Post Tagged with: "人中之龍"

黑道食堂 《人中之龍 5》食完飯食墨魚丸
by / on 06/11/2012 at 1:39 pm

黑道食堂 《人中之龍 5》食完飯食墨魚丸

黑社會都係人,都要食飯,而且要求幾高。12月6日推出嘅PS3《人中之龍 5》,宣傳合作冇停過,但就成日掛住食,繼之前出拉麵、同居酒屋合作推出特飲之後,輪到魚生飯,唔只遊戲入面桐生一馬食到,現實世界都有得嘆。由即日至12月21日,合作店舖係全國有48間店嘅叫「つきじ喜代村 すしざんまい」,唔同地區有仲有唔同款式。而碗飯就勁咯,「龍の海鮮丼」,仲請到製作人名越稔洋嚟試,真係霸氣過豆腐火腩飯加支青島。另外,仲有燒墨魚丸舖都有,冇乜特別,食咗都唔知。 相關資訊衝呀!女優桃乃木香奈到港 《人中之龍 極2》鴻門夜宴接受報名 (Nov 20, 2017) 新片速報 《人中之龍 極2》女優訪問配中文字幕 (Nov 4, 2017)

Read more ›

今日到貨 PS3《Tales Of Xillia 2》/《人中之龍 1 & 2 HD Edition》
by / on 01/11/2012 at 5:14 pm

今日到貨 PS3《Tales Of Xillia 2》/《人中之龍 1 & 2 HD Edition》

又到放工時間,大家覺唔覺呢排啲時間過得好快,眨吓眼返多一日又到周末,又覺唔覺得明明晚晚瞓8粒鐘都唔夠?其實,係因為越嚟越近12月21日,所以磁場喺我哋不知不覺間改變,每日雖然都仲係有24小時,實際時間已經縮短,即係你以為自己瞓咗8粒鐘?其實冇8粒鐘……妖言惑眾!好啦,咁講番消費項目,返多一日就放假,係時候出去買定遊戲玩,今日到貨嘅就有PS3《Tales Of Xillia 2》同《人中之龍1 & 2 HD Edition》,分別賣$458同$288,裏頭有詳情同遊戲介紹。 相關資訊新片速報 《人中之龍 極2》夜總會女優列陣有片睇 (Oct 20, 2017) 太強大!《人中之龍 極2》新夜總會有明日花/三上悠亞/高橋しょう子 (Oct 20, 2017)

Read more ›
新片速報 《人中之龍 5》品田辰雄教打波
by / on 01/11/2012 at 4:41 pm

新片速報 《人中之龍 5》品田辰雄教打波

12月6日出嘅PS3《人中之龍 5(龍が如く5 夢、叶えし者)》,繼澤川遙之後,就係品田辰雄嘅製作人介紹影片。呢位前職棒選手,誤入歧途入黑社會,但係都好熱血咁冇忘記打棒球嘅夢想,所以喺佢嘅章節入面,就有大量嘅打波場面,睇睇埋埋,呢隻人中之龍嘅小遊戲數量,實在多得誇張! 相關資訊新片速報 12月必玩 《人中之龍 極 2》4分半鐘新片 (Sep 30, 2017) 新片速報 《人中之龍 極2》桐生大哥小便都要玩 (Sep 24, 2017)

Read more ›
《人中之龍 5》行貨消息 首批特典有過100頁全中文小說
by / on 01/11/2012 at 8:22 am

《人中之龍 5》行貨消息 首批特典有過100頁全中文小說

12月6日推出嘅PS3獨佔遊戲《人中之龍 5(龍が如く5 夢、叶えし者)》,日本就好多唔同版本訂,香港行貨呢?今次真係要讚,首批預訂除有預料之內嘅日版特典CD同地圖外,仲另外追加一本超過100頁,全中文「人中之龍5 五大角色中文全劇情腳本」,即係對白翻譯劇情小說!全中文,可以一邊打機一邊了解故事,最啱唔鐘意睇攻略又想了解故事發展嘅機迷!行貨定價$448,預訂優惠價: $440! 相關資訊【有片】《北斗之拳》x《人中之龍》出PS4遊戲 北斗夜總會不是夢 (Aug 26, 2017) 睇直播 《人中之龍 極2》正式公開 「新‧人中之龍」始動 (Aug 26, 2017)

Read more ›
《人中之龍 5》DX版 送杯送DVD、CD
by / on 30/10/2012 at 10:02 am

《人中之龍 5》DX版 送杯送DVD、CD

嚟自日本《Fami通》消息,12月6日推出嘅《人中之龍 5》,除咗有主機同梱版外,喺日本上網預購仲會有呢個DX版。包一隻遊戲之外,仲有一隻紋晒龍、直徑81mm,高104mm嘅嘅茶杯,另外仲有一隻History Digest嘅特典DVD,加埋收錄15首歌嘅「THE BEST SONGS SELECTION」音樂CD,賣9,680円。至於香港有冇咩特典,就暫時未公佈。 相關資訊官方流出 《人中之龍 極2》12月發售? (Aug 25, 2017) 8月26日發表 《人中之龍》新作來了! (Jul 26, 2017)

Read more ›
新片速報《人中之龍 5》阿遙跳舞做偶像
by / on 26/10/2012 at 12:35 pm

新片速報《人中之龍 5》阿遙跳舞做偶像

12月6日推出嘅PS3獨佔遊戲《人中之龍 5(龍が如く5 夢、叶えし者)》又有新片,今次都係製作人訪談,而主題就係澤村遙成名之路。片段中睇到阿遙又要參加電視台節目,又要喺街頭表演,玩法就好似一般音樂節奏遊戲咁,跟節奏按唔同按鍵,唉,估唔到純潔嘅阿遙都要跳入娛樂圈呢個大染缸。 相關資訊真島吾郎今日53歲生日 日本網民賀圖集 (May 14, 2017) 4月有得買PS4機蓋 《初音》兩款 《人中之龍》再版 (Mar 16, 2017)

Read more ›

第5集連動 新增難易度《人中之龍 1 & 2 HD Edition》
by / on 22/10/2012 at 3:11 pm

第5集連動 新增難易度《人中之龍 1 & 2 HD Edition》

SEGA嘅《人中之龍》第5集12月6日推出,想重溫番頭兩集嘅內容,11月1日就可以買番隻《人中之龍 1 & 2 HD Edition(龍が如く 1&2 HD EDITION)》玩吓。高清版之餘,仲新增咗Easy + Heatup難易度,能源增加,而且冇咁易扣晒,等你輕輕鬆鬆學日文。另外,官方亦宣佈遊戲可以同嚟緊第5集作連動,開始第5集時有呢個遊戲嘅save就會有特別元素。遊戲售價5,229円,下載版4,700円。 相關資訊【有片】玩中文版《人中之龍 6》 三上悠亞/沖田杏梨Live Chat (Dec 8, 2016) 靚咗好多 《人中之龍 6》廣島尾道市實景/遊戲對比圖 (Dec 3, 2016)

Read more ›
新片8連發 《人中之龍 5》電視廣告勝在靚女多
by / on 19/10/2012 at 7:29 pm

新片8連發 《人中之龍 5》電視廣告勝在靚女多

12月6日推出嘅PS3《人中之龍 5 (龍が如く5 夢、叶えし者)》,消息同啲小遊戲多到你唔信,不過影片發佈量就唔算多。估唔到,趁周未之前一連就有8條!首先有6條就係電視廣告,今集分為東京、大阪、名古屋、福岡同札幌5個城市,每個城市一條廣告之外,仲每個城市都有一個靚女代表(靚唔靚呢啲好主觀嘅,唔係點叫佢哋啫?),最後桐生一馬仲會喺唔同地標扯啖煙,呼出男人嘅浪漫……仲有3條係咩?1條廣告,兩條製作人介紹,分別長7、8分鐘,唔識日文都可以睇吓遊戲畫面,同靚女…… 相關資訊【有片】去貓cafe打麻雀 《人中之龍 6》體驗版30分鐘試玩 (Dec 1, 2016) 【I’ve been waiting】《人中之龍6》桐生一馬飲藍妹 香港酒吧大佬飲勝 (Nov 23, 2016)

Read more ›
《人中之龍 5》大量枝節故事 鐵漢拉車
by / on 18/10/2012 at 4:59 pm

《人中之龍 5》大量枝節故事 鐵漢拉車

12月6日推出嘅PS3遊戲《人中之龍 5》繼續喺日本《Fami通》有新情報,呢隻小遊戲足夠你玩一年嘅遊戲,貫徹多枝節故事嘅傳統,今集有五大主角,位位有主線之餘,仲有大量得意故仔任務要你完成。例如,桐生一馬要喺福岡・永洲街拉人力車車人去目的地;冴島大河又會喺冰天雪地見到小紅帽(!?);遙就同同學仔食大阪燒;仲有之前係棒球手嘅品田雄喺名古屋・錦栄町做便利店…… 相關資訊新片速報 《人中之龍6》尾道好風景 (Nov 21, 2016) 《人中之龍》真人版演員陣公開 月尾有片睇 (Nov 21, 2016)

Read more ›
有毛巾有主題 《人中之龍 5》同梱主機內容公開
by / on 16/10/2012 at 5:43 pm

有毛巾有主題 《人中之龍 5》同梱主機內容公開

SEGA喺12月6日出嘅PS3遊戲《人中之龍 5》「PlayStation 3 龍が如く5 EMBLEM EDITION」同梱版主機,之前都睇過啦。啱啱就公佈埋有咩內容,除咗特別版薄主機同遊戲外,仲有之前睇唔清個金龍手掣,超有型!另外仲有大毛巾、8G手指、Wallpaper、PS3用主題同埋月曆。賣37,800日元,講真,拎條毛巾同手指出街,會唔會俾阿Sir話我係黑社會會員? 相關資訊新片速報 下個月最期待 《人中之龍6》兩條預告 (Nov 19, 2016) 月尾有得玩《人中之龍6》新試玩可繼承 (Nov 15, 2016)

Read more ›
《人中之龍 5》回復體力飲品 居酒屋有得飲
by / on 15/10/2012 at 6:24 pm

《人中之龍 5》回復體力飲品 居酒屋有得飲

      12月6日推出嘅PS3《人中之龍 5 (龍が如く5 夢、叶えし者)》又有新搞作!喺遊戲內,去到札幌・月見野或者名古屋・錦栄町嘅「居酒屋はなこ」,就可以飲到回復體力嘅飲品。咁現實中嘅「居酒屋はなこ」又點可以冇?由11月1日開始,全國嘅「居酒屋はなこ」都會有以下三款特飲推出,當然,香港係冇嘅,去開日本都唔會特登去飲杯嘢啦,又唔係咩特別!咁……大家都明我出呢段news嘅苦心啩? 相關資訊桐生一馬邊個演? 真人版《人中之龍》日劇已經開拍 (Nov 8, 2016) 新片速報《人中之龍6》新Gameplay 桐生大哥餵貓貓 (Oct 26, 2016)

Read more ›

超大量小遊戲《人中之龍 5》推氣墊球 玩《VR 2》
by / on 13/10/2012 at 12:10 pm

超大量小遊戲《人中之龍 5》推氣墊球 玩《VR 2》

SEGA喺12月6日推出嘅PS3遊戲《人中之龍 5(龍が如く5 夢、叶えし者)》,堪稱係史詩式大作,繼上次堆小遊戲後,再發佈大量小遊戲,包括入Club SEGA機舖可以打到經典起格立體格鬥遊戲《Virtua Fighter 2》,仲分為2.0同2.1兩個版本,當然仲會加入新原素,仲要支援2人對戰!正!另外,今次仲有釣魚、同靚女影貼紙相,仲有唔少得同夜總會小姐們玩遊戲,今次唔打乒乓波,玩氣墊球,嘩!玩到跌膞喇你火玫瑰! 相關資訊新片速報《人中之龍6》預告公開 聽「山下達郎」唱歌 (Oct 13, 2016) 新片速報 大佬咩戰略?《人中之龍6》100人吹雞晒馬玩群揪 (Sep 17, 2016)

Read more ›
大把嘢玩《人中之龍 5》賽雞煮麵玩雪戰
by / on 10/10/2012 at 3:11 pm

大把嘢玩《人中之龍 5》賽雞煮麵玩雪戰

  SEGA隻PS3獨佔大作《人中之龍 5(龍が如く5 夢、叶えし者)》12月6日就推出,一直以嚟咁多情報發放,又有五大角色登場,玩劇情都有排玩,仲未計夜總會識靚女,仲有大量好玩好笑嘅小遊戲,睇嚟可以玩足半年!今次嚟自日本《Fami通》嘅新情報就係今集故事發展嘅五大城市都有特色小遊戲,例如喺錦榮町舊區就有得玩養雞出賽去鬥快;隨時做偶像嘅阿遙就要上台玩採排;仲有桐生一馬喺福岡煮拉麵,或者喺月見野の街玩雪戰,玩法仲十足FPS第一身射擊咁,睇嚟仲有多人模式!正到爆! 相關資訊新片速報 《人中之龍6》「桐生一馬」變貓奴 「三上悠亞」Live Chat除衫! (Sep 16, 2016) 新片速報 《人中之龍6》新情報 阿遙生咗仔?桐生玩主觀模式 (Sep 15, 2016)

Read more ›
歡場搵真愛《人中之龍 5》囡囡先了解後出街
by / on 05/10/2012 at 2:58 pm

歡場搵真愛《人中之龍 5》囡囡先了解後出街

SEGA開發、PS3獨佔嘅《人中之龍5 夢、叶えし者》喺12月6日就會推出,遊戲除咗打打殺殺爭地盤之外,去夜總會識囡囡都係重點之一。不過我唔係咁隨便嘅人,我覺得男女關係係要一步步慢慢發展嘅,起碼都要識咗一個月先拖手啦!好彩,廠方啱啱發佈咗各地囡囡嘅資訊,咁O依家開始認識佢哋,到出game之日就可以食朱古力棒棒喇。 相關資訊《人中之龍6》x Tendence出錶 限量生產666隻 (Sep 13, 2016) 拍攝現場 《人中之龍6》「三上悠亞」「沖田杏梨」玩Live Chat實際情況 (Sep 11, 2016)

Read more ›
《人中之龍5》夜總會多嘢玩 食朱古力棒棒
by / on 03/10/2012 at 4:50 pm

《人中之龍5》夜總會多嘢玩 食朱古力棒棒

由SEGA開發、喺12月6日推出嘅PS3黑道冒險動作遊戲《人中之龍5 夢、叶えし者》又有新料發佈。雖則話呢隻係動作遊戲,但當中嘅夜總會情節亦都可以話係主打,你睇TGS佢個攤位佈置到成個酒吧咁就知啦!雖然我唔明點解去呢啲煙花之地都要好似追女仔咁討好啲靚女,但係,又確實係幾好玩,而今集呢方面嘅玩法仲經過強化!我要初戀呀!初戀呀! 相關資訊官方有圖睇 同「三上悠亞」「沖田杏梨」玩Live Chat 《人中之龍6》玩《VF5 FS》 (Sep 8, 2016) 「三上悠亞」「沖田杏梨」參演!《人中之龍6》有得玩《VF5 FS》 (Sep 6, 2016)

Read more ›