Post Tagged with: "任天堂"

【有片】官方影片發佈 大阪環球影城Super Nintendo World
by / on 08/06/2017 at 12:08 pm

【有片】官方影片發佈 大阪環球影城Super Nintendo World

噚晚睇完有網民影到日本大阪環球影城USJ入面嘅Super Nintendo World已經起緊,仲見到有水管舞台俾大叔玩,其實係為最新發佈會嘅準備,唔係園區設施嚟。啱啱官方都出片喇,話俾你聽園區有幾大,有得玩Mario Kart喎?2020年東京奧運前會開幕,大叔好忙呀!另外仲有一條片,係有人去咗工程嘅外圍拍入去。 相關資訊新片速報 任天堂Direct完全睇 《Mario Tennis Ace》《Donkey Kong Tropical Freeze》緊接發售 (Jan 11, 2018) 【有片】日本USJ隨地噴水畫 賀生日乜人物都畫到? (Dec 19, 2017)

Read more ›

大阪環球影城 任天堂園區工程曝光
by / on 07/06/2017 at 9:47 pm

大阪環球影城 任天堂園區工程曝光

講咗話2020年會開幕,就係日本大阪環球影城USJ入面嘅Super Nintendo World啦,仲有約3年先開,咁o依家開始起未?早喺4月都有網民見到封咗啲地方懷疑係俾任天堂園區,啱啱就直情有人影到已經工程進行中,仲見到Mario大叔嘅專用舞台,有水管有盛,似乎係用嚟表演用…… 相關資訊【靚喎】日本任天堂出利是封 用金幣免費換 (Dec 16, 2017) 日本瘋狂fans自製「廣瀨鈴」假人 遊環球影城Twitter熱傳 (Nov 25, 2017)

Read more ›
任天堂Switch Online收費公開 下年開始一年2,400円
by / on 02/06/2017 at 4:02 pm

任天堂Switch Online收費公開 下年開始一年2,400円

出機嗰陣都講咗之後會收錢喇,不過都推遲咗,由本來嘅2017年秋天推到2018年開始。咁機迷都係關心收費啦,唔貴嘅,2,400円一年,即170蚊港幣左右,咁除咗可以Online連線打機外,仲會有電話用嘅Online、語音交談應用程式,另外亦都有每月嘅免費遊戲,同埋會員獨享買game優惠。不過香港個eshop到底…… 相關資訊【2018出GAME表】 1月至2月 [PS4 / XBox One / Switch / PC / 3DS / PS Vita] (Jan 7, 2018) 實在係方便 日本掛頸架 Switch隨時打 (Jan 3, 2018)

Read more ›
任天堂Switch大掣 7月發售賣14,980円
by / on 31/05/2017 at 12:52 pm

任天堂Switch大掣 7月發售賣14,980円

玩緊《街霸II》嘅你,會唔會想要個大掣玩?嚟緊HORI就會推出呢款「リアルアーケードPro.V HAYABUSA for Nintendo Switch」,7月發售,14,980円。唔會支援motion IR camera、HD震動等Joy-Con功能。 相關資訊【短期成績表】勁過當年PS2?任記Switch日本國內銷量325萬 (Dec 30, 2017) 全球銷量突破1,000萬部 任天堂Switch個勢keep到 (Dec 13, 2017)

Read more ›
【開心到飛起】紙皮Switch變真機 趁阿囝沖涼俾驚喜
by / on 22/05/2017 at 9:29 pm

【開心到飛起】紙皮Switch變真機 趁阿囝沖涼俾驚喜

假設你仲好細個,自己未有錢買遊戲機,成日都係自製啲玩具嚟玩,冇真機就玩住紙皮版呃吓自己,但突然有一日沖完涼出嚟,發現部紙皮機變成一部真正嘅任天堂Switch!你會唔會開心到癲?我諗我都應該會好似呢位囝囝咁!喂小心跌壞部機呀! 相關資訊新片速報 Switch獨佔《Bayonetta 3》公開 第1/2集2月推出 (Dec 8, 2017) 《Splatoon 2》超正武器食玩 一式八款最想要傘彈槍 (Dec 5, 2017)

Read more ›
【任記超體貼】日本失明小機迷想要《節奏天國》新作 任天堂用凸字回信
by / on 21/05/2017 at 1:22 pm

【任記超體貼】日本失明小機迷想要《節奏天國》新作 任天堂用凸字回信

任天堂點解咁多fans?可能你會喺佢嘅主機同遊戲設計中見到佢嘅人性化,但今次呢件事更勁,更睇到佢哋嘅人情味,如果你係任記fans,你會覺得不枉我支持咗佢咁耐!話說有一位爸爸喺Twitter出咗個post,就係話佢個囝囝寄咗信俾任天堂,之後得到回信。當然唔係咁簡單,首先,佢囝囝名叫酒井響希,佢喺歲半時不幸患上視網膜母細胞瘤,喺兩歲時因為醫治保命而變成完全失明,不過佢仲好鍾意打機,當中任天堂嘅《節奏天國(リズム天国)》就係佢最愛,亦都係唯一一個遊戲系列佢可以完全破關嘅,佢仲喺呢個系列中所有小遊戲都得到滿分。最近佢就寫咗信俾任天堂…… 相關資訊【圖集】日本「喵插畫」超感人 貓奴必睇Twitter熱傳 (Jan 11, 2018) 任天堂Switch更新4.0.0 可錄影可傳Save (Oct 19, 2017)

Read more ›

睇啱就要訂 Switch拎出街 官方新袋新護罩
by / on 17/05/2017 at 8:50 pm

睇啱就要訂 Switch拎出街 官方新袋新護罩

玩Switch,尤其你會同朋友玩孖車,咁少不免拎出街,可能拎去朋友屋企玩,又可能搭車又玩吓。如果係前者,咁《Splatoon》個袋就啱晒,可以放埋Dock加多兩隻遊戲同手掣,3,980円,不過要等7月21日先發售。另外亦有啲普通機袋,2,280円;至於個機套連座,3,480円,醒在將部機放上去時係高咗啲嘅,俾你插掣充電。最後呢個幾靚,係屏幕護罩,3,480円。仲有提提你,聽朝香港時間6點有Direct,入嚟有link,都係嗰句,冇咁早起身,瞓醒咪搵我哋囉。 相關資訊【有片】冬天打機好時候 任天堂Switch兩片齊推 (Nov 30, 2017) 【2017出GAME表】 11月至12月 [PS4 / XBox One / Switch / PC / 3DS / PS Vita] (Nov 5, 2017)

Read more ›
Switch後日有Direct 《ARMS》《Splatoon 2》有新料
by / on 16/05/2017 at 10:48 pm

Switch後日有Direct 《ARMS》《Splatoon 2》有新料

薩爾達之後孖車,任天堂Switch個勢都keep住嚟,咁嚟緊6月16日仲有《ARMS》,7月21日又有射擊大作《Splatoon 2》,梗係要繼續趁熱谷多谷!後日18日日本時間晨早7點,即係香港6點,就會有網上發佈會Direct睇,主要有《ARMS》新情報,仲有《Splatoon 2》約兩分兩分鐘最新影片,另外亦都會搭一兩隻遊戲,買咗機嘅,或者準備出機嘅,留意番。或者到時留意我哋都得。 相關資訊【有片】外國機迷Cos Switch主機 拆甩Joy-Con扮斷手 (Nov 3, 2017) 【有片】Switch更新隱藏功能?支援用GameCube手掣 (Oct 24, 2017)

Read more ›
新片速報 放飯都要玩!任天堂Switch新電視廣告
by / on 15/05/2017 at 6:25 pm

新片速報 放飯都要玩!任天堂Switch新電視廣告

Switch可以拎出街玩,係方便嘅,一班朋友聚會拎埋出去玩好啱。今日(15日)日本任天堂又出咗條新廣告引你買機,呢啲遊戲呢啲玩法你中唔中? 相關資訊解開34年之謎 紅白機盒帶個窿有乜用? (Oct 17, 2017) 理想與現實 日本機迷出任天堂Switch連線圖 (Oct 15, 2017)

Read more ›
E3任天堂大發佈 Bookmark定睇直播
by / on 12/05/2017 at 4:56 pm

E3任天堂大發佈 Bookmark定睇直播

Switch個勢勁,嚟緊最近嘅大型遊戲展E3一定有勁嘢啩?其實隻《Super Mario Odyssey》大家都期待啦?官方網站已經開通,香港時間踏入6月14日嘅深夜12點,準時睇「Nintendo Spotlight: E3 2017」,到時網站見。 相關資訊【圖集】2017日本「喵回顧」 30個難忘時刻超搞笑 (Dec 31, 2017) 網圖分享:2017聖誕賀圖(二) (Dec 25, 2017)

Read more ›
自製超任版Switch 主機係餅帶?
by / on 10/05/2017 at 11:33 pm

自製超任版Switch 主機係餅帶?

之前已經有人整過紅色自護版Switch,今次就係超級任天堂版本!大家都期待官方會公佈出MINI版超任,暫時未有消息,只係傳會年尾出……咁不如試吓自己整部超任版Switch?如果你有心有術又放棄保養的話。再唔係,睇吓算,呢位韓國機迷就製作咗一部,超精美,咁如果部Dock係主機,咁部Switch係咪餅帶? 相關資訊其實都幾吸引 2019年推出MINI版Switch? (Oct 14, 2017) 【有片】MINI超任已被Hack 加200遊戲後果自負 (Oct 10, 2017)

Read more ›

【有片】自製任天堂Amiibo收藏架 感應不同角色叫名播音樂
by / on 03/05/2017 at 3:23 pm

【有片】自製任天堂Amiibo收藏架 感應不同角色叫名播音樂

香港玩具迷,最煩惱唔係冇錢買玩具,而係買咗冇位display,原盒收藏有時真係好冇癮。如果你都有呢個問題,整個架已經係最佳選擇,不過呢個由外國任天堂機迷CaliburLord K用兩年完成嘅木架就仲勁,每隻Amiibo只要放上頂部個「舞台」位,就會自轉,而且會播出《大亂鬥》嘅角色名字同埋播遊戲音樂! 相關資訊瑪利奧玩性感 Forever 21聯乘男/女/童裝勁多款 (Oct 1, 2017) 【好問題】歐洲任天堂出問題 《Splatoon 2》新活動玩廁紙 (Oct 1, 2017)

Read more ›
【有片】機迷5月買UT!任天堂大量作品上身
by / on 01/05/2017 at 11:19 am

【有片】機迷5月買UT!任天堂大量作品上身

今年2017年嘅UT GRAND PRIX,主題係任天堂,投稿超過16,000件。啱啱Uniqlo就出咗片,介紹番將會推出嘅唔同款式Tee,除咗大叔之外,今次仲有超多唔同作品,5月19日發售(香港5月26日發售),平平哋買嚟著入面襯衫,毒在骨子裏。 相關資訊新片速報 踢波先嚟落雨 任記Switch新廣告 (Sep 14, 2017) 【記住】9月14日朝早任天堂Direct 展前露兩手 (Sep 11, 2017)

Read more ›
【有片】New 2DS LL新機 7月發售變相平價版
by / on 28/04/2017 at 12:38 pm

【有片】New 2DS LL新機 7月發售變相平價版

14,980円,連埋稅就16,178円,$1200港幣左右,未出機壞咗機想出機嘅,呢部新機都吸引嘅。任天堂今日宣佈會推出「Newニンテンドー2DS LL」,冇咗大家最少用嘅3D機能,但屏幕大細同性能就同New 3DS LL一樣,4.88吋Mon,重260g,仲比New 3DS LL嘅329g輕添。7月13日,話仲有兩個幾月。 相關資訊【賀】任天堂Switch全球累積賣過500萬部 遊戲過千萬銷量 (Sep 11, 2017) 靚喎!Switch大叔機套 11月發售賣1,922円 (Sep 6, 2017)

Read more ›
GC電飯煲佢設計 任天堂主機設計者竹田玄洋退休
by / on 27/04/2017 at 9:42 pm

GC電飯煲佢設計 任天堂主機設計者竹田玄洋退休

N64、GameCube、Wii嘅「設計開発責任者」竹田玄洋,啱啱公佈將會喺今年6月退休。1972年加入任天堂嘅佢,其實除咗主機外,仲有《Punch-Out!!》、《Dr. Mario 64》等遊戲都有佢份製作,而且自從岩田聰前社長喺2015年離世後,任天堂更加以新社長君島達己、宮本茂同佢領頭,不過嚟緊就只有剩低兩位繼續努力喇。1949年3月出生嘅佢,o依家都68歲,都係時後休息吓嘅。 相關資訊【今日GIF】跟番主機畫質 歷代任天堂主機3D圖 (Aug 17, 2017) 鞋踩有十字掣 任天堂版Jordan賣8千幾 (Jul 17, 2017)

Read more ›