Post Tagged with: "《漫畫Buddy》"

《漫畫Buddy》第二期今日見街 送貼紙每本$72
by / on 10/01/2017 at 10:30 pm

《漫畫Buddy》第二期今日見街 送貼紙每本$72

好嘞好嘞,講咗咁耐,《漫畫Buddy》第二期終於今日見街嘞,不過就要去特純漫畫店先買到,全書152頁彩色厚粉紙印刷,隨書附送貼紙一張,每本$72。數一數陣容,包括有Bryan Ng〈海武〉、李紅劍〈拔劍者》、Fai Cheng〈貓而騎士Kameow rider〉、金城〈人類修復計劃Restoration plan of human race〉、徐啟源〈初次之一口答應〉、海仔〈萬能鉸剪〉、陳明〈芳鄰〉、鄧俊棠〈天姬戰〉、簫海安〈魔幻月夜天〉同梁光明插圖式漫畫等等。都係老土嗰句,難得仲有熱血有心人肯出漫畫,我哋好應該支持吓,加油呀。 相關資訊書屋訂購《漫畫Buddy 3》 送Folder+Postcard (Jul 11, 2017) 書展必搶《七十二行》實體書 (Jul 9, 2017)

Read more ›

《漫畫Buddy》即日開訂 送袁家寶創刊賀卡
by / on 24/06/2016 at 10:30 pm

《漫畫Buddy》即日開訂 送袁家寶創刊賀卡

擒日先話7月正式見街,今日就話開始接受訂購咯。即日起,到「至Goal Club」、「尋回‧漫畫檔」或「Comicshop123」訂購《漫畫Buddy》,即送袁家寶創刊卡一大張,提多次,每本$68,足120頁。另,上次條News數唔晒,原來參與作者仲有葉明發、梁光明同李健良,梁光明個古仔叫〈我的快樂時代──35th〉,家陣登埋相畀你睇,唔知會唔會增加你購買慾? 相關資訊有著數!早訂《新著鐵拐俠盜》送Postcard! (Jul 14, 2017) 甘小文水晶畫板開訂 哨牙珍/肥婆四各$120 (Jul 9, 2017)

Read more ›
齊心撐港漫!《漫畫Buddy》7月創刊每本$68!
by / on 22/06/2016 at 9:15 pm

齊心撐港漫!《漫畫Buddy》7月創刊每本$68!

啪啪啪啪啪,容許我畀十下八下掌聲,想港漫得以承傳,真係要多啲呢班流住港漫血嘅有心人。7月,《漫畫Buddy》將會正式出版,行綜合漫畫路線,每本$68,120頁彩色粉紙印冊,可以想像到時實體書拎上手有幾墜手。至於有乜人乜稿睇,排名不分先後──志筆在始《童年日志》、Fai Cheng《貓面騎士》、帝蒙《買豉油》、海仔《無常》、阿恩《短信》、陳明《消失的世界》、Sam Chu《有夢未完》、李偉健《V9》、鄧俊棠《戀武者》、金城《真心超人》──利申,或者係我孤陋寡聞,呢班作者我係一個都唔識嘅,但,我就係有鋪逢港漫創刊號必撐癮,唔好睇最多唔買第二期嘅啫,所以,奉勸大家唔好以「都唔知呢班係乜友」而柴台,如果大家真心撐港漫,唔該買咗、睇咗先好下定論,買咗借畀朋友睇都得架,夾份買亦得。機會係要畀嘅,我哋要做嘅,係真真正正課金支持呢班有心人,係咪咁講先? 相關資訊港漫x電影《悟空傳》 林祥焜創作漫畫版電影海報 (Aug 9, 2017) 港漫均一價$20 《西遊》113期開始加$1 (Aug 4, 2017)

Read more ›