Post Tagged with: "住宿"

【遊日貓奴注意】福岡喵星人旅舍    平價住宿兼玩喵
by / on 05/07/2017 at 7:06 am

【遊日貓奴注意】福岡喵星人旅舍 平價住宿兼玩喵

各位貓奴去開日本又多個住屋選擇嘞!日本福岡博多區呢間「Nekokura Hostel ねこ蔵‏」收養咗好多流浪貓,如果喺入面住宿就可以去埋佢哋嘅貓cafe。日間係貓cafe,夜晚就變sake bar。住喺入面嘅喵星人全部都好可愛,而且住宿喺呢度可以幫到呢間喵旅舍嘅營運,每晚住宿費大概3000円左右,但記住要預留。店主放咗上Twitter後好多人RT,仲有好多人留言話嚟緊會入去住!入嚟可以睇多啲貓相,睇完會心郁郁好想去探吓佢哋! 相關資訊日本貓奴爛瞓唔知醒 4隻喵星人怒啤超不滿 (Apr 19, 2018) 喵星人變晴天公仔 日本扭蛋超可愛 (Apr 17, 2018)

Read more ›

【超抵住】日本網吧有埋床 每小時100円
by / on 05/06/2017 at 4:12 pm

【超抵住】日本網吧有埋床 每小時100円

呢間Netroom喺日本好多地區都有分店,而且有啲仲係好近旺區。咁一個人去玩,又想住旺區又想慳錢,可以留意番啦,因為佢1個鐘只收100円,1日都係1,800円,1星期12,600円,計落住7日都唔駛1000蚊港幣喎!而且仲有電腦上網,又有得沖涼!如果女仔入住就貴少少,有得諗! 相關資訊貓奴要去 日本吉祥寺「貓Cafe」超靚建築 (Apr 20, 2018) 日本超嗲企鵝仔 貼實飼養員唔願走開 (Apr 20, 2018)

Read more ›
大阪發現1000円超平旅館      網民:「好似監獄嘅房間」
by / on 11/01/2017 at 7:15 am

大阪發現1000円超平旅館 網民:「好似監獄嘅房間」

呢間喺大阪1000円可以住一日嘅旅館,其實2015年已經有人報導過,不過最近日本網民又摷返出嚟討論,大家可以當溫故知新。呢個單位入到去啱啱好夠一個人瞓,勉強都叫轉到身,前後仲可以擺吓嘢。網民留言話:「睇落都好正常」、「淨係瞓覺其實幾好」、「房間可以,但啲被舖好似好污糟」、「可以用嚟做倉庫」、「好似監獄嘅房間」。其實佢位於大阪西成區,之所以咁平因為西成區出名舊、暴力同色情,號稱「関西一番危険」,所以遊客都係唔建議去嗰度住嘞。好似網民留言咁話:「不如去漫畫cafe啦。」 相關資訊【有片】大阪環球影城有新嘢 3D投影玩 哈利波特/變形金剛/Minions/侏羅紀 (Apr 9, 2018) 【有片】大阪ストフェス高質cosplayer合集 安倍晉三學揸槍 (Mar 19, 2018)

Read more ›
日本超筍住宿房間 1900円12小時東京大阪有分店
by / on 06/12/2016 at 7:06 am

日本超筍住宿房間 1900円12小時東京大阪有分店

瞓12個鐘1900円,即係港幣140蚊左右,的確幾抵喎。有日本網民最近試咗呢間叫NET MARU嘅旅館,仲影埋相,話瞓咗12小時只係1900円,好抵。呢間店標榜係24小時營業,提供有得上網嘅高品質房間,仲有女性專用個室,睇返啲房,啱啱好一個床位,又有電腦可以上網,洗衫乾衣都係免費嘅,仲有得沖埋涼吹埋頭,喺東京池袋西口同大阪道頓堀都有分店,下次玩得夜無JR搭可以考慮瞓返晚喎! 相關資訊【開花嘞】日本茨城超靚藍花海 攝影師相集Twitter熱傳 (Apr 20, 2018) 日本超可愛小貓熊 hea爆睡姿Twitter熱傳 (Apr 20, 2018)

Read more ›
京都文青專用旅店    書店住宿2合1每晚租金5300円
by / on 29/11/2016 at 7:12 am

京都文青專用旅店 書店住宿2合1每晚租金5300円

各位文青注意!之前東京都開咗一間嘅Book and Bed旅館,最近正式喺京都開分店。呢間標榜又係書店又可以住宿嘅地方,入面有超過5千本精選嘅英文書同日文書,總共有20個床位,最普通係86吋x43吋床位,間隔有啲似膠囊酒店,不過裝修就靚好多、型好多嘞。床下面有位放喼,場內有WiFi,廁所就同其他客人共用,每晚租金5300円,打咭一流。京都呢間新店仲特設酒吧區,售賣本地手工啤,係咪好文青呢?下次去開京都或者東京可以考慮吓! 相關資訊睇手機扮睇書 日本超強電話套扮文青 (Apr 17, 2018) 【有片】日本文青書店旅館 儲物櫃秘道入口超特色 (Mar 8, 2018)

Read more ›
有片     波音727飛機改裝變居所    64歲伯伯長居深山
by / on 11/06/2014 at 7:18 am

有片 波音727飛機改裝變居所 64歲伯伯長居深山

改裝巴士做私人居所見得多,估唔倒飛機都得!外國64歲嘅Bruce Campbell將架波音727飛機改裝成住得人嘅居所,入面有洗手間有電力供應可以煮食,停泊位置係英國Portland近郊,佢仲將自己嘅改裝過程放上網同人分享,香港地樓價咁貴,分分鐘買架二手機改裝仲平,有無興趣? 相關資訊【太像真】日本男生收「工具箱朱古力」 搭飛機被截查 (Feb 20, 2018) 日本「明和電機」孝順發明 改裝亡母睡床變「祭壇」 (Jan 8, 2018)

Read more ›