Post Tagged with: "《山海逆戰》"

《山海逆戰》火將大呼過癮? 于若蘭驚啲乜?
by / on 12/01/2018 at 9:20 pm

《山海逆戰》火將大呼過癮? 于若蘭驚啲乜?

見到今期第59期《山海逆戰》封面,我都戥行道會少幫主于若蘭心痛,流眼淚呀佢。故事講到姚星塵施展異獸猾褢之力,控制小淫蟲火將強姦于若蘭,于若蘭五花大綁動彈不得,急得喊出來。而交代火將剝褲一幕都好搞笑,其中一格畫佢露出不文之物,邱福龍專登畫到啡啡黑黑,似條狀又非全條狀,旁白卻寫住「于若蘭簡直接受不了眼前的硬物」,硬物!當然意會到喇!不過都好「形而上」吓,哈哈。但睇個勢,火將最終都唔可以「大呼過癮」,因為勾徹殺到,處子之身都係留番畀第一主角好啲,係咪咁講先? 相關資訊網圖分享:港漫人出圖望颱風快快走 (Aug 28, 2017) 邱福龍《鐵將縱橫完全版封面畫集》 唔買係你損失 (Aug 23, 2017)

Read more ›

《山海逆戰》封面大師阿傑多 聯乘馬學偉開班教彩搞
by / on 05/01/2018 at 5:45 pm

《山海逆戰》封面大師阿傑多 聯乘馬學偉開班教彩搞

大家追開邱福龍面書,都會留意到福龍宣傳《山海逆戰》下期封面,都周不時會補一句:「唔該阿傑多。」係,《山海逆戰》啲靚靚封面就係出自阿傑多之手。家陣佢孖埋馬學偉搞畫班,教封面及彩稿技巧、畫面及背景氣氛、立體感構成同構圖技巧四大範疇,1月18日開班。有興趣跟猛人學嘢嘅,快啲PM佢哋報名喇。 相關資訊馬學偉x阿傑多開班 傳承港漫技藝 (Aug 18, 2017) 葉明發x阿傑多《爆煉RX》 高水準之作 (Aug 14, 2017)

Read more ›
「收藏家港漫專區」收會員 零入會費送會員證+閃卡
by / on 27/12/2017 at 8:33 pm

「收藏家港漫專區」收會員 零入會費送會員證+閃卡

好吸引,好難唔加入「收藏家港漫專區」成為會員,零入會費,只須要買$200現金代用券,即送3D戰神蚩尤收藏家會員證一張、《山海逆戰》閃咭一套25張、優惠價$28換購《神殤3D海報》。不過我有一個兩難,一套三款現金券咁鬼死靚,邊捨得用先?BTW,1月8日開始招收2018年會員,聽講只收200人,要快手呀喂。 相關資訊Kent Chu做到嘢 非Dark Club會員都攞到貼紙 (Sep 21, 2017) Dark五週年 出《山海逆戰》紀念特別版+勾徹Boxset (Feb 15, 2017)

Read more ›
馬雲突入《山海逆戰》? 神農族大巫師功夫高唔高?
by / on 15/12/2017 at 9:08 pm

馬雲突入《山海逆戰》? 神農族大巫師功夫高唔高?

有錢可以任性,無馬雲咁多錢嘅邱福龍都可以任性,絕絕絕絕絕對有理由相信,今期第55期《山海逆戰》新出場嘅神農族大巫師姜風諭造型,靈感係來自打低吳京、甄子丹、李連杰、向佐、Tony Jaa等功夫巨星嘅《功守道》主角馬雲。一睇五官面相就知,輪廓出晒,神髓足晒,絕對係,除非唔係。造型面相就似到十足嘞,唔知大巫師好唔好揪呢?咁做得烈山仁師傅,功夫渣極有限喇……應該。 相關資訊有錢就是任性 Cuson作畫「預想馬雲下條預告片」 (Nov 13, 2017) 堅料!邱福龍撞鬼實錄! (Aug 6, 2017)

Read more ›
《山海逆戰》54期出特別版 3D立體海報+專刊$68超抵
by / on 09/11/2017 at 10:00 am

《山海逆戰》54期出特別版 3D立體海報+專刊$68超抵

邱福龍《山海逆戰》一周年慶祝活動浪接浪,繼山海卡第二彈後,喺12月18日出版嘅第54期會再推出特別版,一專刊一3D立體海報$68。計死數,減番本身本書廿皮,即係$48已經有張海報,抵到爛啦喂,構圖係伯益騎牛,專刊再細分A同B兩款,各限量200本,「收藏家港漫專家」開訂,要搶。 相關資訊奇妙特別版主機 Tommy Hilfiger GameoBoy、可樂Game Gear開眼界 (Sep 17, 2017) 福龍週記出處境題 兩皮嘢借畀碧咸好定李X和好? (Jul 25, 2017)

Read more ›
很想要吧?《山海逆戰》山海卡第二彈開訂!
by / on 03/11/2017 at 10:15 pm

很想要吧?《山海逆戰》山海卡第二彈開訂!

時間過得好快,《山海逆戰》原來出版已經一年,為慶祝《山海逆戰》一周年,邱福龍出第二彈山海卡賀一賀佢。老例有唔同價錢嘅版本畀大家選擇,分別係至尊組合套裝$1280、基本卡套裝$388同組合卡套裝$88,豐儉由人嗰隻喇,值得人提係今次有利志達、咳神、許景琛同甘小文助陣,很想要吧?想就快向「收藏家港漫專區」落訂喇,老土都係呢句,手快有手慢無呀老友。 相關資訊《山海逆戰》初七啟市 四通街驚現鐵縱橫? (Feb 3, 2017) 網圖分享:白冰筆下的《山海逆戰》于若蘭 (Jan 25, 2017)

Read more ›

藏王同滅絕王突入《山海逆戰》 于清化名「伍泳媚」?
by / on 21/10/2017 at 5:56 pm

藏王同滅絕王突入《山海逆戰》 于清化名「伍泳媚」?

福龍又搞Gag,繼上期肉林三祖後,今期第47期《山海逆戰》又見滅絕王同藏王呢兩個《鐵將縱橫》主角突入,仲同馬華陽同于清同一間客棧食飯添,不過無對白無交流。唔只咁,原來于清為隱藏行道會幫主身份,仲化名「伍泳媚」將銀兩寄化錢莊添,呵呵,好改唔改,改名叫伍泳媚,唔通福龍好鍾意伍詠薇? 相關資訊福龍生日快樂!白冰8-bit《鐵將縱橫》公仔賀牛一 (Feb 21, 2017) 【圖集】日本「藏王狐狸村」新片新相 大量超可愛瞇眼狐狸 (Feb 7, 2017)

Read more ›
《山海逆戰》搞Gag? 伯益係首個用髮泥嘅人?
by / on 19/09/2017 at 9:45 pm

《山海逆戰》搞Gag? 伯益係首個用髮泥嘅人?

第一次睇唔覺,今日發睇先發覺呢個笑位,講緊嘅係第42期《山海逆戰》第28頁,話說伯益跌唔死諗住投靠易商貪龍,驚返老還童對方唔認得自己容貌,所以用地下啲泥Jel番招牌「山」字髮型,並有旁白說明曰:「伯益除了是首個吃異獸的人,也是第一個採用髮泥的先驅。」Wow,福龍真Funny,學人搞Gag添喎,或者我笑點低,我真笑咗。 相關資訊Henry Lau黏土異形好細緻 福龍評《異形:聖約》70分 (May 22, 2017) 網圖分享:不含劇透齋賞畫 港漫人的異形 (May 16, 2017)

Read more ›
《山海逆戰》印錯期數 Kent Chu送免費貼紙彌補缺陷
by / on 18/09/2017 at 9:07 pm

《山海逆戰》印錯期數 Kent Chu送免費貼紙彌補缺陷

仲記唔記得福龍俾《山海逆戰》印錯期數一事激到生蛇?老實錯期數,我就覺得好小事,當錯體囉,十年八載後談港漫經,此亦一話題也。不過,Kent Chu就唔係咁講,佢印製咗一批「第39期」貼紙,Fit番位,可以貼番住原本出錯嘅期數,彌補缺陷。可惜吖,雖屬免費,但此乃Dark Club會員專享,其他讀者無份。Anyway,肯咁出心出力,我哋好應該畀啲掌聲Kent Chu;同埋,If,可以公開售賣的話,我諗其他非會員會更加開心。 相關資訊日本超邪惡「馬賽克紙膠帶」 用途廣泛惡搞圖Twitter熱傳 (Jan 10, 2018) 很想要吧 Kent Chu復刻超迷你版《金報》同《生報》 (Sep 12, 2017)

Read more ›
跟進:自嘲窮鬼+鹹濕鬼+爛賭鬼 福龍唔係撞鬼
by / on 15/08/2017 at 9:00 am

跟進:自嘲窮鬼+鹹濕鬼+爛賭鬼 福龍唔係撞鬼

有睇今期《山海逆戰》「福龍週記」都知,福龍咁唔好彩喺工廈電梯撞鬼,但篇幅所限,鬼古講到一半就下期待續,相信唔少讀者都同我一樣,好鬼想知成件事來龍去脈。豈料,邱福龍剛剛喺面書話:「早兩日才知!原來撞鬼事件只是一個九星連珠的巧合!我寫左一期先知道真相!但也要完成寫下去!這是事實!也不想欺騙讀者!我一再強調世界上只有三種鬼鹹濕鬼、窮鬼、同爛賭鬼!有些人只有其中一種力量!有些人三種力量集於一身!當然!跟住會有人留言擁有這三種力量的就是我!」哈哈,咁反高潮?我真係想知點九星連珠法,Anyway,搞番清楚唔係撞鬼始終係好事,係咪咁講先? 相關資訊《山海逆戰》超級Fans Edward Yu!創作神級異獸虎蛟泥塑! (Apr 27, 2017) 網圖分享:港漫人贈畫 鼓勵雷特氏症小朋友(三) (Apr 24, 2017)

Read more ›
《山海逆戰》超級Fans Edward Yu!添食創作異獸狸力泥塑!
by / on 09/08/2017 at 4:30 pm

《山海逆戰》超級Fans Edward Yu!添食創作異獸狸力泥塑!

之前介紹過《山海逆戰》超級Fans Edward Yu嘅神級異獸虎蛟泥塑,今日佢又有新搞作嘞,創作邊隻異獸呢?答案係Q版狸力。佢喺面書Post咗兩張相,暫屬雛型,佢話遲啲打算落埋色喎,到時肯定更神似,非常期待成品出現。作為福龍Fans同港漫迷,我哋係咪好應該畀啲掌聲佢呢?啪啪啪啪啪…… 相關資訊Edward Yu的泥塑《黑膠人》 快過戇男原版出場 (Sep 22, 2017) 福龍撐神木真一《關。海。山》 親筆畫加持畫異獸蝠㡣 (Apr 12, 2017)

Read more ›

《山海逆戰》珍藏卡特別版三封面 賣萌雪晴版售罄
by / on 24/05/2017 at 7:45 pm

《山海逆戰》珍藏卡特別版三封面 賣萌雪晴版售罄

嚟緊第26期《山海逆戰》推出珍藏卡特別版,三個版本終於有齊封面睇嘞:一,手繪至尊版專刊封面由雪晴繪畫,售$1280;二,卡簿特別版專刊由何志文繪畫,售$188;三,珍藏卡套裝版專刊封面由馮志明繪畫,售$88,「收藏家港漫專區」已經開始全部接受訂購,你又最鍾意邊一個版本?值得一提係雪晴版本已經售罄,于若蘭同傲嵐出自女仔手筆,原來會咁受歡迎,賣萌一樣掂,厲害! 相關資訊撐《PLAY!香港漫畫巡迴展覽》 曹志豪+何志文+山羯出手 (Jan 15, 2018) 上官小威復刻《金漫畫》 星級陣容每本$98 (Sep 24, 2017)

Read more ›
馮志明客串《山海逆戰》封面 霸氣勾徹出場
by / on 18/05/2017 at 5:00 pm

馮志明客串《山海逆戰》封面 霸氣勾徹出場

下期第26期見到《山海逆戰》特別版專刊,覺得唔同Feel的話,一啲都唔需要意外,因為封面由馮志明操刀。行家一出手,便知有沒有,老馮畫嘅勾徹霸氣縱橫,堪稱精彩到一個點,我就極希望可以原圖出,加番個書名就夠,千其唔好加咁多底色呀、Effect呀之類,呢張圖,我已經Save as wallpaper,實在係正。 相關資訊馮志明《兄弟》同《小偷》 上官小威不日復刻 (Sep 13, 2017) 馮志明出Post有辦你睇 《大漠蒼狼》手繪封面 (Aug 15, 2017)

Read more ›
《山海逆戰》出匙扣特別版 附Q版勾徹同傲嵐匙扣
by / on 06/04/2017 at 4:30 pm

《山海逆戰》出匙扣特別版 附Q版勾徹同傲嵐匙扣

正呀喂,邱福龍又有新精品推出喇,喺嚟緊4月21出版嘅第廿一期《山海逆戰》,會加推匙扣特別版,分Q版勾徹同傲嵐兩個版本,各一書一匙扣$60,各限量200本。「收藏家港漫專區」依家開訂,有興趣快快聯絡Dicky喇。 相關資訊終於買得起!3D聶風火麒麟海報$200! (Oct 24, 2017) 展出聶風火麒麟雕像 驗明真身落訂唔遲 (Oct 10, 2017)

Read more ›
《山海逆戰》出勾徹搪膠?網民熱烈討論!
by / on 25/02/2017 at 4:45 pm

《山海逆戰》出勾徹搪膠?網民熱烈討論!

早幾日,邱福龍喺面書登咗兩張圖,兼留言曰:「出搪膠?山海搪膠?買大送小!」《山海逆戰》出精品,我第一個舉腳贊成,網民亦熱烈討論──Patrick Yiu:「呢個主意唔錯吖,一個角色再配對一啲異獸品種!」、Wt Joe:「出搪膠最好同劉米高合作,實掂呀。」、Leo Li:「勾徹搪膠我鍾意呀!」、Simon Au:「出扭蛋!」Victor Wong甚至幫福龍諗埋發達大計:「或者係指頭公仔Size咁,用異獸蛋殼包裝的扭蛋設計,用雞蛋盒一打做Packing,過癮!配人物異獸Bio card,顯示人物異獸特性屬性,名為《山海Card》,做個簡單Card game,又可以多一個俾儲卡玩家玩的玩意呢。」聽落有得諗喎,福龍不妨妨考慮吓。至於我呢,就認為出勾徹搪膠無所謂,Q版亦可以,但千其唔好太簡化,即唔好一條線代表一對眼、畫個四方形又當係嘴,因為唔係好Suit《山海逆戰》咁精雕細琢嘅畫功,純個人意見,不喜勿插。 相關資訊【好想去】大阪《龍珠》主題餐廳 食物超精緻大量精品 (Dec 10, 2017) Joan Cornella都玩「Just do it later」 系列精品有得買 (Sep 25, 2017)

Read more ›