Post Tagged with: "中國"

日本人親試中國火鍋店    有得點「安倍牛腸」同「小鬼子肺片」
by / on 17/11/2016 at 7:27 am

日本人親試中國火鍋店 有得點「安倍牛腸」同「小鬼子肺片」

中國好多「特色」店舖,呢間火鍋店「鍋司令」喺哈爾濱、成都同長沙都有分店,我無去過,但最近就有日本人去咗探險,仲喺2ch圖文並茂介紹咗。店舖佈置好重軍事味,門柄係把手槍,門口有著住解放軍制服嘅熊貓歡迎顧客,啲酒仲用手榴彈裝,自稱「火鍋界的指揮官」。菜單方面,有日本人睇完會笑嘅「安倍牛腸」同「小鬼子肺片」,用咗舉白旗投降嘅安倍晋三同樣衰衰嘅日本軍人做插畫介紹。店內仲播放戰爭影片,樓主話由於朝早10點幾去無其他顧客,所以店員居然唱起歌嚟!最後樓主點咗好多嘢食,埋單都係240蚊人仔左右,網民都話抵玩,下次要去探吓險!入嚟有大量圖片睇,夠唔夠膽去試吓? 相關資訊生日賀一賀 日本fans用962,120円預訂718隻新碟 (Jul 19, 2018) 【新片速報】日本街貓完全唔怕人 直行直撞超嗲Twitter熱傳 (Jul 19, 2018)

Read more ›

【有片】中國司機揸車食杯麵被停職    日本網民:「喺漫畫見過!」
by / on 07/11/2016 at 7:14 am

【有片】中國司機揸車食杯麵被停職 日本網民:「喺漫畫見過!」

中國經常都會發生離奇事件,最近有單新聞講有個喺合肥開公車嘅女司機喺駕駛期間食杯麵,仲要俾人影到放上網,件事傳開咗之後而家個司機已經被停職。咁日本都有網民睇到放上2ch討論,留言好精警,例如:「食麵包呢啲單手可以做到嘅都明白,但杯麵要雙手食喎」、「如果食冷凍蕎麥麵仲勁」、「喺漫畫入面見過」、「係咪自動駕駛車?」不過原來日本都有:「我喺日本都見過貨車司機一邊食杯麵一邊揸車」、「我都見過,用手肘頂住軚盤嚇死人。」各位駕駛人士,都係唔好挑戰,太危險嘞! 相關資訊日本小妹妹天才發明 消暑西瓜特飲Twitter熱傳 (Jul 19, 2018) 【有片】日本喵星人迫爆紙箱 超痴纏攬實唔放 (Jul 19, 2018)

Read more ›
中國超巨型小丸子嚇親日本網民 仲有3個花輪同學
by / on 23/09/2016 at 7:14 am

中國超巨型小丸子嚇親日本網民 仲有3個花輪同學

首先強調一下,呢個喺中國首映發佈會出現嘅小丸子係真嘅,只不過高大咗啲,其實都唔算「啲」,都真係生得好高大吓,難怪傳到去日本討論區。有日本網民話俾佢嚇親,亦有人留意到後面啲小妹妹好靚女(!),不過現場點解有3個花輪同學?另外有網民都好公平,放咗張崩壞版嘅小丸子,話日本都有質素參差嘅時候‥‥‥ 相關資訊【今日GIF】日本高手製懷舊遊戲GIF 幻想中的遊戲世界 (Jul 18, 2018) 超正!打破敵對關係 日本連鎖快餐Twitter編輯玩聯手 (Jul 18, 2018)

Read more ›
中國馬拉松cosplay圖集    日本網民:「熊本熊係真定假?」
by / on 20/09/2016 at 7:14 am

中國馬拉松cosplay圖集 日本網民:「熊本熊係真定假?」

中國嘅馬拉松好多人唔敢跑,因為怕空氣差,要跑都係去日本跑好啲,起碼有大量cosplay睇喎。但原來中國嘅馬拉松都有好多cosplayer,仲好有驚喜!日本有網民最近放咗大量中國馬拉松嘅選手cosplay圖上網,當中仲有「熊本熊」?另外當然唔少得中國宮廷裝、草帽圍裙裝、野人裝,連見慣大場面嘅日本網民都話大開眼界‥‥‥ 相關資訊【有片】廁紙變子彈 日本高火力水槍月尾發售 (Jul 18, 2018) 日本熱到癲 名古屋39度/ 沖繩變避暑地 (Jul 18, 2018)

Read more ›
【成功上樓後記】被領養中國馬拉松狗狗     突然失踪嚇壞主人
by / on 28/08/2016 at 12:26 pm

【成功上樓後記】被領養中國馬拉松狗狗 突然失踪嚇壞主人

仲記唔記得呢隻成功上樓嘅中國汪星人Gobi?佢突破蒙古戈壁沙漠馬拉松防線,跑足77英里,最後成功感動蘇格蘭跑手Dion Leonard帶佢返屋企。不過由於中國批文需時,Dion就喺家鄉等呀等。點知最近竟然收到通知,話狗狗Gobi走失咗!佢即時飛返中國尋狗,經過連日嚟嘅努力, 好彩最後皇天不負有心人,成功搵返Gobi,狗狗一見到佢仲即時開心到撲向佢,好感人。而家佢決定留喺中國直接等到批文完成,網民都大讚佢係一個好有心嘅領養者,呢啲就係緣份嘞,恭喜Gobi搵到個好主人。 相關資訊【有片】日本傳媒報道 大量中國人入侵埼玉縣 仲有狗肉賣? (Jul 17, 2018) 日本狗狗瞓晏覺 地下遺留狗印超可愛 (Jul 17, 2018)

Read more ›
北京食火鍋 公仔著牛肉衫等你淥
by / on 24/08/2016 at 9:16 pm

北京食火鍋 公仔著牛肉衫等你淥

今次淥同剝真係一線之差,因為你如果想淥牛肉,就即係剝公仔件衫。呢個連大陸人都覺得冇乜品味喺網上負評嘅設計,係嚟自北京一間火鍋店,唔知係咪想抄Lady Gaga早幾年件牛肉衫,佢哋將啲火鍋用牛肉捲喺啲公仔上面,好似一條牛肉裙咁,之後就……其實感覺都有啲怪同恐怖,而且啲公仔洗得乾唔乾淨先? 相關資訊【有片】網上熱傳 日本人試深圳「完全無人食堂」 (Jun 25, 2018) 【有片】中國婚禮掟炮仗似戰場 煙霧迷漫外國網熱傳 (May 11, 2018)

Read more ›

中國廉航小冊子 「佐賀」變「名古屋」日本網民熱議
by / on 22/08/2016 at 7:13 am

中國廉航小冊子 「佐賀」變「名古屋」日本網民熱議

媽呀,好亂呀!日本網民最近喺Twitter同2ch放咗張圖,喺中國廉航「春秋航空」嘅航班小冊子發現咗奇怪嘅資訊,入面宣傳上海飛佐賀嘅航班,但「佐賀」嘅英文寫咗做「NAGOYA」,即係名古屋,有網民留言:「係咪寫錯咗中文?其實係想講名古屋架」、「可能係佐賀(名古屋)」、「到底飛去邊?」最混亂係佐賀雖然都有個地方叫「名護屋」(NAGOYA),但係無機場嘅,好明顯小冊子應該寫錯字。有網民心水清,話:「其實呢啲嘢喺中國經常發生。」雖然真相無人知,但大家都好驚訝上海去佐賀價錢係9元起,而佐賀去東京成田就208元起。BTW,其實要爭到呢啲價錢嘅機位,機會可能接近零。 相關資訊日本經典朱古力變棋子 實物原大繼續鬥 (Jul 18, 2018) 日本「藍色食物醬汁」量產 沙律飯團全部變藍 (Jul 18, 2018)

Read more ›
中國痛車大清洗?日本網民身同感受表悲哀
by / on 11/08/2016 at 9:05 pm

中國痛車大清洗?日本網民身同感受表悲哀

  正所謂天下痛車一樣痛,無論係日本痛車定大陸痛車……有日本網民就見到中國有痛車車主被交通警拉咗,而且仲要扣埋架車,最後架車仲要被大清洗變成白色,車主唯有……嗰份心痛,大家都好明白,大家都戥佢悲傷,不過睇番啲字,應該係話佢哋飆車同埋噪音太大所以先引嚟交通警拉佢哋咋喎……係咪唔關痛唔痛事? 相關資訊超強痛車日本Twitter熱傳 迷你模型塞爆全車 (Jun 23, 2018) 中國唱K 日本歌手變咁嘅樣 (May 4, 2018)

Read more ›
上海ChinaJoy 中國電腦機殼圖集
by / on 06/08/2016 at 6:21 pm

上海ChinaJoy 中國電腦機殼圖集

之前喺上海舉行嘅ChinaJoy遊戲展,入面展出咗好多電腦機殼。有日本傳媒4gamer影咗好多作品出嚟,我再望望自己個機殼,我決定……求其黐啲貼紙上去。 相關資訊全國大量目擊 大陸天空現不明飛行物 (Apr 28, 2018) 【有片】隨時嘟錯俾錯錢 中國租單車有假QR Code (Jan 17, 2018)

Read more ›
這就是設計 河南大學新建築 廁所內開到乜?
by / on 05/07/2016 at 8:20 pm

這就是設計 河南大學新建築 廁所內開到乜?

我估今次唔係抄人,因為世界應該冇乜其他地方會起座廁所俾大學生用。呢個建築物係喺河南省華北水利水電大學龍子湖校區入面,之後會成為大學生就業創業綜合服務基地,唔明係咩?唔緊要,諗吓廁所入面應該有乜就得喇。 相關資訊【圖集】核戰後的中國 日本網民熱傳重型面罩圖 (Dec 26, 2017) 日本化粧品店貼紙拒中國人內進 網民:「其實唔需要道歉。」 (Nov 27, 2017)

Read more ›
大陸學生避吸二手煙 自製低成本空氣清新頭罩
by / on 03/07/2016 at 9:45 pm

大陸學生避吸二手煙 自製低成本空氣清新頭罩

今次係自創嘅,呢位中國南寧市嘅網民,據講因為睡房只有佢自己一個唔食煙,唔想食咁多二手煙於是開發呢個「呼吸裝置」,用紙皮箱加幾個垃圾膠袋再加把電風扇製成,係就係有啲唔方便,亦都唔知成效係點,不過佢踏出咗第一步,希望佢身體健康。 相關資訊【有片】大陸電競選手 直播中打女友被解約 (Oct 27, 2017) 【有片】大陸男酒店消費想走數 30米高電線玩花式 (Oct 4, 2017)

Read more ›

【有片】又可以反告了!中國山寨任天堂《Splatoon》變電話遊戲
by / on 30/06/2016 at 12:03 pm

【有片】又可以反告了!中國山寨任天堂《Splatoon》變電話遊戲

嘩!唔睇啲中文字,肯定以為係任天堂WiiU隻《Splatoon》啦?呢隻喺日本國內或者歐美都幾多人玩嘅射擊遊戲,竟然變成電話遊戲?咁應該幾好玩喎!可惜,呢隻唔係官方出品,而係中國嘅老翻產物,叫《暴走塗鴉》。咁點算?可以點?唯有叫任天堂小心啲,俾人反告佢侵權囉。 相關資訊【放閃】日本女友認真準備 幫《Splatoon》迷男友慶生日 (Apr 12, 2018) 新片速報 《Splatoon 2 Octo Expansion》DLC夏季推出 Switch《大亂鬥》今年發售 (Mar 9, 2018)

Read more ›
有啲咁嘅事?大陸50歲美魔女 少女身材靠游水
by / on 29/06/2016 at 10:51 pm

有啲咁嘅事?大陸50歲美魔女 少女身材靠游水

今朝報咗日本20歲Coser「 御伽ねこむ」宣佈同51歲就嚟52歲漫畫家「藤島康介」結婚,仲要係奉子成婚,大家都覺得充滿希望,人生o依家先啱啱開始係咪?亦有讀者有超正嘅留言,就係話證明各位年輕男都可以搵50路嘅女朋友同結婚……咁如果係呢位,都好似冇想像中咁艱辛。有大陸傳媒報道,仲要有好多圖好多真相咁介紹呢位50歲美魔女,佢有少女一般嘅身材,塊臉仲見唔到皺紋…….但其實佢已經有個仔出嚟做緊嘢,咁有咩秘密呢?唔係用神仙水,而係由30歲開始日日游水,仲有去做健身……但我想知點解一直都見唔到佢雙眼? 相關資訊日本網民接受了?大陸版艦娘 + Coser太吸引? (Oct 23, 2017) 大陸「程序員鼓勵師」傳到日本 網民表示歡迎引入 (Sep 19, 2017)

Read more ›
12歲中國父母日本球手「張本智和」 網民笑贏冠軍動作超誇張
by / on 18/06/2016 at 6:24 pm

12歲中國父母日本球手「張本智和」 網民笑贏冠軍動作超誇張

呢位日本神童級乒乓球手「張本智和」,其實父母都係中國人,不過佢哋喺98年去咗日本發展,而阿爸張宇就入籍埋日本改埋姓,本來姓張,o依家姓「張本」,咁強國班網民就梗係鬧爆又話漢奸又盛啦。不過,今次唔係講呢個問題,而係佢啱啱喺國際乒聯2016日本公開賽U21組別男單贏咗冠軍,成為國際乒聯史上最年輕U21組別冠軍……不過重點都唔係呢樣,係佢贏波之後個動作……之後班日本網民仲好瘋狂咁出圖,佢呢個動作係威嘅,加埋爆氣效果應該唔錯。 相關資訊日本動物醫院「心寒」宣傳板 貓貓震晒好驚青 (Jul 17, 2018) 農夫的浪漫2018 日本超靚稻田畫Twitter熱傳 (Jul 17, 2018)

Read more ›
【有片】Cheap到一個點 北京地鐵女Condom敷面
by / on 17/06/2016 at 9:37 pm

【有片】Cheap到一個點 北京地鐵女Condom敷面

大陸啲嘢你真係估佢唔到,話說喺上星期有班女喺繁忙時間嘅北京地鐵車廂入面,用Condom嚟放喺自己塊面。我以為傳說中用咩嚟敷面有護膚效果係真嘅,原來係宣傳活動。咁宣傳安全套就一定啦,敷面係咩意思呢?原來話呢隻安全套嘅潤滑劑係有護膚效果喎……當然,件事又_出國際喇,唔內服外敷? 相關資訊【有片】係威嘅!大陸業主收樓 發現啲窗畫上去 (Sep 16, 2017) 【有片】中國Coser認真製作 《League of Legends》fan made影片有睇頭 (Sep 6, 2017)

Read more ›