Post Tagged with: "上官小洪"

上官小洪出立體漫畫相架 「小洪與哨牙珍」最正
by / on 17/07/2017 at 10:15 pm

上官小洪出立體漫畫相架 「小洪與哨牙珍」最正

有新意!我鍾意!上官小洪喺書展期間,將會推出三款各限量30個嘅立體漫畫相架,分別為尚餘23個嘅「小洪與哨牙珍」、尚餘22個嘅「黐洪神探」同尚餘11個嘅「西遊老友記」,各售$100。佢嫩人家講明由於製作成本高昂,所以絕不會有第二版,有買趁手,有興趣嘅唔該快快落訂。我呢,就比較鍾意「小洪與哨牙珍」版,哨牙珍拎起裙襬個Pose真係畫得好頂癮,見到已經想笑。 相關資訊網圖分享:Cuson親筆畫相贈 讀者感動喊出嚟 (Jul 25, 2017) 阿塗書展出《圖解廣東話Cantonese.jpg》 留意簽名會 (Jul 21, 2017)

Read more ›

上官小洪書展出《黐洪動漫》完結篇
by / on 28/06/2017 at 12:00 pm

上官小洪書展出《黐洪動漫》完結篇

瀏覽面書,得知上官小洪《黐洪動漫》第二期亦會喺7月書展見街,有無第三期?無!因為此乃完結篇,全書132頁,售$100。上官小洪有留言曰:「黐洪動漫完結篇,頁頁精彩夠瘋癲,浪漫對白軟綿綿,嘉賓作畫夠經典,爆笑場面再出現,七月相逢在書展。」繼續押韻!好鬼死鍾意呢種疑似打油詩,係Old school咗啲,不過夠情懷吖嘛,我Like!大家記得捧場。 相關資訊利志達書展出《刻毒》 收錄11個短篇故事 (Jul 20, 2017) 書展撐牛佬!撐《赤軀隨遇》! (Jul 20, 2017)

Read more ›
網圖分享:永遠懷念哥哥
by / on 03/04/2017 at 2:44 pm

網圖分享:永遠懷念哥哥

點解我哋每年都記得4月1日呢個日子,唔係因為愚人節,係因為呢日係張國榮死忌。今年係2017年,時間過得好快,都14前年嘅事咯,家陣諗番起都仲係心有戚戚然,除咗哥哥,我仲好懷念14前嘅香港,懷念啲乜?不解釋……睇靚畫喇。 相關資訊書展必搶《七十二行》實體書 (Jul 9, 2017) 廖光祖x塵阿力《瞬》雙人展! 10月交疊瞬間美 (Jul 6, 2017)

Read more ›
《黐洪動漫》必有第二期 暫定七月書展見街
by / on 23/02/2017 at 9:45 pm

《黐洪動漫》必有第二期 暫定七月書展見街

好吖!有頭有尾先係波!出得漫畫就要尊重讀者,所以上官小洪喺面書透露話:「……無論成敗與否,第一期的故事一定要完結作為交代,結束都要好好睇睇,死都要死得轟轟烈烈……第二期鐵定七月書展同大家見面」,我覺得好應該畀番啲掌聲佢。暫時所見,第二期有〈黐洪神探〉、〈聾豬 二世祖〉、〈小劉文〉、〈周八達通〉、〈安能狗〉、〈我的寶貝女〉、〈鬼咁過癮〉同〈西遊老友記〉八個故事,另加其他專欄,如此大堆頭仲有古仔啱睇,誠意之作值得一撐。

Read more ›
網圖分享:人日照舊有賀圖睇
by / on 04/02/2017 at 9:30 am

網圖分享:人日照舊有賀圖睇

擒日係大年初七人日,即係全人類嘅生日,估唔到依舊有賀圖睇,港漫人真係好勤力嘅啫,掌聲掌聲鼓勵,拍啪啪啪啪啪…… 相關資訊網圖分享:Eric Ng的面書版「七十二大圖集」 (Jun 29, 2017) 網圖分享:《迷離世界》出雙特別版 港漫人贈畫 (Jun 13, 2017)

Read more ›
上官小洪添食 《黐洪動漫》賀歲至Goal版開訂
by / on 27/01/2017 at 9:15 pm

上官小洪添食 《黐洪動漫》賀歲至Goal版開訂

無講大話,仲未得閒出旺角買上官小洪本《黐洪動漫》,但見面書讀者留言一致讚好,估計都應該好好賣吓。咁好賣梗係要添食喇,食住雞年將至,上官小洪正式推出《黐洪動漫》賀歲至Goal版,「至Goal Club」獨家發售限量20套,一書一畫板賣$110。睇清楚,畫板唔係印刷品,係親筆畫,幅幅唔同保證獨一無二,仲有埋祝福語非常好意頭,有心捧場就要搶,快啲打電話預訂喇老友。 相關資訊書屋訂購《漫畫Buddy 3》 送Folder+Postcard (Jul 11, 2017) 甘小文水晶畫板開訂 哨牙珍/肥婆四各$120 (Jul 9, 2017)

Read more ›

網圖分享:《老夫子》王家禧離世 港漫人出圖悼念
by / on 04/01/2017 at 6:30 pm

網圖分享:《老夫子》王家禧離世 港漫人出圖悼念

呢兩日全香港都論談《老夫子》,王家禧離世,睇怕好多香港人都好Sad,今日《想入非非──老夫子漫畫作品展》Last day,我估動漫基地肯定逼爆人,都不失為送別老王澤嘅最後心意。港漫人出圖悼念,新畫舊畫贈畫有齊,大家慢慢緬懷吓呢個畫壇巨匠喇。 相關資訊梁偉家《滅絕遊戲》紀念明信片 一套十二張 (Jul 25, 2017) 葉明發《嗱喳俠》變實體書 動漫節開賣 (Jul 24, 2017)

Read more ›
上官小洪疲勞轟炸 瘋狂Key相改圖+打油詩賣廣告
by / on 28/12/2016 at 10:00 pm

上官小洪疲勞轟炸 瘋狂Key相改圖+打油詩賣廣告

如果特朗普、哈利波特、哈七、高達、叮噹、聖誕女郎、悟空等角色人物;尖沙嘴鐘樓、凌霄閣、港大理大、半島酒店等地標,統統都替上官小洪賣廣告……發癲就有,發夢無咁早喇,不過疲勞轟炸呢招,原來真係幾有用,上官小洪呢排瘋狂Key相改圖替《黐洪動漫》賣廣告,差不多隔一兩日就出一次圖,再加食字押韻打油詩,雖然感覺有啲老土,但嗰種鋪天蓋地法,睇得多,真係迫到我都硬生生記得住《黐洪動漫》將會喺1月13日出版。上官小洪,不得不寫個服字畀你,咁有心機同諗頭,你係得嘅。

Read more ›
堅好笑!上官小洪宣傳《黐洪動漫》!瘋狂Key相出Post!
by / on 12/12/2016 at 10:30 pm

堅好笑!上官小洪宣傳《黐洪動漫》!瘋狂Key相出Post!

癲嘅!Short嘅!唔係我講架,係上官小洪自己咁自己架咋,佢本大作《黐洪動漫》將於2017年1月13日見街,全書132頁,每本$100,內有〈黐洪正傳〉、〈襲豬二世祖〉、〈小劉文〉、〈周八達通〉、〈安能狗〉、〈我的寶貝女〉、〈鬼咁過癮〉同〈西遊老友記〉八個短篇故事,故事名食字好老土?我唔覺喎,有心支持港漫的話,唔該真金白銀科水,睇完先插都未遲。值得一提嘅係,上官小洪瘋狂Key相出Post宣傳,喺匯豐銀行總行外牆賣廣告、上《Time》封面、Mr. Bean同事頭婆都撐嗰幾張惡搞圖,我笑得出,尤其喺巴士車身賣廣告嗰張,霎眼望仲以為真嘅添。

Read more ›
《漫畫賓治2》12月3日出版 課金支持唔好得個講字
by / on 30/11/2016 at 10:30 am

《漫畫賓治2》12月3日出版 課金支持唔好得個講字

都係嗰句,支持港漫唔係得個講字,要用實際行動,即係課金,難得有班有心人搞興個市,我哋係咪好應該擺低$88以示鼓勵呢。且看12月3日出版嘅《漫畫賓治2》陣容──陸志明、鄭少現、陳明、Yas、上官小威、上官小洪、張萬有、甘小文、謝志榮、少傑、鄧本邦、黃書慶、梁偉家、金城、郭小峰、Ah Wah、Cody、Joe Wong、李紅劍、周蔭龍、小魚毛等等,唔敢話個個都識,唔敢話個個手畫都啱你睇,但拎上手嗰種沉甸甸手感,正正係實體書先畀到你嘅睇公仔書味道。唔使諗,撐喇,好睇嘅,追買番第一期都唔過份。 相關資訊甘小文《奔走行》7月7日見街 (Jul 6, 2017) My name is Chanpeel!甘小文出陳皮女俠Figure! (Jun 29, 2017)

Read more ›
畫手陸續加盟 《漫畫賓治2》究竟有幾厚?
by / on 01/11/2016 at 9:00 am

畫手陸續加盟 《漫畫賓治2》究竟有幾厚?

之前已經報導過一水《漫畫賓治2》有乜港漫人加盟,卻原來遠遠唔只呢個數。剛剛瀏覽面書,發覺仲有小棠《君看雙眼色》、Cody《有錢遊戲》、楊位勝《具仔細界》、Bryan Ng《熱血編輯部》、上官小洪《夢想成真》、鄧本邦《有火》、Tys Kwok《咖啡農場》、梁偉家《我們的漫畫路》、Ah Wah《取西經》等等稿件,而Tommy Li同上官小拔亦有份參與。老實,我唔識得晒以上所有人,但一本漫畫可以如此吹大雞搵到咁多人參與,本身已經係一件值得致敬嘅事。到時本書會有幾厚?真真拭目以待。 相關資訊《詭探》x港漫 原來出自梁偉家之手 (Jun 28, 2017) 網圖分享:港漫人贈畫 鼓勵雷特氏症小朋友(三) (Apr 24, 2017)

Read more ›