Post Tagged with: "利是封"

俊?邊度俊呀?睇過…… 「賤人新世紀」利是封笑爆嘴
by / on 12/01/2018 at 8:41 pm

俊?邊度俊呀?睇過…… 「賤人新世紀」利是封笑爆嘴

哈哈,望到「賤人新世紀」創作嘅「我真係恭喜你利是封套裝」,我真係不自禁笑咗出嚟,一套分「大美人」、「金將軍」、「28座阿俊」同「周星星」四款,啲對白甚麼「除咗恭喜之外,都唔知應該講乜嘢好。」、「俊?邊度俊呀?睇過……」真係好有親切感,每款有五個,Total有20個,售$38,平均每個唔使$2,抵玩。 相關資訊白水出利是封 青蛙仔大鬧天宮 (Jan 15, 2016) 支持本地創作 撐TubbyFellow利是封 (Feb 4, 2015)

Read more ›

Cuson利是封出場 狗奴必買
by / on 08/01/2018 at 10:41 pm

Cuson利是封出場 狗奴必買

繼續係靚靚利是封推介,今次有請恩愛夫妻Cuson and Miss CaCa出場,三為一體一齊出現喺旺旺利是封裡面,一個咬筆,一個咬叉,一個咬骨頭,都唔知邊個係狗奴邊個係主子咯。家陣開訂,有興趣可以直接PM怪叔叔交收,每套20個$50,報告完畢。 相關資訊怪叔叔的必殺技=猛虎落地勢? (Dec 16, 2017) 只因霆鋒太Chok Cuson抽水畫CaCa掟筆收場 (Dec 5, 2017)

Read more ›
貓奴必買 Stella So利是封每套$40
by / on 04/01/2018 at 10:30 pm

貓奴必買 Stella So利是封每套$40

唔知大家有無鋪儲利是封癮,如果有,Stella So嘅利是封又啱唔啱你心水?每套$40,包「貓肥屋潤」同「貓毛滿屋」兩款各10個,一貫輕鬆跳脫風格,貓奴固然要買番嚟封畀主子,唔係貓奴嘅我都有啲心郁郁。 相關資訊貓奴必備 帶貓出街用Cat-in-the-bag (Jan 16, 2018) 日本貓奴放閃 超幸福貓腳印Twitter熱傳 (Jan 14, 2018)

Read more ›
白熊送上祝福 大泥利是封每套$40
by / on 04/01/2018 at 10:02 pm

白熊送上祝福 大泥利是封每套$40

越來越近農曆新年,我日日都在倒數中,希望快啲到大年初一。各大中小插畫師設計嘅利是封亦相繼出籠,先來有風格清新嘅大泥,每套$40,一套20個,用色開心繽紛,大紅大橙好啱喜慶節日,大家未買利是封的話,可以諗諗。 相關資訊交換聖誕禮物收大泥水杯 有埋自己名唔會藐 (Dec 12, 2017) 撐唔撐先? 大泥 x Teelocker出Teeshirt! (Sep 12, 2017)

Read more ›
文地貓出利是封 畀到人開心感覺
by / on 03/01/2018 at 7:30 pm

文地貓出利是封 畀到人開心感覺

望月曆,仲有個零月就農曆新年,就快又可以收利是封咯喂。文地貓今年推出新利是封,用色其實都好大膽吓,印象中真係唔多見有人用藍色,但佢照用,但勁在整體Match得又好靚喎,好畀到人一種開心嘅感覺。暫時未知幾錢,大家多多支持。 相關資訊叮叮!有漫畫睇!動漫電車啟航! (Aug 5, 2015) 支持本土創作 《溫水劇場》利是封 (Jan 30, 2015)

Read more ›
日本新年利是封   揭開Iron Man頭盔知幾錢
by / on 31/12/2017 at 12:23 pm

日本新年利是封 揭開Iron Man頭盔知幾錢

嚟到新曆新年,又到日本大人派「お年玉」俾後輩嘅時候嘞。「お年玉」即係我哋嘅「利是」,每年日本Twitter都會見唔少搞笑嘅設計款式。今年率先有呢封準備好嘅Iron Man利是封,一揭起Iron Man個頭盔就會見到野口英世,即係1000円啦,如果係5000円嘅樋口一葉(真係好似郭藹明)或者1萬円嘅福澤諭吉應該會更受歡迎嘞!不過點都好過揭開係Robert Downey Jr.嘅。 相關資訊【有片】日本大學生自製 認色調色一條龍 (Jan 18, 2018) 【有片】日本東京好大霧 又再諗起《Silent Hill》 (Jan 18, 2018)

Read more ›

Cuson出利是封 祝大家雞肥屋潤
by / on 15/01/2017 at 7:00 pm

Cuson出利是封 祝大家雞肥屋潤

優良傳統嚟架嘛,講到推出利是封又點會無Cuson份?我就覺得今次Cuson畫得阿港女老婆零舍Cutie,唔知大家又點睇?提早拜年,阿港女老婆咁話喎:「預祝大家雞年雞肥屋潤、處處生雞(機)。」啱聽!利是封每套20個$60,最少買兩套,有興趣自己PM佢喇。 相關資訊有錢就是任性 Cuson作畫「預想馬雲下條預告片」 (Nov 13, 2017) 【有片】Cuson+CaCa賣廣告 痴漢教你借貸攞iPhone X (Nov 8, 2017)

Read more ›
支持本地創作 撐009利是封
by / on 13/01/2017 at 10:00 am

支持本地創作 撐009利是封

越嚟越近農曆新年,又係介紹利是封時間,今次係我好Like嘅插畫師009,花開富貴利是封每包20個$48,落色豐富,構圖好重童話故事Feel,畫風屬惹人好感嘅繪本類別,真心覺得正,有興趣可以PM佢。 相關資訊009x智源書局 舉辦《Chemical Action》畫展 (Oct 24, 2017) 009 8月19日現身apm 開《龍城雲集》分享會 (Aug 18, 2017)

Read more ›
阿塗推出利是封 掂過碌蔗
by / on 09/01/2017 at 9:00 pm

阿塗推出利是封 掂過碌蔗

就快過農曆新年,阿塗推出「年年有餘」、「大吉大利」同「掂過碌蔗」三款利是封,當中我最Like後者,當碌竹係雙截棍咁舞,有氣勢,利是封背連埋接口可以拼出一個「掂」字,好意頭呀喂。價錢方面,預購價各款每包20個各$50,套餐價分兩個收費,「咪走雞」套餐有齊三款各20個,總共60個$120;「吹雞嚟買」套餐有齊三款各40個,總共120個$220,買得越多越平,支持吓阿塗啦喂。 相關資訊努力!奮鬥!阿塗出2018年曆Postcard! (Dec 16, 2017) 行「暖暖漫展。冬日市集」買2018月曆 (Nov 28, 2017)

Read more ›
孖寶裝《新著龍虎門》1月19日見街 送利是封每本$60
by / on 06/01/2017 at 9:45 am

孖寶裝《新著龍虎門》1月19日見街 送利是封每本$60

每年見到玉皇朝賣利是封廣告,即係代表農曆新年就快到嘞,今年孖寶裝《新著龍虎門》鐵定1月19日出版,特別版分「龍虎三皇戰無不勝」同「神威虎猛天下無雙」兩個專刊版本,各附送一套八個利是封,各售$60。兩套利是封有乜唔同?無唔同,都係龍虎三皇、王風雷、戒仔、石鐵、王小鷹加韋陀做主角,淨係底色一紅一黃有分別咁解啫。抵唔抵買?梗抵!計死數,孖寶裝即係一書兩期內容,《新著龍虎門》依家賣緊$19,兩期內容即係本身已經值$38,$60減$38即係$22,$22除8,即係每個利是封唔使$3,咁你話抵唔抵嘞? 相關資訊網圖分享:頭七已過 悼陳傲雲之死 (Jan 16, 2018) 《新著龍虎門》陳傲雲真的死了 兒戲兼求其 (Jan 11, 2018)

Read more ›
山雞變鳳凰 白水出2017利是封每個$2.5
by / on 06/01/2017 at 9:00 am

山雞變鳳凰 白水出2017利是封每個$2.5

時間過得好快,仲有唔夠一個月就農曆新年,又係時候買利是封,吓?未有資格派?咁儲有資格嘞啩?溫水2017雞年山雞變鳳凰利是封正式開賣,白水份人都坦白得好可愛,喺面書留言曰:「純粹係自己用唔晒,同想搵人分擔印刷費!」山雞變鳳凰,好意頭吖!Fine,有興趣嘅就私底下PM佢喇,一買最少60個起,限量300個,每個$2.5,抵撐。 相關資訊書展必搶《七十二行》實體書 (Jul 9, 2017) 網圖分享:Eric Ng的面書版「七十二大圖集」 (Jun 29, 2017)

Read more ›

【新年小感動】日本超感人利是封      暗藏催淚漫畫
by / on 01/01/2017 at 1:57 pm

【新年小感動】日本超感人利是封 暗藏催淚漫畫

【新年感人小故事】日本超感人利是封      暗藏催淚彈漫畫故事 首先祝各位讀者新年快樂,2017繼續有機打有嘢玩!日本小朋友今日有「お年玉」(利是) 收,人人都好開心嘞,有網民放咗呢款好特別嘅利是封上Twitter,正面睇無乜嘢,原來細節喺背面,後面有一格格嘅漫畫,可以拉背面嘅機關睇到,而且個故事好長,講一個少女由細細個收到屋企人俾嘅利是開心到跳起,到10年後新年唔同屋企人過,再10年後新年忙於工作,然後婆婆離世一刻,依然留咗封利是俾佢。再之後就係10年後佢為人母親,封咗封利是俾自己嘅小朋友。大人細路睇都會好感動。人生有幾個10年?2017記住多啲愛錫屋企人呀! 相關資訊日本喵星人扭蛋 捕捉狩獵一刻全神貫注 (Jan 18, 2018) 日本時裝網站超強演繹 長褸唔著用嚟拎 (Jan 18, 2018)

Read more ›
【睇樣知幾錢】日本超創意利是封      新垣結衣變銀紙樣
by / on 01/01/2017 at 1:15 pm

【睇樣知幾錢】日本超創意利是封 新垣結衣變銀紙樣

日本人今日有利是收,如果係呢個利是封,肯定會更開心嘞。日本有網民設計咗3款利是封,挑空咗頭部位置,銀紙上嘅野口英世先生個樣顯露咗出嚟,睇樣就知自己收到幾錢利是嘞。3款之中,最好效果係《逃避雖可恥但有用》嘅新垣結衣,隻手指好出,另外仲有ピコ太郎同《你的名字。》,啲相放上Twitter兩個鐘已經有6萬個RT,好誇張。不過如果入面嘅人頭係1萬円嘅福澤諭吉,相信收嘅人會更開心嘞! 相關資訊【有片】隨時嘟錯俾錯錢 中國租單車有假QR Code (Jan 17, 2018) 超靚日本Memo紙 撕開一層層出現「清水寺」 (Jan 17, 2018)

Read more ›
Kit Man出利是封 另類祝福語型到一個點
by / on 07/12/2016 at 10:00 pm

Kit Man出利是封 另類祝福語型到一個點

雖然只得打稿未有實物,但如果你一向都Buy阿Kit Man兄手字同「主張」,咁就有必要幫襯佢買利是封,一袋四款各20個,黃底黑字好Sharp醒,分別印上「年年有種」、「歲歲不屈」、「霸氣洋洋」同「志氣勃勃」等字眼,試想像吓收利是嗰陣見到呢四句另類祝福語,真係多麼的出類拔萃,多麼的型到一個點。價錢?唔同購買方法有唔同價錢,自己PM佢,都係嗰句,請支持本地創作,報告完畢。 相關資訊白水利是封,很想要吧? (Jan 12, 2015) 網圖分享:表態筆伐 港漫人的心聲(十一) (Nov 13, 2014)

Read more ›
港女老婆CaCa維園擺年宵 搵Cuson畫親筆畫
by / on 05/02/2016 at 8:27 pm

港女老婆CaCa維園擺年宵 搵Cuson畫親筆畫

今年無年三十晚,計埋今晚,想行年宵就得番三晚時間,今晚打算行維園年宵的話,大可以去123號攤檔Look Look,事關Cuson同佢靚靚港女老婆CaCa會駐場,搵佢哋影相就應份架啦,Cuson咁好人,順便要求佢喺利是封畫個親筆畫,相信佢都唔會詐型。咁當然,梗要幫襯吓喇。 相關資訊網圖分享:Cuson的痴漢之日常系列 (Sep 20, 2017) 網圖分享:港漫人出圖望颱風快快走 (Aug 28, 2017)

Read more ›