Post Tagged with: "任天堂"

日本關西機場設任天堂試玩區 6月23日同大叔影相
by / on 19/06/2017 at 11:52 pm

日本關西機場設任天堂試玩區 6月23日同大叔影相

今個月尾開始,有冇人準備去日本關西旅行?如果有,一落機就有嘢玩喇。因為由6月23日開始,「関西国際空港」將會有呢個「Nintendo Check In」試玩區,仲係國際線到達嗰邊,會有任記遊戲試玩,仲有派帽大叔Mario可以影相打卡,俾頂帽你戴吖? 相關資訊【有片】智利國家隊成班孖車迷 入波慶祝扮玩Switch (Jun 21, 2017) 【E3】新片速報 Switch出《星之卡比》橫向好可愛 (Jun 14, 2017)

Read more ›

【跟進】日本USJ任天堂園區 今日動工儀式舉行
by / on 08/06/2017 at 4:49 pm

【跟進】日本USJ任天堂園區 今日動工儀式舉行

今朝睇完片,o依家睇埋活動詳情!之前影到個水管舞台,就係為咗今日嘅大阪環球影城「SUPER NINTENDO WORLD建設着工式」而設。有大叔出場,又點少得宮本茂?據講園區會投資超過600億円興建,另外早前亦有流傳機動遊戲設計專利圖,照睇會有Donkey Kong過山車,亦都會有Mario Kart玩? 相關資訊【有片】宣傳影片公開 大阪環球影城夏天玩盡4大作品 (May 24, 2017) 【有片】New 2DS LL新機 7月發售變相平價版 (Apr 28, 2017)

Read more ›
【有片】官方影片發佈 大阪環球影城Super Nintendo World
by / on 08/06/2017 at 12:08 pm

【有片】官方影片發佈 大阪環球影城Super Nintendo World

噚晚睇完有網民影到日本大阪環球影城USJ入面嘅Super Nintendo World已經起緊,仲見到有水管舞台俾大叔玩,其實係為最新發佈會嘅準備,唔係園區設施嚟。啱啱官方都出片喇,話俾你聽園區有幾大,有得玩Mario Kart喎?2020年東京奧運前會開幕,大叔好忙呀!另外仲有一條片,係有人去咗工程嘅外圍拍入去。 相關資訊GC電飯煲佢設計 任天堂主機設計者竹田玄洋退休 (Apr 27, 2017) 外國傳媒收風 MINI版超任今年聖誕推出 (Apr 20, 2017)

Read more ›
大阪環球影城 任天堂園區工程曝光
by / on 07/06/2017 at 9:47 pm

大阪環球影城 任天堂園區工程曝光

講咗話2020年會開幕,就係日本大阪環球影城USJ入面嘅Super Nintendo World啦,仲有約3年先開,咁o依家開始起未?早喺4月都有網民見到封咗啲地方懷疑係俾任天堂園區,啱啱就直情有人影到已經工程進行中,仲見到Mario大叔嘅專用舞台,有水管有盛,似乎係用嚟表演用…… 相關資訊【慘喇】有買要快 MINI版紅白機/灰機停產 (Apr 14, 2017) 【有片】任天堂Switch充電殼 12000mAh玩到12個鐘 (Apr 7, 2017)

Read more ›
任天堂Switch Online收費公開 下年開始一年2,400円
by / on 02/06/2017 at 4:02 pm

任天堂Switch Online收費公開 下年開始一年2,400円

出機嗰陣都講咗之後會收錢喇,不過都推遲咗,由本來嘅2017年秋天推到2018年開始。咁機迷都係關心收費啦,唔貴嘅,2,400円一年,即170蚊港幣左右,咁除咗可以Online連線打機外,仲會有電話用嘅Online、語音交談應用程式,另外亦都有每月嘅免費遊戲,同埋會員獨享買game優惠。不過香港個eshop到底…… 相關資訊新片速報 Switch《ARMS》3片連發 今個月拳拳到肉 (Jun 7, 2017) 新片速報 《ポッ拳》出Switch版 《Pokémon》11月出新作Ultra Sun/Ultra Moon (Jun 6, 2017)

Read more ›
任天堂Switch大掣 7月發售賣14,980円
by / on 31/05/2017 at 12:52 pm

任天堂Switch大掣 7月發售賣14,980円

玩緊《街霸II》嘅你,會唔會想要個大掣玩?嚟緊HORI就會推出呢款「リアルアーケードPro.V HAYABUSA for Nintendo Switch」,7月發售,14,980円。唔會支援motion IR camera、HD震動等Joy-Con功能。 相關資訊新片速報 Switch版《Monster Hunter XX》實機演示 狩技操作方法公開 (Jun 5, 2017) 日本排隊抽選買Switch 推出3個月依然難求 (Jun 5, 2017)

Read more ›

【開心到飛起】紙皮Switch變真機 趁阿囝沖涼俾驚喜
by / on 22/05/2017 at 9:29 pm

【開心到飛起】紙皮Switch變真機 趁阿囝沖涼俾驚喜

假設你仲好細個,自己未有錢買遊戲機,成日都係自製啲玩具嚟玩,冇真機就玩住紙皮版呃吓自己,但突然有一日沖完涼出嚟,發現部紙皮機變成一部真正嘅任天堂Switch!你會唔會開心到癲?我諗我都應該會好似呢位囝囝咁!喂小心跌壞部機呀! 相關資訊【最憎炒家】外國遊戲店公佈有19部Switch 「炒家」掃貨被誤會? (Jun 4, 2017) 【有片】任天堂Switch品質 1000呎高空墮地竟然開到機 (Jun 1, 2017)

Read more ›
【任記超體貼】日本失明小機迷想要《節奏天國》新作 任天堂用凸字回信
by / on 21/05/2017 at 1:22 pm

【任記超體貼】日本失明小機迷想要《節奏天國》新作 任天堂用凸字回信

任天堂點解咁多fans?可能你會喺佢嘅主機同遊戲設計中見到佢嘅人性化,但今次呢件事更勁,更睇到佢哋嘅人情味,如果你係任記fans,你會覺得不枉我支持咗佢咁耐!話說有一位爸爸喺Twitter出咗個post,就係話佢個囝囝寄咗信俾任天堂,之後得到回信。當然唔係咁簡單,首先,佢囝囝名叫酒井響希,佢喺歲半時不幸患上視網膜母細胞瘤,喺兩歲時因為醫治保命而變成完全失明,不過佢仲好鍾意打機,當中任天堂嘅《節奏天國(リズム天国)》就係佢最愛,亦都係唯一一個遊戲系列佢可以完全破關嘅,佢仲喺呢個系列中所有小遊戲都得到滿分。最近佢就寫咗信俾任天堂…… 相關資訊【新片速報】糖尿症男童與狗狗 超感人齊齊參加畢業禮 (May 15, 2017) 【係咪威?】任天堂Switch日本四周賣過50萬 但係慢過Wii U (Mar 30, 2017)

Read more ›
睇啱就要訂 Switch拎出街 官方新袋新護罩
by / on 17/05/2017 at 8:50 pm

睇啱就要訂 Switch拎出街 官方新袋新護罩

玩Switch,尤其你會同朋友玩孖車,咁少不免拎出街,可能拎去朋友屋企玩,又可能搭車又玩吓。如果係前者,咁《Splatoon》個袋就啱晒,可以放埋Dock加多兩隻遊戲同手掣,3,980円,不過要等7月21日先發售。另外亦有啲普通機袋,2,280円;至於個機套連座,3,480円,醒在將部機放上去時係高咗啲嘅,俾你插掣充電。最後呢個幾靚,係屏幕護罩,3,480円。仲有提提你,聽朝香港時間6點有Direct,入嚟有link,都係嗰句,冇咁早起身,瞓醒咪搵我哋囉。 相關資訊Switch《Monster Hunter XX》新情報 雙畫面變單畫面顯示圖解 (Jun 1, 2017) 【有片】超強勁Switch影片 高空跳傘同步玩《薩爾達傳說》 (May 25, 2017)

Read more ›
Switch後日有Direct 《ARMS》《Splatoon 2》有新料
by / on 16/05/2017 at 10:48 pm

Switch後日有Direct 《ARMS》《Splatoon 2》有新料

薩爾達之後孖車,任天堂Switch個勢都keep住嚟,咁嚟緊6月16日仲有《ARMS》,7月21日又有射擊大作《Splatoon 2》,梗係要繼續趁熱谷多谷!後日18日日本時間晨早7點,即係香港6點,就會有網上發佈會Direct睇,主要有《ARMS》新情報,仲有《Splatoon 2》約兩分兩分鐘最新影片,另外亦都會搭一兩隻遊戲,買咗機嘅,或者準備出機嘅,留意番。或者到時留意我哋都得。 相關資訊【有片】德國網站流出 PS Vita後繼機似足Switch? (May 18, 2017) 新片速報 Switch《ARMS》好多嘢玩 2打2打籃球排球 (May 18, 2017)

Read more ›
新片速報 放飯都要玩!任天堂Switch新電視廣告
by / on 15/05/2017 at 6:25 pm

新片速報 放飯都要玩!任天堂Switch新電視廣告

Switch可以拎出街玩,係方便嘅,一班朋友聚會拎埋出去玩好啱。今日(15日)日本任天堂又出咗條新廣告引你買機,呢啲遊戲呢啲玩法你中唔中? 相關資訊新片速報 Switch出《Splatoon 2》特別版主機 (May 18, 2017) 【2017出GAME表】 5月至6月 [PS4 / XBox One / Switch / PC / 3DS / PS Vita] (May 3, 2017)

Read more ›

E3任天堂大發佈 Bookmark定睇直播
by / on 12/05/2017 at 4:56 pm

E3任天堂大發佈 Bookmark定睇直播

Switch個勢勁,嚟緊最近嘅大型遊戲展E3一定有勁嘢啩?其實隻《Super Mario Odyssey》大家都期待啦?官方網站已經開通,香港時間踏入6月14日嘅深夜12點,準時睇「Nintendo Spotlight: E3 2017」,到時網站見。 相關資訊日本限定Hello Kitty x Wonder Woman 貓頭繼續有蝴蝶結 (Jun 17, 2017) 京都清水寺維修中 竹棚圍牆一生一遇 (Jun 5, 2017)

Read more ›
自製超任版Switch 主機係餅帶?
by / on 10/05/2017 at 11:33 pm

自製超任版Switch 主機係餅帶?

之前已經有人整過紅色自護版Switch,今次就係超級任天堂版本!大家都期待官方會公佈出MINI版超任,暫時未有消息,只係傳會年尾出……咁不如試吓自己整部超任版Switch?如果你有心有術又放棄保養的話。再唔係,睇吓算,呢位韓國機迷就製作咗一部,超精美,咁如果部Dock係主機,咁部Switch係咪餅帶? 相關資訊Microsoft流出消息 MINI版超任E3公佈 (Jun 2, 2017) 【姐姐很壞玩細佬】Switch到貨惡作劇!盒內換部N64 (Apr 21, 2017)

Read more ›
【有片】自製任天堂Amiibo收藏架 感應不同角色叫名播音樂
by / on 03/05/2017 at 3:23 pm

【有片】自製任天堂Amiibo收藏架 感應不同角色叫名播音樂

香港玩具迷,最煩惱唔係冇錢買玩具,而係買咗冇位display,原盒收藏有時真係好冇癮。如果你都有呢個問題,整個架已經係最佳選擇,不過呢個由外國任天堂機迷CaliburLord K用兩年完成嘅木架就仲勁,每隻Amiibo只要放上頂部個「舞台」位,就會自轉,而且會播出《大亂鬥》嘅角色名字同埋播遊戲音樂! 相關資訊任天堂GameCube版Joy-con 機迷自製情懷 (Mar 23, 2017) 夢之實體化 任天堂N64變玻璃裝飾 (Mar 22, 2017)

Read more ›
【有片】機迷5月買UT!任天堂大量作品上身
by / on 01/05/2017 at 11:19 am

【有片】機迷5月買UT!任天堂大量作品上身

今年2017年嘅UT GRAND PRIX,主題係任天堂,投稿超過16,000件。啱啱Uniqlo就出咗片,介紹番將會推出嘅唔同款式Tee,除咗大叔之外,今次仲有超多唔同作品,5月19日發售(香港5月26日發售),平平哋買嚟著入面襯衫,毒在骨子裏。 相關資訊有計!任天堂Switch機套 出出入入防刮花 (Mar 20, 2017) Switch鐵蓮花?高殺傷力Joy-Con配件 (Mar 17, 2017)

Read more ›