Post Tagged with: "任天堂"

外國傳媒收風 MINI版超任今年聖誕推出
by / on 20/04/2017 at 12:41 pm

外國傳媒收風 MINI版超任今年聖誕推出

上個星期,任天堂官方公佈話MINI版任天堂紅白機同灰機都會暫時停產,有冇咩玄機?外國傳媒Eurogamer啱啱就收到風,話有消息任天堂已經製作緊MINI版超級任天堂,如果你係30歲左右,呢部機對你嚟講可能仲多回憶過紅白機喎?而且仲話部機會同上年嘅灰機一樣,趕及聖誕節前推出。如果係堅,今次唔知會有幾多遊戲?你最想又內置咩遊戲? 相關資訊【有片】日本Hikakin都衰 任天堂Switch手掣倒轉插圖集 + 官方解構片 (Mar 4, 2017) 【有片】撞擊測試 任天堂Switch五呎跌落地 (Mar 4, 2017)

Read more ›

【慘喇】有買要快 MINI版紅白機/灰機停產
by / on 14/04/2017 at 1:15 pm

【慘喇】有買要快 MINI版紅白機/灰機停產

如果你同我一樣,諗住都唔急玩吖,遲啲咁啱見到啱價先出手啦……咁可能要留意番,快啲搵喇。因為任天堂宣佈,2016年11月10日發售嘅MINI版紅白機,將會暫時停止生產,出嗰陣賣5,980円,啱價就唔好等!同埋,美版灰機都一樣,想儲晒兩部嘅都要搵搵喇。話時話,任記有錢都唔賺咁有型,咁會唔會出MINI版超任? 相關資訊中川翔子又咬碟 咬完Switch盒咬《薩爾達傳說》 (Mar 4, 2017) PlayStation官方專頁出Post 話好想玩Switch賀任天堂 (Mar 3, 2017)

Read more ›
【有片】任天堂Switch充電殼 12000mAh玩到12個鐘
by / on 07/04/2017 at 3:28 pm

【有片】任天堂Switch充電殼 12000mAh玩到12個鐘

手提玩玩唔到太耐,充電位喺機底唔可以一邊充電一邊楝個Mon玩,係唔夠方便嘅,不過小問題啫,官方未出,非官方都有呢個「SwitchCharge」集資緊喇,12000mAh,聲稱可以玩到12個小時,而且可以放到兩隻遊戲,支架亦都可以調校角度,o依家集資緊,預計7月尾出貨,到時賣130美元。不過話時話,我都未拎過出街玩。 相關資訊【姐姐很壞玩細佬】Switch到貨惡作劇!盒內換部N64 (Apr 21, 2017) 未出先興奮 《Splatoon 2》機套保護殼 (Apr 20, 2017)

Read more ›
【係咪威?】任天堂Switch日本四周賣過50萬 但係慢過Wii U
by / on 30/03/2017 at 9:12 pm

【係咪威?】任天堂Switch日本四周賣過50萬 但係慢過Wii U

數字嘅嘢真係好玄妙,任天堂Switch喺日本用咗4個星期賣出50萬部(519,504部),成績都幾好,而且仲賣到冇貨。相比起當年PS4,四星期先賣出439,810部,七星期先去到50萬部,但留意番,當時日本係遲過外國開賣成3個月。咁Switch相比前代Wii U呢?原來Wii U又好賣啲,用咗三星期就賣出50萬部!不過又有理由嘅,當年Wii U係喺年尾消費旺季出嘅……點都好啦,Switch個勢暫時都幾好,總之希望任記keep住,出多啲勁game就得喇。 相關資訊【有片】拆彈專家出動 日本秋葉原站發現不明物 (Apr 23, 2017) 【有片】運氣話嚟就嚟 日本Wakeboard友跳出水面啄要害 (Apr 23, 2017)

Read more ›
任天堂GameCube版Joy-con 機迷自製情懷
by / on 23/03/2017 at 3:26 pm

任天堂GameCube版Joy-con 機迷自製情懷

講起任天堂,始終對佢啲舊機有份情意結,紅白機、超任,甚至係GameCube,外國fans一樣多。啱啱呢個Boss Fight Props嘅ig就出咗幾張圖,自製咗GameCube版塗裝,係超有feel嘅,期待快啲有紅白機版,但其實超任版配色好似襯啲。 相關資訊自護版Switch 紅色有角10日完成 (Apr 10, 2017) 【有片】免費體驗版 Switch新版Spelunker有得玩 (Apr 6, 2017)

Read more ›
夢之實體化 任天堂N64變玻璃裝飾
by / on 22/03/2017 at 11:55 am

夢之實體化 任天堂N64變玻璃裝飾

係實體化,但唔係部N64主機,而係立體感更強嘅N64標誌。呢位外國玩家將呢個超立體嘅標誌用玻璃立體化,當佢將作品放上reddit之後,仲有人話想用64蚊美元幫佢買……再睇番,原來Xbox標誌佢都整過,話時話,歷年嚟咁多部主機嘅標誌,你哋覺得邊個最靚?我自己就鍾意SEGA嘅Dreamcast,當年我有買阿仙奴波衫之餘,o依家都仲有件Tee係呢個logo。 相關資訊【有片】超正!N64變Switch機座 插機如插帶 (Mar 29, 2017) 日本開賣情況 任天堂Switch處處人龍? (Mar 3, 2017)

Read more ›

有計!任天堂Switch機套 出出入入防刮花
by / on 20/03/2017 at 3:31 pm

有計!任天堂Switch機套 出出入入防刮花

任天堂Switch,喺電視玩或者充電嗰陣就插番入個機座,手提玩時就拎出嚟,就係咁出出入入,網上見到有唔少外國玩家刮花咗部機,多數係屏幕旁邊啲位。之前有人改裝直情將個機座拆咗一邊,其實唔使咁誇張,搵個套笠住嗰邊面板咪得囉,外國有人自製出嚟賣,有唔同圖案,港幣$100左右。不過又再其實,自己整都唔難,笠隻彈性好啲嘅襪得唔得? 相關資訊【有片】日本小機迷冇得玩 用紙皮自任記Switch (Mar 29, 2017) 新片速報 任天堂Switch出《聖劍傳說Collection》3集隨時Save (Mar 21, 2017)

Read more ›
Switch鐵蓮花?高殺傷力Joy-Con配件
by / on 17/03/2017 at 4:24 pm

Switch鐵蓮花?高殺傷力Joy-Con配件

玩《1 2 Switch》就真係戴番條手繩安全啲,咁呢個非官方、好似幾好揸手嘅配件幾時用好?其實呢個「Nintendo Switch Joycon Knuckles」係冇乜殺傷力嘅,因為係用膠造,似乎都係貪得意多啲,製作方面話左右Joy-Con都會有,賣19.99美元。 相關資訊【有片】極殘忍!用水鋸爆Switch 變「薩爾達」特別版主機 (Mar 14, 2017) 【2017出GAME表】 3月至4月 [PS4 / XBox One / Switch / PC / 3DS / PS Vita] (Mar 12, 2017)

Read more ›
任天堂Switch專用VR眼罩?傳聞申請專利中
by / on 16/03/2017 at 2:09 pm

任天堂Switch專用VR眼罩?傳聞申請專利中

曾經有傳過個設計係咁,不過任天堂一直冇表態話會出VR眼罩。喺網上就流傳緊幾張圖,有埋包裝有埋造型睇,襯晒色設計幾靚嘅,睇吓算啦…… 相關資訊【有片】超正!《龍珠Z》VR/AR電話裝置 拍住悟空出龜波戰菲利 (Apr 13, 2017) 【有片】男友現身!《VRカレシ》今日發售 (Apr 1, 2017)

Read more ›
外國玩家出圖 SD卡過熱溶化唔關Switch事
by / on 15/03/2017 at 2:11 pm

外國玩家出圖 SD卡過熱溶化唔關Switch事

老實講我又未試過玩到部機會好熱,所以睇到呢位外國玩家就出圖幾張圖,話佢張SanDisk 128GB MicroSD喺部Switch度溶咗,當堂嚇一嚇,佢仲話拎出嚟時仲印埋指模上去……咁誇張?後尾原來佢自己都有講番,唔關部任天堂Switch事,應該係張卡出現問題啫……如果係咁都幾恐怖喎。 相關資訊【有片】日本熊本城紙模型 籌款重建香港都買到 (Apr 23, 2017) 【寂寞】日本爸爸沉迷打機致離婚 升呢為網上重遇女兒 (Apr 22, 2017)

Read more ›
日本網民好手藝 100円店買材料製任天堂鐘
by / on 11/03/2017 at 5:54 pm

日本網民好手藝 100円店買材料製任天堂鐘

又係呢個tag「百均のグッズ間違った使い方選手権」,喺100円店買材料玩嘢。呢位網民就勁喇,唔知係咪玩Switch玩得太開心,所以整咗呢個直徑1.5米嘅任天堂鐘,有製作過程,有好多8-bit風人物,真嘅一樣。 相關資訊【有片】日本Sony Interactive Entertainment總部 玩巨型DualShock 4 (Apr 22, 2017) 【新片速報】日本水豚溫馨進食片 一條草兩份食超sweet (Apr 22, 2017)

Read more ›

【打機不打J】Switch推出日 外國AV網使用率暴跌
by / on 11/03/2017 at 1:50 pm

【打機不打J】Switch推出日 外國AV網使用率暴跌

任天堂Switch上星期出咗喇,對自然生態有咩影響呢?有冇發現身邊男性朋友唔係好願出街?其實唔關事,係佢本身唔想出街啫。不過對外國AV網站就真係帶嚟影響喇,YouPorn做咗個調查,自Switch喺上周五推出之後,成個周末使用率都暴跌13%至17%,係咪因為呢個遊戲玩到隻手太攰……? 相關資訊新片速報 開著部機放喺度 任天堂Switch大混戰 (Feb 28, 2017) 【有片】完成創舉 3年時間爆盡任天堂灰機遊戲 (Feb 27, 2017)

Read more ›
日本網民出圖玩Switch 真相原來未買到
by / on 07/03/2017 at 10:50 am

日本網民出圖玩Switch 真相原來未買到

買唔到又好想玩可以點?可以幻想。呢位日本網民就影咗相,嘩玩緊《薩爾達傳說》喎……不過睇埋落去,好似有啲唔妥…… 相關資訊任天堂Switch最啱Party 日本學生帶返學玩 (Mar 9, 2017) 《1-2 Switch》唔使望住玩 失明夫終於可同老婆雙打 (Mar 8, 2017)

Read more ›
又賣Catalog?日本Yahoo!賣任天堂Switch Catalog寫明都中招
by / on 07/03/2017 at 9:20 am

又賣Catalog?日本Yahoo!賣任天堂Switch Catalog寫明都中招

之前都試過有類似事件,咁佢寫明係Catalog,唔包本體,係咪就唔算呃人?可能有機迷想喺網上買到平嘢,所以見到早幾日出咗嘅任天堂新機Switch,就必咗先講,點知原來只係一本Catalog,而且寫明,成功之後要取消投標就要俾1,000円。會唔會有人想幾萬円買本Catalog先? 相關資訊拍得住PS4?任天堂Switch日本3日賣33.1萬部 (Mar 7, 2017) 任天堂Switch隱藏功能?可以幫MacBook Pro充電 (Mar 6, 2017)

Read more ›
任天堂給機迷隱藏訊息?手掣暗藏「thx2 allgamefans!」字
by / on 04/03/2017 at 7:32 pm

任天堂給機迷隱藏訊息?手掣暗藏「thx2 allgamefans!」字

我冇買到Pro手掣,如果有買嘅你,快啲睇吓係唔係?有機迷就發現佢隻Switch Pro Controller呢個透明部份,隱約見到入面寫住「thx2 allgamefans!」呢句嘢……更新:真係有o架! 相關資訊自製Switch屏幕架 日本網民發現迷你畫架啱啱好 (Mar 4, 2017) 【又早到】日本玩定收到Switch 今次係速遞出錯? (Mar 1, 2017)

Read more ›