Post Tagged with: "中國"

新片速報 揚威海外 中國廣東現飛天巨型八爪魚
by / on 07/10/2013 at 10:12 pm

新片速報 揚威海外 中國廣東現飛天巨型八爪魚

中國咁多人咁多資源,要做一啲大Project,其實唔難,只要唔抄,或者抄少啲,再有禮貌啲,謙厚啲,乾淨啲有公德心啲就得。好似早幾日喺廣東省就有呢隻超巨型黑色八爪魚飛上天,1,500平方米咁大,重200kg,飛咗30分鐘!連日本新聞都有報道呢單料。講真,係幾壯觀,離遠睇仲以為有外星人侵略地球。 相關資訊【有片】中國婚禮掟炮仗似戰場 煙霧迷漫外國網熱傳 (May 11, 2018) 中國唱K 日本歌手變咁嘅樣 (May 4, 2018)

Read more ›

強國人海地獄圖集 這樣遊覽開心嗎?
by / on 05/10/2013 at 7:56 pm

強國人海地獄圖集 這樣遊覽開心嗎?

國慶假期過咗幾日,外國網站有報道,但唔係報道佢幾開心幾威水,而係國慶假期中國各地景點嘅情況……嘩,你以為出廣東道、彌敦道就叫大鑊?你睇吓啲相,喺北京長城、西湖等各大景點,人山人海嘅畫面真係超乎你想像,香港仲話多啲自由行,唔好啦!我唔想落街食個飯都咁樣逼法呀!不過又講番轉頭,咁樣迫法有咩好遊覽呢?我淨係諗起《World War Z》…… 相關資訊全國大量目擊 大陸天空現不明飛行物 (Apr 28, 2018) 【有片】隨時嘟錯俾錯錢 中國租單車有假QR Code (Jan 17, 2018)

Read more ›
揚威海外系列 大陸「廁所文化主題餐廳」 食屎啦你!
by / on 28/09/2013 at 1:30 pm

揚威海外系列 大陸「廁所文化主題餐廳」 食屎啦你!

據講,呢間喺大陸山西太原嘅全國首間「廁所文化主題餐廳」,開業以嚟日日爆滿,嗱,呢度我唔明喇,大陸人對於廁所嘅文化應該係度度都係廁所,港鐵屙得,街邊屙得,蘋果店都屙得,咁坐住個廁所去食飯又有幾咁奇呢?不過點都好,呢間餐廳連日本網站都有介紹,可能日本人唔知呢啲事,所以覺得佢哋有創意,不過我唯一希望係,日本人識得分中國人同香港人,唔該。至於嗰啲喺香港通處去廁所嘅未開發人種,我都有句嘢想同佢哋講,麻煩烏蠅哥。 相關資訊【圖集】核戰後的中國 日本網民熱傳重型面罩圖 (Dec 26, 2017) 日本化粧品店貼紙拒中國人內進 網民:「其實唔需要道歉。」 (Nov 27, 2017)

Read more ›
強國靈幻玩意 小朋友你敢坐嗎?
by / on 14/09/2013 at 11:55 am

強國靈幻玩意 小朋友你敢坐嗎?

相信如果你係70後,都有機會玩過呢味嘢。即係你坐上去,之後你阿媽入1蚊落去,隻嘢就會搖搖搖,搖一輪唔知為咩,但細個你又覺得幾好玩喎。喺香港,呢啲搖搖吓嘅嘢(我真係諗唔到佢哋叫咩),多數都以動漫人物或者飛碟或者飛機、跑車為造型,但喺強國……嗚!日本啱啱有網站分享咗呢個專題,夜晚見到我個心真係會離一離,海洋公園哈佬喂有得諗喎!Work喎! 相關資訊【有片】大陸電競選手 直播中打女友被解約 (Oct 27, 2017) 【有片】大陸男酒店消費想走數 30米高電線玩花式 (Oct 4, 2017)

Read more ›
強國西瓜君 雕《One Piece》草帽版西瓜
by / on 11/09/2013 at 7:04 pm

強國西瓜君 雕《One Piece》草帽版西瓜

強國臥虎藏龍,雖然網上一向都有唔少高手雕西瓜,但雕得咁密咁多嘅,都非呢位合肥嘅「西瓜君」莫屬。佢用刀喺西瓜上面雕咗路飛、索柏、艾斯等《One Piece》角色,而且全部都雕得好似,艾斯仲有頂帽戴添!     相關資訊日本西瓜咭Suica銅像 低炒角度似國家領導人 (Mar 6, 2018) 【有片】西瓜卡真係有西瓜 日本YouTuber奇妙出閘 (Oct 4, 2017)

Read more ›
揚威網絡 強國強發明 「尿不歪」射擊修正器
by / on 07/09/2013 at 6:40 pm

揚威網絡 強國強發明 「尿不歪」射擊修正器

話說9月1日,深圳城管實行「公廁尿歪罰款100元」嘅規定,呢個條例本身好勁,我喺度諗,點實行呢?阿城管人員係咪跟埋我入廁所望住我睇吓我嘅射程範圍去到邊?算喇,大陸嘅嘢我哋唔明o架喇。不過有商人就好快咁諗到新產品,就係簡單一個漏斗再加條管,變成「尿不歪」,條片睇到兩名婦人喺廁所門口兜售,10蚊一個,好過俾人罰100蚊喎,仲有人親身試用……我嘅問題又嚟喇,用完之後我點帶喺身呢?唔通佢哋有寄存服務?不過點都好,呢個發明已經吸引到日本網站介紹,好威呀!作為香港人,與有榮焉。 相關資訊大陸「程序員鼓勵師」傳到日本 網民表示歡迎引入 (Sep 19, 2017) 【有片】係威嘅!大陸業主收樓 發現啲窗畫上去 (Sep 16, 2017)

Read more ›

網民驚豔    內地「美女鬼教官」揚威日本
by / on 07/09/2013 at 5:31 pm

網民驚豔 內地「美女鬼教官」揚威日本

中日關係一直緊張,尤其牽汲到軍事問題,不過靚女又唔同講法,內地最近出現一位靚絕軍界嘅女教官,有人將一位女軍官喺街頭演練嘅相片貼上內地嘅貓撲(tt.mop)網站,引起網民大肆討論,大家都話「今屆學弟真幸福!」,幾個日本主要嘅新聞網今日有大篇幅報導,仲形容佢為「美人鬼教官」!老實,我覺得佢真係幾靚,起碼外貌似係純天然,我講「似」,因為內地嘅嘢,我唔敢寫包單。 相關資訊【新片速報】日本喵星人出動 牛仔褲「貓鬚」製造工場 (May 20, 2018) 日本推出 電話座連散熱風扇 睇片好啱 (May 20, 2018)

Read more ›
又揚威海外系列 自由人決戰維港 唔影實景影佈景
by / on 23/08/2013 at 4:47 pm

又揚威海外系列 自由人決戰維港 唔影實景影佈景

有時強國人真係好Cutie,話說呢幾張相一喺網絡上面出現,即時引嚟外國網站報道。首年就係話香港空氣質素越嚟越差,之後就見到呢幾位尊貴嘅自由人見維港灰濛濛,就揀咗喺呢塊維港海景佈景前面影相……係計喎!嗱!咁不如香港整幾塊維港景呀、山頂景呀、旺角景呀嘅佈景送返大陸,咁佢哋咪唔駛山長水遠落嚟囉!我諗好多香港人願意集資做呢件事,唔駛多謝,血濃於水嘛。 相關資訊【有片】中國Coser認真製作 《League of Legends》fan made影片有睇頭 (Sep 6, 2017) 【有片】日本網民嘖嘖稱奇 中國山寨《你的名字。》Figure開箱 (Sep 4, 2017)

Read more ›
強國強手 中國風3D畫現北京街頭
by / on 17/08/2013 at 5:55 pm

強國強手 中國風3D畫現北京街頭

3D畫近年都好興,中國人學嘢咁快,點會唔識?啱啱喺北京就舉行嘅第4屆前門歷史文化節,就喺街頭見到呢啲3D立體畫,展期到今個月24日。好老實,比起歐美啲立體畫一啲都唔差,而且加入中國特式都相當唔錯,外國人應該好鍾意。冇錯,我係喺外國網站睇到嘅。 相關資訊日本網站好驚訝 中國夏天之日常圖集 (Jul 28, 2017) 【好彩有睇日本節目】上海假的士 公安認出的士證上係「大野智」 (Jul 28, 2017)

Read more ›
奇妙的強國 熊貓攬冰 山洞開枱 IKEA嘆冷氣
by / on 14/08/2013 at 5:20 pm

奇妙的強國 熊貓攬冰 山洞開枱 IKEA嘆冷氣

之前都睇過強國人去游水人迫人變人海、去運動舖嘆冷氣瞓跑步機嘅圖片,其實作為強國人,當然唔只咁少選擇。啱啱外國網站又分享咗中國人過炎夏嘅娛樂方法,佢哋會去山洞乘涼打麻雀,瞓街瞓商場瞓IKEA,唔只人,熊貓都好識嘆,攬冰。另外,努力嘅農夫都有,佢哋要喺乾涸嘅農地收割,呢個我真心尊重。 相關資訊嚇親日網民 大陸防身武器 隨時火燒腸仔 (Jul 19, 2017) 【有片】上海商場「老公休息艙」 封閉空間 陳年遊戲任玩 (Jul 15, 2017)

Read more ›
網絡驚嚇影片 巴士意外車內影像 切記扣安全帶
by / on 10/08/2013 at 3:17 pm

網絡驚嚇影片 巴士意外車內影像 切記扣安全帶

呢條片唔好笑,大家要認真看待!噚日網上出現呢條影片,傳到去日本網都有關注,就係大陸巴士喺高速公路發生意外時嘅車內情況,從多角度睇到翻車一刻,車入面好似無重狀態咁,而冇扣安全帶嘅乘客同司機,有啲更加拋出車外。睇撞毁嘅巴士情狀,意外都幾嚴重,死傷就唔知有幾多,希望傷者早日康復、死者安息之餘,大家坐車真係記得帶安全帶! 相關資訊【有片】冇版權狂偷片?大陸版咸超10月上映唔怕醜 (Jul 15, 2017) 【俾返桶炸雞我】中國杭州開綠色KFC 無炸雞得烤雞 (Jul 12, 2017)

Read more ›

強國自有強中手 超市中傳說的執貨員
by / on 08/08/2013 at 2:32 pm

強國自有強中手 超市中傳說的執貨員

我諗可能大陸地方比較大,超市入面嘅產品可以俾執貨員發揮創意空間,砌出各種奇物。首先我唔明點解又要老翻多啦A夢,其次係牙膏砌出嘅熊貓要畫上眼口鼻。廁紙晚裝就整得幾靚,但地拖把做孔雀開屏我只能……咪住!唔只乾貨,新鮮嘅魚都可以砌個心形出嚟? 相關資訊【有片】好嘢喎!中國製遊戲 直用《薩爾達BOTW》遊戲Gameplay做宣傳 (Jul 8, 2017) 【多圖】日本男士之欲望 中國少女Misa煎餃Twitter熱傳 (Jul 2, 2017)

Read more ›
北方獵影 上海「China Joy 2013」Show Girls大集合
by / on 26/07/2013 at 9:13 pm

北方獵影 上海「China Joy 2013」Show Girls大集合

中國咩多,人囉。啱啱25日開始一連4日喺上海舉行嘅「China Joy 2013」,好多人,台上好多囡囡,雖然質素比較參差,但都有唔涼快之選,今日Happy Firday,除咗囡囡之外,我咩都唔想睇。 相關資訊嚇親日本人 淘寶山寨「比卡超」充電器耳仔係插頭 (Jun 5, 2017) 中國KFC推出「皮卡丘」套餐 比卡超玩具識叫識著燈 (Apr 27, 2017)

Read more ›
【有片】老外看中國 中國10大醜建築 人民日報大樓大熱奪魁
by / on 20/07/2013 at 8:23 pm

【有片】老外看中國 中國10大醜建築 人民日報大樓大熱奪魁

呢個Youtube頻道叫「老外看中國」,主持人係一個西人,但有個中文名叫郝毅博,仲講普通話。講起嚟慚愧,我之前冇睇過呢個節目,係睇外國網介紹番我先知,原來佢最近仲做咗個中國十大醜建築專題,而且個西人都好佻皮,講到西安新法門寺,佢話似《龍珠》個天津飯出太陽拳喎;另外仲有冇乜見過「山寨白宮」阜陽政府辦公大樓,至於第1位,眾望所歸,北京人民陽具大樓,佢仲抵死到剪咗外國節目片段落去,係喺美國街頭訪問啲小朋友,睇吓佢哋覺得呢座大樓似咩,笑死我。同埋最後講講,呢個西人個頻道都講幾多時事嘢,幾好睇,我訂閱咗。 相關資訊【有冇遇過】日本原宿現告示 中國僧人騙子出沒注意? (Apr 12, 2017) 嚇死日本網民 中國列車壯觀風景係地下 (Apr 7, 2017)

Read more ›
內地手機玩佛祖    如來神掌八式變賣點
by / on 16/07/2013 at 7:45 am

內地手機玩佛祖 如來神掌八式變賣點

中國人嘅創意有時候真係令人O嘴,好似呢款由內地TOOKY京崎手機廠商推出嘅新手機「京崎K1」,5.7呎芒行四核,未算最頂尖,不過宣傳上居然用如來神掌八式作為宣傳賣點,例如第一式唔係佛光初現而係「指點乾坤」,即係touch screen啦;另外有一式叫「佛渡無量」,原來係標榜有1G RAM + 4G ROM嘅儲存,除咗佩服我都諗唔倒第二個形容詞,想知道萬佛朝宗即係咩?入嚟自己慢慢研究啦,我無佢咁好氣。 相關資訊集英社推出「漫畫版YouTube」 手機程式免費下載 (May 10, 2018) 【有片】內地化學堂用「電子黑板」 傳到日本網民羨慕 (May 7, 2018)

Read more ›