Post Tagged with: "任天堂"

新片速報 拳王泰臣 生平第一次試玩紅白機《Punch-Out》
by / on 24/08/2013 at 2:59 pm

新片速報 拳王泰臣 生平第一次試玩紅白機《Punch-Out》

3字頭以上大男人應該都識邊個係拳王泰臣(Mike Tyson),新一代嘅都應該睇過《醉爆伴郎團》入面泰臣嘅演出。呢位曾經打偏天下無敵手嘅重量級拳王,原來一直都未玩過紅白機年代以佢為名嘅《Mike Tyson’s Punch-Out》!直至近日,佢先被安排咗試玩呢隻遊戲,你睇佢個樣玩得幾開心,嗌到噢噢聲,不過好似唔係好識玩喎!話時話,我都沉迷過,記得係咪要按select出絕招? 相關資訊請記低 任天堂E3 Direct下周直播等睇「大亂鬥」 (Jun 5, 2018) 壞機重生!任天堂舊DS變身GBA (May 21, 2018)

Read more ›

過萬塊Lego砌成馬賽克畫      冒險島/洛克人8bit圖
by / on 22/08/2013 at 7:44 am

過萬塊Lego砌成馬賽克畫 冒險島/洛克人8bit圖

由外國網友Mytemporaryshop製作嘅Lego馬賽克,足足有74″x45″大,用咗10,511塊獨立Lego砌成,入面有齊大量任天堂同埋世嘉嘅角色,細心搵會見倒高橋名人嘅《冒險島》主角、洛克人等等大量經典遊戲角色,好有親切感。根據作者所講,要製作呢張砌圖,單係搵齊所需顏色嘅Lego都已經用咗大量時間。呢幅靚圖有得買,開價港幣大約$37,500,作者都知貴,喺網站講明十月份都賣唔出的話,就會將佢分拆再獨立賣,如果咁唔好彩成事,你會買邊一忽? 相關資訊【有片】日本熱傳《黑洞》手機遊戲 玩法似《塊魂》 (Jun 21, 2018) 《Dark Souls》超正角色設計 怪物精細設計睇到心寒 (May 29, 2018)

Read more ›
機迷牆上擺設    孖寶9格圖砌中無獎
by / on 14/08/2013 at 3:38 pm

機迷牆上擺設 孖寶9格圖砌中無獎

間中都會見倒孖寶嘅傢俱或者擺設,不過呢款我真心有啲想買。由設計師JamsBit整成嘅牆上擺設,9幅圖,有蘑菇、星星同埋花,有玩過孖寶兄弟嘅都會記得呢個minigame,拑中中間三格啱位就有嘢拎!用木、帆布、墨、Pixels製成,不過價錢都唔平,9塊砌圖開價港幣$1600,我知你諗乜,自己印吖嘛,嘻,我都係咁諗。 相關資訊【有片】打機用埋腳 新裝置靠隻腳幫手 (May 26, 2018) 任記再派貨 MINI紅白機6月28日再發售 (May 14, 2018)

Read more ›
新片速報 Nintendo Direct 43分鐘足本睇
by / on 08/08/2013 at 11:21 am

新片速報 Nintendo Direct 43分鐘足本睇

噚晚個任記網上發佈會,包括我都諗多咗,希望見到啱啱流出情報嘅3DS《進擊之巨人》遊戲,睇完冇啦。今次發佈會作品有《信長之野望》、《Metal Max 4》、《初音 Project Mirai 2》、《MH Frontier G》、《薩爾達傳說》舊作高清版、《Sonic Lost World》、《Rayman Legends》,全部有片睇,42分鐘,可以邊食飯邊睇,或者飛住睇。 相關資訊【有片】任記紙皮最大天敵 日本機迷貓最愛玩Switch Labo (Apr 23, 2018) 新片速報 任記紙皮開箱 Nintendo Labo發售前睇清楚點玩 (Feb 15, 2018)

Read more ›
今晚10點睇直播 「Nintendo Direct 2013.8.7」有冇3DS《進擊之巨人》?
by / on 07/08/2013 at 4:25 pm

今晚10點睇直播 「Nintendo Direct 2013.8.7」有冇3DS《進擊之巨人》?

任天堂Direct又嚟喇,今晚香港時間10點,入下面網址就可以睇到任記嘅網上發佈會。今次會講Wii U同3DS嘅年內發售新遊戲,我好大想頭,就係唔知噚日喺《進擊之巨人》第11卷中流出嘅封入宣傳單張,宣佈今年內推出嘅3DS遊戲《進擊之巨人》會唔會有新料,大家睇實啦! 相關資訊【日本模型友】懷舊主機變機動戰士 紅白機RX-78-2/GameBoy鐵球 (Feb 10, 2018) 1889年京都 129年前任天堂總部相片曝光 (Jan 26, 2018)

Read more ›
叛徒專用 任天堂紅白機風PS Vita機殼
by / on 30/07/2013 at 2:28 pm

叛徒專用 任天堂紅白機風PS Vita機殼

雖然我玩緊《Dragon’s Crown》,但其實我個心都係等緊《Monster Hunter》;雖然我部Wii U真係好耐冇開,但我始終都係任天堂忠粉。於是,喺矛盾嘅心情底下,將部PS Vita變成紅白機手掣風格嘅外觀,就最能表達我複雜嘅內心世界。1,500円,好想要。   相關資訊又一個時代的終結 PS Vita遊戲卡準備停產 (May 16, 2018) 【等找數】日本網民PS Vita被整爛 朋友:「1個轉發賠10円」 (Apr 30, 2018)

Read more ›

任天堂新招救機 Wii U開發工具通街派
by / on 15/07/2013 at 7:19 pm

任天堂新招救機 Wii U開發工具通街派

Wii U銷情麻麻,仲有啲廠商玩落井下石,走出嚟話唔幫佢開發遊戲呀,下次冇佢份呀咁。任天堂都唔可以坐以待斃,諗吓計有咩可以做呢?就係俾多啲人開發,最新嘅計劃就係無條件開放啲開發工具俾獨立遊戲開發者。講真,呢個計劃絕對正面,不過效用大唔大就要慢慢睇吓喇……   相關資訊新片速報 任記玩紙皮 Switch新玩法多變化 (Jan 18, 2018) 新片速報 任天堂Direct完全睇 《Mario Tennis Ace》《Donkey Kong Tropical Freeze》緊接發售 (Jan 11, 2018)

Read more ›
【有片】今日30周年 任天堂紅白機廣告片懷舊回憶
by / on 14/07/2013 at 5:30 pm

【有片】今日30周年 任天堂紅白機廣告片懷舊回憶

今晚踏入12點(15日),就係任天堂紅白機推出30周年嘅日子,有番咁上下機齡嘅機迷,都應該好懷念呢部可能係你第一部擁有嘅家用遊戲主機。1983年7月15日發售,開發責任者係上村雅之,當年嘅售價係14,800円,型號HVC-001,HVC係Home Video Computer咁解,而日本國內就簡稱為FC,至於香港,大家都知因為佢部機嘅顏色而叫做紅白機啦!直至停產前,紅白機全球售出6,219萬部,日本國內佔1,935萬部。入嚟有得回顧吓當年嘅紅白機電視廣告,堅有情懷。 相關資訊【有片】訂啦!任天堂官方出圖出片 金色「少年Jump」MINI紅白機 (May 14, 2018) 過份!Mini紅白機出《週刊少年Jump》金色特別版 有《龍珠》《足球小將》《聖鬥士星矢》 (May 10, 2018)

Read more ›
新片速報 任天堂網上發佈會 《電波人間のRPG3》3DS/Wii U新情報
by / on 03/07/2013 at 2:46 pm

新片速報 任天堂網上發佈會 《電波人間のRPG3》3DS/Wii U新情報

今次呢條17分鐘片,唔使等直播,直情放咗上YouTube。主要係介紹3DS版嘅《電波人間のRPG3》,呢隻遊戲,相信好多機迷未必有玩過,喺7月31日會推出體驗版免費下載,而且第1、2集下載版亦會有限期半價優惠。另一款遊戲就係《Mario and Donkey Kong: Minis on the Move》,最後就係一連串3DS同Wii U嘅小遊戲同app嘅情報。 相關資訊【靚喎】日本任天堂出利是封 用金幣免費換 (Dec 16, 2017) 任天堂Switch更新4.0.0 可錄影可傳Save (Oct 19, 2017)

Read more ›
下期必買《週刊Fami通》送任天堂30周年記念特刊
by / on 03/07/2013 at 2:30 pm

下期必買《週刊Fami通》送任天堂30周年記念特刊

有冇人係玩紅白機大嘅?我就係喇,紅白機、磁碟機、超任、N64、Game Cube、Wii、Wii U,除咗Wii之外,其實我全部都有買,當然,Wii之前嘅唔係我買,係我阿爸阿媽俾錢……無論你撐唔撐Wii U,任天堂的確為我哋機迷帶嚟好多開心嘅回憶!下個星期7月11日發售嘅《週刊Fami通》,就會有呢本52頁嘅任天堂30周年記念特刊,除咗有主機歷史外,仲會有遊戲介紹,幾廿蚊買個回憶,我必入! 相關資訊解開34年之謎 紅白機盒帶個窿有乜用? (Oct 17, 2017) 瑪利奧玩性感 Forever 21聯乘男/女/童裝勁多款 (Oct 1, 2017)

Read more ›
我的80年代  任天堂R.O.B.機械人枱燈Etsy有得賣
by / on 03/07/2013 at 7:16 am

我的80年代 任天堂R.O.B.機械人枱燈Etsy有得賣

如果你認得呢隻任天堂80年代推出嘅R.O.B.機械人,你應該係一個好資深嘅機迷。呢隻當年隨FC豪華版推出嘅贈品,日本人稱呼佢為FC機械人,同步仲推出咗《Gyromite》同埋《Stack-Up》兩款對應遊戲,我懷疑彼思嘅Wall-E造型都係參考佢。最近有外國有玩家將R.O.B.改裝成枱燈,雙手可以擺左擺右,仲可以夾住支筆,好有童年回憶。枱燈喺外國網Etsy有得賣,港幣一千蚊唔駛,不過得一千零一隻,手快有手慢無。 相關資訊廢金屬變超巨型機械人 作品賣港幣20萬連運費 (Dec 11, 2017) 【好問題】歐洲任天堂出問題 《Splatoon 2》新活動玩廁紙 (Oct 1, 2017)

Read more ›

京都弁慶食堂 任天堂總部製作團隊外賣熱點
by / on 01/07/2013 at 7:44 pm

京都弁慶食堂 任天堂總部製作團隊外賣熱點

日本網站報導,京都鳥羽街道站有一間「弁慶食堂」,外表冇乜特別,只係比較舊,但原來係任天堂京都總部員工嘅食堂,而且仲係自1985年開發《Metroid》開始!話說當時製作團隊忙到冇時間出去食午飯,但東山區總部旁邊嘅食肆都唔送外賣,就只有呢間「弁慶食堂」會送。老闆娘仲話當時佢哋會叫大量外賣,但佢哋冇可能一次過整得晒同送得晒,所以一整好就送一批過去……店入面仲有任天堂員工提嘅字,推介有咩好食喎。任記fans,去開京都旅行去食吓飯,隨時撞到岩田聰社長喎! 相關資訊新片速報 踢波先嚟落雨 任記Switch新廣告 (Sep 14, 2017) 【記住】9月14日朝早任天堂Direct 展前露兩手 (Sep 11, 2017)

Read more ›
聽晚7點睇直播 「Pikmin3 Direct」松本人志現身
by / on 25/06/2013 at 2:37 pm

聽晚7點睇直播 「Pikmin3 Direct」松本人志現身

任天堂網上發佈會又嚟,今次打正旗號以7月13日推出嘅《Pikmin3》為主題。除咗岩田聰社長之外,仲會有遊戲愛好者松本人志現身,另外製作人宮本茂都會登場!播放時間會係香港時間聽日(26日)晚上7點,放工返到屋企啱啱好有片睇。 相關資訊【賀】任天堂Switch全球累積賣過500萬部 遊戲過千萬銷量 (Sep 11, 2017) 靚喎!Switch大叔機套 11月發售賣1,922円 (Sep 6, 2017)

Read more ›
任天堂出汽車引擎?Civic炮製最熱手掣
by / on 12/06/2013 at 8:10 am

任天堂出汽車引擎?Civic炮製最熱手掣

呢兩日XBOX ONE同埋PS4霸晒所有遊戲版面,任天堂嘅出路唔通就係推出汽車引擎?呢副由位任天堂粉絲自製嘅Honda Civic B系列引擎,用咗經典任天堂手掣整成,應該係史上最熱嘅手掣。好眼力嘅,仲會留意到最低嘅上上下下左右左右BA密碼,係咪好有親切感呢? 相關資訊8月新出PS公認新手掣 似唔似對家嗰隻? (May 24, 2018) 【有片】1分鐘睇晒 40年間遊戲手掣變化 (Apr 13, 2018)

Read more ›
新片速報 綠帽大叔歡迎你 任天堂岩井聰社長 宮本茂 Reggie洛杉磯踩場
by / on 09/06/2013 at 3:57 pm

新片速報 綠帽大叔歡迎你 任天堂岩井聰社長 宮本茂 Reggie洛杉磯踩場

今年E3焦點係PS4同Xbox One,不過任天堂都喺E3開幕當日會有Direct網上發佈會,事先張揚大量新料公佈。唔只咁,任天堂社長岩井聰、孖寶之父宮本茂同歐美任記嘅Reggie都齊齊搭七人車到咗洛杉磯踩場,而且仲拍咗條短片放咗喺美國任天Twitter度,綠帽大叔Luigi仲去咗接車添。 相關資訊【今日GIF】跟番主機畫質 歷代任天堂主機3D圖 (Aug 17, 2017) 鞋踩有十字掣 任天堂版Jordan賣8千幾 (Jul 17, 2017)

Read more ›