Post Tagged with: "劉萬梁"

劉萬梁x崔成安 出紅酒招紙有舞棍Pose
by / on 15/11/2017 at 1:21 am

劉萬梁x崔成安 出紅酒招紙有舞棍Pose

劉萬梁師傅又有新搞作喇,除推出實牙實齒嘅雙節棍同畫集,最新精品有紅酒。係,你無睇錯我都無寫錯,真係推出紅酒。酒樽本身無乜特別,但正在樽身招紙見到劉師傅型仔舞棍Pose,當然又係出自崔成安手筆喇,用《雙節棍連環圖譜》封面複印而成,好鬼型,預計嚟緊12月推出,價錢未定。我唔多好飲酒,但都好想擁有,當精品儲都正呀喂。 相關資訊崔成安雙節棍連環圖譜Poster 一套四張$200開賣 (Nov 4, 2017) 「女神のルビー」Pocky 配紅酒有品味 (Oct 10, 2017)

Read more ›

崔成安雙節棍連環圖譜Postcard 先睹為快
by / on 01/11/2017 at 10:45 pm

崔成安雙節棍連環圖譜Postcard 先睹為快

真係靚到啪啪聲,公仔主角劉萬梁師傅畫得固然靚,連啲毛筆字體都足堪回味,呢套由崔成安繪畫嘅雙節棍連環圖譜Poster,一套四張,會畫齊總共25式雙節棍招式,甚麼鐵打三角、翻山越嶺、虎口換手、先斬後奏、射棍勢,嘩,好型呀,點可能唔買? 相關資訊司徒劍僑送Postcard 獨一無二親筆頭像 (Nov 14, 2017) 周少康「畫出彩龍」展覽 送Postcard同畫報 (Oct 26, 2017)

Read more ›
好消息!《雙節棍連環圖譜》搞多次簽名會!
by / on 05/10/2017 at 9:00 am

好消息!《雙節棍連環圖譜》搞多次簽名會!

崔成安聯乘劉萬梁師傅本《雙節棍連環圖譜》剛喺上周搞完新書簽名會,由於好評如潮,所以決定添食搞多次,日期係10月7日,不過今次移師「李公館」,屆時同樣有新書、特別會場版雙節棍同限量十套嘅李小龍電影系列海報售賣。對我嚟講絕對係好消事,上週因事忙去唔到,今個禮拜六有機會補飛,開心呀喂。 相關資訊上官小威復刻《迷離世界》 崔成安贈畫鼓勵 (May 30, 2017) 網圖分享:港漫人贈畫 鼓勵雷特氏症小朋友(三) (Apr 24, 2017)

Read more ›
《雙節棍連環圖譜》發佈會 搶崔成安電影系列海報
by / on 30/09/2017 at 6:28 pm

《雙節棍連環圖譜》發佈會 搶崔成安電影系列海報

聽日就係《雙節棍連環圖譜》新書發佈會,主角劉萬梁同崔成安會駐場同大家簽名影相吹水,我就一定撐場架嘞。And,提提大家,屆時會發售崔成安李小龍電影系列海報,一套五張分為「唐」、「精」、「猛」、「龍」、「死」,即係取五套電影《唐山大兄》、《精武門》、《猛龍過江》、《龍爭虎門》同《死亡遊戲》第一個字取名,家陣登咗兩張相畀大家睇睇,記住,限量10套,每套$200,要搶! 相關資訊崔成安《龍的傳奇紀念水晶巨型畫板》開訂 一套三款$780 (Apr 5, 2017) 崔成安超巨型海報先睹為快 時鐘變畫框超正 (Feb 5, 2017)

Read more ›
《雙節棍連環圖譜》新書簽名會 買書抽獎送崔成安原稿
by / on 18/09/2017 at 3:52 pm

《雙節棍連環圖譜》新書簽名會 買書抽獎送崔成安原稿

訂咗崔成安聯乘劉萬梁本大作《雙節棍連環圖譜》未?未訂的話,可以喺10月1日親臨新書發佈會買書,屆時兩人會駐場,影相簽名甚至叫劉師傅耍番兩招都問題。記住嘞,已訂書嘅,到場可以領書,未買書嘅,可以即買,另有特別會場版雙節棍、珍藏版木雙節棍、崔成安李小龍水晶畫版同Poster發售。最最最最最重要係,到場買書仲有可以參加大抽獎,有機會奪得崔安《雙節棍連環圖譜》原稿一張,名額五個,嘩!原稿呀,真係諗吓都興奮,好想要呀喂。 相關資訊崔成安《龍的傳奇》畫展 香港無得睇? (Jan 15, 2017) 網圖分享:2016港漫人的聖誕賀圖 (Dec 25, 2016)

Read more ›
有片:崔成安《雙節棍連環圖譜》短片 劉萬梁師傅好像真
by / on 28/08/2017 at 10:00 pm

有片:崔成安《雙節棍連環圖譜》短片 劉萬梁師傅好像真

唔係吹水,真係靚架,崔成安畫嘅《雙節棍連環圖譜》真係靚到啪啪聲架,畫靚人都靚,劉萬梁師傅亦係靚仔啫。為宣傳《雙節棍連環圖譜》,崔成安製作咗條Stop motion漫畫短片,短短哋,加埋配樂,搞到成件事非常有氣勢。留意番,公仔面相同劉萬梁係極相似嘅,還原度極高,不得不服。 相關資訊《武當功法》見街 齋買崔成安封面都抵 (Dec 13, 2016) 崔成安《我的武俠世界》釘裝出錯 歡迎讀者預約換書 (Sep 28, 2016)

Read more ›

《雙節棍連環圖譜》封面曝光 早買送雙節棍袋
by / on 02/08/2017 at 8:30 pm

《雙節棍連環圖譜》封面曝光 早買送雙節棍袋

之前本網站報導過劉萬梁同崔成安一老一少將合作推出《雙節棍連環圖譜》,一個耍棍,一個畫圖,成畫壇美事也。家陣封面曝光,一貫崔成安水準,封面裡面嘅劉萬梁畫得好英偉,我諗劉萬梁師傅本尊應該好開心。此書限量300本,各有獨立編號,首100個購買嘅讀者,會送多個價值$60金龍刺繡雙節棍袋,正呀喂。 相關資訊馬雲新著《鐵拐俠盜》 附戴慶賢插畫要撐 (Sep 22, 2016) 小說《鐵拐俠盜──無價之寶》復刻創刊 崔成安繪畫封面 (Jul 19, 2016)

Read more ›
崔成安x劉萬梁《雙節棍連環圖譜》 送手機環+Poster
by / on 20/07/2017 at 9:00 am

崔成安x劉萬梁《雙節棍連環圖譜》 送手機環+Poster

崔成安同劉萬梁師傅一老一少成莫逆,Friend到唔只贈畫,家陣仲決定合作出書添,《雙節棍連環圖譜》暫定9月出版,由劉萬梁示範十五式雙節棍法,再由崔成安畫番出嚟,有板有眼有根有據,畫面一定好靚。此書有兩個版本,普通版每本$150,送雙節棍連環圖譜手機環;限量版每本$250,送紀念雙節棍,首100個訂購嘅讀者送手機環兼Poster。心郁郁想學雙節棍?大可以親臨劉萬梁師傅打骰嘅「香港雙節棍總會」望望,啱Feel嘅,報名上堂啦,記得讚好專頁兼打卡喎,即送你崔成安漫畫手機環,限量50個,係咪好多著數呢? 相關資訊門小雷《The Blister Exists》後續精品 Tote Bag+Poster+邀請卡要儲 (Jan 23, 2017) 網圖分享:崔成安的《我的武俠世界》系列 (Jun 1, 2016)

Read more ›
崔成安x劉萬梁 密切期待《雙節棍連環圖譜》
by / on 25/04/2017 at 10:45 pm

崔成安x劉萬梁 密切期待《雙節棍連環圖譜》

唔多,齋睇封面啫,我已經決定捧崔成安《雙節棍連環圖譜》場,原因有二,一,崔成安畫功精湛到一個點,畫乜都咁靚,佢出書點可以唔儲?二,叫得圖譜當然要有人示範,而示範者正是靚仔到叮一聲嘅劉萬梁師傅,劉師傅唔係得個殼,靚仔就梗,功夫亦係實牙實齒揮灑自如嗰隻,唔信可以去YouTube搵佢啲短片睇睇。一個示範,一個畫,誠完美組合也,真心Mode拭目以待。 相關資訊網圖分享:木頭上的風雲/馬Sir/華英雄 崔成安贈畫馬榮成 (Apr 11, 2016) 大渡x鳯凰電子飛鏢機 出李小龍圖案Phoenix Card (Apr 3, 2016)

Read more ›
真心正!崔成安開「龍的傳奇」畫展!
by / on 10/01/2017 at 8:00 pm

真心正!崔成安開「龍的傳奇」畫展!

無聊瀏覽面書,發覺崔成安早幾日貼咗張海報出嚟,大大隻字寫住「龍的傳奇 崔成安漫畫俠系列作品展」,Wow,正呀,淨係張Poster都已經正到啪啪聲,到時喺畫展現場睇原畫仲得了嘅?崔成安仲登多一張相,內有佢本尊與幾幅裝裱好畫框嘅原稿,我留意到當中有一幅係畫畀劉萬梁師父嘅原稿添呀,估計呢啲就係展品嘞。Coming soon,究竟Soon到幾時呢?真真拭目以待。 相關資訊大渡2016聚餐 漫畫價先開賣+飛鏢機試玩 (Mar 30, 2016) 網圖分享:猴年伊始 港漫人新年賀圖 (Feb 8, 2016)

Read more ›
好葡萄!崔成安贈畫劉萬梁師父!
by / on 29/12/2016 at 9:00 am

好葡萄!崔成安贈畫劉萬梁師父!

好葡萄!崔成安對劉萬梁師父真係好,成日畫親筆畫送畀佢,之前已經見過幾幅,啱啱又有兩幅新作嘞,真係羨慕死人。唔係求其亂畫架,幅幅都跟足劉萬梁師父面相畫,姿勢動作固然似,眼神表情亦有神髓,崔成安手畫真係無懈可擊。講番劉萬梁師父,除咗耍雙截棍厲害外,佢仲有一個優點──靚仔!唔係吹水,有相為證,你可以話啲相影得好Chok,但事實係唔係人人都Chok得起;功夫呢?口講無憑,可以上YouTube搵佢啲片睇睇,黑暗中舞螢光雙截棍,堪稱型到一個點。 相關資訊【有片】日本喵星人沉迷上YouTube 後腳伸直好識嘆 (Nov 14, 2017) 【新片速報】哈利王子被偷爆谷 可愛妹妹做賊仔YouTube熱播 (Sep 29, 2017)

Read more ›

有片:大渡聚餐2016 雙截棍表演助慶
by / on 05/04/2016 at 6:25 pm

有片:大渡聚餐2016 雙截棍表演助慶

之前報導過嘅大渡聚餐2016,越來越節目豐富,繼推出Phoenix Card之後,最新消息當晚會加插雙截棍表演。表演者劉萬梁師傅,係「東方體育會」同好多電影嘅動作導師,一身肌肉就梗,難得在仲幾靚仔添。唔係花拳繡腿得個殼架,上網摷到佢舞螢光雙截棍嘅短片,有姿勢有實際,好型呀。 相關資訊《BRUCE’S ART》畫集有Part Two 貼紙雙截棍開售 (Oct 28, 2015) 雙截棍放鏡頭 玩危險外露 (Jun 17, 2014)

Read more ›