Post Tagged with: "任天堂"

我的80年代  任天堂R.O.B.機械人枱燈Etsy有得賣
by / on 03/07/2013 at 7:16 am

我的80年代 任天堂R.O.B.機械人枱燈Etsy有得賣

如果你認得呢隻任天堂80年代推出嘅R.O.B.機械人,你應該係一個好資深嘅機迷。呢隻當年隨FC豪華版推出嘅贈品,日本人稱呼佢為FC機械人,同步仲推出咗《Gyromite》同埋《Stack-Up》兩款對應遊戲,我懷疑彼思嘅Wall-E造型都係參考佢。最近有外國有玩家將R.O.B.改裝成枱燈,雙手可以擺左擺右,仲可以夾住支筆,好有童年回憶。枱燈喺外國網Etsy有得賣,港幣一千蚊唔駛,不過得一千零一隻,手快有手慢無。 相關資訊任天堂Switch更新4.0.0 可錄影可傳Save (Oct 19, 2017) 解開34年之謎 紅白機盒帶個窿有乜用? (Oct 17, 2017)

Read more ›

京都弁慶食堂 任天堂總部製作團隊外賣熱點
by / on 01/07/2013 at 7:44 pm

京都弁慶食堂 任天堂總部製作團隊外賣熱點

日本網站報導,京都鳥羽街道站有一間「弁慶食堂」,外表冇乜特別,只係比較舊,但原來係任天堂京都總部員工嘅食堂,而且仲係自1985年開發《Metroid》開始!話說當時製作團隊忙到冇時間出去食午飯,但東山區總部旁邊嘅食肆都唔送外賣,就只有呢間「弁慶食堂」會送。老闆娘仲話當時佢哋會叫大量外賣,但佢哋冇可能一次過整得晒同送得晒,所以一整好就送一批過去……店入面仲有任天堂員工提嘅字,推介有咩好食喎。任記fans,去開京都旅行去食吓飯,隨時撞到岩田聰社長喎! 相關資訊瑪利奧玩性感 Forever 21聯乘男/女/童裝勁多款 (Oct 1, 2017) 【好問題】歐洲任天堂出問題 《Splatoon 2》新活動玩廁紙 (Oct 1, 2017)

Read more ›
聽晚7點睇直播 「Pikmin3 Direct」松本人志現身
by / on 25/06/2013 at 2:37 pm

聽晚7點睇直播 「Pikmin3 Direct」松本人志現身

任天堂網上發佈會又嚟,今次打正旗號以7月13日推出嘅《Pikmin3》為主題。除咗岩田聰社長之外,仲會有遊戲愛好者松本人志現身,另外製作人宮本茂都會登場!播放時間會係香港時間聽日(26日)晚上7點,放工返到屋企啱啱好有片睇。 相關資訊新片速報 踢波先嚟落雨 任記Switch新廣告 (Sep 14, 2017) 【記住】9月14日朝早任天堂Direct 展前露兩手 (Sep 11, 2017)

Read more ›
任天堂出汽車引擎?Civic炮製最熱手掣
by / on 12/06/2013 at 8:10 am

任天堂出汽車引擎?Civic炮製最熱手掣

呢兩日XBOX ONE同埋PS4霸晒所有遊戲版面,任天堂嘅出路唔通就係推出汽車引擎?呢副由位任天堂粉絲自製嘅Honda Civic B系列引擎,用咗經典任天堂手掣整成,應該係史上最熱嘅手掣。好眼力嘅,仲會留意到最低嘅上上下下左右左右BA密碼,係咪好有親切感呢? 相關資訊【有片】Switch更新隱藏功能?支援用GameCube手掣 (Oct 24, 2017) 《龍珠》悟空色手掣?澳洲11月出新色DualShock 4 (Oct 20, 2017)

Read more ›
新片速報 綠帽大叔歡迎你 任天堂岩井聰社長 宮本茂 Reggie洛杉磯踩場
by / on 09/06/2013 at 3:57 pm

新片速報 綠帽大叔歡迎你 任天堂岩井聰社長 宮本茂 Reggie洛杉磯踩場

今年E3焦點係PS4同Xbox One,不過任天堂都喺E3開幕當日會有Direct網上發佈會,事先張揚大量新料公佈。唔只咁,任天堂社長岩井聰、孖寶之父宮本茂同歐美任記嘅Reggie都齊齊搭七人車到咗洛杉磯踩場,而且仲拍咗條短片放咗喺美國任天Twitter度,綠帽大叔Luigi仲去咗接車添。 相關資訊【賀】任天堂Switch全球累積賣過500萬部 遊戲過千萬銷量 (Sep 11, 2017) 靚喎!Switch大叔機套 11月發售賣1,922円 (Sep 6, 2017)

Read more ›
《Halo》、《Call of Duty》變身8bit紅白機game帶
by / on 03/06/2013 at 6:59 am

《Halo》、《Call of Duty》變身8bit紅白機game帶

你無睇錯,呢幾隻《Halo》、《Call of Duty》、《Assassin’s Creed》真係變咗任天堂紅白機嘅game帶。講到打機,好多人最懷念都係紅白機時代,外國網站72 Pins將近年好hit嘅遊戲改成8bit Logo,再貼上你同我屋企都好難搵倒嘅紅白機game帶上面,再放上網賣,一隻賣成港幣100蚊,不過好多款式都已經賣清光。玩唔玩得?當然唔得啦,旨在懷舊吓開心吓啫。係就係幾無聊,不過有時做人為求開心,輕鬆吓無壞吖。 相關資訊新片速報 香港製作又玩童年回憶 《Call of duty WW2》老朋友重聚 (Nov 6, 2017) 【要買好買】MINI超任周六開訂 絕版MINI紅白機再生產 (Sep 12, 2017)

Read more ›

新片速報 粉筆3D畫可以玩 任天堂灰機射鴨仔
by / on 01/06/2013 at 8:53 pm

新片速報 粉筆3D畫可以玩 任天堂灰機射鴨仔

如果冇記錯,嗰陣任天堂灰機(紅白機嘅美版)呢隻用槍玩嘅射鴨仔遊戲,好似賣過電視廣告。奈何嗰陣讀緊小學,冇咁富貴可以買嚟玩。呢條AweMeChannel拍嘅粉筆3D畫製作過程,就係以呢隻《Duck Hunt》為主題,全程由零開始睇佢點畫出呢幅3D玩,而且仲真係玩得,掂。 相關資訊【新片速報】日本超強畫家 4個鐘畫立體三文治Twitter熱傳 (Sep 4, 2017) 【今日GIF】跟番主機畫質 歷代任天堂主機3D圖 (Aug 17, 2017)

Read more ›
新片速報 任天堂Direct情報 《人中之龍HD》《Sonic Lost World》《The Wonderful 101》大量新作日期確定
by / on 18/05/2013 at 11:47 am

新片速報 任天堂Direct情報 《人中之龍HD》《Sonic Lost World》《The Wonderful 101》大量新作日期確定

噚晚有冇睇任天堂Direct?冇嘅就可以睇番以下Wii U情報。首先,美版出咗嘅《LEGO City Undercover》,日版確定7月25日推出,5,985円,之前買咗日版機嘅終於可以玩。另外之前提過嘅《New Super Luigi U》追加內容,會喺6月19日配信下載,7月13日推出遊戲碟版。仲有一隻玩培育英雄嘅《The Wonderful 101》都定咗喺8月24日;《Pikmin 3》就7月13日;今年秋天仲有一隻冬季運動會新作《マリオ&ソニック》。最後,日版Direct仲有名越稔洋現身,宣佈8月8日喺Wii U推出《龍が如く1&2 HD EDITION》,又係用Gamepad睇地圖啦;最後仲有發售日未定嘅RPG系列新作《Sonic Lost World》,同今年內配信嘅下載遊戲《運命の洞窟 THE CAVE》。留意日本嘅Direct影片YouTube仲未有,睇住歐美版先。 相關資訊鞋踩有十字掣 任天堂版Jordan賣8千幾 (Jul 17, 2017) 神谷英樹都買唔到Switch?個人ig出落選連環圖 (Jun 28, 2017)

Read more ›
今晚網上發佈會 任天堂Wii U新攻勢
by / on 17/05/2013 at 2:56 pm

今晚網上發佈會 任天堂Wii U新攻勢

任天堂Direct又嚟,今晚香港時間10點鐘就會有網上錄播發佈會,而今次嘅主題就係Wii U即將推出嘅遊戲情報。講開Wii U,近排真係俾PS4同Xbox新機搶晒鋒頭,你要我數佢有咩獨佔大作嚟緊推出,我都要諗一陣之後都係數唔出……任天堂3DS個勢咁強勁,家用機又有咩反擊陣容呢?老任唔參加E3,可能就係靠網上發佈晒你冷。 相關資訊日本關西機場設任天堂試玩區 6月23日同大叔影相 (Jun 19, 2017) 【跟進】日本USJ任天堂園區 今日動工儀式舉行 (Jun 8, 2017)

Read more ›
喪撐任記 自製《ZombiU》版Wii U主機
by / on 11/04/2013 at 9:12 am

喪撐任記 自製《ZombiU》版Wii U主機

呢排任記Wii U都有唔少不利消息,但講番轉頭,其實對比起PS3同Xbox360喺日本初推出幾個月嘅銷量,有多冇少咁話。點都好,包括筆者在內,任記Wii U始終有Fans喺度,外國嘅就仲hardcore啲,呢個專幫主機變身嘅Ozcan佢就啱啱整咗部《ZombiU》嘅主題Wii U主機,雖然Ubisoft呢隻喪屍遊戲認真麻麻,但整落部機度又幾好睇,仲有血跡添。 相關資訊奇妙特別版主機 Tommy Hilfiger GameoBoy、可樂Game Gear開眼界 (Sep 17, 2017) 新片速報 比卡!《Pokémon Ultra Sun and Ultra Moon》等別版主機同步出 (Sep 14, 2017)

Read more ›
陳年神物 岩田聰Twitter晒珍藏《Mother 2》外套
by / on 20/03/2013 at 12:52 pm

陳年神物 岩田聰Twitter晒珍藏《Mother 2》外套

自從任天堂成日搞網上發佈會之後,我哋成日都見到社長岩田聰,久而久之,見到佢就好有親切感,證明老任呢一著係好成功嘅。啱啱岩田社長就喺佢個Twitter上面發佈咗呢張相,係陳年RPG《Mother 2》嘅外套,岩田社長話呢件褸係當時送俾開發團隊嘅,o依家就係佢嘅珍藏,晒命。 相關資訊日本「DJ社長」惡搞雙馬尾囡囡 超醜造型Twitter熱傳 (Nov 23, 2017) 【新片速報】日本網民收1百萬籌碼手信 原來係火機Twitter熱傳 (Nov 22, 2017)

Read more ›

新片速報    懷舊紅白手掣重製     操控機械人 蜈蚣彈
by / on 19/03/2013 at 7:40 am

新片速報 懷舊紅白手掣重製 操控機械人 蜈蚣彈

呢個紅白機手掣真係好令人懷念,日本有玩家都好唔捨得呢部機,忽發其想,將部機改頭換面,變成可以控制機械人操作嘅新機體。按實Select掣,機械人可以蜈蚣彈;按十字掣又識走動,按A、B掣仲可以出拳,點解紅白機都可以咁勁?原來裝咗個Wii控制器、USB藍牙接收器同埋NES/SNES轉Wii格式嘅adapter。重點係,大家終於可以拎返櫃筒底嗰個紅白機手掣出嚟用,如果你仲剿得返的話。 相關資訊日本媽媽刺繡「勇者雷登」機械人咕臣 超有愛Twitter熱傳 (Nov 19, 2017) 【有片】美國VS日本 第一次巨型機械人大戰 26分鐘激戰片段公開 (Oct 19, 2017)

Read more ›
新片速報 Direct發佈會情報《New Super Luigi U》DLC即將登場
by / on 14/02/2013 at 10:56 pm

新片速報 Direct發佈會情報《New Super Luigi U》DLC即將登場

  啱啱舉行完嘅任天堂發佈會,大致分為3條新料,首先係你好耐冇開過嗰部Wii U有新嘢玩,就係《New Super Mario Bro. U》會有《New Super Luigi U》嘅DLC推出,遊戲中你係用今年慶祝30周年嘅Luigi,即係戴綠帽嗰位大叔,岩井聰話呢個DLC嘅內容拍得住一隻完整新遊戲喎。另外仲有全新《Mario Golf》、《Mario & Luigi RPG 4》、《Donkey Kong Country Returns》(另文介紹),呢條足本片仲係英文版,入嚟睇啦。 相關資訊任天堂電話應用程式 Nintendo Switch Online推出 (Jul 19, 2017) 【有片】官方影片發佈 大阪環球影城Super Nintendo World (Jun 8, 2017)

Read more ›
瑪利奥/公主變Punk友     任天堂親邀設計
by / on 11/02/2013 at 8:31 am

瑪利奥/公主變Punk友 任天堂親邀設計

Butcher Billy,巴西藝術家,機迷一名,由NES時代已經打起,喺佢眼中,打機同電影、小說、音樂一樣,都係佢嘅靈感源頭。呢輯Punk爆嘅Mario系列,係巴西任天堂官方雜誌《Nintendo World》親自邀請佢設計,Mario手執士巴拿、廁所泵,身上仲有好多孖寶細節位,堅係型。不過我嫌公主嗰樣太old school同埋身裁麻麻。入嚟睇,仲有大魔王Bowser雞冠punk頭露紋身造型,仲有呢件tee賣,啱嘅,藝術家都要搵食嘛。 相關資訊超強插畫家 2017年迪士尼公主全新造型 (Sep 26, 2017) 【有片】巴西聰明狗狗 「自己乾糧自己買」超可愛 (Jun 20, 2017)

Read more ›
新片速報 暴殄天物系列 紅白機變紅白車
by / on 03/02/2013 at 7:30 pm

新片速報 暴殄天物系列 紅白機變紅白車

其實有部任天堂紅白機喺屋企,真係可以話係資深機迷嘅象徵,而且要有一部運作正常仲玩得嘅就更加難得。偏偏,呢個叫友樹小堀嘅日本人就將一部紅白機改裝成為遙控車,第一次試驗,係無線嘅;之後仲勁,有線,但就係用番紅白機個控制器嚟控掣。最後,炒咗落地…… 相關資訊大阪環球影城 任天堂園區工程曝光 (Jun 7, 2017) 任天堂Switch Online收費公開 下年開始一年2,400円 (Jun 2, 2017)

Read more ›