Post Tagged with: "佐維"

寫個服字俾牛佬!峰迴路轉佐維唔使死!
by / on 14/12/2017 at 7:29 pm

寫個服字俾牛佬!峰迴路轉佐維唔使死!

Fake晒!真係俾牛佬玩死,又二呎四度頸對峙,又疑似中流彈,又甚麼「後腦附近拖出一條血水,頭部似是無力的往左方一側」,原來統統都係為製造高潮而設,今期第2087期《古惑仔》揭盅嘞,結果係因為「好彩」子彈射唔中,佐維呢個「永遠第一」今鋪唔使死。相信呢兩三個禮拜,一眾讀者包括我個個都心如鉛墜兼鬼殺咁嘈,全拜如此有壓迫感劇情所賜,計落牛佬係好嘢嘅,抵讚。這邊廂執番身彩,那邊廂趙繼邦睇個勢都係要死,我估計係死喺丁瑤呢個老虔婆手上,不過就由金尊貴落手,唔知有無估錯呢? 相關資訊《古惑仔》出錯? 同一期出兩回〈飛女正傳〉? (Nov 20, 2017) 瑞新《火武耀揚》豪華珍藏版 11月22日見街 (Nov 8, 2017)

Read more ›

支持牛佬決定!佐維同趙繼邦攬住上路!
by / on 08/12/2017 at 3:04 pm

支持牛佬決定!佐維同趙繼邦攬住上路!

無喇,呢次真係無交嗌喇,牛佬喺今期第2085期《古惑仔》出埋下期預告圖,佐維同趙繼邦一齊攤屍成地血,仲定埋下期書名叫〈一起「上路」〉,佐維真係要向閻羅王報到喇。今期雖然唔算打得好燦爛,但都算好精采,係有少少估唔到映姐一個斧頭劈中天靈蓋就收皮,之前唔係有伏線略略講過佢打算投靠洪興嘅咩,點解咁快整死佢?另外,斷估我諗有好多讀者都同我一樣,唔捨得佐維死,但一本公仔書無理由唔死重要角色嘅,所以縱依依不捨,我都係支持牛佬決定嘅,還望下期佐維死得轟烈啲、有型啲Or有情懷啲,兼可以的話,留立花正仁一條生路喇,我好驚連立花都打柴呀……驚驚! 相關資訊《古惑仔》紅魔女陣亡! Tommy離死不遠? (Oct 24, 2017) 《古惑仔》寫錯出版日期 紅魔鬼殺著係紅Bra? (Oct 21, 2017)

Read more ›
《古惑仔》搞Gag 牛佬想整死佐維同立花?
by / on 27/11/2017 at 9:45 pm

《古惑仔》搞Gag 牛佬想整死佐維同立花?

牛佬喺今期第2082期《古惑仔》搞Gag,今次唔係畫Q版,而係用一格畫讀者,透過讀者把口話:「呀,呢個天川秀,居然係佐維嘅徒弟?」係OK好笑嘅,不過呢,天川秀同佐維係師徒關係,我諗好多讀者都同我同一樣,上期已經係咁估喇。另,睇到「牛佬的話」,我有啲驚,事關牛佬咁寫:「……佐維And立花正仁呢兩大神人,今勻真係紮紮地嘞!」猶記得早十期八期兩大神人交心對話,大家都好欣賞對方兼視對方為知心友云云……如此這般,好似有晒伏線咁嘅?牛佬,你唔係真係想整死兩大神人呀? 相關資訊《古惑仔》暗黑之門殺手登場 跪求牛佬咪咁快整死Tommy Lin (Oct 10, 2017) 《古惑仔》送手機貼紙 鷹靚定龍靚? (Oct 7, 2017)

Read more ›
別矣《古惑仔》Tommy! 促請牛佬交代死因!
by / on 30/10/2017 at 8:45 pm

別矣《古惑仔》Tommy! 促請牛佬交代死因!

無記錯的話,應該前後不過四期貨仔,我們的暗黑之門殺手Tommy,喺今期第2074期《古惑仔》亦步紅魔女後塵陣亡,同樣係死無全屍,仲俾佐維用刀拮住個頭揈揈吓添,好慘呀,之後個死人頭仲要俾鬼子快刀當菠蘿咁削開三四截,好無陰功呀。拿,牛佬,我在此替廣大讀者跪求,話晒係有頭有臉嘅殺手,懇請畫番十頁八頁,交代番Tommy點樣俾佐維KO,否則,我們的Tommy Lin會唔開心架,嗚嗚~ 相關資訊《古惑仔》送車寶山海報 不作完人便為禽獸 (Sep 29, 2017) 《古惑仔》送武神太子海報 有埋洪興+三聯權力排行榜好抵睇 (Sep 8, 2017)

Read more ›
《古惑仔》女殺手似教師 兩大神人仲未見到趙繼邦
by / on 12/10/2017 at 8:45 pm

《古惑仔》女殺手似教師 兩大神人仲未見到趙繼邦

親愛的牛佬,唔好嬲嬲豬呀,睇完今期第2069期《古惑仔》,我真係有少少嘢想講,其實呢……究竟呢……佐維同立花正仁仲要打幾耐先殺到入大廳呢?粗略計都好似四五期咯喎,兩大神人都仲未見到趙繼邦,又何來行刺呢?會唔會耐咗啲呢?劇情推進係慢咗少少,不過好彩,有由讀者變身而成嘅暗黑之門第六名殺手Tommy Lin未死,彈吓彈吓間吓場,用有毒餐刀做武器呢個鋪排亦唔錯,而今期最尾一頁出嘅女殺手,未知名,但面相非常教師Look,好鬼萌吓,造型幾討好,總算有啲驚喜。 相關資訊《古惑仔》下期「隨時」送海報 係咪植錯字? (Sep 4, 2017) 《古惑仔》新專欄 連載小說《飛女正傳》登場 (Aug 29, 2017)

Read more ›
牛佬設定《古惑仔》女角多白髮? 佐維+立花擸木刀劈友?
by / on 27/09/2017 at 9:45 am

牛佬設定《古惑仔》女角多白髮? 佐維+立花擸木刀劈友?

唔知大家有無發覺,牛佬好鍾意設定啲女角一頭白髮,胭脂虎謝佩芝如是、九尾狐如是,連最近擔正戲份嘅毒蛇幫春寶山堂映姐亦如是,咁當然,當中梗係以我哋《古惑仔》死忠Fans九姐最索喇。點解咁鍾意白色頭髮呢?照計白色應該最難表達頭髮層次感架,真係想問問牛佬。另今期第2064期《古惑仔》嘅下期預告,居然寫住「佐維And立花正仁各持木刀,預算藉此直搗趙家山莊」,唔係嘛,劈友居然擸木刀?我知兩個都係神人級殺手,但都唔係諗住老牛都無把就可以成功行刺趙繼邦呀? 相關資訊《古惑仔》賀年海報點解釘埋一齊?《同擔日月天》又關甘尚武事? (Jan 26, 2017) 抵讚!立花正仁翻生!牛佬呼籲讀者換「生離版」重修本! (Dec 10, 2015)

Read more ›

《古惑仔》送神之殺手海報 佐維著老西好斯文
by / on 22/09/2017 at 8:00 am

《古惑仔》送神之殺手海報 佐維著老西好斯文

繼「武神太子」同「地中海」之後,今期第2063期《古惑仔》又送《立花正仁And佐維》海報,多謝牛佬!海報底頁係古惑仔俱樂部網聚相片圖輯,望相發覺都幾人才鼎盛吓,場面好熱鬧,下次再有機會,睇怕我都要參加。至於主角咯喎,立花正仁就畫得一貫地靚仔;至於佐維咯喂,造型好有新鮮感,佢不嬲著開運動衫任由一隻衫袖飄飄吓架嘛,印象中未見過佢著老西打呔,依家登時斯文咗唔少! 相關資訊終於買得起!3D聶風火麒麟海報$200! (Oct 24, 2017) 余兒推出海報每張$100 《今晚打喪屍》作品展限定 (Oct 11, 2017)

Read more ›
脆脆哋,《古惑仔》送聖誕卡!
by / on 23/12/2013 at 6:15 pm

脆脆哋,《古惑仔》送聖誕卡!

當真光陰似箭,日月如梭……我檯頭仲擺住隨《古惑仔》奉送嘅2012年聖誕卡,陳浩南加大飛做主角擺《Gangnam Style》Pose,唔覺唔覺話咁快又一年,過兩Day又聖誕節,人又老多一年嘞。 相關資訊漫畫Buddy聖誕優惠套裝 漫畫+聖誕卡+Postcard有齊 (Dec 11, 2017) 新城市廣場Lego Store開幕 買泰姬陵兼攞Mini-figure聖誕卡 (Dec 5, 2017)

Read more ›