Post Tagged with: "中國"

內地手機玩佛祖    如來神掌八式變賣點
by / on 16/07/2013 at 7:45 am

內地手機玩佛祖 如來神掌八式變賣點

中國人嘅創意有時候真係令人O嘴,好似呢款由內地TOOKY京崎手機廠商推出嘅新手機「京崎K1」,5.7呎芒行四核,未算最頂尖,不過宣傳上居然用如來神掌八式作為宣傳賣點,例如第一式唔係佛光初現而係「指點乾坤」,即係touch screen啦;另外有一式叫「佛渡無量」,原來係標榜有1G RAM + 4G ROM嘅儲存,除咗佩服我都諗唔倒第二個形容詞,想知道萬佛朝宗即係咩?入嚟自己慢慢研究啦,我無佢咁好氣。 相關資訊嚇親日網民 大陸防身武器 隨時火燒腸仔 (Jul 19, 2017) 【有片】上海商場「老公休息艙」 封閉空間 陳年遊戲任玩 (Jul 15, 2017)

Read more ›

中國開放遊戲市場 剦割社交功能!?
by / on 12/07/2013 at 2:35 pm

中國開放遊戲市場 剦割社交功能!?

之前《SCMP》報導咗話中國封閉咗13年嘅遊戲主機市場將會開放,大陸就有《中國日報》作跟進報導。消息人士話遊戲市場會喺未來嘅上海自貿區開放,而且就算解禁都唔會係近期嘅事。重有最重要係遊戲主機同遊戲唔會同其他地區嘅版本一樣,我諗同電影尺度差唔多,講鬼講喪屍嘅就唔得啦,而且主機仲要移除facebook、Twitter等社交功能,咁會唔會加番微博!?另外大陸仲有網民話PS近排出中文遊戲就係因為一早知呢個消息喎,咦喂,好彩係繁體啫。 相關資訊【有片】冇版權狂偷片?大陸版咸超10月上映唔怕醜 (Jul 15, 2017) 【俾返桶炸雞我】中國杭州開綠色KFC 無炸雞得烤雞 (Jul 12, 2017)

Read more ›
強國製造 這真的是多啦A夢蛋糕?
by / on 17/06/2013 at 10:20 pm

強國製造 這真的是多啦A夢蛋糕?

不是,這全是山寨版。但我覺得奇就奇在強國老翻技術一向都好到家,點解嚟到整蛋糕一環,會搞到咁?之前已經出過報導睇吓強國所謂嘅動漫人物蛋糕有幾驚嚇,不過今集日本有網站就集中啲,集合晒所有奇形怪狀嘅多啦A夢蛋糕,嘩,好嘢呀你,仲有大雄添。 相關資訊【有片】好嘢喎!中國製遊戲 直用《薩爾達BOTW》遊戲Gameplay做宣傳 (Jul 8, 2017) 【蛋糕喺邊?】日本生忌廉專門店「ミルク」 期間限定超吸引 (Jul 4, 2017)

Read more ›
強國車模夠拼博 又揚威海外了
by / on 15/06/2013 at 1:07 pm

強國車模夠拼博 又揚威海外了

揚威海外系列,今次嚟到重慶車展。話說有大陸網站出咗呢個報導,就係講車展入面有個汽車model,佢聽見攝影師叫佢擺啲熱情啲、性感啲嘅pose,佢就爬上架車度典嚟典去,拼摶精神值得尊重,可惜嘅係黃雀在後,後面竟然有強國人影佢裙底……呢篇報導,又被轉載到日本網站,好嘢!又失禮人! 相關資訊【多圖】日本男士之欲望 中國少女Misa煎餃Twitter熱傳 (Jul 2, 2017) 嚇親日本人 淘寶山寨「比卡超」充電器耳仔係插頭 (Jun 5, 2017)

Read more ›
新片速報 成龍之野望!大陸山寨《Iron Man》出現了!
by / on 01/06/2013 at 10:18 pm

新片速報 成龍之野望!大陸山寨《Iron Man》出現了!

其實,地球已經冇人可以阻止強國老翻喇。《Iron Man 3》有中國特別版加入植入式廣告咩?都唔夠呢個廣州白雲山製藥總廠出品嘅「抗之霸」厲害。心口著燈手掌發炮加埋紅色造型同懶高科技嘅變身場面,就係—「抗之霸!抗之霸!」(我google過,話係咩「阿莫西林克拉維酸鉀片」,妖都唔知咩嚟。)故事講從前有家人俾病菌(我諗係)侵襲,咁當然係有英雄出嚟救番佢哋,最後仲同條細路Five添……唉,又揚威海外喇,喂成龍大哥,有得諗喎!講番轉頭,我普通話唔好,佢開場部電腦猛叫:「番些鞭磚!番些鞭磚!」講咩呀? 相關資訊中國KFC推出「皮卡丘」套餐 比卡超玩具識叫識著燈 (Apr 27, 2017) 【有冇遇過】日本原宿現告示 中國僧人騙子出沒注意? (Apr 12, 2017)

Read more ›
新片速報 黑仔揸綿羊 1分鐘炒5次
by / on 26/05/2013 at 4:37 pm

新片速報 黑仔揸綿羊 1分鐘炒5次

呢條由疑似大陸閉路電視錄到嘅影片,名為「Darwin Awards Winner – 2013 Dumbest Funny Motorcycle Scooter Accident」,影片裏面有一個揸綿羊駕機車嘅司機,佢先撞到私家車,私家車司機落車講咗幾句,佢想走,又撞到另一架私家車。再走,又撞到另一架機車,好喇,今次行遠啲,唉!又撞埋架大貨車度……你以為就咁完,最後一嘢真係好爆,我知,唔應該落井下石笑人哋,但睇到最尾一下,我真係忍唔住……對唔住。 相關資訊【有片】奇妙的電話 大陸出KFC電話 附餐廳點歌App (Jul 13, 2017) 嚇死日本網民 中國列車壯觀風景係地下 (Apr 7, 2017)

Read more ›

中國版初音15強 其實我真係頂唔順
by / on 25/05/2013 at 9:25 pm

中國版初音15強 其實我真係頂唔順

2012年已經有件「洛天依」,o依家就嚟到中國版Vocaloid第2彈嘅選舉,之前募集咗嘅參選作品已經嚟到15強階段。即係咁講,啲造型唔係話太差,但你無啦啦整咩電子歌姬?又唔見歐美整個西人電子歌姬出嚟?需知道初音係活喺我哋心入面,有啲嘢唔係話同聲同氣就好啲o架!唔信嘅話,你入嚟聽吓第1代歌姬首歌,夜晚屋企冇人我真係唔夠薑開嚟聽。如果你覺得ok,fine,冇問題,咁就可以入官網投票,投選出你自己喜歡嘅造型。 相關資訊【有片】日本技術宅又出手 初音未來公仔識叫起身send短訊 (Jun 26, 2017) 日本網民都想買 中國製超萌Doll (Mar 20, 2017)

Read more ›
型!內地骷髏coser出戰Harley Davidson賽事
by / on 19/05/2013 at 1:37 pm

型!內地骷髏coser出戰Harley Davidson賽事

強國又揚威海外,不過今次型得多。事發地點喺中國淅江省舉行嘅Harley Davidson五週年賽車活動,其中一個參賽者以骷髏頭cosplay造型上場參賽,型之餘仲可以擋風擋沙,幾實用,襯埋副Ray Ban太陽鏡,簡直型絕全場。講開又講,一架Harley Davidson喺內地閒閒哋賣20萬人仔,即係大概一個普通北京人民嘅四年人工,呢個骷髏頭肯定係富二代。 相關資訊【有片】老竇出手 製作《Overwatch》「D.Va mecha.」俾阿女Cosplay (Jul 25, 2017) 本周Coser 日本「石子」最愛《銀魂》《JoJo》《聖鬥士》 (Jul 23, 2017)

Read more ›
化妝神技 強國偽娘 真身曝光冇人信
by / on 12/05/2013 at 2:53 pm

化妝神技 強國偽娘 真身曝光冇人信

那麼可愛,一定是男的吧?現實真係有呢種事……話說呢條強國嘅o靚仔將自己嘅相post咗上微博,嘩即時令好多宅男讚靚女啦,點知睇真啲,咦呢條o靚仔咩人嚟?點解會有張唔關事嘅相喺度?唔通係位Coser個細佬?又點知再睇真啲,原來呢個o靚仔就係相中嘅靚女Coser!睇番啲輪廓,除咗對眼之外真係一樣,最令人嬲嘅係可唔可以post張好樣少少嘅原樣出嚟呢?呢單嘢又紅到去日本,網友們嘅反應都係覺得好神奇,發咗場夢咁。 相關資訊【_ 出國際】大陸30米版Hulkbuster 蟻俠變大唔使怕 (Feb 24, 2017) 【新片速報】中國廚師炒「大鑊飯」揚威日本 腕力驚人功夫炒飯 (Jan 7, 2017)

Read more ›
舊聞Share 夏天快到 強國奇景回顧 防曬頭套再現沙灘
by / on 11/05/2013 at 4:33 pm

舊聞Share 夏天快到 強國奇景回顧 防曬頭套再現沙灘

打底,呢條係舊聞,上年夏天嘅事,但見到喬大喬靖夫喺fb share出嚟,一句:「做乜Q?」簡單道出大家疑惑之情,令人忍唔住要報導兼舖圖。夏天就快到喇,係時候回顧上年強國海灘出現嘅奇景。你去沙灘為咩?為曬太陽?為睇女?為游水?太普通喇!強國人再一次走得太前,去沙灘嘅目的係防曬!避開陽光三點式,只要海灘。可能佢哋真係好怕曬黑,所以就推出咗大量防曬頭套,有唔同色之餘仲有迷彩,易襯衫吖嘛!喂游水著衫o架咩?係呀,佢哋著晒緊身衣笠埋個頭套去沙灘,飛虎隊咁,好多嘰嘰戰鬥員好熱鬧呀!香港幾時學呀?文化共融吖嘛! 相關資訊【圖集】北海道超靚沙灘景 冰粒似寶石Twitter熱傳 (Jan 18, 2017) 中國司機有新招 女鬼後車窗貼淘寶熱賣 (Nov 18, 2016)

Read more ›
強國又有新嘢玩 迫員工爬街減壓
by / on 09/05/2013 at 11:58 am

強國又有新嘢玩 迫員工爬街減壓

一個星期前(2日)喺重慶,出現咗呢個奇景,令強國又揚威海外,被日本網站報導。呢班著晒制服嘅男女為咩無啦啦趴爬拉龍呢?原來佢哋係一間化妝品公司嘅員工,進行一個挑戰壓力課程喎。但似乎呢個唔係挑戰壓力,而係挑戰做人嘅尊嚴,如果我係佢哋啲員工,我一定啋佢都傻!有腰骨o架嘛我哋!除非,人工好高啦。 相關資訊日本人親試中國火鍋店 有得點「安倍牛腸」同「小鬼子肺片」 (Nov 17, 2016) 【有片】中國司機揸車食杯麵被停職 日本網民:「喺漫畫見過!」 (Nov 7, 2016)

Read more ›

波多野結衣中國之旅 上海國際成人用品展
by / on 13/04/2013 at 11:25 pm

波多野結衣中國之旅 上海國際成人用品展

唔小心(!?)睇到波多野結衣喺facebook話佢會嚟上海,原來,就係為咗噚日(12日至14日)開幕嘅上海國際成日用品展,呢個展覽喺上海國際展覽中心舉行,主題係「愛和諧、性健康」……今次會方除咗請嚟波多野結衣外,仲有Marica Hase、 Jenna Rose、麻生希等AV女優,嘩你睇吓波多野結衣拎住佢件「產品」出場,台下面啲人幾咁瘋狂!所以話,中國人真係好率真o架。 相關資訊無頭髮係咩玩法?波多野結衣光頭新造型 (Jul 25, 2017) 中國超巨型小丸子嚇親日本網民 仲有3個花輪同學 (Sep 23, 2016)

Read more ›
現場影片 雞蛋咁大粒 冰雹打穿車
by / on 24/03/2013 at 3:23 pm

現場影片 雞蛋咁大粒 冰雹打穿車

3月20日喺中國東莞落冰雹,有啲仲有雞蛋咁大粒!做成8死136傷,而且仲打穿汽車,打到一個個窿!嗰日冇睇新聞嘅我喺網上面睇到兩段短片,睇吓落冰雹實況。我諗緊,如果全世界一齊落雞蛋咁大粒嘅冰雹,會點? 相關資訊【有片】日本池袋大風狂落雹 超多超大粒 (Jul 18, 2017) 中國馬拉松cosplay圖集 日本網民:「熊本熊係真定假?」 (Sep 20, 2016)

Read more ›
中日學生惡搞教科書  偉人變宅男
by / on 23/03/2013 at 4:02 pm

中日學生惡搞教科書 偉人變宅男

你同我都一定試過,上堂好無聊拎起本教科書畫公仔寫無聊嘢,日本同中國嘅學生都有呢個嚐好,網上見倒一大堆惡搞教科書嘅得意圖。佢哋最鐘意向歷史人物落手,好哋哋一幅大頭相,走去幫人哋加手加腳加動作,孫中山都變瑪利奧大叔;再唔係就加個芒喺人哋前面,笑人係宅男。認真,堅好笑,入嚟有大量改圖睇,攪到我都好想拎本教科書出嚟玩吓。 相關資訊終極結盟?日本Minions踩場見大量史萊姆 (Jul 25, 2017) 日本草皮內衣 目標客戶係咩人? (Jul 25, 2017)

Read more ›
女僕上門煮飯打機兼打掃 內地遊戲公司新服務!
by / on 12/03/2013 at 10:33 pm

女僕上門煮飯打機兼打掃 內地遊戲公司新服務!

平時去女僕café有人斟吓茶捧吓餐嗌吓主人已經好冧,今次強國走到好前呀,居然有女僕上門服務,個女僕質素仲相當之高!你睇佢對腳,你睇佢個樣!你睇佢對……眼!我都想做佢同鄉喎!此情此境……唔好諗邪嘢住,呢位「女僕」據講係某遊戲公司為激勵員工而僱用,又有傳話係網絡遊戲嘅宣傳技倆,不過點都好,佢真係鐘點一樣做齊全套,煮飯、打掃、陪打機、舖床,仲陪你同世伯伯母一齊視像會議……我唔想聽落去!唔好講!我唔想知之後會點喇‥‥‥同我搵幾隻國寶嚟!可惡! 相關資訊【有片】日本外國人女僕cafe 啱啱開業多個選擇 (Jun 17, 2017) 真係咁好玩?日本網民女僕Cafe使47萬円! (Jan 25, 2017)

Read more ›