Post Tagged with: "余兒"

喪屍圍西貢 創造館小說《異人》不日推出
by / on 02/11/2017 at 9:15 pm

喪屍圍西貢 創造館小說《異人》不日推出

余兒打骰嘅出版社「創造館」又新作品《異人》推出喇,作者係馬菲。今次主角係救護員,地點喺西貢,講佢哋執勤完發現西貢變天,一街喪屍,惟有建立偏安社區苟且生存,點樣喺「異常環境」下堅守「正常人格」,就係呢本小說要講嘅嘢。係呀又係喪屍呀,悶?應該唔會,因為我實在太Like喪屍題材,真心好期待。 相關資訊【有片】超有氣氛 山梨縣「小菅村」變喪屍村落 (Oct 23, 2017) 【新片速報】日本喵星人勁似喪屍 攝入門隙片Twitter熱傳 (May 26, 2017)

Read more ›

余兒《今晚打喪屍》作品展 推出畫板每張$1200
by / on 16/10/2017 at 9:15 pm

余兒《今晚打喪屍》作品展 推出畫板每張$1200

因上周八號風球關係,《今晚打喪屍》作品展雖然如期今日開始,但個Opening就好搞笑地要延至本周六嘞,唔緊要嘞,要捧場嘅一定捧場,遲啲就遲啲喇。另外,咗大一大張Poster外,展覽仲有其他精品出,就係燈燈凳凳……最多漫畫迷鍾意收藏嘅畫板嘞,余兒喺面書登咗幅相Show過吓啲畫板,齋睇相已幾可肯定批畫板極高質,每張盛惠$1200。我…….好想要。 相關資訊漫畫版《今晚打喪屍》出海報 有身無頭係邊個? (Apr 27, 2017) 有片:正呀喂!《今晚打喪屍》電影預告喪嗌主角名! (Apr 12, 2017)

Read more ›
余兒推出海報每張$100 《今晚打喪屍》作品展限定
by / on 11/10/2017 at 3:45 pm

余兒推出海報每張$100 《今晚打喪屍》作品展限定

早幾日報導過余兒會搞番個《今晚打喪屍》作品展,仲話屆時有產品推出添。係乜產品?暫時所知先有海報。余兒剛剛喺面書登咗相,仲自己出埋鏡做Model,有晒比例見到張海報有幾大張,每張$100,畫展期間限定,我好想要。 相關資訊終於買得起!3D聶風火麒麟海報$200! (Oct 24, 2017) 《今晚打喪屍》作品展 仲有Tee同Tote Bag要搶 (Oct 17, 2017)

Read more ›
余兒《今晚打喪屍》作品展 睇原畫買埋親筆畫板
by / on 08/10/2017 at 7:15 pm

余兒《今晚打喪屍》作品展 睇原畫買埋親筆畫板

係好令人鼓舞嘅,余兒《今晚打喪屍》由小說開始,到漫畫,到電影,佢話「《今晚打喪屍》已成為本地喪屍品牌」,係無講錯嘅。既然咁正斗,就一於唔好俾佢停,嚟緊會有個《今晚打喪屍》作品展,展出多幅小說同漫畫原畫,大家記得去朝聖打卡。另,屆時Wah Kee、faminik同Felix Ip會即場畫喪屍畫板發售,獨一無二,要搶! 相關資訊聯乘東方表行畫鐘表 Felix Ip好型仔呀 (Sep 26, 2017) Felix Ip x Pen So開繪本大師班 一堂過分享創作心得 (Aug 11, 2017)

Read more ›
有片:聽歌+睇畫 《九龍城寨──場景故事畫集:浪漫大逃亡》主題曲
by / on 28/09/2017 at 4:15 pm

有片:聽歌+睇畫 《九龍城寨──場景故事畫集:浪漫大逃亡》主題曲

仲記唔記得書展期間余兒為谷書,《九龍城寨──場景故事畫集:浪漫大逃亡》附送人手錄製嘅同書名主題曲錄音帶一盒?家陣喺YouTube有得聽喇。Ziyan Tung主唱,配Pen So嘅畫,主題曲有故事,故事有如此解釋──「女主角藍男,憑歌寄愛向男主角火兒隔空唱出心聲。藍男重遊每一處她曾與火兒到過的土地,把目光所及的九龍城寨各式場景,逐一描摹:櫛比鱗次的奇特建築群、富有特色的店舖、故事中虛構的環境……觸景,見情。」唔係吹水,歌係唱得幾好聽嘅,歌詞亦OK,睇畫聽歌一次過,意境即時高晒,個腦有晒畫面呀喂,唔信自己聽吓。 相關資訊Pen So x Audi畫車 Showroom有得睇 (Aug 31, 2017) 動漫基地《較‧量──香港漫畫力量》 Pen So+謝森龍異Art Jam (Jul 11, 2017)

Read more ›
余兒賣定一年廣告 2018年7月出《龍頭》
by / on 23/08/2017 at 4:01 pm

余兒賣定一年廣告 2018年7月出《龍頭》

啱架,早啲賣定廣告無衰,余兒將會喺7月推出《龍頭》,故事簡介──「以菩薩心腸行霹靂手段,梟雄之崛起,傳奇之誕生!一代神人龍捲風發跡史,龍城幫與青天會的鬥爭,始於那個狂吼的五十年代。」算唔算《九龍城寨》別傳?有啲期待。不過唔該留意番,係7月,係,你無睇錯我都無寫錯,係2018年7月,余兒喺面書好搞笑咁話:「咁快公布出版日期,係因為有時睇戲見到預告講定明年幾月幾日上映,感覺好型,所以又學下人。最重要係,公布咗日期就唔可以撻,可以迫自己快啲開工,一撻就好衰仔,雖然我唔怕做衰仔。」哈哈,加油呀余兒!支持你! 相關資訊余兒 x Pen So 《九龍城寨》2017年有新搞作 (Jan 4, 2017) 拍電影喇!余兒《今晚打喪屍》煞科戲召募100隻喪屍! (Dec 22, 2016)

Read more ›

動漫基地Art Jam 八大畫手創作《茂蘿巴屍打聯盟》
by / on 02/08/2017 at 7:27 pm

動漫基地Art Jam 八大畫手創作《茂蘿巴屍打聯盟》

留意番,動漫基地又有Event喇,今次都係Art Jam,由謝森龍異、Pen So、柳廣成、林祥焜、小雲、曹志豪、袁家寶同Felix Ip即場聯手繪畫巨型漫畫《茂蘿巴屍打聯盟》,故事藍本由《今晚打喪屍》余兒打造。茂蘿係乜?動漫基地喺灣仔茂蘿街吖嘛,叫食番個主題咁囉。大家可以親臨現場睇佢哋作畫,相信都會係個唔錯嘅體驗,抽唔到時捧場嘅,到時都會有facebook live,開心喇。 相關資訊睇淡彩靚畫 陳順康《拇指姑娘失蹤探案繪本插畫展》 (Nov 14, 2017) 李健良動漫基地搞《古生命》工作坊 教小朋友畫公仔 (Nov 8, 2017)

Read more ›
《今晚打喪屍》刪減片段曝光 睇埋無壞
by / on 29/07/2017 at 10:00 am

《今晚打喪屍》刪減片段曝光 睇埋無壞

有無捧余兒《今晚打喪屍》場?我好多Friend都有睇,唔講大話,讚同彈各半,有人讚Cult得嚟夠本土有創意,有人彈劇情支離破碎浪費好演員。Anyway,藝術嘅嘢,各有各睇法喇,呢條News唔係影評,想講嘅係余兒喺面書釋出咗刪減片段,兼有留言曰:「大家經常問,點解電影裡面土炮武器製作的場口比較少,其實有一段被刪減的合成CG,未完成時做了戲份調整……動畫中的武器組裝,我們試用上九十年代日系機械人合體的方法表現……」憑空想像,如果加埋呢段未曝光呢段,大家又會唔會對《今晚打喪屍》改觀? 相關資訊書展推硬皮別注版《今晚打喪屍》漫畫 送Tote Bag+Game Card (Jul 19, 2017) Felix Ip書展出《Robox Sketchbook 2》 (Jun 28, 2017)

Read more ›
買《九龍城寨──場景故事畫集:浪漫大逃亡》 送主題曲錄音帶
by / on 17/07/2017 at 9:45 pm

買《九龍城寨──場景故事畫集:浪漫大逃亡》 送主題曲錄音帶

成壇嘢當真好浪漫!有時真係要佩服余兒,買書送錄音帶都算係好橋,雖然我唔知道有幾多人屋企仲有Cassette機。講緊乜?講緊將喺書展推出嘅硬皮精裝《九龍城寨──場景故事畫集:浪漫大逃亡》,為谷書,余兒決定送頭100個讀者獨一無二卡式錄音帶,錄音帶收錄咗同書名主題曲,每本$160。聽清楚,每盒錄音帶都係全人手錄製,帶過帶,唔知余兒用咗幾多時間呢?錄完又有無手都震埋呢?Anyway,如此有心,係值得畀Like嘅,而我,亦好想聽吓首主題曲唱成點。 相關資訊聽歌:《今晚打喪屍》主題曲《雙截龍》白只原來唱得兩嘴 (Jun 20, 2017) 跟進番:請鼓掌 白水《嘔電傳真機》眾籌成功 (Jun 14, 2017)

Read more ›
復刻《龍虎門》有缺失 怪碼出唔到個「嫩」字?
by / on 11/07/2017 at 9:00 am

復刻《龍虎門》有缺失 怪碼出唔到個「嫩」字?

忙,今日先得閒啲睇今期第192期復刻《龍虎門》,封面王小虎單挑醉魔,Nike眉、大眼睛、朱古力式腹肌、靚到爆肢體動作,Everything is OK,But,睇到尾有瑕疵,就喺封底「下集預告」一欄,寫住:「一個老,一個『__』,沙灘上一場生死決鬥,唔睇點得?」呢個位出事嘞,「__」個位無咗隻字喎,估計係個「嫩」字,不過變咗怪碼出唔到。嗯,雖然只屬小小缺點,但望余兒都要正視吓,唔好再出錯。 相關資訊網圖分享:白冰的Q版港漫角色 (Oct 12, 2017) 網圖分享:幪超降龍十八腿 Chan Hon Chung心機之作 (Jun 8, 2017)

Read more ›
《九龍城寨》完結篇書展推出 加推連書盒Boxset版
by / on 09/07/2017 at 12:00 pm

《九龍城寨》完結篇書展推出 加推連書盒Boxset版

有始有終,《九龍城寨》小說終於畫上完美句號,第四期完結篇將會喺書展推出,售$70兼送海報,屆時大可以搵余兒簽名兼影相。後知後覺依家先知係好嘢?Fine,唔怕,有一至四期連書盒Boxset版,售$300,有買開頭三期嘅,齋買盒方便收藏都得,每個$80,限量100個。 相關資訊《今晚打喪屍》漫畫化 誰是主筆等余兒開估 (Nov 8, 2016) 以Cult片為主題 Faminik開畫展《Kensington Gore》 (Oct 5, 2016)

Read more ›

漫畫版《今晚打喪屍》封面曝光 6月23日見街
by / on 15/06/2017 at 11:15 pm

漫畫版《今晚打喪屍》封面曝光 6月23日見街

千呼萬喚始出來,漫畫版《今晚打喪屍》封面曝光,主角揹住個高達盾牌背囊好鬼死型呀喂,余兒喺面書話:「葉Sir今次風格大變,一睇個封面就知有別於以往嘅香港漫畫。」又話:「……之前葉sir同小弟都講過,今次想搞一本唔太港漫嘅港漫,風格同包裝上要求變,但故事同對白就要本土。」對白係點未睇到,但封面用色同構圖係有啲驚喜嘅,感覺有啲似電影海報,而非一般港漫封面。一期完,《今晚打喪屍》場景設定喺油麻地,而非原著小說嘅旺角同富山村,但書中角色用番小說人物,獨立成漫畫睇一樣睇得明,每本$98,6月23日見街。不厭其煩講多次,請支持本土創作,呢一舊水,唔好慳。 相關資訊《今晚打喪屍》終極預告 白只+張繼聰大嗌:雙龍殺! (Jun 7, 2017) 葉偉青開首個機械人畫展 買原稿返屋企 (Mar 9, 2017)

Read more ›
余兒設立「創造會」 年費$100送漫畫+戲飛+Tote bag
by / on 12/06/2017 at 1:00 pm

余兒設立「創造會」 年費$100送漫畫+戲飛+Tote bag

聽清楚,「創造館」阿一余兒吹雞,正式設立「創造會」招收會員,年費$100,一成為會員即送《今晚打喪屍》電影換領證同漫畫,首100位會員再加送限量電影版《今晚打喪屍》Tote bag。一舊水,送漫畫又送戲飛,真係抵到爛。無收余兒錢,但繕啲都要咁寫,唔入會,絕對係你損失。 相關資訊漫畫角色「抜槍射擊速度」比較 野比大雄宇宙最強 (Nov 10, 2017) 【超治癒】「熊貓之穴」長下巴動物Tote Bag 大阪有得買 (Nov 4, 2017)

Read more ›
最本土!最癲喪!漫畫版《今晚打喪屍》四款海報出齊!
by / on 22/05/2017 at 2:30 pm

最本土!最癲喪!漫畫版《今晚打喪屍》四款海報出齊!

正呀喂,好Like「最本土!最癲喪!」呢句口號,一套四款漫畫版《今晚打喪屍》Teaser海報終於出齊,Felix Ip手筆,底色暗紅色調,人物黑白兩色,統統唔見頭,不過學余兒話齋,有睇過小說一定知道畫緊邊個,尤其身形肥肥籮柚兀兀嗰一個,喺書裡面非常搞笑架…… 相關資訊《Robox Sketchbook 2》九折有交易 特攝Sketchbook將連載《漫道月刊》 (Aug 6, 2017) 跟進:Felix Ip《Robox Sketchbook 2》正式開訂 (Jun 30, 2017)

Read more ›
溫定書睇戲 《今晚打喪屍》小說第一、二集$140開賣
by / on 16/05/2017 at 10:00 am

溫定書睇戲 《今晚打喪屍》小說第一、二集$140開賣

合理嘅,話明係小說改編吖嘛,梗係睇完原著小說再入戲院睇戲過癮啲喇。《今晚打喪屍》6月29日上映,想到時睇得投入啲,可以依家先網上訂購番原著小說溫定書,原價第一、二集每本$78,依家優惠價兩本$140,附作者同繪者親筆簽名,余兒仲話到明「可題字、題上款!寫乜都得架」。利申,無收余兒錢,但我真係睇過小說,仲一口氣睇晒兩集添,啲黑色幽默係幾搞笑嘅,值得一撐。 相關資訊支持《神探包青天》!余兒寫包單話好睇! (Sep 13, 2016) 余兒搞「我最喜愛的角色」選舉 撰文替筆下角色拉票 (Aug 24, 2016)

Read more ›