Post Tagged with: "任天堂"

【有片】New 2DS LL新機 7月發售變相平價版
by / on 28/04/2017 at 12:38 pm

【有片】New 2DS LL新機 7月發售變相平價版

14,980円,連埋稅就16,178円,$1200港幣左右,未出機壞咗機想出機嘅,呢部新機都吸引嘅。任天堂今日宣佈會推出「Newニンテンドー2DS LL」,冇咗大家最少用嘅3D機能,但屏幕大細同性能就同New 3DS LL一樣,4.88吋Mon,重260g,仲比New 3DS LL嘅329g輕添。7月13日,話仲有兩個幾月。 相關資訊日本關西機場設任天堂試玩區 6月23日同大叔影相 (Jun 19, 2017) 【跟進】日本USJ任天堂園區 今日動工儀式舉行 (Jun 8, 2017)

Read more ›

GC電飯煲佢設計 任天堂主機設計者竹田玄洋退休
by / on 27/04/2017 at 9:42 pm

GC電飯煲佢設計 任天堂主機設計者竹田玄洋退休

N64、GameCube、Wii嘅「設計開発責任者」竹田玄洋,啱啱公佈將會喺今年6月退休。1972年加入任天堂嘅佢,其實除咗主機外,仲有《Punch-Out!!》、《Dr. Mario 64》等遊戲都有佢份製作,而且自從岩田聰前社長喺2015年離世後,任天堂更加以新社長君島達己、宮本茂同佢領頭,不過嚟緊就只有剩低兩位繼續努力喇。1949年3月出生嘅佢,o依家都68歲,都係時後休息吓嘅。 相關資訊【有片】官方影片發佈 大阪環球影城Super Nintendo World (Jun 8, 2017) 大阪環球影城 任天堂園區工程曝光 (Jun 7, 2017)

Read more ›
外國傳媒收風 MINI版超任今年聖誕推出
by / on 20/04/2017 at 12:41 pm

外國傳媒收風 MINI版超任今年聖誕推出

上個星期,任天堂官方公佈話MINI版任天堂紅白機同灰機都會暫時停產,有冇咩玄機?外國傳媒Eurogamer啱啱就收到風,話有消息任天堂已經製作緊MINI版超級任天堂,如果你係30歲左右,呢部機對你嚟講可能仲多回憶過紅白機喎?而且仲話部機會同上年嘅灰機一樣,趕及聖誕節前推出。如果係堅,今次唔知會有幾多遊戲?你最想又內置咩遊戲? 相關資訊任天堂Switch Online收費公開 下年開始一年2,400円 (Jun 2, 2017) 任天堂Switch大掣 7月發售賣14,980円 (May 31, 2017)

Read more ›
【慘喇】有買要快 MINI版紅白機/灰機停產
by / on 14/04/2017 at 1:15 pm

【慘喇】有買要快 MINI版紅白機/灰機停產

如果你同我一樣,諗住都唔急玩吖,遲啲咁啱見到啱價先出手啦……咁可能要留意番,快啲搵喇。因為任天堂宣佈,2016年11月10日發售嘅MINI版紅白機,將會暫時停止生產,出嗰陣賣5,980円,啱價就唔好等!同埋,美版灰機都一樣,想儲晒兩部嘅都要搵搵喇。話時話,任記有錢都唔賺咁有型,咁會唔會出MINI版超任? 相關資訊Microsoft流出消息 MINI版超任E3公佈 (Jun 2, 2017) 【洗腦】機迷選紅白機最佳遊戲音樂 《桃太郎傳說》第3位《兵蜂》排第4 (May 28, 2017)

Read more ›
【有片】任天堂Switch充電殼 12000mAh玩到12個鐘
by / on 07/04/2017 at 3:28 pm

【有片】任天堂Switch充電殼 12000mAh玩到12個鐘

手提玩玩唔到太耐,充電位喺機底唔可以一邊充電一邊楝個Mon玩,係唔夠方便嘅,不過小問題啫,官方未出,非官方都有呢個「SwitchCharge」集資緊喇,12000mAh,聲稱可以玩到12個小時,而且可以放到兩隻遊戲,支架亦都可以調校角度,o依家集資緊,預計7月尾出貨,到時賣130美元。不過話時話,我都未拎過出街玩。 相關資訊【有片】智利國家隊成班孖車迷 入波慶祝扮玩Switch (Jun 21, 2017) 【E3】新片速報 Switch出《星之卡比》橫向好可愛 (Jun 14, 2017)

Read more ›
【係咪威?】任天堂Switch日本四周賣過50萬 但係慢過Wii U
by / on 30/03/2017 at 9:12 pm

【係咪威?】任天堂Switch日本四周賣過50萬 但係慢過Wii U

數字嘅嘢真係好玄妙,任天堂Switch喺日本用咗4個星期賣出50萬部(519,504部),成績都幾好,而且仲賣到冇貨。相比起當年PS4,四星期先賣出439,810部,七星期先去到50萬部,但留意番,當時日本係遲過外國開賣成3個月。咁Switch相比前代Wii U呢?原來Wii U又好賣啲,用咗三星期就賣出50萬部!不過又有理由嘅,當年Wii U係喺年尾消費旺季出嘅……點都好啦,Switch個勢暫時都幾好,總之希望任記keep住,出多啲勁game就得喇。 相關資訊日本「J-WORLD TOKYO」有新嘢 坐筋斗雲吹風噴水 (Jun 23, 2017) 日本喵星人「企」街截車 可疑照片Twitter熱傳 (Jun 23, 2017)

Read more ›

任天堂GameCube版Joy-con 機迷自製情懷
by / on 23/03/2017 at 3:26 pm

任天堂GameCube版Joy-con 機迷自製情懷

講起任天堂,始終對佢啲舊機有份情意結,紅白機、超任,甚至係GameCube,外國fans一樣多。啱啱呢個Boss Fight Props嘅ig就出咗幾張圖,自製咗GameCube版塗裝,係超有feel嘅,期待快啲有紅白機版,但其實超任版配色好似襯啲。 相關資訊新片速報 Switch《ARMS》3片連發 今個月拳拳到肉 (Jun 7, 2017) 新片速報 《ポッ拳》出Switch版 《Pokémon》11月出新作Ultra Sun/Ultra Moon (Jun 6, 2017)

Read more ›
夢之實體化 任天堂N64變玻璃裝飾
by / on 22/03/2017 at 11:55 am

夢之實體化 任天堂N64變玻璃裝飾

係實體化,但唔係部N64主機,而係立體感更強嘅N64標誌。呢位外國玩家將呢個超立體嘅標誌用玻璃立體化,當佢將作品放上reddit之後,仲有人話想用64蚊美元幫佢買……再睇番,原來Xbox標誌佢都整過,話時話,歷年嚟咁多部主機嘅標誌,你哋覺得邊個最靚?我自己就鍾意SEGA嘅Dreamcast,當年我有買阿仙奴波衫之餘,o依家都仲有件Tee係呢個logo。 相關資訊【開心到飛起】紙皮Switch變真機 趁阿囝沖涼俾驚喜 (May 22, 2017) 【任記超體貼】日本失明小機迷想要《節奏天國》新作 任天堂用凸字回信 (May 21, 2017)

Read more ›
有計!任天堂Switch機套 出出入入防刮花
by / on 20/03/2017 at 3:31 pm

有計!任天堂Switch機套 出出入入防刮花

任天堂Switch,喺電視玩或者充電嗰陣就插番入個機座,手提玩時就拎出嚟,就係咁出出入入,網上見到有唔少外國玩家刮花咗部機,多數係屏幕旁邊啲位。之前有人改裝直情將個機座拆咗一邊,其實唔使咁誇張,搵個套笠住嗰邊面板咪得囉,外國有人自製出嚟賣,有唔同圖案,港幣$100左右。不過又再其實,自己整都唔難,笠隻彈性好啲嘅襪得唔得? 相關資訊新片速報 Switch版《Monster Hunter XX》實機演示 狩技操作方法公開 (Jun 5, 2017) 日本排隊抽選買Switch 推出3個月依然難求 (Jun 5, 2017)

Read more ›
Switch鐵蓮花?高殺傷力Joy-Con配件
by / on 17/03/2017 at 4:24 pm

Switch鐵蓮花?高殺傷力Joy-Con配件

玩《1 2 Switch》就真係戴番條手繩安全啲,咁呢個非官方、好似幾好揸手嘅配件幾時用好?其實呢個「Nintendo Switch Joycon Knuckles」係冇乜殺傷力嘅,因為係用膠造,似乎都係貪得意多啲,製作方面話左右Joy-Con都會有,賣19.99美元。 相關資訊【最憎炒家】外國遊戲店公佈有19部Switch 「炒家」掃貨被誤會? (Jun 4, 2017) 【有片】任天堂Switch品質 1000呎高空墮地竟然開到機 (Jun 1, 2017)

Read more ›
任天堂Switch專用VR眼罩?傳聞申請專利中
by / on 16/03/2017 at 2:09 pm

任天堂Switch專用VR眼罩?傳聞申請專利中

曾經有傳過個設計係咁,不過任天堂一直冇表態話會出VR眼罩。喺網上就流傳緊幾張圖,有埋包裝有埋造型睇,襯晒色設計幾靚嘅,睇吓算啦…… 相關資訊【有片】7月14日開幕!新宿「VR ZONE SHINJUKU」玩《Evangelion》VR (Jun 13, 2017) 【E3】新片速報 VR打怪 PS VR/VIVE《Doom VFR》公開 (Jun 12, 2017)

Read more ›

外國玩家出圖 SD卡過熱溶化唔關Switch事
by / on 15/03/2017 at 2:11 pm

外國玩家出圖 SD卡過熱溶化唔關Switch事

老實講我又未試過玩到部機會好熱,所以睇到呢位外國玩家就出圖幾張圖,話佢張SanDisk 128GB MicroSD喺部Switch度溶咗,當堂嚇一嚇,佢仲話拎出嚟時仲印埋指模上去……咁誇張?後尾原來佢自己都有講番,唔關部任天堂Switch事,應該係張卡出現問題啫……如果係咁都幾恐怖喎。 相關資訊日本低成本燈箱廣告 只有QR Code引人嘟 (Jun 22, 2017) 廢人煉成陣 日本電腦枱套裝 可以唔郁幾個鐘 (Jun 22, 2017)

Read more ›
日本網民好手藝 100円店買材料製任天堂鐘
by / on 11/03/2017 at 5:54 pm

日本網民好手藝 100円店買材料製任天堂鐘

又係呢個tag「百均のグッズ間違った使い方選手権」,喺100円店買材料玩嘢。呢位網民就勁喇,唔知係咪玩Switch玩得太開心,所以整咗呢個直徑1.5米嘅任天堂鐘,有製作過程,有好多8-bit風人物,真嘅一樣。 相關資訊【有片】伯伯打保齡 奇妙起手式太有型 (Jun 22, 2017) 【新片速報】日本水獺仔超貪玩 飼育員用毛巾瘋狂旋轉 (Jun 22, 2017)

Read more ›
【打機不打J】Switch推出日 外國AV網使用率暴跌
by / on 11/03/2017 at 1:50 pm

【打機不打J】Switch推出日 外國AV網使用率暴跌

任天堂Switch上星期出咗喇,對自然生態有咩影響呢?有冇發現身邊男性朋友唔係好願出街?其實唔關事,係佢本身唔想出街啫。不過對外國AV網站就真係帶嚟影響喇,YouPorn做咗個調查,自Switch喺上周五推出之後,成個周末使用率都暴跌13%至17%,係咪因為呢個遊戲玩到隻手太攰……? 相關資訊睇啱就要訂 Switch拎出街 官方新袋新護罩 (May 17, 2017) Switch後日有Direct 《ARMS》《Splatoon 2》有新料 (May 16, 2017)

Read more ›
日本網民出圖玩Switch 真相原來未買到
by / on 07/03/2017 at 10:50 am

日本網民出圖玩Switch 真相原來未買到

買唔到又好想玩可以點?可以幻想。呢位日本網民就影咗相,嘩玩緊《薩爾達傳說》喎……不過睇埋落去,好似有啲唔妥…… 相關資訊Switch《Monster Hunter XX》新情報 雙畫面變單畫面顯示圖解 (Jun 1, 2017) 【有片】超強勁Switch影片 高空跳傘同步玩《薩爾達傳說》 (May 25, 2017)

Read more ›