Post Tagged with: "上官小威"

上官小威出抱枕/水晶畫板套裝 各限量40套要搶
by / on 07/12/2017 at 7:17 pm

上官小威出抱枕/水晶畫板套裝 各限量40套要搶

正呀喂,搶呀喂,上官小威又有新產品推出嘞,仲一口氣推出兩件套裝添。套裝一,證書加晶螢抱枕,尺寸36cm x 36cm,實用架,不過既係精品,俾著我就買咗都唔捨得用嘞,售$88;套裝二,證書加水晶畫板,畫板係24cm x 27cm馬榮成《五兄弟》畫板,證書之外仲送多張復刻紀念卡添,售$120。各限量40套,唔知點解出得咁少,不過啱嘅,物以罕為貴吖嘛。 相關資訊馬榮成推出風雲紅酒 $1680送水墨畫集 (Jan 17, 2018) 《金漫畫》四至六期$98 幫襯「收藏家港漫專區」送紀念卡 (Jan 17, 2018)

Read more ›

上官小威復刻《金漫畫》 3+1特別贈品版$98超抵
by / on 13/11/2017 at 3:29 pm

上官小威復刻《金漫畫》 3+1特別贈品版$98超抵

真係好難唔買,因為實在係抵,上官小威復刻《金漫畫》,出3+1特別贈品版,每套$98包《金漫畫》1至3期、特刊一本、滑鼠墊一個、《五兄弟》海報一張、紀念證書一張,限量100套,「123漫畫精品專門店」同「收藏家港漫專區」開訂。上官小威講到明唔會加印,想睇番謝志榮、馮志明同馬榮成成名舊作,真係要搶,亦真係抵搶,我話嘅。 相關資訊日本復刻《Slam Dunk》月曆 20年前產品10月賣街 (Oct 3, 2017) 很想要吧 Kent Chu復刻超迷你版《金報》同《生報》 (Sep 12, 2017)

Read more ›
上官小威復刻《金漫畫》 星級陣容每本$98
by / on 24/09/2017 at 5:49 pm

上官小威復刻《金漫畫》 星級陣容每本$98

早前報導話上官小威正準備復刻《金漫畫》,依家有進一步消息。《金漫畫》將以12期作為一個總結,保證完滿出版所有故事,售$98。一舊水可以睇到啲乜呢?可以話係星級陣容,包括上官小寶、上官小威同馮志明,最喜出望外係徐大寶同黃國興都有份供稿,真真久違了。可以睇番佢哋嘅漫畫,我諗好多港漫迷都會好Happy。 相關資訊黃國興砌圖版3cm畫作 唔見咁胯下最重要一忽 (Dec 8, 2017) 網圖分享:港漫人出圖望颱風快快走 (Aug 28, 2017)

Read more ›
復刻停不了 上官小威復刻《金漫畫》
by / on 19/09/2017 at 10:15 pm

復刻停不了 上官小威復刻《金漫畫》

復刻停不了,上官小威又打算將1976年《金漫畫》復刻,內包馬榮成《五兄弟》、《馬仔世界》同《經典漫畫》、馮志明《擂台振家聲》、謝志榮《記者中》等作品,Total十幾期內容。利申,我未睇過《金漫畫》,對呢堆作品毫無印象,談不上好惡,但都好有興趣睇吓。 相關資訊《畫出彩虹四十年》好賣唔加印 《73漫畫》復刊有期? (Feb 7, 2017) 等到頸都長!上官小威《畫出彩虹四十年》開訂! (Dec 22, 2016)

Read more ›
《小鐵漢》+《風雲徙置區》9月20日獨家開訂
by / on 18/09/2017 at 9:39 pm

《小鐵漢》+《風雲徙置區》9月20日獨家開訂

個零禮拜報導過話上官小威將會復刻馬榮成《小鐵漢》與《風雲徙置區》,依家進一步消息嘞,9月20日正式喺「收藏家港漫專區」獨家開訂。留意番,兩書除普通版外仲有尊貴限量版,限量呀,即係要搶,有買趁手啦老友。 相關資訊馬榮成製作單車衫 聶風+步驚雲教你安全知識 (Dec 24, 2017) 馬榮成私人珍藏畫集 漫畫家賜畫幅幅精品 (Dec 7, 2017)

Read more ›
馮志明《兄弟》同《小偷》 上官小威不日復刻
by / on 13/09/2017 at 10:14 pm

馮志明《兄弟》同《小偷》 上官小威不日復刻

利申,我係未睇過馮志明《兄弟》同《小偷》嘅,所以對上官小威打算復刻呢兩本40年前嘅大作,我非常有興趣。兩本打孖一齊買,售$68,唔貴,雖然唔知實際印書數,但講到明限量絕不加印,到時仲會出多個贈品版添,老土都係呢一句,必撐,拭目以待。 相關資訊馮志明出Post有辦你睇 《大漠蒼狼》手繪封面 (Aug 15, 2017) 馮志明《大漠蒼狼》簽名會 睇埋《刀劍江湖上河圖》 (Aug 9, 2017)

Read more ›

上官小威添食 復刻馬榮成《小鐵漢》與《風雲徙置區》
by / on 07/09/2017 at 9:00 am

上官小威添食 復刻馬榮成《小鐵漢》與《風雲徙置區》

上官小威又有復刻作嘞,今次係馬榮成嘅《小鐵漢》同《風雲徙置區》。《風雲徙置區》分上下兩冊,普通版$68,尊貴限量版包書、兩幅水晶畫板、簽名證書$300;《小鐵漢》一期完,普通版$38,尊貴限量版包書、一幅水晶畫板同簽名證書$180。利申,呢兩本大作我係未睇過嘅,所以好有興趣買番嚟睇,唔知大家又點睇? 相關資訊山月畫友聯展今日開幕 馬榮成連畫框都畫埋 (Nov 9, 2017) 展出聶風火麒麟雕像 驗明真身落訂唔遲 (Oct 10, 2017)

Read more ›
如果上官小威復刻《南拳北腿》 你撐唔撐?
by / on 09/08/2017 at 9:30 am

如果上官小威復刻《南拳北腿》 你撐唔撐?

好簡單嘅問題:「《南拳北腿》當年非常穩定上揚的作品,假如復刻面世,大家還會接受嗎?」呢個問題係上官小威問嘅,你哋又點睇?利申,我係未睇過《南拳北腿》嘅,本身對佢無乜感情,但如果復刻得成,我一定撐,就當買番N年前睇港漫嘅美好回憶都好。如果大家都想再睇《南拳北腿》,入上官小威面書多多留言鼓勵喇。 相關資訊《漫畫賓治2》12月3日出版 課金支持唔好得個講字 (Nov 30, 2016) 《今晚打喪屍》漫畫化 誰是主筆等余兒開估 (Nov 8, 2016)

Read more ›
《迷離世界》印得唔好 上官小威送海報致歉抵讚
by / on 30/07/2017 at 11:00 am

《迷離世界》印得唔好 上官小威送海報致歉抵讚

有啲嘢,係好值得向老一輩學習嘅,呢樣嘢就係均真,錯就認,打就企定,上官小威有感《迷離世界》最尾幾頁因為像素唔夠,搞到印出嚟嘅效果強差人意,所以喺面書出「道歉啟事」,所以決定送番張全新製作嘅海報聊表歉意,佢仲咁話:「作為小小的補償,小威明白這個不能代表什麼,只期望大家恕諒。」言重嘞,支持你呀上官小威。 相關資訊日本賽艇海報倒轉有玄機 「挑戰」變「勝利」 「最強」變「戰場」 (Dec 27, 2017) 《古惑仔》送海報 推新故事「誰是游子健」 (Dec 22, 2017)

Read more ›
書局版送迷你《魔幻集》。
by / on 20/06/2017 at 9:00 am

上官小威添食 復刻精美版送迷你《迷離世界》Or《魔幻集》

  過癮喎又,將睇開嘅傳統港漫Size縮細一半,但又唔係甚麼合訂本精裝版珍藏本,效果究竟會點呢?上官小威復刻特別版《迷離世界》搶購一空,為免其他讀者詐型,所以推出多一個復刻精美版。精美版又細分為書店版同書局版,前者送迷你《迷離世界》一本;後者送迷你《魔幻集》一本,各限量100本,各順序1至100獨立編號。有興趣的話,唔該快啲致電「收藏家港漫專區」或「123漫畫精品專門店」落訂,肯肯定搶手架,有買趁手呀。 相關資訊賀上官小威入行40年 重新推出馬榮成《大漫畫》 (Sep 13, 2016) 復刻《壽星仔》?讀者提議最終回當創刊號出! (May 4, 2016)

Read more ›
復刻《迷離世界》重開「讀者天地」 獎品人人有份永不落空
by / on 06/06/2017 at 9:15 pm

復刻《迷離世界》重開「讀者天地」 獎品人人有份永不落空

好,多啲互動一定係好事,上官小威復刻《迷你世界》,仲推出埋「讀者天地」,大家自問手畫唔曳嘅,可以畫一幅黑白畫,尺寸限A4以內,交畀上官小威、上官小寶同戇男過目。邊個贏,即送有齊三大評審親筆簽名嘅《迷離世界》復刻版一本;就算落選都有安慰獎,所有參加者都會獲贈海報或印畫一張,截止日期6月10日。唔使急,最緊要快,大家快啲畫畫畫畫畫喇。 相關資訊Eric Ng又送年糕畀老人家 畫手繪畫盒面抵讚 (Jan 11, 2018) 戇男《黑膠人》角色最後設定!完成九成! (Sep 25, 2017)

Read more ›

上官小威復刻《迷離世界》 崔成安贈畫鼓勵
by / on 30/05/2017 at 5:30 pm

上官小威復刻《迷離世界》 崔成安贈畫鼓勵

《迷離世界》決定復刻,回響極大,未出書先興奮就係呢隻嘞。唔只港漫迷興奮,連上官小威本尊都應該一百個開心,因為崔成安專登賜畫,贈賀圖兩大幅,當真物輕情義重。港漫人真係好團結,好事嚟嘅,,希望誠上官小威所言,復刻版《迷離世界》可以趕得切喺佢嫩人家生日前見街啦。 相關資訊崔成安「俠義龍情」環保Tote Bag 每個$120開訂 (Jan 16, 2018) 李小龍生忌 劉萬梁x崔成安推出1127紀念套裝 (Nov 29, 2017)

Read more ›
上官小威復刻《迷離世界》 暫定年底推出
by / on 25/05/2017 at 11:00 am

上官小威復刻《迷離世界》 暫定年底推出

資深港漫迷無理由無睇過《迷離世界》,想當年細路仔嗰陣唔夠零用錢唔可以期期買,買得返屋企又驚俾老竇老母鬧,要匿入被竇邊驚邊睇,當真係美好回憶。家陣唔使回憶嘞,因為上官小戈威決定復刻《迷離世界》,打算年底推出,仲喺面書講到明:「至於附帶內容,早已訂下了非常豐富的腹稿,如果全部搞好,肯定比《73漫畫》復刻版,豐富十倍。」聽到呢個消息,我好興奮,你又點睇? 相關資訊關榮遇報料 上官小威將推出《畫出彩虹四十年》 (Jan 28, 2016) 創造館復刻《龍虎門》 周刊形式橫度推出 (Sep 11, 2015)

Read more ›
《73漫畫》加推書店精裝本 送海報限量73本
by / on 23/04/2017 at 5:30 pm

《73漫畫》加推書店精裝本 送海報限量73本

一個好振奮人心嘅消息,上官小威復刻嘅《73漫畫》,兩個版本「紅寶愛藏版」同「綠寶愛藏版」已經全部售罄,黃國興即刻喺面書登畫慶祝。而為照顧向隅讀者,佢嫩人家決定加推「書店精裝版」,拿,真係Last架喇呢次,同樣限量73本,同樣有獨立編號,隨書附送「小醉仙And壽星仔經典封面海報」一大張,售$88。想買,唔該快手致電「123漫畫精品專門店」落訂。 相關資訊鄺世傑出手 畫《一家大細》電影海報 (Dec 20, 2017) 終於買得起!3D聶風火麒麟海報$200! (Oct 24, 2017)

Read more ›
上官小威落實復刻《73漫畫》 分兩版本各售$180
by / on 04/04/2017 at 10:15 pm

上官小威落實復刻《73漫畫》 分兩版本各售$180

唔係講講吓,亦唔需要估估吓,講咗好耐嘅復刻版《73漫畫》,上官小威喺面書講到明落實推出,仲分「紅寶愛藏版」同「綠寶愛藏版」兩個版本添。記住,限量架,兩個版本都各只推出73本,都屬硬殼包裝,各售$180,到時隨書附送其他小禮物,至於係乜禮物、訂購方法等等,就要等進一步消息,本網站會繼續跟進。 相關資訊《73漫畫》開訂 送匙扣小醉仙/壽星仔二揀一 (Apr 18, 2017) 網上漫畫綜合雜誌 《漫畫賓治》即將免費登場 (Jul 2, 2015)

Read more ›