Post Tagged with: "主題曲"

有片:聽歌+睇畫 《九龍城寨──場景故事畫集:浪漫大逃亡》主題曲
by / on 28/09/2017 at 4:15 pm

有片:聽歌+睇畫 《九龍城寨──場景故事畫集:浪漫大逃亡》主題曲

仲記唔記得書展期間余兒為谷書,《九龍城寨──場景故事畫集:浪漫大逃亡》附送人手錄製嘅同書名主題曲錄音帶一盒?家陣喺YouTube有得聽喇。Ziyan Tung主唱,配Pen So嘅畫,主題曲有故事,故事有如此解釋──「女主角藍男,憑歌寄愛向男主角火兒隔空唱出心聲。藍男重遊每一處她曾與火兒到過的土地,把目光所及的九龍城寨各式場景,逐一描摹:櫛比鱗次的奇特建築群、富有特色的店舖、故事中虛構的環境……觸景,見情。」唔係吹水,歌係唱得幾好聽嘅,歌詞亦OK,睇畫聽歌一次過,意境即時高晒,個腦有晒畫面呀喂,唔信自己聽吓。 相關資訊喪屍圍西貢 創造館小說《異人》不日推出 (Nov 2, 2017) 余兒《今晚打喪屍》作品展 推出畫板每張$1200 (Oct 16, 2017)

Read more ›

買《九龍城寨──場景故事畫集:浪漫大逃亡》 送主題曲錄音帶
by / on 17/07/2017 at 9:45 pm

買《九龍城寨──場景故事畫集:浪漫大逃亡》 送主題曲錄音帶

成壇嘢當真好浪漫!有時真係要佩服余兒,買書送錄音帶都算係好橋,雖然我唔知道有幾多人屋企仲有Cassette機。講緊乜?講緊將喺書展推出嘅硬皮精裝《九龍城寨──場景故事畫集:浪漫大逃亡》,為谷書,余兒決定送頭100個讀者獨一無二卡式錄音帶,錄音帶收錄咗同書名主題曲,每本$160。聽清楚,每盒錄音帶都係全人手錄製,帶過帶,唔知余兒用咗幾多時間呢?錄完又有無手都震埋呢?Anyway,如此有心,係值得畀Like嘅,而我,亦好想聽吓首主題曲唱成點。 相關資訊余兒推出海報每張$100 《今晚打喪屍》作品展限定 (Oct 11, 2017) 余兒《今晚打喪屍》作品展 睇原畫買埋親筆畫板 (Oct 8, 2017)

Read more ›
聽歌:《今晚打喪屍》主題曲《雙截龍》白只原來唱得兩嘴
by / on 20/06/2017 at 9:30 am

聽歌:《今晚打喪屍》主題曲《雙截龍》白只原來唱得兩嘴

白只係香港金像獎最佳男配角,演技有番咁上下係應份,唱歌都有兩嘴就絕對係Bonus。佢夥拍張繼聰唱《今晚打喪屍》主題曲《雙截龍》,拍埋MV,嗌破喉嚨個Tone估唔到咁有爆炸力,都有紋有路架。另,MV女主角張蔓姿唔算靚到絕色,但唔知點解著埋套疑似校服就好有日本妹味,啱睇,我Like。又另,我尤其Like「齊晒架撐郁佢令堂,仲有鐵通,打爆鼻樑,唔理咁多,搞我就要打打打」呢幾句歌詞……Because,我都好想打人。 相關資訊《今晚打喪屍》作品展 仲有Tee同Tote Bag要搶 (Oct 17, 2017) 動漫基地Art Jam 八大畫手創作《茂蘿巴屍打聯盟》 (Aug 2, 2017)

Read more ›
跟進番:請鼓掌 白水《嘔電傳真機》眾籌成功
by / on 14/06/2017 at 8:51 pm

跟進番:請鼓掌 白水《嘔電傳真機》眾籌成功

又拍片又作主題曲《循環不息的宇宙》又盛,《嘔電傳真機》終於眾籌成功,據白水面書透露,總共有339位集資者支持,佢話:「我唔會辜負大家,會努力做好本書!不惜工本,做到最靚!」白水兄,開心還開心,講過要找數呀,支持你呀。 相關資訊書展必搶《七十二行》實體書 (Jul 9, 2017) 網圖分享:Eric Ng的面書版「七十二大圖集」 (Jun 29, 2017)

Read more ›
有片:白水作《循環不息的宇宙》宣傳眾籌 組埋Band越玩越大
by / on 06/06/2017 at 10:45 pm

有片:白水作《循環不息的宇宙》宣傳眾籌 組埋Band越玩越大

為呼籲大家慷慨解囊,支持眾籌《嘔電傳真機》結集成書,白水用咗兩首星期創作首主題曲《循環不息的宇宙》……嗯,Loop咗兩次,歌詞係幾有意思嘅,好令我懷緬過去的good old days,但講到唱功咯喎,唔……白水兄唔好嬲,實話實說,都真係幾五音不全吓。不過自稱「濕鳩時事漫畫家結他手」嘅佢有嘅係永不熄滅一團火,唔只作歌自彈自唱,仲打算組Band添,誠徵「現役漫畫家鼓手,有演出和錄音室經驗優先」,睇個勢越玩越大咁款。BTW,真心Mode希望《嘔電傳真機》見得成街,請大家踴躍課金,支持本地創作! 相關資訊跟進:白水眾籌《嘔電傳真機》 轉賬可以直接科水亦得 (Apr 25, 2017) 課金唔該!白水決定眾籌出《嘔電傳真機》! (Apr 23, 2017)

Read more ›
有片   日本懷舊《蜘蛛俠》   熱血主題曲西人鬧爆
by / on 06/05/2014 at 1:33 pm

有片 日本懷舊《蜘蛛俠》 熱血主題曲西人鬧爆

本來諗住趁放假睇《蜘蛛俠2:決戰電魔》,點知原來今日係星期二,唔駛旨意買到飛,唯有喺屋企上YouTube睇吓片hea時間,點知比我發掘到好嘢。舊嗰三集蜘蛛俠fans應該睇過,不過日本版嘅《蜘蛛俠》你又睇過未?呢條1978年嘅日本電視版《蜘蛛俠》片頭trailer,好有懷舊feel好正,特別係首歌,好熱血好搞笑,可惜西人留言鬧爆,其實唔駛咁認真吖,我就覺得好正嘞。 相關資訊【有片】日本外務省官方出片 介紹模型歷史文化 (Nov 24, 2017) 日本車站職員超強手藝 剪票紙碎15萬粒砌列車畫 (Nov 24, 2017)

Read more ›

新片速報    遊戲結他王子  1分鐘彈16首歌
by / on 10/01/2014 at 11:53 am

新片速報 遊戲結他王子 1分鐘彈16首歌

網絡歌手Chad Neidt生得幾靚仔,仲彈得一手好結他,最近佢宣佈1月20日會推出唱片,仲送咗首集合好多經典遊戲歌曲嘅結他Medley比歌迷,原來佢都係機迷!自彈自唱嘅1分鐘嘅短片,有15首遊戲歌曲混合而成,唔少得經典嘅俄羅斯方塊、食鬼、薩爾達,新啲嘅Halo、Red Dead Redemption都有,聽落唔刺激仲好悠和,啱晒星期五嘅輕鬆心情呀! 相關資訊日本網民衣櫃裡的遊戲室 內藏大量懷舊遊戲 (Nov 15, 2017) 日本機迷出圖 iPhone X對應遊戲睇片會係咁 (Nov 7, 2017)

Read more ›
【編輯Blog】Reika:繼續《衝上雲霄II》包青天都玩
by / on 17/07/2013 at 11:13 pm

【編輯Blog】Reika:繼續《衝上雲霄II》包青天都玩

今個星期遲咗三日先交編輯Blog,因為我真係好忙,忙住每晚追睇《衝上雲霄II》,同時間又忍唔住追睇網上面嘅討論、改圖、改歌等等,為咗表達對林子祥唱主題曲嘅不滿,網民大肆改歌詞發洩,最新有包青天主題曲配《衝II》,效果夾到絕,我聽一次笑一次。 相關資訊日本「DJ社長」惡搞雙馬尾囡囡 超醜造型Twitter熱傳 (Nov 23, 2017) 向《古惑仔》電影致敬? 冷氣機廣告惡搞南哥/細細粒/烏鴉 (Jun 29, 2017)

Read more ›
【編輯Blog】Reika:《衝上雲霄2》林子祥老貓燒鬚
by / on 01/07/2013 at 2:02 pm

【編輯Blog】Reika:《衝上雲霄2》林子祥老貓燒鬚

《衝上雲霄2》由林子祥主唱嘅主題曲你聽咗未?前兩日開始,無論上高登、facebook、YouTube或者睇報紙,都見倒大家討論呢首歌,評價幾乎一面倒劣評,唉,估唔倒阿Lam幾十歲先老貓燒鬚,呢次都幾難收科。 相關資訊【編輯Blog】尉遲一:光陰沒走得特別快 (Dec 31, 2014) 【編輯Blog】尉遲一:既不連環,還何謂連環圖? (Nov 27, 2014)

Read more ›