Post Tagged with: "創造館"

買《九龍城寨──場景故事畫集:浪漫大逃亡》 送主題曲錄音帶
by / on 17/07/2017 at 9:45 pm

買《九龍城寨──場景故事畫集:浪漫大逃亡》 送主題曲錄音帶

成壇嘢當真好浪漫!有時真係要佩服余兒,買書送錄音帶都算係好橋,雖然我唔知道有幾多人屋企仲有Cassette機。講緊乜?講緊將喺書展推出嘅硬皮精裝《九龍城寨──場景故事畫集:浪漫大逃亡》,為谷書,余兒決定送頭100個讀者獨一無二卡式錄音帶,錄音帶收錄咗同書名主題曲,每本$160。聽清楚,每盒錄音帶都係全人手錄製,帶過帶,唔知余兒用咗幾多時間呢?錄完又有無手都震埋呢?Anyway,如此有心,係值得畀Like嘅,而我,亦好想聽吓首主題曲唱成點。 相關資訊余兒賣定一年廣告 2018年7月出《龍頭》 (Aug 23, 2017) 動漫基地Art Jam 八大畫手創作《茂蘿巴屍打聯盟》 (Aug 2, 2017)

Read more ›

余兒設立「創造會」 年費$100送漫畫+戲飛+Tote bag
by / on 12/06/2017 at 1:00 pm

余兒設立「創造會」 年費$100送漫畫+戲飛+Tote bag

聽清楚,「創造館」阿一余兒吹雞,正式設立「創造會」招收會員,年費$100,一成為會員即送《今晚打喪屍》電影換領證同漫畫,首100位會員再加送限量電影版《今晚打喪屍》Tote bag。一舊水,送漫畫又送戲飛,真係抵到爛。無收余兒錢,但繕啲都要咁寫,唔入會,絕對係你損失。 相關資訊《今晚打喪屍》刪減片段曝光 睇埋無壞 (Jul 29, 2017) 爆炸點樣畫?日本漫畫家示範由圓形開始 (Jul 28, 2017)

Read more ›
《九龍城寨》典藏版封面曝光 2017年電影化
by / on 07/07/2016 at 9:00 am

《九龍城寨》典藏版封面曝光 2017年電影化

司徒劍僑Fans留意,嚟緊喺書展推出嘅《九龍城寨》典藏版第一期封面正式曝光,7月20日準時課金喇。另外,「創造館」阿頭余兒搞作多多,繼《今晚打喪屍》將會改編成電影後,《九龍城寨》亦宣佈喺2017年電影化,余兒喺面書標出兩句好威猛嘅Slogan──「暗黑王道話題作,熱血衝擊大銀幕」,此言一出,讀者紛紛讚好,仲就選角問題提供意見,有人話搵徐錦江做大老闆,有人話搵張耀揚做信一,聽落都OK喎。 相關資訊復刻《龍虎門》有缺失 怪碼出唔到個「嫩」字? (Jul 11, 2017) 《九龍城寨》完結篇書展推出 加推連書盒Boxset版 (Jul 9, 2017)

Read more ›
《九龍城寨》小說第三期 十二少吉祥HeHe味濃
by / on 23/06/2016 at 11:30 pm

《九龍城寨》小說第三期 十二少吉祥HeHe味濃

臨近書展,出版社「創造館」有新書推出,作為阿頭嘅魚兒將會推出《九龍城寨》小說第三期〈想忘於江湖〉,相比第二期〈龍城第一刀〉,封面畫風簡直南轅北轍。第三期封面由十二少搭吉祥掛帥,落色予人好陰沉嘅感覺,十二少差不多隱沒黑暗之中,而吉祥把紅色頭髮卻異常搶眼,對比都好強烈吓。我幾Like呢隻畫風,不過身邊朋友就話兩人面相女咗啲,HeHe味都幾濃喎。 相關資訊鄭立書展出《光輝歲月》小說 王一心惡戰小志強 (Jul 18, 2017) 漫畫版《今晚打喪屍》封面曝光 6月23日見街 (Jun 15, 2017)

Read more ›
小說/畫集/漫畫?《九龍城寨》大復活!
by / on 11/05/2016 at 9:45 pm

小說/畫集/漫畫?《九龍城寨》大復活!

唔多,真係得兩句咁大把啫,「創造館」阿頭余兒喺面書留言曰:「絕對係劍僑新稿!7月盛夏,《九龍城寨》大復活!」此言一出,人人都舉手讚好,仲估以乜嘢形式推出,有人估係《九龍城寨3》,有人估會推出畫集,有人估出小說。而余兒呢?並無交代進一步詳細資料,只係登咗兩幅司徒劍僑新稿畀大家止吓咳,一幅係陳洛軍,一幅係藍男。咁好吊癮啫,嗯……「7月盛夏」?撞啱書展檔期,我就估出小說嘞,唔知有無估錯呢? 相關資訊網圖分享:Eric Ng的面書版「七十二大圖集」 (Jun 29, 2017) 最本土!最癲喪!漫畫版《今晚打喪屍》四款海報出齊! (May 22, 2017)

Read more ›
余兒威威!《今晚打喪屍》改編成電影!
by / on 15/03/2016 at 8:45 pm

余兒威威!《今晚打喪屍》改編成電影!

訪問過出版社「創造館」阿頭余兒,畀我感覺係個彬彬有禮、肯為夢想堅持到底嘅人,既係港漫編劇,一心想做小說作家,就不停寫寫寫,小說《今晚打喪屍》實際賣幾多書唔知,但惹嚟迴響係鐵一般事實。堅持到底,家陣終於有成績嘞,《今晚打喪屍》將會改編成電影版,監製係《打擂台》鄭思傑、導演係《喪屍血滴子》盧煒麟,主角係白只同張繼聰,前導海報已經見街,擒晚仲舉行咗影視展發佈會添。呢鋪真真落實架嘞,唔係得個吹字,呢套Cult片一定開拍,余兒,恭喜你呀,到時一定入戲院捧你場。 相關資訊本周電影觀後感:笑一下就好 《姊妹欲蒲團》 (Aug 2, 2017) 書展推硬皮別注版《今晚打喪屍》漫畫 送Tote Bag+Game Card (Jul 19, 2017)

Read more ›

《復刻龍虎門》三皇殿堂錢幣開訂 一書三幣$88
by / on 26/12/2015 at 3:30 pm

《復刻龍虎門》三皇殿堂錢幣開訂 一書三幣$88

好事吖!原來《復刻龍虎門》咁好賣,初初推出嘅龍虎三皇錢幣金色版,未推出已經斷市,家陣「創造館」食髓知味,推出全新一套三皇殿堂金版紀念幣,暫定隨1月第115期推出,一書三幣每套$88。唔好話唔提醒大家,限量300套架咋,要搶架,速速致電「G.Goal Club」落訂喇。 相關資訊余兒另起山頭 創業出《九龍城寨》小說 (Aug 28, 2013)

Read more ›
復刻《龍虎門》加玉郎信箱,抵讚!
by / on 17/10/2015 at 5:00 pm

復刻《龍虎門》加玉郎信箱,抵讚!

「創造館」阿頭余兒呢鋪抵讚喇,肯從善如流,知道讀者有鋪懷舊癮,除咗隨書附送懷舊海報外,仲即刻喺復刻《龍虎門》第四期加番「玉郎信箱」,不過得短短一頁,硬係好似唔夠喉咁,登多三兩頁都怕喇。睇番「玉郎信箱」,那些年嗰種連汁都撈埋嘅睇公仔書趣味返番晒嚟,嗰陣唔知點解,好多讀者都鍾意問黃玉郎呢兩個問題,一,龍虎三皇你最鍾意邊個?二,估吓我男定女?讀者咪讀者囉,點解要估男定女呢?難得黃玉郎又真係認真估喎,盞鬼! 相關資訊溫定書睇戲 《今晚打喪屍》小說第一、二集$140開賣 (May 16, 2017) 漫畫版《今晚打喪屍》出海報 有身無頭係邊個? (Apr 27, 2017)

Read more ›
復刻《龍虎門》創刊 $17抵睇到爛
by / on 25/09/2015 at 1:30 pm

復刻《龍虎門》創刊 $17抵睇到爛

大鑼大鼓,復刻《龍虎門》終於創刊,橫度封面大大個王小虎擔頭,Nike眉大眼睛、玉郎大帝式肌肉紋理加獨特衫花,拎上手我即時諗:「係嘞,就係呢個Feel嘞。」右上角「龍虎門」三字字體、大圓「99」期數標誌、玉郎商標同「全部七彩每冊港幣十七元正」等字眼,對我等死忠《龍虎門》迷嚟講,真係好有親切感。揭開睇內文,閱讀方向係怪怪哋嘅,初頭睇係有啲唔順手,不過睇多兩三頁就自自然慣。呢本書好抵睇呀,唔怕你話我市井,我興邊爆石邊煲煙邊嘆公仔書,足足半粒鐘先行番出洗手間,久違了的睇公仔書一級享受,復刻《龍虎門》畀到我。要挑剔嘅地方都唔係無,「前文提要」一頁,字體印得異常「萌」,近乎睇唔到嗰隻,希望「創造館」阿頭余兒多加留意,另外,Cut咗昔日專欄睇唔番,有啲可惜。總括嚟講,$17實在抵睇到爛,屬十粒星推介、下期必追買之作。 相關資訊有片:正呀喂!《今晚打喪屍》電影預告喪嗌主角名! (Apr 12, 2017) 今期必買 《香港電影金像獎特刊》+《我們都是這樣看港漫長大的》 (Apr 11, 2017)

Read more ›
創造館復刻《龍虎門》 周刊形式橫度推出
by / on 11/09/2015 at 10:00 am

創造館復刻《龍虎門》 周刊形式橫度推出

係為《龍虎門》死忠Fans,收到呢個消息真係好開心,睇清楚,今次創造館復刻嘅《龍虎門》係由第99期《小流氓》易名《龍虎門》開始,以周刊形式推出,仲要係最原汁原味嘅橫度,售價同依家公仔書睇齊賣$17,並唔係以往推出過嘅合訂本。據知推出日期係9月25日,頭三期會同時推出特別版,據知會附送三皇大頭銀仔,港九報攤有售,並唔係甚麼特約書屋限量版。睇過宣傳廣告,上寫「一神二妖三煞四鬼五怪六騎士,好快就會重現江湖」,個心登時熱一熱,正呀喂! 相關資訊復刻停不了 上官小威復刻《金漫畫》 (Sep 19, 2017) 馮志明《兄弟》同《小偷》 上官小威不日復刻 (Sep 13, 2017)

Read more ›
創造館 x T-Dult 《今晚打喪屍》Tee
by / on 21/07/2015 at 10:00 am

創造館 x T-Dult 《今晚打喪屍》Tee

怕逼人,好多人都會留番今日書展最後一日先撐場,如無意外我都係。如果你有留意開余兒面書,都應該知道佢本小說《今晚打喪屍》已經全部售罄,至於由創造館聯乘T-Dult嘅《今晚打喪屍》短袖Tee,就斷估仲有貨賣,黑色底,粉紅色Z字框裡面喪屍女,望落都幾型仔架,入場買Tee(攤位1A-B08),即送faminik畫板一張,每件$280唔貴,值得入手。 相關資訊網圖分享:Cuson親筆畫相贈 讀者感動喊出嚟 (Jul 25, 2017) 阿塗書展出《圖解廣東話Cantonese.jpg》 留意簽名會 (Jul 21, 2017)

Read more ›

撩撞鬼 《靈探廢墟》帶你闖異域
by / on 02/07/2015 at 10:30 am

撩撞鬼 《靈探廢墟》帶你闖異域

之前出版社「創造館」喺面書免費刊載咗三篇《幽靈x廢墟》,我睇過,都幾高水準,鍾意睇鬼古或靈探嘅朋友應該收貨。依家,出版社決定將之加料成書,《靈探廢墟》標榜「全港靈探廢墟指南,廢墟獵人領軍導讀」,估計以介紹「香港、中國、澳門、台灣、日本同韓國鬼域異域」為主旨,即係去啲鮮為人知嘅廢村呀、廢屋呀、廢礦場呀、廢城呀之類地方影相,然後輔以文字介紹有關鬼古傳聞。題材都幾新穎吓,啲相亦拍得幾陰森恐怖,我幾有興趣入手,每本$98,書展期間去創造館攤位購買有8折。

Read more ›
創造館網上連載《幽靈X廢墟》
by / on 18/03/2015 at 10:00 am

創造館網上連載《幽靈X廢墟》

本人係幾鍾意聽鬼古嘅,之所以每個禮拜六日凌晨,都會哺住收音機聽《恐怖熱線》,而余兒打骰嘅創造館,剛喺面書專頁免費連載《幽靈X廢墟》,第一輯講摩星嶺白屋,都OK有畫面架。

Read more ›
OMG!創造館 x Miss Hunny出寫真 單手揭書!?
by / on 23/02/2014 at 11:00 am

OMG!創造館 x Miss Hunny出寫真 單手揭書!?

點解呀?真心想問創造館阿頭余兒一句:「何苦要同Miss Hunny拉上關係?」我認係有少少偏激架嘞,《婚姻這種邪教》幾好睇吖,《拍子會》雖然未買但我打算撐喎,好哋哋出小說咪好囉,何苦要陪司徒夾帶癲埋一份?

Read more ›
創造館請你睇書,睇啱至買!
by / on 27/09/2013 at 3:54 pm

創造館請你睇書,睇啱至買!

余兒離開一漫年,自組山頭成立創造館,第二部小說作品話咁快出現,《婚姻這種邪教》將於十月底面世,為宣傳,佢賣大包請大家睇小說,先睹為快,睇啱至買。 相關資訊余兒 x Pen So 《九龍城寨》2017年有新搞作 (Jan 4, 2017) 拍電影喇!余兒《今晚打喪屍》煞科戲召募100隻喪屍! (Dec 22, 2016)

Read more ›