Post Tagged with: "任天堂"

原來如此 回憶超任吹帶的日子
by / on 08/12/2012 at 12:15 pm

原來如此 回憶超任吹帶的日子

今日日版Wii U推出,我哋嚟懷念一下。有打過任天堂或者超任或者N64嘅機迷,總會遇過開唔到機或者花畫面情況,你哋會點做?冇錯,熄機,拎起餅帶,對住個底大力吹一下,再插入去開機,有時work有時唔work。相隔咁多年,啱啱先發現原來每餅帶背後都講明,叫你唔好吹佢,要用專用清潔套裝……咦?有出過套咁嘅嘢咩?原來有,超任版本eBay仲有得賣…… 相關資訊請記低 任天堂E3 Direct下周直播等睇「大亂鬥」 (Jun 5, 2018) 壞機重生!任天堂舊DS變身GBA (May 21, 2018)

Read more ›

新片速報 歷代任天堂主機 逐部同你數
by / on 01/12/2012 at 3:22 pm

新片速報 歷代任天堂主機 逐部同你數

呢條唔係官方片,而係歐洲設計師Anthony Veloso製作嘅音樂短片。片中由任天堂出嘅卡片機開始,到灰機,到最新啱啱喺歐洲開賣嘅Wii U都有。鮮艷嘅顏色同活潑嘅graphic令條片一啲都唔悶,唯一美中不足係冇紅白機,都話條片係歐洲人拍咯! 相關資訊任記再派貨 MINI紅白機6月28日再發售 (May 14, 2018) 【有片】任記紙皮最大天敵 日本機迷貓最愛玩Switch Labo (Apr 23, 2018)

Read more ›
美國任天堂刊物停刊 封面跟足第一期
by / on 30/11/2012 at 11:31 am

美國任天堂刊物停刊 封面跟足第一期

喺8月,任天堂已經宣佈自80年代就喺美國推出嘅官方刊物《Nintendo Power》出埋12月就會停刊唔再出。Fine,唔關我哋事。好喇,啱啱最新一期出咗喇,封面係《New Super Mario Bros. U》,好正路,但係當有人對番刊物第一期嘅封面,原來……原來係一樣o架!我都好懷念《Game Player》同《超任一族》,仲有台灣本《星際》呀!嗚嗚嗚…… 相關資訊新片速報 任記紙皮開箱 Nintendo Labo發售前睇清楚點玩 (Feb 15, 2018) 【日本模型友】懷舊主機變機動戰士 紅白機RX-78-2/GameBoy鐵球 (Feb 10, 2018)

Read more ›
今晚直播 任天堂「Wii U本体機能 Direct」網上發表會
by / on 07/11/2012 at 3:31 pm

今晚直播 任天堂「Wii U本体機能 Direct」網上發表會

仲未決定買美版定日版Wii U?想了解多啲歐美11月18日出、日版12月8日出嘅Wii U?今晚香港時間7點任天堂又有直播睇。繼續由社長岩田聰主持,今晚嘅主題就係「Wii U本体機能 Direct」,入面有link,開飯前冇乜嘢做咪睇吓囉。 相關資訊1889年京都 129年前任天堂總部相片曝光 (Jan 26, 2018) 新片速報 任記玩紙皮 Switch新玩法多變化 (Jan 18, 2018)

Read more ›
新片 任天堂都出薄機! 竟然係N64!?
by / on 27/09/2012 at 2:08 pm

新片 任天堂都出薄機! 竟然係N64!?

PS3出薄機?唓,又唔係平過人,又唔係有咩新功能……都係任天堂好嘢!不過呢部並唔係官方出嘅,而係有網友自製嘅。係,你講冇錯,有啲西人生活真係太悠閒,悶悶哋又要整多兩味,拎部牛龜大機N64出嚟拆開佢,再放入一個細殼度……講真,係幾靚仔,我仲記得N64有隻機戰好鬼好玩!講起都掛住佢! 相關資訊新片速報 任天堂Direct完全睇 《Mario Tennis Ace》《Donkey Kong Tropical Freeze》緊接發售 (Jan 11, 2018) 【靚喎】日本任天堂出利是封 用金幣免費換 (Dec 16, 2017)

Read more ›
下畫3點網上直播 任天堂Wii U發佈會(有Link)
by / on 13/09/2012 at 7:19 am

下畫3點網上直播 任天堂Wii U發佈會(有Link)

  Wii U要嚟喇,英國、美國任天堂分別喺今晚舉行嘅Wii U發佈會,今晚10點(香港時間),唔識日文嘅都可以睇得明。但係,又點會少得日本一份吖,仲早啲,香港時間今日下午3點有得睇直播,終於可以知道發售日同最重要嘅價錢,仲有就係護航跟機作品陣容同將會推出嘅新遊戲!呢個Wii U發佈會由日本任天堂社長岩田聰揸旗,會經由任天堂官方網站、niconico同Ustream直播!返緊工睇唔到片?準時留意我哋最新嘅報導啦!唔該唔該!   相關資訊任天堂Switch更新4.0.0 可錄影可傳Save (Oct 19, 2017) 解開34年之謎 紅白機盒帶個窿有乜用? (Oct 17, 2017)

Read more ›

足本片段 Nintendo Direct情報補完
by / on 30/08/2012 at 11:39 am

足本片段 Nintendo Direct情報補完

噚晚(29日)喺網上直播嘅Nintendo Direct網上發佈會,除咗3DS芒亨四(Monster Hunter 4)新武器同粉紅新機外,仲有大量情報發佈!包括雷頓教授系列最終作、Paper Mario、動物之森等等新遊戲,今次嚟個情報補完,兼有足本發佈片段,成粒鐘有多,飛住睇啦! 相關資訊瑪利奧玩性感 Forever 21聯乘男/女/童裝勁多款 (Oct 1, 2017) 【好問題】歐洲任天堂出問題 《Splatoon 2》新活動玩廁紙 (Oct 1, 2017)

Read more ›
《芒亨4》神秘剪影 新武器情報公開
by / on 29/08/2012 at 9:02 pm

《芒亨4》神秘剪影 新武器情報公開

啱啱舉行嘅任天堂官方網站直播「Nintendo Direct」新作發表會,當然有大家最關注嘅芒亨新料,呢隻將會喺2013年春季推出嘅3DS新作《Monter Hunter 4》,發表會上宣佈將會有全新武器種類追加,仲好慷慨咁比咗張剪影圖各位芒亨迷欣賞一下,咩武器?個角色係….?今晚大家一齊上討論區慢慢傾吓啦,講講吓好快就到推出日o架嘞! 相關資訊新片速報 3DS變釣魚竿 《爆釣バーロッド》玩AR掃Barcode (Jan 17, 2018) 【2018出GAME表】 1月至2月 [PS4 / XBox One / Switch / PC / 3DS / PS Vita] (Jan 7, 2018)

Read more ›
Nintendo Direct今日網上直播 Wii U 11/18發售!?
by / on 29/08/2012 at 10:16 am

Nintendo Direct今日網上直播 Wii U 11/18發售!?

又fake咗你?唔好意思,以上標題又係分兩部份嘅。首先,今晚(29日)香港時間7點就會喺任天堂官方網站直播「Nintendo Direct」任天堂新作發表會,照慣例都係由任天堂社長岩田聰主持啦,唔知有咩新嘢呢?另外Wii U又有傳聞發售日流出喇,今次係由一間遊戲周邊產品生產商同GameStop開會時洩漏出嚟嘅,而傳聞發售日就係11月18日,咦?星期日嚟喎?係咪呀?睇埋落去先啦! 相關資訊【有片】韓國直播遊戲Super Bunny Man 爆笑死法網上熱傳 (Mar 23, 2018) 【有片】日本喵直播「放送事故」熱傳 跌鏡頭出現另一隻喵 (Dec 1, 2017)

Read more ›
新片速報 足本任天堂網上發佈會《超孖2》《AKB48+Me》登場
by / on 22/06/2012 at 4:41 pm

新片速報 足本任天堂網上發佈會《超孖2》《AKB48+Me》登場

除咗震撼3DS機主脆弱心靈嘅3DS LL發佈外,其實整個Nintendo Direct網上發佈會都有大量3DS/Wii/Wii U新遊戲最新情報登場。由任天堂社長岩田聰所主持,除《腦力訓練》、《任天堂明星大亂鬥》等遊戲外,仲有同人氣女子組合AKB48合作嘅新遊戲,而且皇牌動作遊戲《New Super Mario Bros. 2》更宣佈會跟新機同日於7月28日推出添。 相關資訊新片速報 踢波先嚟落雨 任記Switch新廣告 (Sep 14, 2017) 【記住】9月14日朝早任天堂Direct 展前露兩手 (Sep 11, 2017)

Read more ›
今日11am直播 任天堂網上發表會
by / on 22/06/2012 at 9:19 am

今日11am直播 任天堂網上發表會

今日(22日),日本時間中午,即係香港朝早11點,又係「Nintendo Direct」直播嘅時候。今次話會發表先前喺E3未能詳細說明嘅項目,由社長岩田聰主持,雖然講明係針對日本發行嘅3DS遊戲資訊為主,但我對Wii U發售日期同售價都仍然有期望。唔駛返工又或者可以喺公司做Snake嘅,不妨睇睇。 相關資訊Kali深夜直播 繼續嚇鬼練膽玩《The Evil Within 2》 (Oct 21, 2017) 【賀】任天堂Switch全球累積賣過500萬部 遊戲過千萬銷量 (Sep 11, 2017)

Read more ›

Wii U 成本價港幣$1,400
by / on 09/04/2012 at 11:33 pm

Wii U 成本價港幣$1,400

越近美國E3舉行嘅大日子,Wii U嘅消息就越多。最近美國網站Kotaku就話收到風Wii U製作成本係$180美元,計落即係$1,400港紙!不過唔好開心住,預計埋宣傳、包裝、運送等經費,應該賣最少$300美金,即係港幣2,300蚊倒。 相關資訊靚喎!Switch大叔機套 11月發售賣1,922円 (Sep 6, 2017) 【今日GIF】跟番主機畫質 歷代任天堂主機3D圖 (Aug 17, 2017)

Read more ›