雲2017~~!!」至於游震疆,無作畫但有貼圖,兼留言曰:「漫畫業界前輩、新秀,甚至已經轉職的,仍然對漫畫有一團火!堅做唔鳩吹自High打飛機劏蛇!2017百花齊放、百家爭鳴。」個人認為講得好中肯,我敬愛的港漫主筆們,2017年繼續落力做喇,畀心機畫喇,咁先可以挽狂瀾於既倒,搞番旺港漫個市,十個支持! 相關資訊服! $8300個聶風火麒麟雕像! 8日賣晒50個! (Oct 7, 2017) 絕世好劍重鑄成功 步驚雲雕像再次開放 (Oct 5, 2017)

Read more ›
馬榮成話《天下》復刊又唔復刊 辣興網民100個嬲
by / on 11/01/2017 at 9:05 pm

馬榮成話《天下》復刊又唔復刊 辣興網民100個嬲

呢鋪真係嬲x100,玩嘢咩?擒晚先話《天下》2017復刊,今日馬榮成又開Post話:「多謝大家對天下畫集的關注,其實2017年版的天下畫集是獨一無二,不會出版的。」此話一出,即時辣興網民,或者有見及此,馬榮成又疑似補飛開多個Post,留言兼登相解畫:「很多讀者或者朋友都會找我簽名留念,而我自己就希望將多年來所認識、欣賞的同行或是畫家的作品歸納到一本畫集裡面。我將這本紀念畫集稱作《天下畫集》,是獨一無二的作品,很希望能夠陸續邀請到他們為我們這本畫集賜畫,將畫漫的歷程紀錄下來,謝謝各位。」依家兩個Post都已經唔見影,而網民就繼續興過火屎,嬲到爆粗…… 相關資訊聶風火麒麟雕像開訂 $8300你買唔買? (Sep 24, 2017) 《小鐵漢》+《風雲徙置區》9月20日獨家開訂 (Sep 18, 2017)

Read more ›
2017年港漫界震撼彈 《天下》復刊網民一人一句
by / on 10/01/2017 at 9:05 pm

2017年港漫界震撼彈 《天下》復刊網民一人一句

堅料呀,呢鋪仲唔係2017年港漫界震憾彈?唔係懶,係驚表達錯,所以我原文Copy and paste馬榮成個Post:「天下畫集2017年,再次復刊!首先請來插畫大師阮大勇老師,與及《山海逆戰》的作者邱福龍,更有《西遊》的作者鄭健和率先打頭陣,是絕對令人期待的漫畫作品!」復刊係事實,但又阮大勇又福龍又鄭健和,究竟係乜玩法?此Post一出,港漫迷一人一句,大把嘢講…… 相關資訊鄭健和開面書 你哋Add咗未? (Sep 20, 2017) 《山海逆戰》搞Gag? 伯益係首個用髮泥嘅人? (Sep 19, 2017)

Read more ›
說好了的《天下》呢? 馬榮成事先張揚脫期
by / on 28/11/2014 at 10:30 am

說好了的《天下》呢? 馬榮成事先張揚脫期

原定12月1日出版嘅《天下》風雲‧終戰篇第十二期,馬Sir透過面書事先張揚話會脫期,下周一大家唔使左撲右撲喇。脫期?慣喇,相信各《天下》迷最關心嘅係,點樣可以參與港漫界史無前例嘅結局篇原畫展啫。 相關資訊網圖分享:笑爆嘴二創 麒麟魔變麒麟球單車 (Sep 13, 2017) 《天下》Fans又要破財 聶風雕像不日推出 (Sep 12, 2017)

Read more ›
《天下》最後一期連載 買番本向馬Sir致敬
by / on 05/11/2014 at 11:00 pm

《天下》最後一期連載 買番本向馬Sir致敬

聶風,鄭伊健;步驚雲,郭富城,不能否認《天下》帶畀我好多睇公仔書嘅歡樂,亦不能否認馬Sir畫功天下無敵,不過又不得不利申,打從絕無神一段起我已經 再無撐《天下》,不過又不過咁,《天下》12月1日出最後一期,為向馬Sir致敬,我都會買埋呢期嘅。 相關資訊網圖分享:白冰的Q版港漫角色 (Oct 12, 2017) 上官小威添食 復刻馬榮成《小鐵漢》與《風雲徙置區》 (Sep 7, 2017)

Read more ›

《天下》畫集668期 合併雙封面率先睇
by / on 10/04/2014 at 11:30 am

《天下》畫集668期 合併雙封面率先睇

根據呢幾個月經驗,想買《天下》真係要事先同書報攤留書,咁請記低以下日子,第668期將於4月30日見街。今勻馬Sir連作個名都懶呀,第668期兩個特別版,就簡單到只以A款同B款稱之,各賣$38,而買齊兩款,兩個封面又可以拼埋一齊獨立成一個大封面。質素如何?馬Sir支筆唔使懷疑嘞啩?呢$76,又無得慳嘞。 資料來源:https://www.facebook.com/comecomicshop 相關資訊馬榮成籌備珍藏級風雲雕塑!究竟賣唔賣? (Aug 25, 2017) 有片:《風雲》大總結 郭富城+鄭伊健始終最好 (Jul 27, 2017)

Read more ›
告別2013年 《天下》特別版送月曆
by / on 26/12/2013 at 11:00 am

告別2013年 《天下》特別版送月曆

馬Sir迷留意,嚟緊第664期《天下》將提前踏正除夕推出,陪讀者告別傷感2013年,呢期〈武者無敵二終戰篇〉將推出三個版本,鍾意賀年卡定月曆,自己揀。 相關資訊步驚雲不敵風吹雨打 絕世好劍斷開兩截 (Jul 25, 2017) 網圖分享:馬榮成教仔 做嘢唔好怕蝕底 (Jul 20, 2017)

Read more ›
等到頸都長 《天下》月刊四砌圖四版本
by / on 01/12/2013 at 11:47 am

等到頸都長 《天下》月刊四砌圖四版本

嘩,久違了的《天下》呀!〈終戰篇〉武者無敵(一)千呼萬喚始出來,真係等到頸都長埋。大紅色調、特厚64頁好墜手、特長專欄「漫筆經心」、封面靚到似畫集……我敢講,無論有無追開《天下》,作為港漫迷都應該捧場買番本。 相關資訊網圖分享:《迷離世界》出雙特別版 港漫人贈畫 (Jun 13, 2017) 聶風+步驚雲又出手 馬榮成推出《風雲》威士忌 (Apr 18, 2017)

Read more ›
馬榮成+李志清開班授徒
by / on 03/09/2013 at 4:40 pm

馬榮成+李志清開班授徒

動漫基地舉辦嘅漫畫大師班,屬《一個英雄的誕生──馬榮成作品展》延伸項目,想兜口兜面跟馬榮成同李志清學漫畫的話,唔該快快報名。 相關資訊《天使的微笑》展覽移師動漫基地續辦 買畫集做善事 (Sep 8, 2017) 動漫基地Art Jam 八大畫手創作《茂蘿巴屍打聯盟》 (Aug 2, 2017)

Read more ›
《藝訊》重印〈問誰領風騷〉封面 馬Sir fans必儲
by / on 28/08/2013 at 4:00 pm

《藝訊》重印〈問誰領風騷〉封面 馬Sir fans必儲

擒日一支公經過灣仔,無聊上香港藝術中心行咗轉,忽見今期《藝訊》封面好破格,居然用步驚雲做封面,好型,唔攞唔得。

Read more ›

我比較鍾意「紅金版」利是封,始終都係步驚雲型啲。
by / on 07/02/2013 at 12:00 pm

《天下》送靚靚利是封

利益申報,自從發覺絕心跌落山崖死幾廿次都死唔去之後,我已經無撐《天下》N年。擒日,見有禮利是封送,手痕買本睇吓,估唔到故事已經發展到易風之死,那刻我心底登時一揪,原來,我都仲幾Care《天下》啲主角。

Read more ›
馬榮成摺埋《天下》?
by / on 01/08/2012 at 12:00 pm

馬榮成摺埋《天下》?

喺剛過去嘅書展,馬榮成聯同黃洋達、項明生同天航出席「小說x跨媒體座談會」,一齊接受文雋訪問,席間透露將會完結連載咗廿幾年嘅《天下》。 相關資訊網圖分享:Cuson親筆畫相贈 讀者感動喊出嚟 (Jul 25, 2017) 阿塗書展出《圖解廣東話Cantonese.jpg》 留意簽名會 (Jul 21, 2017)

Read more ›